انا بجد هتجنن طيب خليكوا شاهدين

[nora]

بصوا بقا علشان انا بجدد امبارح كان برج من عقلي ها يشت فقلت جايز اكون انا مخطاه او انا جية من كوكب اخر او اني دقه اديمه

الموضوع يا عالم

امبارح بكلم واحد زميل لينا وكان فيه عنده مشروع عروسة و لقيته بيقول ليا انه اتفشكل فسألته اية الاسباب طلع سبب كبير بس سيبكم من السبب لقيته يعيب فيها شيء مقدرتش انطق وجالي شلل في لساني

" لما اقولها صباح الخير تقولي قال الرسول علية الصلاة والسلام خير السلام السلام عليكم ورحمة الله " وكده برضوا لما اقولها تصبحي على خير واي حاجة تقولي قال الرسول ....

فا مش عرفة هل ده عيب يعني ولا اية بالضبط فقلت له واية المشكلة في كده مهي البنت متدينة فقالي بس مش للدرجة دي ( بجد هيجيلي شلل"

امال اي درجة ده حتى الرسول وصا الرجال والنساء لما يختاروا زوجة او زوج نختار المتدينة او المتدين بالعكس ده كان التدين زمانننننننننننن اساس الزواج

الحال اتقلب يا جماعة والدنيا اتشقلبت

مش عرفة انا غلطانة ولا اية بالضبط حد يقولي راية

فيروز ده الموضوع الي قلتلك علية يلا ردي باه اية رايك في الكلام ده

[فــيــروز]

آخ .. ده سؤال صعب اوى يا نورا

بصى انا هاتكلم من وجهة نظرى كبنت يعنى و ارجو انى ماعكش لو ربنا فتح عليا و ارتبطت بانسان متدين زى البنت اللى بتقولى عليها فى الموضوع اكيد هاكون سعيده جدا و فى منتهى الانشكاح .. ولكن .. لو كل ما اكلمه مثلا يرد على بهذه الصوره الصراحه هاتضايق .. يعنى لو قلت له وحشتنى ورد عليا رد واقف او مثلا ايه الشياكه دى وكان الرد غير مشجع بدعوى ان الرسول مثلا قال كذا او كيت الصراحه هاتضايق .. لانه ممكن يلفت نظرى لهذا بصوره افضل يعنى ماتكبسنيش مفيش اى مانع ان يكون خلقنا القرآن بالعكس هذا شئ نطمح اليه لكن واحده واحده عشان مايكونش فيه حرج ..

ربنا يستر ..

[nora]

بصي انا مسالتوش كانت بتقولهاله ازاي او بأي اسلوب بس الواضح ان كان اسلوبها شيك

وانا معاكي ان لو كان الاسلوب في الرد صد انا لو مكانه هدايق لانه بكده عملت نفور منها او منه كانها بتقولة انت مش بتعرف ربنا لكن لو موعظه حسنة لاه مش هدايق بالمرة منا جوزي بيطلب مني حجات كتير وبيقولي كلام المفروض اقوله ومش الي مفروض اقولة وعمري محسيت بضيق منه لانه بيدلني على الصح زي لما بيخلص صلاة كنت بقوله الاول حرما فقلي لاه مسمهاش حرما اسمها تقبل الله منكم وتردي منا ومنكم بس ومن سعتها انا بعلمها لغيري و معدتش اقول التنية فهمتي قصدي يعني هو عرف ازاي يوصلي المعلومة من غير ميجرحني

في اية رايك كده

[بنت شعنونة]

امسسسسسسسسسسسسسك

الله ينوووووووووووور عليك يا نورااااااااااااااا

انا كنت عاوزا الموضووووووووووووع دا بقىىىىىىىىىى

وبصوا انا ها اتكلم فيه بمنتهىىىىىىىىىى الصراحا

انا لحد من كام سنة كنت واحدا مغيبة زي الالالالالالالاف غيري

يعني نصلي ونصوم ونم ونغيب ونعمل كل الأخطاء اللي ممكنه بس عن حسن نية

وكان دايما اخويا يوعظني ويقولي ما تعمليش كدا واعملي كدا

اوقات كنت اتعظ و واوقات لا

لحد ما بنت عمتي التزمت ومرة كنا في المنصورة وقالتلنا يالا نصلي كلنا جماعا

طبها اللي اتملكع واللي عمل نفسه مش سامع (من بنات العم)

المهم

مسكتنا كل ما تشوفنا تدينا حكم ومواعظ

بجدددددددددد بجددددددددددد

صحيح البنت كانت بتتكلم باسلوب مهذب

بس الحاحها علينا كان سخيييييييييييف

كنت بحس زي ما اكون انا كافرة وهيا المسلمة الوحيدة في الكوكب!!!!!!!

" وش مفروووووووووس"

والمهم انها كانت بتوعظنا قدام الكل وبطريقة تحرجنا جدا قدام الناس وتجرحنا

لما ربنا كرمني وهداني فهمت هيا كان قصدها ايه

انما لجل الحق

عمررررررررررررري ما عملتها مع حد ونصحتة كدا ابداااااااااااا

لآني عارفا انه ها ياخدها زي ما انا كنت باخدها عند وقرف واحساس بالدونية امام الكلام ( وسوسة شياطين)

فبقيت اعمل ايه

اعمل انا الحاجا يقوم اللب يشوفني وفيه امل انه يتغير يسالني اقوم ادله او يسالني انصحه

او حتى اديلة النصيحة بطريقة غير مباااااااااااااشرة ابدا عشان ما تقلبش عند

مثلا

كان لينا زميل لو دخل علينا يقولنا سلام عليكم

ولو اتصل في التلفون يقول مساء الخير

ف كل مرة كنت اغلس وارد على مساء الخير ب وعليكم السلام يا فندددددددم

واقولها وانا بضحك

مرة في مرة لحد ما مر شهر كدا بقى كل ما يتصل يقول سلام عليكم

الموعظة عندنا في مصر واخدا خط وان واي

يا ابيض يا اسود

لكن دا غلللللللللللللللط

في ايه بتقول بما معناه

ولو كنت فظا غليظ القلب لآنفضوا من حولك

يعني واحدا واحداااااااا

انما وعظ وعظ وعظ عمال على بطال

بجد ها يجلك احساس الكفر اللي بقولكم عليه دا وتتاخد عند

حد فاهمني؟؟؟؟؟؟؟؟؟

[بنت مصر]

اولا السلام عليكم

ثانيا وحشتينى يا شانا

الموضوع يا اخواتى الاحباء مهم جدا لعده اسباب

1- اساس اختيار شريك الحياه

2- اسلوب النصح والارشاد والدعوه الى الخير

3- تقبلنا للنصيحه والعمل بها.

لا يختلف اى شخص عاقل مهما كانت ديانته ان الارتباط بالشخص الملتزم يعتبر من نعم الله علينا وخصوصا ان ذلك سيعنى الحفاظ على اواصر المحبه والثقه وان يعامل كل منهم الله فى معاملته للطرف الاخر.

اما اسلوب النصح والارشاد فيلخصه ابيات شعريه للامام الشافعى قال فيها

تعمدنى بنصحك فى انفرادى وجنبنى النصيحه فى الجماعه

فان ذلك اقرب ما يكون اهانه لا ارضى استماعه

فان لم تفعل فلا تجزع ان لم تلقى طاعه

تقريبا الابيات كده ولكن هذا لا يمنع ان الجهل ببعض الامور ليس صفه عار او شىء يخجل منه الانسان وقد يلجاء المتحمسون الى النصيحه اما الناس حتى يستفيد الجميع

اما من ناحيه تقبلنا نحن للنصيحه فاعتقد اننا جميعا متفقون على اننا نحاول قدر استطاعتنا ان لا نغضب الله فى المقام الاول.

نورا

زميلك بالعمل سيعلم مستقبلا اى خساره ضيعها لانه قاس على ما يرى ولم ينتظر ليرى هذه الفتاه المسلمه وكيف ستكون حين تصبح حلاله ولا يطلع عليهم الا الله .

وبس كده علشان انتم لسه صغيريين

فيروز

احترم رأيك جدا اكثر الله من امثالك من فتيات مثقفات على قدر عالى من الثقافه والاحترام

شانا ما فيش حد زيك يا حبيبتى.

طنط بنت مصر

[ragab2]

التدين مطلوب

ولكن الدروشة الدينية وفوبيا الدين غير مرغوبة

واذا قضيت الصلاة فانتشروا فى الأرض

والدين محفوظ فى قلوبنا وتصرفاتنا وأعمالنا ولكن اذا تشدقنا به فى كل مجال وفى أى زمان ومكان انقلب الى هلوسة دينية وصرنا غير واثقين فى تدينا

والدين أعمال وقصد نبيل ونية صافية وخالصة لوجه الله تعالى وليس أقوالا ومحفوظات نرددها كالببغاء

وهذا رأيى المتواضع

[بنت شعنونة]

بنت مصررررررررررر

حمدالله ع السلالالالالالالالالالالالالالالامة

وانا اقول الدنيا منننننننننورة النهاردا ليييييييييييييه "وش فرحان جدا"

نرجع لموضوعنا

كلامك صح يا بنت مصر انتي و د. رجب

لكن المشكلة اننا ما اتعودناش نتقبل النقد ابداااااااااااااااااااااااااااا

انا ممكن حد ينتقدني في لحظة اثوووووووور عليه بالرغم اني ممكن اكون عارفا انه عنده حق

لكن ازاي وازاي يتنقدني!!!!!!!!!

صحيح بحاول اصلح كتييييييييير في نفسي

لكن برضه نعمل ايييه

وما بالك بقى لو النصح او النقد دا قدام ناس حتى لو كنا كللللللللنا مشتركين في نفس الذنب

مخنا مقلوووووووب والله

[nora]

اوووووبز

مش عرفة يعني انا الي طلعت دقة اديمة

بصوا مش عرفة حسة اني معرفتش اوصلكم الفكرة بس الواضح ان الوحيده الي فهمتني شانا دايما معايا على الخط

وانا قلت اني برفض فكرة الفلسفه او اني اعامل حد بأني اروح اقولة روح صليلك ركعتين احسن واحسسه انة كافر لاه بالعكس كده هيكرهني ويكره الي بقولة حتى لو هو عارف اني الي بقولة صح مليون المية بس زي ما قالت شانا تقول اية مخ تخيييييييييين

[wa7d]

آرائكم أنتم كلكم صح ، لكن أنا سوف أتكلم عن المثل الذى جابته الأخت nora

امبارح بكلم واحد زميل لينا وكان فيه عنده مشروع عروسة و لقيته بيقول ليا انه اتفشكل فسألته اية الاسباب طلع سبب كبير بس سيبكم من السبب لقيته يعيب فيها شيء مقدرتش انطق وجالي شلل في لساني  

" لما اقولها صباح الخير تقولي قال الرسول علية الصلاة والسلام خير السلام السلام عليكم ورحمة الله " وكده برضوا لما اقولها تصبحي على خير واي حاجة تقولي قال الرسول ....  

الحقيقه ومن خبرتى فى الحياه هذا الرجل كان عاوز يخلع وبس بيدور على أى سبب والمثل بيقول " ما لقوش فى الورد عيب ، قالوا ده أحمر الخدين " والمرجح إن البنت كانت كمان مش مبسوطه أوى منه وعاوزه تقرفه . فلو كان فيه إعجاب متبادل كان كلامها بأه عسل عنده وهيه كانت سوف تقول له كل اللى عاوزه تقوله بطريقة ... أخرى .. معرفش إزاى ... كما قالت بنت مصر إنتم لسه صغيرين .

فمتخافوش يابنات قولوا زى ما إنتم عاوزين وإذا طار العريس لا تحزنوا هوه كان طاير طاير .

[DARWEEN]

أسمح لي يا أخ واحد أني أختلف معاك

فعلا الموضوع ممكن يضايق ويسبب حساسية شوية لأنه مش معقول كل ماتشوف واحد تقوله ماتقوم تصلي يا أخي وخصوصا لو أنت مش واخد عليه قوي

نفس أحساس التلميذ اللي كل أبوه مايشوفه يقوله قوم ذاكر لما يزهقه في المذاكرة وفي عيشته كلها

ياأخوانا ... وأدعوا إلى سبيل ربك

أظن دي واضحه جدا جدا ...

الحكمه يعني بالعقل وبهدوء

الموعظة الحسنه يعني بأسلوب راقي وبالتبشير وليس التنفير

[فــيــروز]

لا لو زى ما بتقولى يا نورا يبقى كان بيتلكك و عاوز يخلع

وعلى العموم اى انسان مش مرتاح لارتباط ما ممكن ينهيه من غير الحاجه لاختلاق اى اعذار

الجواز مش مجامله

وزى ما قالت شانا .. المفروض الانسان يكون نموذج جيد يشجع الآخرين على الاقتداء به من غير كلام كتير ولو حبوا يسالوا على نصيحه يسالوا من نفسهم بدون احراج

العزيزه بنت مصر

اشكرك على اطرائك و جميله جدا الابيات التى اخترتها

على العموم يا جماعه انا مش شايفه ان الموضوع له علاقه بتخن المخ :) اللى عاوز ينصحنى لوجه الله ينصحنى بينى وبينه فهذا اقرب ان يكون خالصا لوجه الله وكمان بعيد عن احراجى امام الآخرين .. المفترض ان نعامل بعض كما نحب ان نعامل وحيث ان اى انسان يحب ان ينصح -بضم الياء- فى خصوصيه يبقى مفترض يفعل المثل مع الآخرين

الاخ واحد :) ان شاء الله اما نكبر نبقى ننظم كورسات عن موضوع تبادل النصح بين الزوجين ونخلى الباب ده للكبار فقط :)

الاخ داروين .. حمدلله على السلامه :)

[se_ Elsyed]

نورا بقى عملت فيه حتت حركة ... وانا بأقرا الموضوع عمال اكمل ودخلت فى حته غويطة :

عذرا جبيبي  

فنحن في زمن تحكمنا فية الماده  

تسيرنا الآلة  

وأنا أجهل لغة الآلة  

غذرا حبيبي  

لن أقبل أن اعيش على فوهة البركان  

فأنا حقا أفتقر الأمان  

نورة

فانا طبعاً اتمتع بذكاء فطري خارق ... قولت فى نفسي .. يعني الولد والبنت اللى هايسيبوا بعض دول كانوا بيقولوا لبعض كده وألا أنا الفيوزات ضرت عندي ... لحد ما اكتشفت أنه توقيع نورا ....

نداء إلى نورا ... أبقى اكتبي التوبيك .. وبعدين اتبعيه بملحق للتوقيع ...

اما رأيي الشخصي فى الموضوع هو أن الشاب برضوا يا أخواننا فى فترة الخطوبين يحب يسمعلوا كلمتين طراي .. والبنت كذلك وكله فى حدود الادب والدين ..... بس هو لازم يصبر عليها شويه ويحسسها برضه انه بيخاف ربنا وبيصلي - ده إذا كان - .... ومش عيب ان الولد يعلم البنت فى فترة الخطوبة .

[nora]

نورا بقى عملت فيه حتت حركة ... وانا بأقرا الموضوع عمال اكمل ودخلت فى حته غويطة :

عذرا جبيبي  

فنحن في زمن تحكمنا فية الماده  

تسيرنا الآلة  

وأنا أجهل لغة الآلة  

غذرا حبيبي  

لن أقبل أن اعيش على فوهة البركان  

فأنا حقا أفتقر الأمان  

نورة

فانا طبعاً اتمتع بذكاء فطري خارق ... قولت فى نفسي .. يعني الولد والبنت اللى هايسيبوا بعض دول كانوا بيقولوا لبعض كده وألا أنا الفيوزات ضرت عندي ... لحد ما اكتشفت أنه توقيع نورا ....

نداء إلى نورا ... أبقى اكتبي التوبيك .. وبعدين اتبعيه بملحق للتوقيع ...

.

يا س . س مش كده ركز شوية ارجوك ولا انت تعبان من كتر الشعبطه واللف بين الاتبسات ربنا يكون في عونك ويفتحها كده في وشك وتفتح كشك كبير والناس تجيلك فية بدل البهدلة الي انت فيها

اما بخصوص رايك فانا زي ما قلت وقلتها ابل كده في باب الاسرة "وحضرتك قلت انك مش قادر تمسك نفسك وطلعت برة ووعدت بموضوع لانك مكنتش قادر تمسك نفسك من الضحك فاولا فين الموضوع ولا زي العادة انا بنفخ في قربة مقطوعه ولا دي ضريبة الشحرة منتا خلاص ربنا فتحها عليك وبقيت سيناريست قد الدنيا " ان لازم الراجل و الست يعملو لبعض احلا حاجة علشان تقربهم من بعض مش تنفرهم من بعض

اما بخصوص كلام واحد انا مش معا ان الوحده او الواحد يقول رايه بطريقة جلفة ممكن يقول كل الي في نفسة ويوصل للي هو عيزة بس بطريقة شيك متجرحش الي قدامة يا اما بقفشه يا اما بموعضة حسنة

فيروز :

انا والله انا معرفش التفاصيل وبلاش افتري على الراجل برضوا بس اعتقد ان المشكله الي حصلت تخليه فعلا يخلع

[wa7d]

الاخ واحد :) ان شاء الله اما نكبر نبقى ننظم كورسات عن موضوع تبادل النصح بين الزوجين ونخلى الباب ده للكبار فقط :)  

الحقيقه الأخوات الأعزاء جايز تكونوا صغار فى السن لكن من جهة الذكاء والثقافه بسم الله ماشاء الله كبار كبار .

على العموم نبدأ بنصيحة للشباب .... الشاب إذا كانت عجباه خطيبته ووجد أنها بترجع فى كل مناسبة للدين ، ولا يزعل ويعرف إنها عظيمه إن خطيبته تكون متدينه وعندها معلومات وثقافه دينية وهوه عليه بأه إدارة دفة الحديث الجهة التى يريدها . إيه ياشباب إمال فين الفتاكه ( وش واحد لبخه جدا ونفسه يعمل فتك ) .

[masraweya]

سبحان الله

لسة بتكلم في المشكلة دي .. قوم ايه .. اتكعبل في هذا الموضوع

تحياتي

[عطر الجنة]

الموضوع عند صاحبنا الخاطب مش حكاية واحدة متدينة و رفضها

الموضوع اعمق من كده بكتير جدا

و حقول امثلة صادفتنى و حبدأ بالمتزوجين

فعندما تتعمق الزوجة فى الدين تحاول ان توعظ زوجها دائما و تنقل له ما تعلمته فرطا من الحب له فقط ولان المرأة همها الشاغل رجلها فيظهر ذلك بوضوح لذا يشعر الرجل بانه فى مدرسة و ايضا بالدونية و يخاف ان يتودد اليها خوفا من الصد لانها بدون ان تشعر خلقت جدارا بينهما

على النقيض الزوج اذا تعمق فى الدين فزوجته احد اهتماماته لذا لا يركز عليها كالزوجة فتظهر هنا الموعظة فى صورة حسنة و خصوصا ان الزوجة عليها الطاعة لا على الرجل

و تفرح المرأة لتدين زوجها لانها تضمن انه لن ينظر لاخرى

اما عند المخطوبين

فالخطيبة لابد ان تسال خطيبها عن الصلاة و التزامه بها فان كان يؤديها فكل شئ هين

لكن صيغة الامر باداء الفروض تنفر وهم فى البداية لانها توغر الصدر بعض الشئ و يخاف الخاطب من التفوه بكلمات عذبة لئلا يصد و يتهم بالمعصية و ....

فللاسف بعض الاخوات المتدينات يكن متجهمات دائما و يعاملن الناس كأن الله لم يهدى غيرهن

لما لا اعرف