الزمالك سيد البلد

[Ahmed Unknown]

ده مقال من المقالات القليلة المنصفة فى الموقع الاحمر يلاكورة و كاتبة الاهلاوى المتعصب المستفز كاره الزمالك هيثم نبيل :

على عكس الهوجة الإعلامية التي تقول إن الزمالك يمر بموسم من أسوأ مواسمه على الإطلاق .. فالزمالك هو سيد البلد رياضيا .

الزمالك الذي يعيش فترة من عدم الإتزان الإداري فاز بكل بطولات الألعاب الجماعية تقريبا أو ينافس عليها: فهو بطل دوري اليد، وبطل كأس الطائرة، وبطل إفريقيا في الطائرة، وممثل إفريقيا في كأس العالم للكرة الطائرة، وينافس بقوة على دوري السلة، وبطل تنس الطاولة، والفريق الجماعي الوحيد الذي لم يحقق بطولة حتى الآن هو فريق كرة القدم .

الزمالك الذي نقول عنه إنه ينهار لأنه يخسر في كرة القدم يفوز في كل الألعاب الأخرى بتفوق واضح على منافسه التقليدي الأهلي .

والأهلي الذي يتشدق الجميع بإدارته يخسر كل البطولات إلا في كرة القدم، وها هو الآن يخسر أيضاً في كرة القدم ولم نسمع الدنيا "تقوم وتقعد" ضد إدارة الأهلي .

الزمالك "المظلوم" إعلامياً هو سيد البلد رياضياً لموسم 2008-2009 فيما عدا كرة القدم (حتى الآن) والقادم أفضل كثيرا للزمالك في كرة القدم أيضاً، ولهذا فإننا نوجه التحية لكل العاملين في نادي الزمالك وكل أعضاء النادي الكبير وإدارته وجماهيره العظيمة التي أثبتت أنها الأقوى والأفضل والأكثر تأثيراً على فرقها المختلفة .

الأهلي "عمدة البلد" إعلامياً و الذي يتغنى الناس به ليل نهار ويعدونه رمزاً من رموز النجاح في هذا الوطن على مدار السنوات الماضية كان انتصاره في كرة القدم يغطي على فشله في جميع اللعبات الأخرى، فالموسم الماضي وما قبله أيضاً خسر الأهلي تقريباً كل الألعاب الجماعية ولم يسمع أحد أو يشعر أحد لأن فريق الكرة كان يفوز .

وإذا كانت إدارة الأهلي ترى في نفسها أنها ناجحة لأنها تفوز في كرة القدم فعليهم أن يعلنوها صريحة أننا نادي لكرة القدم فقط نفوز فيها ونخسر في الباقي !

وبما أن إدارة الأهلي وجهازه الفني يتمتعون بقدر كبير من "تأليه الذات" فها هم يخسرون في إفريقيا من فرقة مدارس "كانو بيلارس" الإعدادية .. ويترنحون في الدوري المصري .. والله أعلم ما هو شكل المستقبل !

إدارة الأهلي التي رفضت من قبل أي مناقشة عقلانية لأخطاء وقعوا –ولا يزالوان- فيها واعتقدوا بأنهم وجهازهم الفني أكبر من النقد وأكبر من أن يقول لهم أحد أنتم على خطأ، هاهم الآن يقفون متباهين أمام الجميع على الرغم من كل الإخفاقات على مستوى جميع اللعبات ليقولوا لنا: الدوري لازال في الملعب ، وكأن النادي كله يقف عند كرة القدم .. وماذا إذا ما خسر الأهلي الدوري ؟ هل ستعتبر هذه الإدارة نفسها فاشلة أم ماذا ؟ وإذا فاز الأهلي بالدوري هل ستعتبر هذه الإدارة نفسها ناجحة ؟.

الإعلام المصري الذي صنع أسطورة الأهلي خلال السنوات الأربع الماضية عندما يتكلم عن الأهلي بالمنطق تجد كل من له علاقة بهذا النادي الكبير يتهمك بأنك عدو للنجاح وأنك تريد أن تهدم القلعة الحمراء .. ولا يدري هؤلاء أنهم هم من يهدم "بعنجهيته" كل ما بناه هذا النادي الكبير على مدار أربع سنوات ( في الكرة فقط ) .. علشان نبقى واضحين !

الزمالك المظلوم .. سيد البلد .. في كل الألعاب يجب أن نعطيه حقه الآن ونقول للدكتور محمد عامر .. أنت رائع .. ونقول لكل من ساهم في تحقيق الزمالك لكل هذه البطولات .. أنتم رائعون .. ونقول لجماهير الزمالك العظيمة .. أنتم الأكثر روعة.

أما الأهلي فنقول له .. انزل من برجك العاجي الذي وضعت نفسك فيه معتمداً على نتائج فريق كرة القدم لأن الحياة مش كلها كورة !!

أما الإسماعيلي فهو ليس له ذكر إلا في كرة القدم .. وهو لازال ينتظر هدية من السماء لكي يفوز بالدوري الذي كان أبعد ما يكون عنه والآن أصبح في متناول يديه ...

مبروك لجماهير الزمالك كل هذه النجاحات في كل الألعاب .. ومبروك لجماهير الأهلي نجاحاته السابقة في كرة القدم ( فقط ) .. وجاء الوقت لكي تعترفوا أنكم تعاملتم بتعالي غير مبرر مع الجميع خلال سنوات فقط لأن فريقكم كان يفوز في كرة القدم !!!

http://www.yallakora.com/arabic/articles/D...d=1&region=

طبعا انا عارف انى دخلت عش الدبابير و بالذات ان دى اول مره ارسل موضوع , مستنى بقى قرص قصدى رد الاخوة الدبابير الاهلاوية

و طبعوا الاخوه الزملكاوية مينسوش ييجوا يحوشوا عنى

[elfakhrany]

مدام بنتكلم عن الأهلى والزمالك يبقى بنتكلم عن مصر ومدام بنتكلم عن مصر يبقى اللعبة الأكثر شعبية هى كرة القدم اللى الأهلى متفوق فيها عن الزمالك أما

بالنسبة للألعاب الجماعية الأخرى مثل السلة أو الطائرة أو اليد فلا تحظى بمشاهدة حتى 10 % فى مقابل 90 % لكرة القدم ... وأنت عــامل ايه دلوقتى ؟؟؟

[se_ Elsyed]

نفس الشيء موجود في كل العالم

عارف إن فرق أسبانيا كلها برشلونه وريالد مدريد وغيرهم عندهم فرق نار في لاسلة وكرة اليد والطايرة ؟

طب بالله عليك عمرك عرفت برشلونه عمل إيه في السلة ولا الطايرة ... إلخ ؟

أم أن إسم النادي مرتبط باللعبة الشعبية الأولى وهي كرة القدم ؟

طب أدي الزمالك وصل كأس العالم للاندية للكرة الطائرة .. وبما إنك زملكاوي ... أتحدى ثم أتحدى تعرف هي هاتُقام فين أو إمتى أو مين اللي موجود في البطولة دي ؟

يكفي إن نتائج كرة القدم وحدها فقط

ممكن تشيل مجلس إدارة وتجيب مجلس أخر ..

[ابو حودة]

الأهلى فى المركز ٥١ عالمياً والأول عربياً وأفريقياً فى تصنيف أندية العالم

٦/ ٥/ ٢٠٠٩

تقدم النادى الأهلى ١٩ مركزاً دفعة واحدة على مستوى أندية العالم ليحتل المركز الـ ٥١ عالمياً بدلاً من الـ ٧٧ فى التصنيف الشهرى الذى أصدره الاتحاد الدولى لتأريخ وإحصائيات كرة القدم أمس الأول.

كما واصل الأهلى صدارته للأندية العربية، وتقدم أيضاً صدارة الأندية على المستوى الأفريقى.

وذكر الاتحاد الدولى للتأريخ - عبر موقعه الإلكترونى- أن النادى الأهلى نجح فى التقدم بالتصنيف بعد نتائجه التى حققها الفريق فى الدورى خلال شهر أبريل المنصرم، بينما لم تحتسب نقاط مباراة الإياب بين الأهلى وكانو بيلارز النيجيرى، التى أقيمت فى الثانى من مايو الجارى وانتهت بالتعادل الإيجابى ٢-٢ وودّع الفريق على أثرها بطولة دورى رابطة الأبطال الأفريقية.

وأضاف الاتحاد أنه فى الوقت الذى شهد فيه التصنيف تقدماً ملحوظاً للأهلى، خرج فريق الزمالك من التصنيف الذى يضم أفضل ٣٥٠ نادياً فى العالم، بعد أن تراجع أكثر من ٧٦ مركزاً بعد أن كان يحتل المركز ٢٧٤، واحتل فريق حرس الحدود المركز ٩٨ فى التصنيف، فيما احتل إنبى المركز ٢٣٨ عالمياً.

وعلى المستوى الأفريقى، اعتلى الأهلى الصدارة، بينما تراجع فريق القطن الكاميرونى إلى المركز الثالث بعد أن كان فى المركز الأول الشهر الماضى، وتقدم فريق المريخ السودانى إلى المركز الثانى على المستوى الأفريقى.

وحافظ مانشستر يونايتد الإنجليزى على صدارة أندية العالم، وجاء برشلونة الإسبانى فى المركز الثانى، وتشيلسى الإنجليزى فى المركز الثالث، فيما تقدم بوكا جونيورز الأرجنتينى إلى المركز الرابع.

[elfakhrany]

أظن دلوقتى مفيش زملكاوى يكلمنى الا لما ياخد نادى الزمالك حتى المركز ال 350 على مستوى العالم عشان ميبقاش برة التصنيف

[Ahmed Unknown]

مدام بنتكلم عن الأهلى والزمالك يبقى بنتكلم عن مصر ومدام بنتكلم عن مصر يبقى اللعبة الأكثر شعبية هى كرة القدم اللى الأهلى متفوق فيها عن الزمالك أما

بالنسبة للألعاب الجماعية الأخرى مثل السلة أو الطائرة أو اليد فلا تحظى بمشاهدة حتى 10 % فى مقابل 90 % لكرة القدم ... وأنت عــامل ايه دلوقتى ؟؟؟

احنا بنتكلم عن نادى رياضى فيه مختلف الالعاب و الانشطة و طبعا لا انكر ان كرة القدم هى اللعبة الشعبيية فى العالم و لكن هذا لا يجعلنا نغفل باقى الالعاب و نتائج الفرق فيها

يعنى فى ناس اتمرنت و تعبت و لعبت ماتشات و حكام و جماهير و فلوس يتتدفع عشان تيجى انت فى الاخر تقول هيه كرة القدم و بس

و لما هيه كرة القدم المهمة و الباقى اى كلام الاهلى ليه بقى بيشترك فيها و يحرج نفسه و يتغلب و يجيب لنفسه الكلام و عنده فريق كرة قدم جامد و الاقوى افريقيا

انا شايف الاهلى بقى ممكن يسرج جميع لاعبى الرياضات الاخرى و يبقى النادى الاهلى لكرة القدم

[Ahmed Unknown]

الأهلى فى المركز ٥١ عالمياً والأول عربياً وأفريقياً فى تصنيف أندية العالم

٦/ ٥/ ٢٠٠٩

تقدم النادى الأهلى ١٩ مركزاً دفعة واحدة على مستوى أندية العالم ليحتل المركز الـ ٥١ عالمياً بدلاً من الـ ٧٧ فى التصنيف الشهرى الذى أصدره الاتحاد الدولى لتأريخ وإحصائيات كرة القدم أمس الأول.

كما واصل الأهلى صدارته للأندية العربية، وتقدم أيضاً صدارة الأندية على المستوى الأفريقى.

وذكر الاتحاد الدولى للتأريخ - عبر موقعه الإلكترونى- أن النادى الأهلى نجح فى التقدم بالتصنيف بعد نتائجه التى حققها الفريق فى الدورى خلال شهر أبريل المنصرم، بينما لم تحتسب نقاط مباراة الإياب بين الأهلى وكانو بيلارز النيجيرى، التى أقيمت فى الثانى من مايو الجارى وانتهت بالتعادل الإيجابى ٢-٢ وودّع الفريق على أثرها بطولة دورى رابطة الأبطال الأفريقية.

وأضاف الاتحاد أنه فى الوقت الذى شهد فيه التصنيف تقدماً ملحوظاً للأهلى، خرج فريق الزمالك من التصنيف الذى يضم أفضل ٣٥٠ نادياً فى العالم، بعد أن تراجع أكثر من ٧٦ مركزاً بعد أن كان يحتل المركز ٢٧٤، واحتل فريق حرس الحدود المركز ٩٨ فى التصنيف، فيما احتل إنبى المركز ٢٣٨ عالمياً.

وعلى المستوى الأفريقى، اعتلى الأهلى الصدارة، بينما تراجع فريق القطن الكاميرونى إلى المركز الثالث بعد أن كان فى المركز الأول الشهر الماضى، وتقدم فريق المريخ السودانى إلى المركز الثانى على المستوى الأفريقى.

وحافظ مانشستر يونايتد الإنجليزى على صدارة أندية العالم، وجاء برشلونة الإسبانى فى المركز الثانى، وتشيلسى الإنجليزى فى المركز الثالث، فيما تقدم بوكا جونيورز الأرجنتينى إلى المركز الرابع.

طيب و ده ايه علاقته بموضوعنا ؟

الموضوع بيتكلم عن الظلم الاعلامى للزمالك و عدم اعطاءه لمكانتة الطبيعية فى وسائل الاعلام و الهجوم المتاصل على كيان النادى و على ادارته

فريق كرة القدم بيخسر اه و بيتعادل بردوا و ماله بس باقى الفرق الطايرة و كرة السلة و تنس الطاولة و البلى و صلح و عسكر و حرامية كله بيكسب

ليه مبياخدش حقه اعلاميا؟ و ليه الاهلى بيخسر فى كل الرياضان و بردوا بياخدش الطريحه التمام زى الزمالك؟

و كمان بيتقول الاهلى صعد للمركز ال مش عارف كام .....

طب ما كلنا عارفين الاهلى عمل ايه اخر كام ماتش

اتعادل اخر ماتشين او تلاته فى الدورى و اتغلب فى كاس افريقيا و محدش بيتكلم عن الموضوع

و بيهللوا عشان صعد كام مركز فى التصنيف

هوه ده بقى التحيز الاعلامى

ذكر ايجابيات الاهلى و اغفال سلبياته و ذكر سلبيات الزمالك و ترك ايجابياته

[Ahmed Unknown]

أظن دلوقتى مفيش زملكاوى يكلمنى الا لما ياخد نادى الزمالك حتى المركز ال 350 على مستوى العالم عشان ميبقاش برة التصنيف

انا كان نفسى واحد بس من اللى ردوا يكون قرا اللى اتكتب و فهم المقصود منه قبل ما يرد

و طبعا للأسف مفيش

الموضوع بيتكلم فى ثلاث فقاط على حسب ما فهمت

الاولى ان الزمالك برغم التوهان اللى فيه فريق كرة القدم و التخبط الادارى فاز فى كعظم الالعاب الشعبية الاخرى (اللى طبعا لا تقارن شعبيتها بكرة القدم)

التانية انه يوجد تحيز اعلامى للأهلى و تجاهل اعلامى للزمالك

و الثالثة و دى متهمنيش اوى ان ادارة الاهلى لا تعترف بالاخطاء و تتعامل مع الصحافة و الاعلام بنوع من التعالى و رفض للأعتراف بالحقيقة

وطبعا هيه دى النقط اللى كنت احب اننا نناقشها مش موضوع ان الاهلى طلع فى الترتيب و الزمالك شالوه م الترتيب ماهو طبعا لازم يشيلوه يعنى المركز السادس فى الدورى المرصرى عايزه يبقى كام على العالم :lol:

[د هشام ابراهيم]

انا شايف الاهلى بقى ممكن يسرج جميع لاعبى الرياضات الاخرى و يبقى النادى الاهلى لكرة القدم

يعني الاهلي يسرح لعيبة الطايرة و السلة و اليد علشان خسروا بطولة و طلعوا التاني أو التالت

امال اللي بيطلع السادس أو السابع في بطولة يعملوا فيه إيه

ما هو طول عمرنا عارفين إن قطبين الرياضة الأهلي و الزمالك .... في كل اللعبات .... و لو الاهلي ما فازش يبقى الزمالك .....كام فريق بيظهر كل كام سنة ينافس .....الاسماعيلي ....الجزيرة ...الاتحاد ...انما الاغلب الأعم لا الاهلي لا الزمالك هو البطل ..... و عليه المنتخبات القومية كلها اساسها منهم

أدارة الزمالك الحالية فعلا ناجحة نسبيا مقارنة بالادارات اللي قبل كده لكن لو الاخ الفاضل مرتضي منصور كسب الأنتخابات الجاية ما أعتقدش يبقى فيه أمل

الغريب يعني إن منحني أداء لاعبي الفريق الأول لكرة القدم بقالوا مدي بينخفض ...إيه اللي علي أصوات المعارضة دلوقت مش عارف

بالمناسبة من نفس الموقع شفت المشاركة ديه ؟

تفوق الأهلي هذا الموسم على الزمالك و حقق البطولات التالية ......1- دوري الطائرة رجال بدون اي خسارة 2-دوري الطائرة سيدات للموسم الــ22 على التوالي (و دوري ابطال إفريقيا) 3- بطولات قطاع الناشئين و الشباب للكرة الطائرة للجنسين 4- دوري مختلط اليد رغم قرارات إدارة الاهلي التربوية بإيقاف 4 من أعمدة الفريق و المنتخب 5- كأس اليد للسيدات 6- دوري اليد للسيدات 7- بطولات قطاع الناشئين و الشباب لكرة اليد للجنسين8- كل بطولات كرة الماء رجال "للإختصار" ( لا توجد منافسات للجنس اللطيف 9-بطولات كرة الماء للناشئين و الشباب (الاهلي فاز بدوري 18 بالامس و فاز على الزمالك (15 -4 ) .. 10- بطولات الجمباز كبار و ناشئين و شباب للجنسين 11- بطولات السباحة كبار و ناشئين للجنسين 12- بطولات ألعاب القوى كبار و ناشئين للجنسين 13- جميع بطولات تنس الطاولة للناشئين و الشباب فرق و فردي ما عدا فرق الناشئات تحت 18 سنة التي أحرزها فريق جاسكو ..كما حقق شباب و ناشئو الأهلي ذهبيتين و فضيتين و برونزية في بطولة العالم المصغرة ..14- دوري و بطولات الإسكواش في معظم المنافسات للجنسين .. 15- بطولات الكاراتيه كبار للجنسين .. 16- بطولات الكاراتيه للناشئين و الشباب للجنسين ..17- دوري كرة القدم كبار .. 18- دوري كرة القدم ناشئين تحت 17 و 15 سنة و وصيف دوري 21 سنة خلف انبي 19- دوري و كأس السلة سيدات...بالإضافة لألعاب أخرى معلقة مثل دوري السلة رجال الذي هزم فيه الأهلي الزمالك مبارتين هذا الموسم ......و كما نرى فإن عدد البطولات يفوق الــ 50 بطولة إذا ما تام تفصيلهم

و علي الماشي كده اشمعني استشهدت بمقالة هيثم نبيل بتاعة الزمالك سيد البلد و تغاضيت عن اللي قبليها علي طول

[جبار سينج]

علشان السنه دى الزمالك فاز ببطولات طائرة والخ يبئى الزمالك سيد البلد تيب والسنين اللى قبل كدا

صحيح اعلام على ما تفرج

[ايهاب سالم]

ده مقال من المقالات القليلة المنصفة فى الموقع الاحمر يلاكورة و كاتبة الاهلاوى المتعصب المستفز كاره الزمالك هيثم نبيل :

هيثم نبيل زملكاوي قلبا وقالبا وهذه حقيقه عرفتها من احد اصدقائي على معرفه به شخصيا ويعمل مدير التطوير في شركة مصراوي دوت كوم مالكة الموقع

مالك شركة مصراوي دوت كوم وبالتالي موقع يالاكوره هو نجيب ساويريس .... الاهلاوي زي ما كلنا عارفين

[محمد عبدالعزيز]

أنا نفسى أعرف حاجة بس, لو افترضنا إن فى تحيز إعلامى فعلاً للنادى الأهلى, مين المسؤول عن التحيز الإعلامى ده؟

يعنى هل النادى الأهلى بيدفع مقابل مادى مثلاً للتحيز الإعلامى ده ولا التحيز ده بمناسبة إيه؟

[حسام يوسف]

أنا نفسى أعرف حاجة بس, لو افترضنا إن فى تحيز إعلامى فعلاً للنادى الأهلى, مين المسؤول عن التحيز الإعلامى ده؟

يعنى هل النادى الأهلى بيدفع مقابل مادى مثلاً للتحيز الإعلامى ده ولا التحيز ده بمناسبة إيه؟

الاهلى شعبيته الاولى

وشعبية جارفة

وليه محبيه وعاشقيه

من أول مجلس الادارة

الى رجال اعلام وسياسة وفكر واقتصاد

واللى هيحاول يقف ضد الشعبية الجارفة دي

قول عليه يا رحمن يا رحيم

عشان كدة مش ممكن يبقى عندنا رياضة محترمة فى وجود الاهلى بكيانه الغالب على الرياضة المصرية

الرياضة يعنى تنافس

وتكافؤ فرص

والاحسن يكسب

وده صعب فى وجود الشعبية الطاغية للأهلى

[محمد عبدالعزيز]

أنا نفسى أعرف حاجة بس, لو افترضنا إن فى تحيز إعلامى فعلاً للنادى الأهلى, مين المسؤول عن التحيز الإعلامى ده؟

يعنى هل النادى الأهلى بيدفع مقابل مادى مثلاً للتحيز الإعلامى ده ولا التحيز ده بمناسبة إيه؟

الاهلى شعبيته الاولى

وشعبية جارفة

وليه محبيه وعاشقيه

من أول مجلس الادارة

الى رجال اعلام وسياسة وفكر واقتصاد

واللى هيحاول يقف ضد الشعبية الجارفة دي

قول عليه يا رحمن يا رحيم

عشان كدة مش ممكن يبقى عندنا رياضة محترمة فى وجود الاهلى بكيانه الغالب على الرياضة المصرية

الرياضة يعنى تنافس

وتكافؤ فرص

والاحسن يكسب

وده صعب فى وجود الشعبية الطاغية للأهلى

يعنى انت شايف يا حسام إن شعبية الأهلى الطاغية والجارفة دى عيب وإنها عائق أمام الرياضة المصرية؟

أنا أفهم إنها ممكن تكون عيب لما تكون فى منفعة مادية للمتحيزين إعلامياً للنادى الأهلى زى حالة الحزب الوطنى.

أو يكون التحيز ده نتيجة إرهاب الأهلى للى متحيزين ضده, زى ما عمل بوش كده وقال اللى مش معايا يبقى ضدى, والأهلى مش نظام حاكم عشان يقدر يرهب حد.

أما بقى القدرات المالية للأهلى فدى ميزة للإدارة إنها بتقدر توفر ميزانية جبارة للتطوير والتحديث, والميزة دى نتيجة عمل وتخطيط وأسلوب علمى فى الإدارة, يعنى لا بواسطة ولا محسوبية, طيب ليه باقى الأندية مش قادرة تعمل ده؟ الملعب مفتوح أمام كل الأندية إنهم يوفروا موارد مالية لنفسهم عشان يقدروا ينافسوا.

إذا كانت الشعبية الطاغية للأهلى واقفة قدام الأندية التانية إنها تنافس, إيه اللى مانع الأندية التانية من كسب تأييد وشعبية من النادى الأهلى؟

[حسام يوسف]

الخوف من الاهلى والارهاب الاهلاوي موجود لدى الجميع

اتحاد الكورة

لجنة الحكام

كل حكم

صحفى

اعلامي

وحتى لاعيب كورة

الاهلى على راسة ريشة

شوف عقوبات اتحاد الكورة للأهلى

لما أحمد حسن اتهجم ع الحكم؟

ولا لجوزيه؟

ولا المؤدب حسام عاشور؟

ولا فلافيو لما ضرب جون المحلة بدون كورة؟

ولا-----؟

ولا----؟

ولا----؟

ولا اختيار ابو تريكة أحسن لاعب فى افريقيا

وهوة لاعيب ممكن يعدى عليه ماتش واتنين وتلاتة فى فورمة تعبانة جدا بدون أى ملامح

ولا الغنا والطبل والزمر على اى حاجة

المنتدى مش هيقضى

انا مش بتكلم كدة عشان انا زملكاوى

لكن لانى مقتنع ان الرياضة تنافس

وتكافؤ فرص

وهو ما يستحيل فى وجود النادي الاهلى

[محمد عبدالعزيز]

ماشى يا حسام

مش هناقشك فى أى مثال من اﻷمثلة اللى ذكرتها.

بس عندى سؤال:

الإرهاب الأهلاوى ده بيتمثل فى إيه بالظبط بالنسبة للى قلت عليهم دول, اتحاد الكورة ولجنة الحكام والصحفيين والإعلاميين ولاعيبة الكورة؟

إيه اللى الأهلى ممكن يعمله بيخوف الناس دى منه؟ بس بعيداً عن الجماهير لأن اللى على حق ويخاف من غضب الجماهير عليه سواءً كان اتحاد الكورة ولا لجنة حكام ولا غيره يبقى مايستاهلش المكان اللى هو فيه والعيب عليه هو مش على الجماهير.

أنا عاوز أعرف إيه الذلة اللى النادى الأهلى - كمؤسسة مش كجماهير ومشجعين - ماسكها على اتحاد الكورة ولا لجنة الحكام ولا غيرهم عشان مش قادرين يقفوا قدامه ويوقفوه عند حده لو هما عندهم حق؟

[حسام يوسف]

ماشى يا حسام

مش هناقشك فى أى مثال من اﻷمثلة اللى ذكرتها.

بس عندى سؤال:

الإرهاب الأهلاوى ده بيتمثل فى إيه بالظبط بالنسبة للى قلت عليهم دول, اتحاد الكورة ولجنة الحكام والصحفيين والإعلاميين ولاعيبة الكورة؟

إيه اللى الأهلى ممكن يعمله بيخوف الناس دى منه؟ بس بعيداً عن الجماهير لأن اللى على حق ويخاف من غضب الجماهير عليه سواءً كان اتحاد الكورة ولا لجنة حكام ولا غيره يبقى مايستاهلش المكان اللى هو فيه والعيب عليه هو مش على الجماهير.

أنا عاوز أعرف إيه الذلة اللى النادى الأهلى - كمؤسسة مش كجماهير ومشجعين - ماسكها على اتحاد الكورة ولا لجنة الحكام ولا غيرهم عشان مش قادرين يقفوا قدامه ويوقفوه عند حده لو هما عندهم حق؟

ما هي الأمثلة عينة يا عم محمد

مش هتناقشنى فى الأمثلة لانها غير صحيحة أو مجتزأة عن السياق؟

ولا لأنها متعبرش عن الخوف من التوربيني الاحمر؟

البلد حمرا يا عم الحاج

انت تقدر تقف قدام نادى شعبيتة كاسحة وفى كل مدن مصر تقريبا؟

تعالى بقى نشوف فى أى بلد محترمة كرويا

أو حتى متوسطة الاحترام

مش هتلاقى البلد كلها بتشجع فريق واحد

ماينفعش

عمرك شفت حد بيشجع ماشنستر يونايتد فى ليفربول؟

ولو حصل هيبقى أقلية

عمرك شفت تشيلسي ولا الارسنال اللندنيين فى مباراتهم مع مانشستر يونايتد

ولاعيبتهم غلابة فى الملعب يا ولداه

تقولش يتامي

وكل الملعب في نفس واحد

مانشستر

مانشستر

عشان يبقى فيه رياضة

يبقى ما تبقاش الكورة تقتصر على المركزية القاهرية القاتلة

بين 75%أهلى

و25%زمالك

ومش مهم بقى باقى مصر

ماينفعش فريق الاهلى لما يلعب فى المنصورة تبقى كل الجماهير اللى هية بالصدفة البحتة م المنصورة تشجع الاهلى

المركزية الأهلوية القاهرية دي ضد أى تنافس

وضد أى رياضة

تم تعديل 7 مايو 2009 بواسطة حسام يوسف

[Ahmed Unknown]

يعني الاهلي يسرح لعيبة الطايرة و السلة و اليد علشان خسروا بطولة و طلعوا التاني أو التالت

امال اللي بيطلع السادس أو السابع في بطولة يعملوا فيه إيه

فهمت كلامى غلط انا بقول كده ردا على الزميل اللى قال ان 90% من الناس بتشجع كرة القدم و 10% بس فى الالعاب التانية فيقول له طالما ان الاهلى مكتسح فى كرة القدم فيبقى يسرح باقى الالعاب التانية فى حالة ان كلامة مظبوط

و علي الماشي كده اشمعني استشهدت بمقالة هيثم نبيل بتاعة الزمالك سيد البلد و تغاضيت عن اللي قبليها علي طول

استشهدت بيها عشان دى اول مقالة تنصف الزمالك و انا طبعا زى ما انت اخدت بالك زملكاوى :unsure:

و كمان كنت عايز اثير نقطة ان الزمالك اما بيخسر كله بيشتم فية (و احيانا بألفاظ خارجة كمان) و اما بيكسب محدش بيتكلم

و طبعا المقالات السابقة دى كانت مثال لما الزمالك بيتغلب و بيبقدم اداء سىء فحبيت بالمقال ده انشر الجانب الايجابى و ندى الناس حقها

علشان السنه دى الزمالك فاز ببطولات طائرة والخ يبئى الزمالك سيد البلد تيب والسنين اللى قبل كدا

و اية المشكلة انه يكون سيد البلد السنه دى بس ؟

انا طبعا مش فاكر نتايج السنه اللى فاتت بس لو الزمالك كان كسب كل حاجه كان هيبقى سيد البلد بردوا

و على فكرة مش عارف ليه محدش ذكر ان الزمالك اخد المركز التانى فى دورى كرة القدم للناشئين بعد انبى و الاهلى التالت على ما اعتقد

هوه ده مش فريق الاهلى بردوا ولا دول مبيبقوش الاهلى الا فوق 21 سنه اما يلموا لعيبة الاسماعيلى و لعيبة الفرق التانية؟

هيثم نبيل زملكاوي قلبا وقالبا وهذه حقيقه عرفتها من احد اصدقائي على معرفه به شخصيا ويعمل مدير التطوير في شركة مصراوي دوت كوم مالكة الموقع

مالك شركة مصراوي دوت كوم وبالتالي موقع يالاكوره هو نجيب ساويريس .... الاهلاوي زي ما كلنا عارفين

على حد علمى ان يلا كورة مملوك لشركة لينك دوت نت زية زى مصراوى و هيثم نبيل على ما اعتقد انه مدير المشروع الخاص بيلا كورة

و حسب ما ذكرت مصادرى الخاصة انه اهلاوى ابا عن جد :happy:

و ايا كان انتماء هيثم نبيل فلا احد ينكر انتماء يلاكورة للنادى الاهلى و التحيز الواضح

و بالمناسبة موقع فى الجول ده مملوك لشركة فودافون و هى الراعى الرسمى للنادى الاهلى و طبعا العلاقة واضحة و مش عايز حد يقولى الاستاذ على صاحب شركة فى الجول ده زملكاوى ووالده الله يرحمه كان لعيب كبير فى الزمالك :lol:

[محمد عبدالعزيز]

يا أخ جبار سنج الحكاية مش مستاهلة اللى انت بتقوله ده, بلاش الأسلوب ده فى الحوار لأن هنا باب الرياضة, والرياضة يعنى الروح الرياضية والترفيه مش الاختلافات الأيدولوجية والكلام الكبير ده.

صدقنى... الموضوع مش مستاهل.

نرجع بقى لحسام

انت بتقول مش ممكن تقف قدام نادى شعبيته كاسحة, وكل مشكلة الأهلى فى رأيك هى شعبيته الكاسحة اللى بتخلى أى حد يخاف يقف قدامه.

كل اللى أقدر أقوله إن الشعبية الكاسحة دى متاحة لأى فريق يعملها بمجهوده وإنجازاته, يبقى المشكلة مشكلة الفرق التانية اللى مش قادرة تنافس.

شعبية النادى الأهلى لا هى عشان بيدفع فلوس للجماهير ولا عشان حد من النادى الأهلى بيمسك سلاح للمشجعين عشان يشجعوه, الشعبية جاية من الإنجازات والإعجاب بالفريق ومجهوده.

أنا فى يوم من الأيام كنت معجب جداً بفريق الكروم وبشجعه قدام أى فرقة تانية غير الأهلى عشان كان فريق بيلعب بأقصى إمكانياته وكان بيعمل نتايج رائعة بالنسبة لإمكانياته, ومع إن المفروض إنى أشجع الاتحاد السكندرى بحكم انتمائى للإسكندرية ولكنى لا أشجع فريق لاعيبته بتلعب طول الموسم وحش عشان تبقى مهددة بالهبوط فى نهاية الدورى وياخدوا مكافآت للفوز فى المباريات الأخيرة عشان مايهبطوش وبياخدوا مكافآت ولا كأنهم بطل الدورى.

[Alshiekh]

انت بتلفق التهم للناس كدا ولا ايه لازم تتحرى الصدق بكلامك

الموضوع مش فهلوة وفبركه كلام وبس الموضوع نفسيات وبس

مش حسمح لاى مخلوق يغلط او حتى يتطاول بدون صدق

لكن ترمى الناس بالباطل هنا لم اسمح لك

الفاضل / 'جبار سينج'

بالراحة علينا شوية

اعتقد اننا حتى لو ذهبنا لمشاهدة ماتش كرة ، فإن ذلك يكون من باب التسلية والترويح عن النفس ، لان فى النهاية يخرج الفريقين بـ ( كبشة فلوس ) ويروحوا يسعروا كسبانبن او خسرانين مابتفرقش كثير ،

اذن فالموضوع لايستحق ان نرمى بعضنا البعض بتهم وصفات لايصح ان تقال ،

وانا اتعجب من لفظة التهديد فى خطابك بانك ستسمح او لاتسمح ، مرة اخرى اقول لك اهدأ وبالراحة علينا ولو حاسس انك لاتتقبل الكلام فى الرياضة على النادى الذى تحبه ، بلاش تنرفز نفسك وتدخل باب الرياضة من اصله ، او احبس نفسك فى اوضة ليس بها غير المسبحين بكرامات وانجازات النادى الذى تعشقه.

لكن فى النهاية احب ان اقول باسم الادارة " اننا لن نسمح ان يتحول الحوار عن الرياضة واللاعبين الى مهاترات وشتائم بين الاعضاء بعضهم البعض "