للرجال فقط : هل انت سي السيد في بيتك .. ولا شخص مهاود ومتعاون ؟

[SoSo R]

أنا شايفة إن ما فيش حاجة تنقص من الراجل أن يساعد مراته

وأكيد بتبقى أحلى لو جت منه من غير ما هى تطلب

يعنى كتير جوزى هو اللى بيحضر الفطار و يعمل الشاى عقبال ما كون بخلص حاجة تانية أو مشغولة مع البنات

بس أنا عندى مشكلة يا جماعة :angry:

لازم عشان يعمل حاجة....يبوظله كام حاجة فى السكة...

أو يكسر له شوية رفايع!!!

تفتكروا دى متعمدة....ولا إن بعض الظن!!

تحياتى

سوسورانى

[eng ahmed]

هههههههههههههه منورة فعلا انتى فين من زماااااااااان

زوجيك قصادها ههههههههه بهزر طبعا انا كنت اعرف واحد زى زوجيك بس هو كان قاصد الموضوع يكسروا كام كباية ويكمل عمل للزوجة لغاية مفهمت هى ان هو مش ليه فى الموضوع ههههههههههه فمشى من الحكاية وعمرها مقاليتها اعمل شى هههههههههه

ربنا يسعدك ويوفقيك فى حياتيك وتفرحى بالبنات

[emano]

لا ياسوسو جوزك مش قاصد

لان انا جوزى كده والله يقوم يعملنا كبايه النسكافيه

وعانك متشوف الى النور عيزالك ساعه تمسحى السكر واللبن ووو

معرفشبيعمل دمار شامل فى المطبخ

بس بيطلع احلى كبايه نسكافيه

وهو بيساعد فى غسل المواعين

ولو راضى عنى ممكن يمسح المطبخ

بالماء مع الصابون السائل

ونتى بقى ادخلى اتزحلقى على ضهرك بس برضو كتر خيره

[SoSo R]

طيب اصدق مين فيكم...إيمانو ولا المهندس أحمد

هو الدمار الشامل بيحصل أنا معاكى...و العك بيزيد جدا

و تلاقيه محتاس ودايما الأفتكاسات تؤدى لمصائب زى لما حب يسخن الصينية البايركس على نار مباشرة

و إذ فجأتن

إنفجااااار

بووووووووووووووووم

الصينية فرقعت من الحرارة....طبعا لما أتكلم يتنرفز و يقولى ما تطلبيش منى حاجة تانى!!!

بس هو ما يحلا لوش يكسر غير الحاجات اللى فيها طبيخ أو سوائل عشان التنضيف يبقى أصعب

و بدل ما يساعدنى يتعبنى زيادة

يلا...ربنا يعينا

هنعمل إيه؟؟!!

تحياتى

سوسورانى

[قلب ابيض]

كنت عايزه اشارك بس الموضوع للرجال فقط

فوتكو بعافيه بقا

لولا

استنى يا لولا خدينى معاك ؟؟

لان موضوع الاكزيما ده ملازمنى من 7 سنين بس بقى سى السى بتاعنا اتصرف بحكمه ودهاء سورى بقى ما فكرش فيه ولا حد من الساده الافاضل بخصوص المواعين

عمل ايه يا خونا

عمل ايه يا خونا

جاب غساله اطباق 00000وبس خلاص :blink:

وكل هداياه والله على طول زى ما بنجيب العيش مثلا يوميا والخضروات وخلافه اسبوعيا بيجيب لى جوانتيات طبيه شهريا زى علب الكلينكس

فى تعاون اكتر من كده ؟؟؟؟؟؟

استاذ ورئيس قسم يا اخونا

[عنبو]

يظهر فعلا زى لما بيقولوا ان موضوع سى السيد دى قصه وهميه مكنتش موجوده !!1 طيب يبقى الواحد ياخدها من قصيرها ويساعد وتبقى بجميله بدل لما تبقى بالغصب عنه وهو كله بثوايه

انا شخصيا ان شاء الله لما اتجوز اكيد هساعد مراتى طبعا علشان اوفر صحتها ومش يظهر عليها الكبر والشيخوخه بدرى وتفضل على طول ورده مفتحه بدل لما تستهلك من اول سنتين ونرجع نقول ياريت اللى جرى ما كان

طبعا روح التعاون فى الاسره شىء جميل وينعكس اثره على الاولاد لما يشوفوا ان الاب والام بيساعدوا بعض ومافيش فرق بينهم وبين بعض وطبعا اسوتنا فى ذلك سيدنا المصطفى صلى الله عليه وسلم

[Nassarlink]

انا رايي ان الي شايف ان في اعمال عيب علي الراجل انه يقوم بيها

يبقي اولي ان عيب ان زوجته كمان انها تعملها

زي مثلا نشر الغسيل في البلكونه

لو عيب اني اعمل كده يبقي اولي ان زوجتي كمان متعملهاش

او شراء الخضار من السوق

فين الشهامه يارجاله يا شرقيين

مد ايدك وساعد زوجتك

انا مش بقول اننا بساعد زوجتي كتير

بس علي قد ما اقدر بحاول اساعد

كفايه انها بتشتغل بره البيت

وبتساعد الاولاد في المذاكره

وكمان شغل البيت

وفي الآخر عاوزينها تاخد بالها من نفسها

وتفك التربيعه الي علي دماغها

الرحمه ياناس

تم تعديل 25 مايو 2009 بواسطة Nassarlink

[hanzalah]

عادي ان الزوج يساعد زوجته في البيت كلما وجد الى ذلك سبيلا

سيدنا محمد كان بيعمل كده

وبالتالي فأنا في البيت مهاود ومتعاون

وسي السيد ايضا .. عندما يستدعي الموقف ذلك بكل تأكيد

ووضعُ الندى في موضع السيفِ بالعلا ** مضرٌّ كوضع السيفِ في موضع الندى

هكذا قال : أونكل المتنبي البوجري سليط ..

[sherifhfm]

الله انا شايف ان مساعدة الزوج لزوجته فى اعمال البيت مش عيب خالص على العكس دى ظاهرة صحية جدا

لان العلاقة الزوجية فى نظرى ليس فيها طرف اعلى من طرف او طرف افضل من طرف دى علاقة متكافئه اساسها الموده والرحمه

يعنى مش يبقى حرام ان الست بتشتغل علسان تساعد فى مصروف البيت وكان تعمل شغل البيت وكان تذاكر للعيال وبعد كل ده مفروض تهتم بنفسها كان ده يبقى حرام

انا رغم ان زوجتى مش بتشتغل لكن برضه لو استدعت الحاجه ان اساعدها فى شغل البيت انا بعمل كده من نفسى هيا عمرها مطلبت منى كده وانا كمان لما بعمل كده ببقى مبسوط مش مضايق خالص

طاب امته الواحد يبقى سى السيد

انى اكون الراجل فى بيتى وصاحب الكلمه ده ملوش علاقة بالمساعده فى اعمال البيت ومذاكرة الاولاد الواحد يكون صاحب كلمة وموقف لما يكون فيها حاجه ممكن تهدد البيت او الاولاد من تصرفات غير لائقه من الزوجه مثلا هوه ده الوقت الى ممكن الواحد يكون فيه سى السيد بجد علشان المركب متغرقش

[بندق أفندى]

ضحكت كتير وأنا بأقرأ الموضوع ده .. خصوصا الجنرال زوهيرى باشا .. يا راجل .. طب عينى فى عينك؟ حتى لو كان زعزع ما سيحش لك . باينة بحكم الجغرافيا ..

هناك أعمال ثقيلة فى البيت .. حسب طبيعة كل شخص .. مثلا أكره نشر الغسيل .. بس بأضطر أعمله لما اكون عايش لوحدى .. بأكره تغيير شراشف السرر .. بس كمان بأعمله ..

أسوأ حاجة أن تعتبر الأمر مفروض عليك .. فى الغربة .. وفى وجود عائلتى .. يوم الخميس غالبا بنتغدى برة ويم الجمعة بنقف سوية فى المطبخ .. وباقى الأسبوع شغال سائق وممول .. يعنى بأرجع أجد كل شئ جاهز .. يا دوب أتغدى ... وأنزل أسوق عشان الأسواق ..

عندما نقف سوية فى المطبخ بدون شعور أفعل ما أفعل وانا وحدى .. وهو كل طبق ولا حلة تستخدم وتحتاج غسيل أغسلها مباشرة ..

فيه قفازات فيلدا فيها بطانة من مواد معقة تستخدم فى التنظيف والغسيل .. كذلك انواع المنظفات يجب اختيارها بحرص .. ألف سلامة على كل من انبرت ايديها فى المطبخ لخدمة رجالة آخرها تشتغل وتجيب فلوس وتشتغل سواقين ويقولوا سى السيد؟ فين أصلا وانت مسخر بالكامل؟ جت بقى على شوية المساعدة فى البيت؟

خيركم خيركم لأهله وأنا خيركم لأهلى ..

لكن فيه حاجات بأكون فيها سى السيد ونص بحكم شرقيتنا .. وفيه حاجة أخدتها من والدى رحمه الله .. اللى كان يقولى شوروهم واخلفوا شورهم .. مزحا .. لكنه حقيقى فى مرات كثيرة ..

[hamoudi]

ايوا قول كدا مالاول

بس نصيحة

مش لازم تتعب عشان تحسسها انك خايف عليها

جرب كدا مرة مثلا تحضر العشا

ولا تنشر الغسيل

والله هتفرق معاها اوي

انا افتكر ان والدي هواللي علم والدتي كل حاجة ولا حتي كانت بتعرف تسلق بيض

بالرغم من انه كان ديما مسافر

بس الايام اللي كان بيجيها كان هواللي بيعمل معظم الحاجات

لدرجة ان الموضوع دا كان بيضايق ماما

ستات بتتبتر عالنعمة

اذا فعلا عمل كده هاتبقى عاده . اصيله وهايتحول دوره الى اساسي وليس مساعد

تم تعديل 25 مايو 2009 بواسطة hamoudi

[hamoudi]

انا رأي ياجماعه فى حالة الزوجه محتاجه مساعده وزوجها ماسعدهاش يبقى تصرف غير ظريف منه ويحسب عليه

ولكن طبعا المساعده ماتبقاش عمال على بطال والا هايتحول الى ان هو الى يقوم بشغل البيت

يعني يساعد فى حدود مايزيد عليها

بالنسبه ليا

فى عندنا عزومة اساعد

او مثلا لاقدر الله فى حالة تعب الزوجه برده بساعد

وماتفرقش معايا فى الحاله دي تنفيض سجاجيد , نشر ,طبيخ

وممكن عصير كمان

ممكن ايام امتحانات الاولاد اقعد داده بالعيال الصغيره

غير حالات الطواريء وان اعمال البيت اكثر من اللازم بسبب ضغوط او عزومات او امتحانات انا مش بساعد

بس غالبا المساعده فى البيت عندي بترتبط فى ذهني بايام الكساد لان الشغل بيبقى قليل فبقعد فى البيت اكثر فلازم اشغل وقت فراغى فبشغله مع زوجتى فى التوجيه (انا المدير بطريقة فؤلد المهندس فى مسرحية انا وهو وهي) اعملى دي كده وخلي بالك وانتى شايله مش عارف ايه ! اه على فكره تنظيف كذا بيتعمل بالشكل الفلانى لانى قريت كده فى كتاب مألفه واحد هندي

اللحمه لما تيجي تتحط على النار تتعمل بالشكل الفلانى مش بطريقتك لانى قريتها فى كتاب ايطالي عن كيفية سلق اللحمه

فطبعا بتفرع زوجتى اكف الدعاء الله ان الرواج يرجع تانى علشان هي ترتاح وانا كمان

ملحوظة فى ايام الظروف القهريه لما بطبخ الحمد لله بطبخ كل حاجه بس بطريقه واحده بحط الحاجه على النار وعليها ميه وممكن بصله ولو محتاجه صلصه احطها

يعني لحمه مسلوقه

فراخ مسلوقه

بطاطس مسلوقه

مكرونه مسلوقه

ملوخيه مسلوقه مش عارف ازاى بس ماشي

واحمدوا ربنا انى علمتكم حاجه لله

على فكره انا بعمل فول ممتاز وبكذا طريقه وبشكل غير تقليدي لانى بحط عليه كل حاجه موجوده فى المطبخ فبيطلع يخني عجب ولادي مسمينه فول بابا ( تحبوا تعرفوا ازاى) والا كفايه عليكم كده

ودمتم سالمين

تم تعديل 25 مايو 2009 بواسطة hamoudi

[عنبو]

انا رأي ياجماعه فى حالة الزوجه محتاجه مساعده وزوجها ماسعدهاش يبقى تصرف غير ظريف منه ويحسب عليه

ولكن طبعا المساعده ماتبقاش عمال على بطال والا هايتحول الى ان هو الى يقوم بشغل البيت

يعني يساعد فى حدود مايزيد عليها

بالنسبه ليا

فى عندنا عزومة اساعد

او مثلا لاقدر الله فى حالة تعب الزوجه برده بساعد

وماتفرقش معايا فى الحاله دي تنفيض سجاجيد , نشر ,طبيخ

وممكن عصير كمان

ممكن ايام امتحانات الاولاد اقعد داده بالعيال الصغيره

غير حالات الطواريء وان اعمال البيت اكثر من اللازم بسبب ضغوط او عزومات او امتحانات انا مش بساعد

بس غالبا المساعده فى البيت عندي بترتبط فى ذهني بايام الكساد لان الشغل بيبقى قليل فبقعد فى البيت اكثر فلازم اشغل وقت فراغى فبشغله مع زوجتى فى التوجيه (انا المدير بطريقة فؤلد المهندس فى مسرحية انا وهو وهي) اعملى دي كده وخلي بالك وانتى شايله مش عارف ايه ! اه على فكره تنظيف كذا بيتعمل بالشكل الفلانى لانى قريت كده فى كتاب مألفه واحد هندي

اللحمه لما تيجي تتحط على النار تتعمل بالشكل الفلانى مش بطريقتك لانى قريتها فى كتاب ايطالي عن كيفية سلق اللحمه

فطبعا بتفرع زوجتى اكف الدعاء الله ان الرواج يرجع تانى علشان هي ترتاح وانا كمان

ملحوظة فى ايام الظروف القهريه لما بطبخ الحمد لله بطبخ كل حاجه بس بطريقه واحده بحط الحاجه على النار وعليها ميه وممكن بصله ولو محتاجه صلصه احطها

يعني لحمه مسلوقه

فراخ مسلوقه

بطاطس مسلوقه

مكرونه مسلوقه

ملوخيه مسلوقه مش عارف ازاى بس ماشي

واحمدوا ربنا انى علمتكم حاجه لله

على فكره انا بعمل فول ممتاز وبكذا طريقه وبشكل غير تقليدي لانى بحط عليه كل حاجه موجوده فى المطبخ فبيطلع يخني عجب ولادي مسمينه فول بابا ( تحبوا تعرفوا ازاى) والا كفايه عليكم كده

ودمتم سالمين

بالنسبه لموضوع الفول ده واحد صاحبى كان بيعزمنى على طول على الفطار يوم الجمعه وكنت انا دايما بيروح بس كان بيعمل فول عجب ومتعرفش انت بتاكل ايه بالظبط لان كل بيبقى فيه كل حاجه اى حاجه تقابله فى المطبخ يحطها بس بجد بيبقى تمام

[hamoudi]

انا رأي ياجماعه فى حالة الزوجه محتاجه مساعده وزوجها ماسعدهاش يبقى تصرف غير ظريف منه ويحسب عليه

ولكن طبعا المساعده ماتبقاش عمال على بطال والا هايتحول الى ان هو الى يقوم بشغل البيت

يعني يساعد فى حدود مايزيد عليها

بالنسبه ليا

فى عندنا عزومة اساعد

او مثلا لاقدر الله فى حالة تعب الزوجه برده بساعد

وماتفرقش معايا فى الحاله دي تنفيض سجاجيد , نشر ,طبيخ

وممكن عصير كمان

ممكن ايام امتحانات الاولاد اقعد داده بالعيال الصغيره

غير حالات الطواريء وان اعمال البيت اكثر من اللازم بسبب ضغوط او عزومات او امتحانات انا مش بساعد

بس غالبا المساعده فى البيت عندي بترتبط فى ذهني بايام الكساد لان الشغل بيبقى قليل فبقعد فى البيت اكثر فلازم اشغل وقت فراغى فبشغله مع زوجتى فى التوجيه (انا المدير بطريقة فؤلد المهندس فى مسرحية انا وهو وهي) اعملى دي كده وخلي بالك وانتى شايله مش عارف ايه ! اه على فكره تنظيف كذا بيتعمل بالشكل الفلانى لانى قريت كده فى كتاب مألفه واحد هندي

اللحمه لما تيجي تتحط على النار تتعمل بالشكل الفلانى مش بطريقتك لانى قريتها فى كتاب ايطالي عن كيفية سلق اللحمه

فطبعا بتفرع زوجتى اكف الدعاء الله ان الرواج يرجع تانى علشان هي ترتاح وانا كمان

ملحوظة فى ايام الظروف القهريه لما بطبخ الحمد لله بطبخ كل حاجه بس بطريقه واحده بحط الحاجه على النار وعليها ميه وممكن بصله ولو محتاجه صلصه احطها

يعني لحمه مسلوقه

فراخ مسلوقه

بطاطس مسلوقه

مكرونه مسلوقه

ملوخيه مسلوقه مش عارف ازاى بس ماشي

واحمدوا ربنا انى علمتكم حاجه لله

على فكره انا بعمل فول ممتاز وبكذا طريقه وبشكل غير تقليدي لانى بحط عليه كل حاجه موجوده فى المطبخ فبيطلع يخني عجب ولادي مسمينه فول بابا ( تحبوا تعرفوا ازاى) والا كفايه عليكم كده

ودمتم سالمين

بالنسبه لموضوع الفول ده واحد صاحبى كان بيعزمنى على طول على الفطار يوم الجمعه وكنت انا دايما بيروح بس كان بيعمل فول عجب ومتعرفش انت بتاكل ايه بالظبط لان كل بيبقى فيه كل حاجه اى حاجه تقابله فى المطبخ يحطها بس بجد بيبقى تمام

واحلى حاجه فى كده ان كل طبق فول مالوش علاقه باللى قبله

يعني مش هايعرف يطلع نفس النكهه مرتين

[عنبو]

بالنسبه لموضوع الفول ده واحد صاحبى كان بيعزمنى على طول على الفطار يوم الجمعه وكنت انا دايما بيروح بس كان بيعمل فول عجب ومتعرفش انت بتاكل ايه بالظبط لان كل بيبقى فيه كل حاجه اى حاجه تقابله فى المطبخ يحطها بس بجد بيبقى تمام

واحلى حاجه فى كده ان كل طبق فول مالوش علاقه باللى قبله

يعني مش هايعرف يطلع نفس النكهه مرتين

مهو طبعا علشان المكونات مش ثابته الثابت بس هو الماده الخام وهى الفول والباقى بظروفها على حسب المجود اقدامك

[النجم الثاقب]

ومن آياته أن خلق لكم من أنفسكم أزواجاً لتسكنوا إليها وجعل بينكم مودة و رحمة إن في ذلك لآيات لقوم يتفكَّرون

انا لسه ربنا مكرمنيش بالزواج .. لكن شىء أساسى إن يكون فى تعاون .. يكون فى إحساس بالطرف الآخر و خصوصا إنه مش أى طرف .. ده توأم الروح و القلب .. ده رفيق الدرب .. ده سكنك النفسى اللى بتجرى عليه عشان ترمى همومك و تفضفض .

لكن المشكلة إن فى بعض الأحيان بيحصل نوع من الإستهبال :) ( على ما سمعت يعنى ) .. على شىء من التمارض على كام حاجة كده .. فى الحالة دى يبقى أفضل حل إنك تعمل عبده العبيط :lol: .. و بصراحة هحاول على قد ما أقدر أخفى مهاراتى المطبخية اللوزعية :blink: لحد ما أشوف نظام العروسة ايه :lol: .. ده اذا كان فى عروسة يعنى .. مع إنى عارف نفسى مش هقدر اخبى :o .

على فكرة موضوع نشر الغسيل ده محرج قوى يا جماعة بالرغم إن المفروض الناس عارفة ان الواحد عازب .. بس الموضوع برضه دمه تقيل ( الكلام ده فى مصر ) .. إنما فى الغربة الواحد بيطلع الغسيل من المجفف و يتنشر جوه البيت و هوب كام ساعه و تلاقيه نشف و خلاص .

ادعولى ربنا يرزقنى زوجة صالحة .