إنتخابات الرئاسة الفلبينية ( حظـــوظ . الكاتب قاسم السماوي )

[se_ Elsyed]

فوجئت هذا الأسبوع بالموظفين الفلبينيين بيطلبوا الأستئذان من العمل والحصول عل جوازات سفرهم ... ليه يابني أنت وهو ؟ .. قالوا لي هانروح السفارة نسجل أسامينا علشان إنتخابات الرئاسة اللي هاتتعمل السنة الجاية ....

روحت باصص لهم بعين ونص وواخد شفططين قهوة .. وقايلهم .... اتفضل يا أفندي أنت وهو على مكاتبكم بلا إنتخابات بلا كلام فاضي .....

قال إنتخابات قال هو انا بتاع الكلام ده ... وبعدين ماله الإستفتاء ؟... ماهو زي الفل ....... الصناديق بتتملي توماتيكي لا نتعب نفسنا ولا نقف فى الشمس قدام لجان الإنتخابات ... وبعدين بنروح نستفتي على واحد بس ... لا صراعات ولا دياوله ..

وروحت واخد شفططين قهوة تاناي وقايل لهم على إقتراح

وهو إن الست جلوريا أورويو الرئيسة بتاعتهم تجيب الواد فنرنانديز إبنها - عندها إبن أسم الله عليه 25 سنه حلو كده وشنبه في وشه - وتحمية وتهيئة وتاخدوا معاها كل يوم الصبح قصر الرئاسة والواد يتودك ويبقى رئيس قد الدنيا ....

وبكده نبقى وفرنا على الأقل الساعتين اللى هايروحوا يسجلوا فيها أساميهم ...

[فــيــروز]

انت بقيت سى السيد السماوى

تلاته سين مش اتنين بس :-) بسم الله ما شاء الله الى الامام دائما

هو ده فن ادارة الموارد البشريه ولا بلاش

خلى العالم المتاخره دى تتنجر بقى وتتعلم لها حاجه تنفعها

الناس الفلبينيه اللى شغالين معانا بيقولوا -والله اعلم- ان عملتهم بتساوى الدولار .. راس براس يعنى .. وآل ايه يوم ما طلبلنا منهم شغلانه بشلن ماتاخدش ساعة زمن .. نص ساعه والله طلبوا كام !! الف دولار !! آل ايه يوم العمل الواحد بالف دولار ..

طبعا اتقهرت على شبابى وانا باعمل الشغلانه دى بدلهم من سكات و سكينا عالخبر ماجور .. :-( فيروز سماوى