بافكر استقيل ...و أهج

[crossfield]

بعد سنوات من الميرى و سف ترابه

أفكر حالياً و بجدية فى الاستقالة و- فى مرحلة لاحقة-فى الهجرة.

أشعر أنه لا مكان لى و لا لمن هم فى سنى مكان فى مصر

ليست هذه دعوة أو تحريض على الطفشان(الله يمسيه بالخير ...هوه فين؟)و ليس هذا قراراً نهائياً...لكننى أفكر جدياً فى الاستقالة .

عارفة مسبقاً الكلام اللى ممكن أسمعه منكم ...الصبر و البلد و ظروفها ...الخ

على ظروفها ما تتحسن ان شاء الله أكون أنا و اولادى-ان شاء الله- فى التراب...طيب ايه اللى يجبرنى أستنى؟

حد فيكم عنده سبب واحد يخليه يستنى فى البلد لو جاتله الفرصة يهج؟و لنطرح العواطف جانباً.

[Cleo]

و يا ترى يا كروس القرار ده خالص مخلص ولا ليه علاقة بانشغالك عن الرسالة لفترة كبيرة و إحساسك بالزنقة؟؟؟

شدى حيلك يا بنت و بلاش دلع... ده أنا ما صدقت إن واحدة من اصحابى أخدت الشهادة الكبيرة و قربت تبقى داكتورة قد الدنيا....

ولا تحبى أدفعك تمن إزازة الشربات اللى بلتها يوم النتيجة ما طلعت؟؟؟

عيييييييييييييييييييييييييييييب عليكى...

و بعدين إيه حكاية تهجى دى؟؟؟ ما البلد حلوة و زى الفل أهى؟؟؟ إيه بأة اللى مش عاجبك فيها؟؟؟؟

[crossfield]

و يا ترى يا كروس القرار ده خالص مخلص ولا ليه علاقة بانشغالك عن الرسالة لفترة كبيرة و إحساسك بالزنقة؟؟؟

لا يا ستى و الله ...أينعم أخوكم مزنوووووووووق

لكن الحمد لله ...لسه الوقت معانا.

ولا تحبى أدفعك تمن إزازة الشربات اللى بلتها يوم النتيجة ما طلعت؟؟؟

و لا شفت لا أبيض و لا اسود منك ...و بجملة الفضايح .

و بعدين إيه حكاية تهجى دى؟؟؟ ما البلد حلوة و زى الفل أهى؟؟؟ إيه بأة اللى مش عاجبك فيها؟؟؟؟

العيش و العيشة و اللى عايشينها ...و خلينى بقى بكتمتى أحسن أفرقع فى وشكم .

[ragab2]

كروسفيلد

حد فيكم عنده سبب واحد يخليه يستنى فى البلد لو جاتله الفرصة يهج؟و لنطرح العواطف جانباً.

أعتقد

أنه لا داعى لليأس

حيث أننا بدأنا طريق الديموقراطية بالغاء بعض القوانين المشبوهة فى مؤتمر حزب البعث الوطنى الحاكم

وفى أقل من عشرين عاما سنصل الى الديموقراطية الكاملة ويلغى قانون الطوارئ بإذن الله

[se_ Elsyed]

لما أنتي بنت وبتقولي كده .. اومال الصبيان يعملوا أيه ؟ يولعوا في نفسهم ...

قصدي يعني يا كروساية أن مصيرك هاتتجوزي وتبقى مسئولة من زوجك وممكن تطق في دماغك تقعدي في البيت متستتة ومعززة مكرمة بلا شغل بلا وجع دماغ ..

وبعدين لما أحب اكلم شعب مصر هاكلم مين ؟ ( وش الراجل المغولي أبو شكل وحش اللي هولاكو بعتوا علشان يخوف قطز )

[White heart]

crossfield كتبت:

حد فيكم عنده سبب واحد يخليه يستنى فى البلد لو جاتله الفرصة يهج؟

بصراحة يا crossfield، انا من رأيي ان الموضوع مش موضوع فرصة و بس، فى نقطة أهم بكتير منها، و ما تفرقش فيها اذا كنا نتحدث عن هجرة الرجل أم المرأة...

فية مرحلة من مراحل الهجرة مهمة جدا ... ممكن نسميها مرحلة الأختبار .... و هى أول فترة عند وصول بلد المهجر و قد تمتد الى فترات مختلفه بحسب كل فرد .... يعنى ممكن تبقى شهرين تلاتة و ممكن تبقى سنتين تلاتة!!! هو أختبار نفسى بحت، نوع من أنواع الصراع بين العقل و القلب قد ينتج على انتصار أحدهم اتخاذ قرار بالعودة أو البقاء، أو الأستمرار مع اشتعال تلك الحرب كل فترة و أخرى، أو التأقلم و العيش بقناعة و رضاء ....

الموضوع بالنسبة لى نسبى ... هناك من يتحمل الصعاب و الهوان حتى يصل بعزيمته و أصرارة الى تحقيق هدفه مثل العزيز "Falcon Egypt " و هناك من لا يتحمل و يعود، تلعب أسباب الهجرة لكل فرد عامل مهم جدا فى هذا الأختبار ... فهل انت فعلا متأكدة من أسبابك، و الأهم هل فكرتى فى مثل هذا الأختبار و أستعدادك له؟

انا أقترح أن تسعى الى أجازة بدون مرتب و أن تسعى الى احدى تلك الفرص التى تتحدثى عنها و لفترة تحاولى التأكد فيها عما اذا كنت تستطيعين الأستمرار أم لا؟ لا أنصحك بوأد الفكرة تماما فى داخلك و تجاهلها فقد تتسبب بعض الأحداث أو المشاكل أو الأسباب مستقبلا فى تذكر هذه الفكرة و الندم على عدم تحقيقها .... على الأقل ان حاولتى و فشلت ستختفى تلك الفكرة من تلقاء نفسها و من يدرى ربما تنجحى و تتغير حياتك الى الأفضل و يتحقق ما كنت تسعين اليه.... أدعو لك و من مثلك أن يوفقه الله.

[Lighthouse]

انا كمان من فترة عندي رغبة ملحة اطفش واسيب الدنيا بحالها

[White heart]

Lighthouse كتبت:

انا كمان من فترة عندي رغبة ملحة اطفش واسيب الدنيا بحالها

لأ اعملي معروف يا لايت ...

طب البلد و الهجرة و مقدورين عليهم ....

انما الدنيا بحالها دى .... واسعه قوى، و أديكى شايفة ماحدش عارف يوصفلنا و لا يقولنا

و بعدين ما تنسيش انك انت

[Lighthouse]

Lighthouse كتبت:

انا كمان من فترة عندي رغبة ملحة اطفش واسيب الدنيا بحالها

لأ اعملي معروف يا لايت ...

طب البلد و الهجرة و مقدورين عليهم ....

انما الدنيا بحالها دى .... واسعه قوى، و أديكى شايفة ماحدش عارف يوصفلنا و لا يقولنا

و بعدين ما تنسيش انك انت

احساس غريب بالعدم

مش عارفة ليه

[بنت شعنونة]

كروساية

مش مهم فين ولا ايه

المهم انتي عاوزة ايه؟؟

يعني انا مثلا اكبر امالي اني اعيش بمرتب يغنيني

ان شاءالله لو كان 300 جنيه في الشهر (ولعلمك الرقم دا اعتبره ترف ليا لو قبضته كمان)

مش مهم مثلا اني رايحا السلوم

المهم اني اكون عاوزة دا

ودا اللي انا اختارته فعلا

اني مختاره ايه؟؟

عاوزة تقعدي في مصر؟

عاوزة فرصة معينة؟ دورتي عليها؟؟

انتي مش عاوزة مصر اصلا؟؟

عاوزة تطلعي برا؟؟

قوليلنا الاول انتي حلمك ايه هوا وبعدين قولي عاوزة اهج..

وحتى لو قررتي السفر

مش غلط

كلها ارض الله

وربنا حثنا على السفر والسعي ورا الرزق عشان نلاقيه "اسعى يا عبد وانا اسعى معاك يعني"

يبقى فين المشكلة؟

التحديد بس...

قوليلنا بقى انتي عاوزة ايه

عقلي الباطن بيقولي ايه التفاؤل اللي انا فيه دا كله؟؟؟

شكلي كدا اتعديت من استاذ وايت هااااااااااااارت

[متفائل]

الاخت كروس انا مريت بتجربة الاستقالة دي من عشر سنين

الغريبة أني وقتها جبت وسطة علشان يقبلو الاستقالة

وطبعا انا مش نادم أبدا على أني أستقلت من الحكومة لاني كنت حاسس اني لو استمريت أكيد هيجيلي بري بري أو على أحسن الفروض تخلف عقلي

بس سعات بأعد أفكر لو نزلت من هنا(السعودية) يترى هلاقي شغل في مصر وخاصة أني معنديش أي خبرة في العمل الحر حيث انه بيحتاج مواهب كتير مش عندي

بس بلنسبالك متفكريش في الموضوع ده دلوقتي

فكري في درستك الأول و بعد ما تستقري وتكوني اسرة سعيدة أبقي شوفي هتخطوا لحياتكو أزاي

بتمنالك التوفيق

شوفي مذكرتك هههه أمسكيلك كتاب (هزززززززززززاااار)

على فكرة نصيحتي لأي شاب (مش شابة) شوية بأة شغل Big Brother

لو فيه فرصة للسفر لا تتردد ولو لحظة واحدة أحسلك وأحسن للبلد

طبعا معروف لييييه

هتسيب فرصة لغير في البلد وانتا هتفلت من الظروف الصعبة الي كلنا عرفنها

[بنت شعنونة]

على فكرة نصيحتي لأي شاب (مش شابة) شوية بأة شغل Big Brother 

لو فيه فرصة للسفر لا تتردد ولو لحظة واحدة أحسلك وأحسن للبلد 

طبعا معروف لييييه 

و لييييييييه بقى التفرقة العنصرية ديييييي بقى!!!!!

شاهديييييين يا نااااس

اي حد عاوز يسافر يساااافر

خصوصا البناااات

انا بقولكم اهو

مافيش عرسان في بلدنا ديييي

والدليييييييييل

انظر الكتاب صفحة يتزوج 4 نساء مرة واحدة

كاتها نيلة الي عاوزة خلف

[crossfield]

شكراً لكل من شارك فى الموضوع

فى الحقيقة يا س س الموضوع مش مسألة مادة (أو مش مادة و بس)لان على رأيك أنا مش ملزمة أشغل بالى بالموضوع ده قوى لانى فى الآخر هالزق فى "قفا"راجل...وش بيضحك.

بس فعلاً الفكرة بتلعب فى دماغى جامد جداً

ايه المغرى فى البلد دى علشان نقعد فيها؟

الناس؟

اتسعرت و بقت آخر جشع و قلة ذوق

يبقى فاضل ايه؟

المكان ناس ؛مش مجرد راحة مادية وبس .

أما الناحية المادية فكلكم عارفين طبعاً

الرغيف كبييييييييييييييييير

و المواصلات فاضياااااااااااااااااااااااااااااااااااااااااا

و الأسعار رخيصاااااااااااااااااااااااااااااااا

و الأمن مستتب

و كله تمام و لله الحمد

طيب أنا و خلاص ديتى معروفة...وش أمينة رزق

طيب لما الواحد ان شاء الله يبقى عنده اولاد هيعيشوا ازاى؟الظروف على أيامهم هيبقى شكلها ايه؟اذا كانت البلد دلوقتى مش مستحملة ولادها هتستحمل ازاى ولاد ولادها؟و ليه الواحد يخلف عيال يتبهدلوا أصلاً؟

الموضوع فعلاً محتاج "تجربة"زى ما وايت هارت قال.

بس تجربة لايه؟ ما خلاص ؛مادام هنا مش نافع يبقى مافيش حل تانى.

شوفى يا شنشن:

الأحلام دى بقت كلمة كلاسيك شوية

الواحد بياخد الفرصة اللى قدامه طالما مفيش غيرها

مش دايماً الواحد بيبقى سهل يحقق اللى عايزه(خصوصاً لو أحلامه لا تتناسب مع قدراته)

مثلاً أنا كان نفسى زماااااااااااااااااان أبقى صحفية

بعدها شوية غيرت رأيى و قلت لأ بلاش سكة الاعلام دى

شوية و قلت سياسة و اقتصاد

و بعدها قلت لأ ما أنا لا خالى وزير و لا أبويا سفير يبقى مالوش داعى

و خدتها من قاصرها و درست حاجة جديدة و حسيت انى ميالة ليها و الحمد لله أهى ماشية.

يعنى لو حلم ما اتحققش بتلاقى حاجة تانية أو بديل و بتمشى الأمور

لكن

الخلفية بتاعتك انتى شكلها ايه؟

هل مرتاحة؟

هل حاسة بإن فى مستقبل كويس ؟

هل تضمنى ان أقرب الناس ليكى لو تعب فى يوم من الأيام ميقعش فى ايد دكتور لا مؤاخذة يعنى مبيفهمش؟و كمان متعرفيش تعاقبيه؟

و قيسى على كده كتييييييييييييييير.

[عادل أبوزيد]

شكراً لكل من شارك فى الموضوع

فى الحقيقة يا س س الموضوع مش مسألة مادة (أو مش مادة و بس)لان على رأيك أنا مش ملزمة أشغل بالى بالموضوع ده قوى لانى فى الآخر هالزق فى "قفا"راجل...وش بيضحك.

بس فعلاً الفكرة بتلعب فى دماغى جامد جداً 

ايه المغرى فى البلد دى علشان نقعد فيها؟

الناس؟

اتسعرت و بقت آخر جشع و قلة ذوق 

يبقى فاضل ايه؟

.

الفاضلة كروسفيلد

منذ حوالى خمسة و ثلاثون عاما و كنت وقتها فى لندن و كانت أخت زوجتى فى زيارة لنا و كان وضعها القانونى - من ناحية العمل - يسمح لها بالبقاء و العمل

و لكنها كانت دائما تقول لى " يا آنشته - و هذه تعنى زوج أختى - حاول تتصور نفسك فى البلكونة فى مصر ساعة العصرية و معاك سندوتش جبنة بيضاء و كباية شاى "

أقول لكى من وقتها لا أنسى هذا الغزل فى البلكونة و سندوتش الجبنة البيضاء و كباية الشاى .... بل أننى عندما بنيت منزلى جعلت له بلكونة عرض 16 متر فى عمق ستة أمتار إكراما لكباية الشاى فى البلكونة

و عندما أرى مها - شقيقة زوجتى - أذكرها بمقولتها هذه

و على قدر تغربى فى بلاد الله فقد كان قرارى المؤكد العودة إلى مصر بل أذكر منذ عشرون عاما أصيبت زوجتى بمرض تلزم له جراحة سريعة و خطيرة و فضلت النزول مصر لإجراء تلك الجراحة و كنت أقول "مصر برضه ونسة"

أهم من كل هذا أنى ربيت أبنائى "محمد و أحمد " على الإلتصاق فى مصر أيا كانت الظروف و أقول لمن يسألنى إذا كنت قضيت كل هذه السنوات فى الغربة فلا أقل من أن ينعم أبنائى بحضن الوطن

و حتى الآن أبنائى لا يفكرون فى السفر إلا للسياحة رغم أنهم مزدوجو الجنسية - بحكم الميلاد

كلام الفاضل وايت هارت سليم المسألة نسبية

[zamalkawy]

بعد سنوات من الميرى و سف ترابه

أفكر حالياً و بجدية فى الاستقالة و- فى مرحلة لاحقة-فى الهجرة.

أشعر أنه لا مكان لى و لا لمن هم فى سنى مكان فى مصر

ليست هذه دعوة أو تحريض على الطفشان(الله يمسيه بالخير ...هوه فين؟)و ليس هذا قراراً نهائياً...لكننى أفكر جدياً فى الاستقالة .

عارفة مسبقاً الكلام اللى ممكن أسمعه منكم ...الصبر و البلد و ظروفها ...الخ

على ظروفها ما تتحسن ان شاء الله أكون أنا و اولادى-ان شاء الله- فى التراب...طيب ايه اللى يجبرنى أستنى؟

حد فيكم عنده سبب واحد يخليه يستنى فى البلد لو جاتله الفرصة يهج؟و لنطرح العواطف جانباً.

اصدقي بالله و انا كمان :)

يعني بالرغم من اني اعمل في مكان متميز و بجد مرتبي كويس و الحمد لله بس المشكلة الرئيسية ان احنا عمالة مقنعة نروح الشغل نشرب شاي و نساكفية و نجري ورى بعض في المكاتب و الأسم للناس اللي برة ان احنا شغالين في احد اكبر شركات الغاز الطبيعي في مصر

بس المشكلة ان في كل قسم في اكتر 10 موظفين زيادة و اكيد لما بيجي شغل و نعمله مش بيخد وقت

تخيلو واحد عايز يسيب النعيم و ده و يطفش :mad: