مذكرات بلطجى

[safaalabana]

sorry for writing in english .... I am not surprised because the 2 situations happened to us but the end is different till now

[سهل جدا]

احنا بس بنقول ممكن نستعين بيهم , والذنب عليهم هما مش علينا احنا

زي ما المخابرات ما بتعمل في كثير من دول العالم

نلاقيهم بيستعينوا ببلطجية وفتيات ليل ومجرمين عشان يوصلوا لأغراض تفيد بلادهم

وهذا لا يعني إنهم مقرين بجرائمهم ..

اكيد حضرتك بتهزر طبعا

لأن يعنى ايه الذنب مش علينا ؟؟؟!!

هو هنخدع مين .....سبحان الله

مش معقول تكون حضرتك شايف " ان الغاية تبرر الوسيلة "

لا أبدا مش بهزر والله يا أختي نيو قمر

الموضوع ده يجوز من الناحية الشرعية, ولكن للضرورة

وهي معروفة عند الفقهاء بمسألة الظفر (بفتح الظاء والفاء)

لو واحد سرق مني مبلغ من المال ولم تفلح محاولاتي في استرداد هذا المال بالطرق السلمية, فيجوز لي حينئذ أن أظفر بمالي منه بأي طريقة , ولكن دون إفراط

يعني لو سرق مني مليون أرجع المليون نفسهم منه بأي طريقة , ولكن من غير ما يزيده مليم واحد

ويبقى الإثم عليه هو, ولا إثم علي ..

[hamoudi]

بليزززز أستاذ ssmaly اديني رقم البلطجي ده

وأنا كمان

please انا كمان wst::

و تسجيل متابعة :ninja:

احنا كلنا متفقين على مطلب واحد

وانا كمان

[hamoudi]

طبعا احنا بنحكى الحكاية دى علشان نقول ان القانون لايعطى الضعيف حقه وممكن ان يستعين اى واحد بفلوسه ببلطجى علشان ياخد حقه وكمان ياخد شىء مش من حقه

الاستاذ ايهاب سالم الموضوع ده حقيقى واللى جاى مش ممكن تصدقه

الحكاية الثانية

البلطجى :شوف يادكتور الشقق انهاردة ولعت الشقة بقت بنص مليون وكمان ممكن مليون او اكتر

احنا نشوف شقة تكون مقفولة مدة طويلة ويكون اصحابها مسافرين ونروح عاملين عقد بيع للشقة بين اى اتنين مننا ونروح مع محامى للمحكمة ونعمل حاجة بيسموها صحة توقيع يعنى ان المحكمة بتقول ان الشخص الاول مثلا قد وقع امامها على هذه الورقة

والورقة دى ورقة عقد بيع الشقة اللى بينا وبين بعض

وناخد العقد مع صحة التوقيع ونبيع الشقة لطرف اخر

ومن الطرف التالت الى طرف رابع وخامس

وبيعدين نعمل العقد باسم واحد منا ونقعد فى الشقة ونعرضها للبيع بسعر اقل من تمنها اذا بيعت خير وبركة خلصنا من الموضوع وتمت المهمة وتكون المشكلة بين صاحب الشقة والمشترى الجديد

واذا جاء صاحب الشقة قبل مانبيعها نطرده بالقوة بكام شومة وده امر سهل

وعندما يروح يشتكى للقسم

نفس الرد

يبقى الوضع على ماهو عليه وعلى المتضرر اللجوء للقضاء

وطبعا اذا كان عنده عمر يبقى يعرف يدخلها تانى

وطبعا لسه فيه حكاية كمان من حكايات البلطجة والنصب

و اكتب يا تاريخ

نحن فى عصر البلطجة

ممكن اعقب بحكايه اخرى من الواقع لان الناس هايستغربوا كلامك ده

كان فى اسكندرية من 12 سنه فى منطقه اسمها العجمي واحد مصري بيبني بيت وعايش فى الخليج وتقريبا والله اعلم كان عنده 5 عيال قعد طول عمره فى الخليج

قال لازم ارجع مصر المحروسه فحط الفلوس الى معاه فى ارض فى العجمي وبدأ فى بناء البيت

بنى دورين وهو كان عنده 5 اولاد قال ابدا مش ممكن ارجع الا لما يكون لكل عيل عندي دور قال لمراته انزلى مصر علشان احوش ونكمل بناء قالت له ابدا انا معاك وهانكافح سوا ونقفل على نفسنا وناكل نص اكل ونشرب نص شرب ونعيش كلنا فى حجره واحده قال ماشي

قعد بعد كده 6 سنين وكل سنه يبني دور واخر سنتين كانوا لتشطيب البيت وكمان سنه علشان ينزل بقرشين ودي مانزلش فيها اجازه علشان يحوشوا القرشين اياهم نزل بيته ياولداه لقى قاعد فيه لواء شرطه

قال مين حضرتك . فرد اللواء وقال له انت الى مين قال له انا صاحب البيت

يللا يابن ال .... من هنا مش ناويين تبطلوا تلاقيح جتت غور بدل مااحبسك طبعا اهل اسكندريه الى موجودين فى المنتدى عارفين ان معظم اراضى العجمي وضع يد ودمتم سالمين قعد هو وولاده فى الشارع ولامنه عارف يرجع السعوديه ولامنه عارف ياخد حقه

وده كان حصاد حوالي 11 سنه من الغربه

وتوته توته فرغت الحدوده حلوه والا ملتوته

فى حدوته تانيه شبهها بس علشان مازودش عليكم حرقة الدم والا تزيد ايه يعني

كان فى واحد من المنصورة وبرده كان فى الخليج اشترى ارض فى مكان حيوي اسمه شارع قناة السويس كان شراءه للارض دي سنة 1999 وكان سعر المتر فى المنطقه دي تقريبا 25000 فى الايام دي واشترى ارض مساحتها تقريبا 250 متر وقام بوضع الاساسات ثم سافر وغاب تقريبا 3 سنين ورجع تانى لقى ايه

ناس قاعدين فى البيت على فكره هو كان اساس بس

ياجماه

غور من عنا

ليه ده بيتي

طيب هات مليون ونمشي

لا طبعا

راح القسم

مافي قسم

راح تانى

قالوا روح للقاضي

قام واحد ابن حلاب قال له انا هايجب ليك بلطجيه من المحله يخلصوا ليك الموضوع

قال ماشي

قال له اب

قال يعني ايه

قال يعني اتعاب الرجاله الى جايه

قال ماشي

خد 200 جنيه اهم

هاأأأأوو

المهم اخد 23000 جنيه

وجم البلطجيه

التانين كانوا مستعدين قعدوا يرموا زجاجات حارقه من فوق السطح وانتهت المعركه بهزيمة بتوع المحله

فهمس له واحد من الجيران قال له هات 30000 وانا عندي ليك بلطجيه انقح من البطلجيه الاولانيين

هو قال لا انا هارفع قضيه انا عندي ابن وحيد واخاف لايضيع منى وتتوه توته فرغت الحدوته

اسف للاطاله بس البلطجه فى مصر اصبحت تحرق الدم

[ssmaly]

قبل الحلقة الثالثة من مذكرات بلطجى احب ان اذكر بعض النقط

1-انا شخصيا ارفض رفض تام اللجوء لبلطجى لاخذ حقى لاسباب كثيرة

اولا: حرام اذى الناس حتى لو كانوا اذوك

وانت بالتأكيد لن تستطيع ان تتحكم فى البلطجى انه يجيبلك حقك بدون ان يأذى الشحص او بدون زيادة

حتقول للبلطجى جيبلى الشقة اللى خادوها منى بدون ان تضربهم او تكسر عظامهم او بدون ان يتطور الموضوع ويتحول الى جريمة قتل

ثانيا: اذا لجأت الى بلطجى ليحميك من الاخرين من سيجميك منه اى من البلطجى نفسه سوف تقع تحت رحمته الى الابد

او ممكن ان يستأجر الاخرين بلطجية اخرين ليعتدوا عليك ويردوا ما فعله البلطجي فيهم وهكذا

2-الحكاية على لسان طبيب الاسنان الذى اثق فيه ولكن كلام البلطجى قد قد يكون فيه مبلاغة او انه لم يذكر تفاصيل شغله بالكامل يعنى ازاى انت بتعمل كده يقول دى شغلتى ولى ناس فى الاقسام مثلا او فى السجل العقارى مثلا

3-انا عندى شقة تمليك وغير موثقة فى السجل العقارى حتى الان

ليه كان زمان رسوم التسجيل كبيرة جدا ودلوقتى انا مسألتش عن الاجراءات هل هى سهلة وتكلفتها كام

و هناك الكثير من المصريين غير مسجلين شققهم واراضيى المملوكة لهم والكل ماشى بعقد بين الشركة والمشترى

4-السجل العقارى فيه ناس بتشتغل فى المواضيع دى من اراضى دولة او ناس مهاجرين و كذلك عقارات وتمثلية يسرا زمان لما كانت بتشتغل فى السجل و كان الاغراءات بشقق على النيل زى زوجها و الملايين وطبعا مع ارتفاع قيمة الاراضى والشقق الاغراءات زادت واكيد الموظفين اللى بيتشغلوا فى الموضوع ده

نواصل بعد سماع ردكم على هذه النقط

ده اذا كنتم لسه عايزين تسمعوا الحلقة الثالثة

[MoHaMMeD EgYpT]

تسجيل متابعة مرة اخري :sad:

لكن مصر ايه بقا اللي امان بعد الكلام ده كله قال ايه كان بيقولوا لنا زمان مصر الامن و الامان الظاهر كانوا بيستخفوا بينا ولا ايه

امان ايه لما الواحد يتاخد ملكه و في الاخر ما يخدش حقه يبقي فعلا البلطجة هي الحل

تم تعديل 21 مايو 2009 بواسطة MoHaMMeD EgYpT

[ssmaly]

للاسف ان الدولة هى التى بتساعد على البلطجة ولا تريد ان تفرض اى سيطرة امنية على الشارع المصرى ولا على الممتلكات ولا على الأفراد

بحجة ان مش معقولة ان الدولة تخصص شرطى على كل مواطن

ولكن هى تخصص 100 الف شرطى لمواطن واحد على راسه ريشه

الدولة اذا كان عندها الرغبة والارادة انها تحل مشكلة مثل الامان فى كل مكان فى مصر فهى تستطيع ان تفعل

واذا ارادت القضاء على البلطجة تسطيع مثل ما قضت على الارهاب

ولكن انت فى عصر الفساد

[ssmaly]

ممكن اننا نعتبر ان محسن السكرى ضابط امن الدولة السابق بلطجى بدرجة ضابط

والمفرض ان يكون يحمى مصر من المجرمين ولكن حاميها حراميها

[hamoudi]

صدقوني ياجماعه نحن كطبع من افضل شعوب العالم من حيث الهدوء .سيقول لي البعض كيف ذلك؟وبماذا تفسر البلطجه ؟اقول لكم ان هذه البلطجه وليدة عدم وجود امن !وان هذا الانفلات الامني الذي نعانى منه بسبب عدم وجود حاكم ولاقانون وان التهريج الحادث عندنا من عدم وجود دوريات راكبه وتهريج اقسام الشرطة الخ...... لو موجود فى دول اخرى على سبيل المثال امريكا اللاتينيه ستكون توابعه اوخم مما عندنا انا بكلامي السابق لا ابرر البلطجه ولا انفي وجودها ولكن اؤكد وجودها و اقول انها ربما كانت تكون بدرجة اكبر اذا كانت فى بلد اخرى تتبع سياستنا الامنيه وتهريجنا الامنى وتاركه تنظيم الحقوق للمواطنين

[ssmaly]

صورة من صور البلطجة

[Om Zayd]

صدقوني ياجماعه نحن كطبع من افضل شعوب العالم من حيث الهدوء .سيقول لي البعض كيف ذلك؟وبماذا تفسر البلطجه ؟اقول لكم ان هذه البلطجه وليدة عدم وجود امن !وان هذا الانفلات الامني الذي نعانى منه بسبب عدم وجود حاكم ولاقانون وان التهريج الحادث عندنا من عدم وجود دوريات راكبه وتهريج اقسام الشرطة الخ...... لو موجود فى دول اخرى على سبيل المثال امريكا اللاتينيه ستكون توابعه اوخم مما عندنا انا بكلامي السابق لا ابرر البلطجه ولا انفي وجودها ولكن اؤكد وجودها و اقول انها ربما كانت تكون بدرجة اكبر اذا كانت فى بلد اخرى تتبع سياستنا الامنيه وتهريجنا الامنى وتاركه تنظيم الحقوق للمواطنين

ALSALAMO 3ALIKOM WA RA7MATO ALLAH WA BARAKATOH

I COULDN'T AGREE MORE. i JUST WANNA ADD THAT THIS IS ONE OF MANY SIGNS OF DEMORALIZATION AND LACK OF BELIEF IN ALLAH

7ASBONA ALLAH WA NE3MA ALWAKEEL

[ssmaly]

تحبوا نكمل المذكرات ولا كفاية على كدة

وكفاية قصة هشام طلعت مصطفى ومحسن السكرى ماهى برضه قصه بلطجى بس خمس نجوم

[ssmaly]

محسن السكرى وتحوله من ضابط متفوق فى امن الدولة الى بلطجى المليونيرات

محسن السكرى كان صديقى