شعار جديد

[KWA]

بسم الله الرحمن الرحيم

السلام عليكم ورحمة الله وبركاته

هذا الشعار الجميل صممه احد المصرين و هو شعار بسيط جميل يعرفه اي شخص انه يشير الي مصر...افضل في رأئي من عين حورس...و لكن للأسف كما يقول المقال ان الشعار الجديد جاء متآخر ....متأخر علي ماذا لا اعرف.....و المفروض ان شعار حورس تم الموافقه عليه مبدئيا و ليس نهائيا ....و اتمني تغيره

http://www.elakhbar.org.eg/issues/16036/0901.html

http://www.egypt-2010.com/index.htm

[se_ Elsyed]

ممتاز جداً الشعار ده لكنه كومبليكيتيد شويه ... يعني الأفض أنه يخلي صور واحده لنفرتيتي ولأبو الهول ...

الغريب في الأمر أن الناس كلها سواء فى البرامج الرياضية او الصحف قد عارضت الشعار المتخلف التاني ده

فمن منا نحن كمصريين يعرف عين حورس ولا عين الصيرة دي ... ما بالك بالأجانب ....

لكنها الجليطة وقلة الذوق المعتاده وهانروح بعيد ليه يا راجل شوف شعار جمهورية مصر العربية مش لاقيين إلا النسر اللي بياكل الجيف يكون شعار دولة بحالها وششعار قناتها الفضائية... حاجة تقرف...

حتى هشام عزمي اللي الواحد بيقول عليه راجل بيفهم طلع زييهم .. ويدافع عن البتاع العبيط اللي عاملينه ويقولك أصل شعارات مثل هذه البطولات لابد ان تتوافر فيها شروط معينه ....

طب ماتقولنا أيه الشروط دي ولا هي أسرار حربية

[DARWEEN]

ياعم السيد هي الحكايه أنهم فاكرينها الأتحاد الأشتراكي والتنظيم الطليعي

جابوا شوية طلبه في كلية الفنون وقالولهم ورونا الشطاره ياحلوين

قاموا عملولهم عين أسمه أيه ده ناقلينها من ديل طيارة مصر للطيران وحطوا تحتها كوره وخلصت الشغلانه

وهما مش عارفين أن هذا الشعار سيعرض على لجان والدنيا كلها المفروض تشوفه

يعني لو لجأوا لفنانين متخصصين يبقى عيب ولا حرام ولا حيقولوا للناس في الفيفا معلش أصل دول طلبه وعقبال أولادكم

[فــيــروز]

هو الشعار مش كبير شويه ولا انا بيتهيالى؟ رغم انه جميل ولا شك ..

انا الصراحه لا اعرف ما هى المواصفات الفنيه للشعار او الحجم المفترض ولكنى عندما اتذكر شعارات دورات الالعاب الاوليمبيه مثلا او كاس العالم الماضى اظن انها كانت اصغر حجما .. هو مش الشعار هو اللوجو ولا ده شئ وده شئ تانى !!