كى.جى.وان محاورات المصريين

[disappointed]

ياترى.....

لو كان منتدى محاورات المصريين موجود منذ ان كنّا أطفالا أو فى الـــ كى.جى.وان كان حتبقى أشكالنا ايه؟؟؟؟

خلّونى أتخيّل أشكالنا و احنا أطفال , وما تنسوش.... ان احترامى و حبى وتقديرى ليكم كلّكم فوق الوصف , فاللى يزعل من صورته اللى اخترتها لتعبّر عن تصوّرى له و هو طفل يبعث لى على الميسينجر وانا أعتذر له علنيّا و أشيل صورته....احنا كلنا اخوات و حبايب

يالا...

توكّلنا على الله

خلّونا نبتدى

دى صورة جماعية لأعضاء كى.جى . وان محاورات المصريين

دى صورة هشام عبد الوهاب و هو يستعد للبس البذله والببيونه علشان يحيى حفلة آخر السنه لتخريج دفعة كى.جى.وان محاورات المصريين

دى صورة العبد لله المحبط لمّا الــ"ميس" طلبت منه يلقى كلمة عن آماله كطفل فى مصر المستقبل....(طبعا العبد لله شعره ولون بشرته اغمقّوا كثير من أيّاميها بفعل حرارة الجو السياسى العام الملتهبة)

"حشيش" فى أثناء الفسحه

حيزوم و حمزاوى و عزام سلفى

سيد مرزوق (قبل أن يقلع عن التدخين) وهو يدخن فى الخباثه مع لفيف من أصدقائه بعد وضع ناضورجى على باب الفصل

ايجيبت5 وهو يقوم باتصالاته مع وكيلة المدرسة من أجل ايصال مشروعه(الشريحة الالكترونية) الى ناظرة المدرسة

مسلمة ايجيبشيان تشتكى فى هدوء و رقة و وداعة الى دبدوبتها بعد أن زعّق ليها أحد زملائها و زعّلها

شعنونه فى أول يوم لها فى كى.جى.وان محاورات المصريين

شعنونه وهى فى أولى ابتدائى محاورات المصريين أثناء مناقشتها مع سائق الباص (لأنه اتضح ان المينى باص بتاع المدرسة بتاعها هيّه ومتأجّر منها من الباطن والسوّاق واكلها فى الايراد)

فري فرير فى حالة تأمّل وتركيز مع الكرة التى تم تصميمها على شكل الكرة الأرضية قبل أن يقوم باصدار أول عدد من مجلة الحائط بعنوان "أخبار وتخاريف" ليتم تعليقها على حائط البهو الرئيسى لــ كى.جى.وان محاورات المصريين

الأفوكاتو يستعد لمرافعته فى الدعوى المرفوعة من أجل تجريم قيام بعض المسئولين فى الوزارة بمحاولة وضع يدهم على حوش المدرسة لتجريفها

وايت هارت يقوم باعداد مجلّة المدرسة على الفوتو شوب

فيروز وهى مشتبكة فى مشادة حوارية مع حيزوم و حمزاوى حول ما اذا كان المارشميللو و الدونتس حلال أم حرام

لايت هاوس و نورا و زهرة

"أمير" يرقد فى دعة و سلام بعد مشاركته فى أحد الحوارات الداعية الى التعايش بين كل تلاميذ الفصل

سى السيد و جورج و سكوربيون

سلوى

كليو

أخناتون يتطلّع الى المستقبل

ست أمينه

الطفشان يبدى مشاعره بكل وضوح و صراحة لوزير التربية و التعليم أثناء زيارته للمدرسة , ويقرّر بعدها أن يطفش من المدرسة و يلتحق بمدرسة أخرى فى بلد أخرى تقدّر آدميّة تلاميذها

خلاص....

الجرس ضرب....

مروااااااااااح

[se_ Elsyed]

معليش يا محبط هو انا مين في التلاتة دول ؟ ( أوعى تقول الأخضر اللي ماستواش اللي على اليمين ده )

[se_ Elsyed]

بس أجمل صورة هي بتاعت ست أمينة ... تصدق سبهها بالظبط يا محبط أوعى تكون هي اللي باعتهالك ؟

وأحلى صورة معبرة هي صورة شعنونة الاولانية أم شعر منكوش ... سكر .

- والصورة اللي فى الجون .. صورة حشيش بعد ماكان عامل دماغ ومتسلطن .

- اما صورة فيروز فهأحتفظ بالتعليق لنفسي .. ( إحساسي بيقولي إن فيروز هاتزعل من محبط بسبب الصورة دي ) ( وش بابور جاز )

[achnaton]

وبتقول محبط .!!! أمال لو كنت متفائل كنت أتخيلت إيه .. ؟؟ وحسب ذاكرتك الفولاذية دى .. هو الأستاذ عادل ابو زيد ما كانش معانا فى المدرسة دى ولا إيه .. ؟؟ والملك الشهير بأسم اتش عبد الوهاب .. كان معتزل فى السنة دى ؟؟ ما تصحصح معانا مادام دخلت دائرة التفائل ومسمعش كلام اخونا " حشيش " الا أيامها برضه كان مولع كده .؟؟

[amir]

تقولش الخالق الناطق

طول عمرى حليوه و مسمسم

ممكن تضيف شوية رتوش بسيطه و تبقى الصوره طبق الأصل

مثلا

نضاره طبيه لزوم العلم و الثقافه

شوية شعر ابيض من باب الوقار

كرش بسيط ـ أسف قصدى أنتفاخ بسيط ـ لتأكيد المكانه الاجتماعيه

اما الباقى فهو زى اللى فى الصوره بالتمام و الكمال

سبحان اللـه

"أمير" يرقد فى دعة و سلام بعد مشاركته فى أحد الحوارات الداعية الى التعايش بين كل تلاميذ الفصل

[متفائل]

والله دمك زي العسل يا محبط والصور لحد كبيير معبرة

وسبحان الله لسة بكتب رد لقيت الاستاذ اخناتون جايب سرتي

أمال لو كنت متفائل كنت أتخيلت إيه .. ؟؟

(تمحيكه دي)

بس والله جميلة .... مش التمحيكة الصور والموضوع

[disappointed]

أنا بس عايز خدمة من أى حد فيكم ضليع فى الكمبيوتر :

الصور دى كلّها متخزّنه على سيرفر تحميل صور مجّانى

(www.villagephotos.com)

وده بيعطى 5 ميجابايت فقط يوميا للدوان لودينج للصور اللى متخزنه عليه وبعدها بيقفل الحساب لباقى اليوم و تنقطع الصور عن الظهور

ونظرا للاقبال الشديد المتوقع على مشاهدة هذا الموضوع فأعتقد ان المساحة دى حتتفرقع فى ساعتين زمان

فلو أى حد قدر يعمل اقتباس للموضوع المحتوى على الصور و يعمل ليها داون لود بمعرفته بطريقة تجعلها ثابته و غير معرّضة للتعطيل أو الاختفاء بغض النظر عن عدد المشاهدات للموضوع يبقى كثّر خيره

(ياريت وايت هارت يدخل قبل ما الصور تتعطّل)...واذا لم يستطع أحد فعل هذه الخدمة ووصل الرصيد فى حسابى فى موقع تنزيل الصور الى الحد الأقصى فسيضطر من يدخل بعد ذلك الى الانتظار حتى الغد لمشاهدة الصور عندما يتم احتساب يوم جديد فى حسابى فى ذلك الموقع

و.....فال الله ولا فالك يا سى السيد....انشاء الله فيروز مش حتزعل و واذا زعلت فأنا بأتأسف ليها مقدما و سأقوم برفع الصورة اذا طلبت منى ذلك

أستاذ أخناتون:

صورة هشام عبد الوهاب منورة فى الموضوع (ثانى صورة) , أما الأستاذ عادل أبو زيد فنظرا لجدّيته الشديدة و شخصيّته الرزينة للغاية (خاصة مع استخدامه المستمر لمصطلح "الآليّات" )لم أستطع تخيّله و هو طفل

عزيزى أمير....مافيش داعى لاضافة الانتفاخ فى الصورة لأنها صورة للوجه فقط

وشكرا عزيزى متفائل , وأنا ماحطّيتش صورتك وانت طفل لأنك حاططها بالفعل فى اللوجو بتاعك

[فــيــروز]

- اما صورة فيروز فهأحتفظ بالتعليق لنفسي .. ( إحساسي بيقولي إن فيروز هاتزعل من محبط بسبب الصورة دي ) ( وش بابور جاز )

ليه بس :-) قول يا سيدى التعليق ولا يهمك

بس فعلا انا معتزه جدا بالصوره دى يا محبط ومش زعلانه منها فى اى شئ .. ميرسى يا محبط على ضمى للحضانه اللذيذه دى :-) نتقابل فى الفسحه

[Handicraft]

ماما هاتى ميه وملح علشان انقع رجليا فيهم ان شقيان طول النهار فى الورشة.

[Handicraft]

يا ترى حد يعرف مين ده وهو صغير؟؟

[أسامة الكباريتي]

كلام فارغ ..

...........

.........

........

.....

....

.

.

.

مين النفساوي اللي طلًّع محبط من حالة الإحباط المحبطة اللي أحبطنا جميعا فيها لسنوات ..

عقابه إنه يراجع الصور كلها ويحاول المطابقة ..

......

فعلا هي عودة المحاورات .. تفك إحباطات كتيرة ..

[disappointed]

ابن مصر بعد ما أكل كل المنجه اللى موجوده فى مطبخ المدرسه (وهو مايفسّر ميوله المنجاويّه عندما كبر و دخل الجيش

Delicate وهى تشدو بأول اغانيها فى حصّة "يالاّ نغنّى"

[متفائل]

الأخ العزيز محبط

ممكن تستخدم موقع ويب شوتس

http://www.webshots.com/

وبعدين تعمل أكونت لنفسك

وبعدين تعمل ألبومات تعمل أب لوود للصور الي انتا عيزها فيها وبعدين تعمل لينك على الصور دي هنا في المحاورات أو في أي حته تانية

[جـورج]

انا ميت مره قولت محدش ياخد الصور بتاعتى انا و الشله

و بعـدين ايه الطاسه اللى انت ملبسهالنا دى

[فــيــروز]

صوره نارده للاستاذ محمد ابو زيد وهو بيتمرن فى الجيم الخاص بالحضانه

انا ماعرفش هو اى واحد فيهم :-) انا لطشت الصوره قبل ما اقرا الاسامى اللى عليها واتقفش :-)

[فــيــروز]

ده بقى محبط بعد حصة ليكن تذوق الفن للجميع .. بس مش عارفه هو دوقه لمين المره دى :-)

[فــيــروز]

فريده -ربنا يقومها بالسلامه- فى عقوبه بمطبخ الحضانه واول مره تفكر بعمق فى موضوع تحرير المراه من الاعمال المنزليه او حصولها على راتب مقابل هذه الاشغال الشاقه

[فــيــروز]

حشيش .. البحث عن الذات

[فــيــروز]

وده بقى روى .. كلب بيحرس الحضانه و الاولاد كلهم بيحبوا يلعبوا معاه عشان كلب جميل و قطقوط

[هشام عبد الوهاب]

موضوع زى العسل يا .... لأ مش نافعه محبط بقى .. يا دوك

رسمت ابتسامه حلوه على كل الوجوه .