كرسي الاعتراف

[linux]

شعنونة:

ليه بتحاولى تعملي "الموضوع آياه" مع أنك الحمد لله مؤمنة؟

لك مطلق الحرية فى عدم الرد و آسف لو فيه حشرية. بس بيتهيألى أن الجميع هنا زعلوا منك جدا لما ده حصل.

أخوكى،

لينكس زغطة لينكس و ولده كرمبة

ماشى ورا الترماى أركب السنجة كل ما تقع

[بنت شعنونة]

"وش حزين ومحرج"

شوف يا لينكس الموضوع دا بيكون دايما لتعذيب الذات يعني انا ما افتكرش اني عملته بغرض الموت ولا مرررررة

بس لآني عصبيييييييييية جدددددددددددداااا جداااااااا

ووقتها بكون في قمة باسي او غضبي او عصبيتي

فلما بعمل حاجا بتبقى شديدة وهيا اللي ممكن توصلني للموت فعلا

لحظة الياس في حياتي هيا اللي ممكن تموتني فعلا

تلاقين اكسر ازاز او اخد العربية واطير بيها والناتج بعد كدا بيككون مأساوي "وش مشوه من كتر الغرز"

صدقني اني بحاول اتغير

بحاول جدا جدا والله

بس انا بشر واوقات بضيع مني في لحظة وهيا دي اللحظة.."وش حزين جدا"

ويمكن الحاجا الي بتساعد على دا اني انسانة حسسسااااسة جداااا جداااااااااااااا وضعيييييفة جدا

مايغركش المنظر اللي انا عاملاه دا والا الشعننة دي

سواء قدام الناس او معاكوا هنا

انما الوحييييدة اللي تعرفني على حقيقتي هيا انا

وبس

هيا اللي شايفا ضعفي كووووووويس اووووي وعارفا ان كل دي اقنعه انا لابساها

ابسطها

دلوقتي حالا وانا بكلمك

عمي في العناية المركزة والكلام بيتقال انه خلاص.. مستنين قضاء ربنا وبس

وجدي في المنصورة في نفس الحالة وبسبب الموضوع دا والدي ضغطه عالي وحالته النفسية سئئئئئئية للغاية

قلي هايقف من الرعب عليه وعليهم

انما لازم نلبس وش الطمأنينة عشان بابا وعشان مايروحش فيها هوا كمان

دعواتك..

[Sherief AbdelWahab]

و بالأصالة عن نفسي و نيابة عن كل أعضاء المحاورات نبتهل جميعا إلى الله العلي القدير بأن يمن على عم الأخت شعنونة بالشفاء العاجل بإذن الله تعالى..

خلص الكلام

[achnaton]

وانا بأذن الله سأقرأ له سورة يسن الليلة دى .. شفاه الله وعفاه

[linux]

دعواتي لجدك و عمك ... و لوالدك بالثبات. آمين.

[بنت شعنونة]

شريف.. ربنا يخليك يارب ويكرمك امين يارب العالمين

عمي اخناتون بجد مش عارفة اشكر حضرتك ازاي نحن فعلا في حاجة للدعاء..ربنا يكرمك يارب ويجازيك خير عنا

لينكس ربنا يخليك يارب وماتشوفش وحش ابدا

[فــيــروز]

اولا اردت ان اشارك الاخوه الاعضاء الدعاء لعم شانا و جدها بالصحه و العافيه ان شاء الله .. وكما قال رب العزه سبحانه و تعالى "واذا مرضت فهو يشفين" صدق الله العظيم ..

ثانيا انا ماكنتش اعرف ان مسموح للاعضاء غير سونه بتوجيه اسئله بس هاؤجل الاسئله الى ان تستقر الحاله الصحيه للاعزاء و كمان عشان افكر للينوكس فى اسئله منتقاه بعنايه وكمان حبيت اعبر عن اعجابى الشديد بفريق البطابيط .. قصدى البطاريق الخاص بلينوكس .. جميل جدا :)

[Lancelot]

ألف سلامة بعمك و جدك يا شانا .... و يقوموا بالسلامة إن شاء الله ...

منورة المنتدي يا سونة .. و عملتي خير إنك فتحتي الموضوع ده ... يمكن دلوقتي شايف إنه خير ... و لو جه الدور عليا يمكن أغير رأيي ....