هو احنا المصريين بنعمل كده مع بعض ليه ؟؟

[newcomer]

من سنة تقريبا.....الفضائيات المصرىة

اهتموا بشاب محترم جدا

خريج علوم....و بيحضر لماجيستير او دكتوراه ( مش فاكره بصراحة)

المهم ان الراجل المحترم ده.....

عمل شركة لجمع الزبالة من البيوت....و عملها اعادة تدوير

عمل التراخيص من غير ما يدفع مليم رشوة wst::

و شغل عدد من الناس فيهم ناس متعلمين

و شركته ما شاء الله بتكسب كويس

و بقت سبب فى فتح بيوت ناس كتير

الراجل حاول و نجح

لما كان بيبقى فى اى انترفيو فى التلفزيون

كان بيدى شحنة تفاؤل و امل للناس

ربنا يجازيه خير عليها.......

" خير لك ان توقد شمعة من ان تلعن الظلام"

[Alshiekh]

لكن اعذرني هي مصر هتدينا كل الاشياء دي يعني الشهادة العلمية لو اخدتها من مصر ده اساسا اذا جبت مجموع قال ايه الطب مش عارف 105 % و الصيدلة 99 % و الهندسة 95 % ده اساسا اجيب الارقام الفلكية دي ازاي اذا كان المنهج اللي معمول مدرسينه مش عارفين يفهموا المنهج و بيكتبوا علي السبورة ده ازاي كاتبوا من اساسه يعني التعليم من اسوء ما يكون يمكن حضرتك حالفك الحظ و بقولها 100 مرة حالفك الحظ لان زمان النظام بتاع التعليم كان مختلف يعني لو جبت 90 % تلاقي نفسك في ارقي جامعة في مصر اما دلوقتي بيقول ال 90 % ما تاكلش عيش ده غير اساسا الواحد يجيب ال 90 % دول ازاي لان التعليم بكل بساطة منحط و من اردء ما يكون يعني علي الاقل المفروض الواحد بيكون عارف هو بيدرس ايه مش روح عبي في دماغك و تاني يوم ادلوء علي الورقة و يقولوا لك الغش حرام امال الدروس الخصوصية مش حرام ده و المدارس بقت من ارداء ما يكون و كمان الشهادات العلمية المصرية مالهاش سعر اساسا بره مصر كانها حبر علي ورق يعني الواحد بعد ما يحرق ده في الاخر يطلع تعبه علي فشوش ده بخصوص التعليم اللي المحروسة بتديهولنا

بخصوص العمر بقا فده قصة لوحده حضرتك عارف هما عاملوا مستشفي المرض الخبيث السرطان ليه ؟؟ اقولك لان شعب مصر اكتر شعب بيتصابوا بالسرطان من السجاير من الدخان و الجو اللي محيط بيهم من الزبالة اللي مرمية في الشوراع من الاكل المسرطن من المياه الملوثة من كل حاجة تقريبا و طبعا كل جسم بيختلف عن التاني يعني ممكن واحد ما يجيلوش لكن واحد تاني يجي له لكن اكيد معروف السبب و هو جو مصر

العمل بقا مش قادر امسك نفسي من الضحك هي مصر اساسا راضية تشغلنا ولا جابت لنا كلنا شغل و لو جبت هتدينا كام ملطوش ما يكفوش تمن الموصلات اساسا

الدخل الشهري بقا اقولك هو الواحد بيشتغل اساسا في الحكومة بالعافية و بيقول عشانا عليك يا رب الا من رحم ربي و اشتغل قطاع خاص او واحد مثلا زي سعد الصغير او حرامي مثلا و ما اتمسكش و بقا مليونير و برده مصر هي السبب احنا ليه ما نخدش مرتبات تكفي احتياجاتنا الاساسية احنا مش طالبين كتير

الحالة الاجتماعية بقا هو الواحد هيتجوز ازاي و هو بيشتغل في قطاع عام بكام ملطوش

اكيد طبعا السكن ايجار هو الواحد حيلته يجيب شقة تمليك الا طبعا لو راح الخليج او سافر اي حتة بره مصر و اشتغل

بخصوص بقا السيارة مافيش غير المليونيرات هما اللي معاهم سيارات في مصر و انا عمري ما شوفت غباء زي بتاع الجمارك اللي في مصر يعني الواحد حر يجيب سيارة من الخليج لمصر و بسعر اللي يريحه هما بقا زعلنين ليه ؟؟ و قال ايه لازم ندفع و ندفع اساسا اكتر من تمن السيارة نفسها طب ليه ؟؟ يعني ولا يرحموا ولا يسبوا رحمة ربنا تنزل

التعليم لو في مصر يبقي اعذرني الواحد في الاخر هيشتغل بيه في اي كافتريا او اي حتة او كوفي شوب الا طبعا اللي كان محظوظ اوي اوي و جاب طب

حسابات بنكية منين ؟؟ هي مصر سايبة لنا قرش في جيبنا ده ناقص بجد فتوي يقولوا لنا فيه ان المرتبات حرام و لازم نتبرع بيها للحكومة علشان الحكومة تساعد اسرائيل و تبعت لها غاز و اسلحة كمان ما اصل مستر مبارك بقا زيهم و زي ما بيقول ديفيد مبارك سامحون wst:: الاسرائيلين دول ولاد عمنا و حبايبنا

صدقني الحياة في مصر ديون الا من رحم ربي

اعذرني علي كلامي ده لكن دي حقيقة مؤكدة يمكن الحقيقة دي مش عند حضرتك و ما شوفتهاش لكن اكيد في ناس عارفينها و عاشوها و بجد ربنا يكون في عونهم

احيانا يامحمد انا اشعر انك بتردد كلام فقط واكيد هذا راجع لقلة الخبرة ،

يعنى انت بتتكلم عن التعليم وشايف انك شلفطت التعليم والنظام التعليمى ووصفت الخريجين بانهم غير معترف بهم وان شهاداتهم زى قلتها بره مصر ، الحقيقة انا مش عايز اكون قاسى فى الكلام معاك ، لكن انت بتجيب الكلام ده منين ، اتفرج حواليك فى الكويت اللى حاتجيب لك الاستبحس وشوف المصريين الذين يعملون فيها ، اسأل فى السعودية ودول الخليج ، اسأل الناس بتوع نيوزيلاندا من اين اخذوا شهاداتهم وبالمثل اللى فى استراليا واوروبا وامريكا وكندا ، انت مش قادر تفهم ليه ان اى خريج مصرى من اى كلية كل المطلوب منه هو شهادة معادلة واحيانة دراسة تكميلية لمعادلة شهادة تخرجه من بلده بشهادة البلد المهاجر اليها وهو مايتم مع اى جنسية وليست المصرية فقط.

ممكن تقول لى من اين تخرج والديك؟ ولو كانا يعملان بالكويت ، هل عملا بالمؤهلات التى حصلوا عليها من مصر أم عملوا بدون مؤهلاتهم؟ انت محتاج تفكر فى كل حاجة وتفكر بتحصل ازاى.

مدرستك مثلا لو فيها 500 تلميذ ، تخيل لو كل تلميذ رمى ورقة على الارض او كيس الساندويتش الفارغ على الارض او حتى فى سلة المهملات ، ولم يقم عامل النظافة بالقيام بعمله لمدة يوم ، ثم يومين ، ثم ثلاثة ايام ، كيف سيكون شكل المدرسة؟ وكيف ستكون رائحتها؟ هذا تماما مايجب ان تفكر فيه بالنسبة لحى فيه 200 الف نسمة ، تخيل لو ان القمامة لايتم جمعها لمدة اسبوع؟ يجب ان تعرف اننا عندما ننقد فليس معنى ذلك ان الاهمال يمثل 100% لا ، قد يكون 10% او 30% او حتى 50% ونحن نريد تصل نسبة الاهمال صفر% وان تعمل الاجهزة بنسبة كفائة 100% ، ولكى يتم ذلك فيجب ان يتكاتف الجميع حكومة وادارات محلية ومواطنون ، وكما قيل بدلا من ان تلعن الظلام فلتوقد شمعة.

انت زعلان ان الكليات وبالذات كليات القمة تأخذ مجاميع عالية ، لماذا لاتكون ممن يحصلون على المجاميع العالية بدلا من ان تلعن الكليات ، اجتهد واحصل على المجموع الذى تظن انه سيدخلك الى الكلية التى تحبها، ولو لم تستطع فيجب ان تعرف وتقتنع بان امكانياتك فى التحصيل العلمى لن تمكنك من دخول تلك الكلية وانه لن يعيبك ان تفكر فى النجاح فى مجال آخر ، نعم على ايامى 70% كانت كافية لدخول اى كلية من كليات القمة ، ولم يكن ذلك راجعا الا لان الشباب كان عنده دم ، لو شايف ان اسرته امكانيتها المالية ضعيفة فقد كان يتجه للعمل حتى يخفف عن الاسرة ، أما الآن فالشاب لايستحى ان يطلب المصروف من والده على الرغم من انه فى الثلاثين من عمره ، ويعيد السنة مرة واثنين علشان يدخل معهد متوسط ، مش برضه شوفت النوعية دى؟

يبقى يامحمد بدل ماتلعن الدنيا واللى فيها اقعد ذاكر وادعى ان ربنا يوفقك وتجيب مجموع يدخلك الكلية اللى نفسك فيه. الا صحيح انت نفسك تبقى ايه غير انك تبقى نيوزيلندى؟

[se_ Elsyed]

و بخصوص بقا المطار لموخذة يما حضرتك واخد جنسية تانية اجنبية ياما حظك حلو

لا جنسية تانية ولا تالته ولا هاخاد جنسية أخرى غير المصرية

وبعدين حظي حلو إيه ؟ هو أنا بالعب أستميشن ؟

ياعزيزي سي السيد، انا يعني عهدي بك أنك راجل جري ولا تخاف من قول الحق ، وانت من شوية في أحد المواضيع بتقول أقصر طريق للحقيقة هو الخط المستقيم.

إذن عاوز تعليقي يكون ايه على ناس بتقول لهم عن مستوى القذارة والتلوث إللي زاد في مصر وأصبح لا يطاق ، وعن التعليم وبلاويه إللي زادت ومصائب المدرسين ( واحد يقتل تلميذ بركله في بطنه ، وأخر يضطر التلميد للقفذ من النافذة هربا من عقاب المدرس ، ومدرس يقذف التلميذ بالماء المغلي على وجهة ) هذا غير مستوى الجرائم الذي زاد بطريقة كبيرة وأصبحت الجرائم تتصف بالبشاعة.

والحمد لله مازلت جريء وأكتر واحد بينتقد نقد موضوعي ومازال يرى إن عندنا وفينا خير ...

والفساد والجرائم موجودة في كل حته ... بس غحنا الكتكوت عندنا بنخليه جمل ..

واظن اللي بنسمعه كل شوية عن جرائم في اوروبا وأمريكا بيرتكبها الطلبة اللي بيشيلوا سلاح واللي لو حد أخد مصماص من التاني بيقوم جايب الرشاش ومموت له 10 أشخاص في المدرسة .. يجلعنا نقول إن اللي عندنا كلام فارغ ...

وخلي بالك العملية نسبة وتناسب ..

يعني لما يكون عندك 18 مليون تلميذ وألاف مؤلفة من المدرسين وتحصل حالة أو أتنين في السنة ويعاقبوا عليها ... يبقى هي نسبة لا تُذكر ...

الخلاصة ... لو فضلنا نعدد في السلبيات فقط بدون مشاركة في تعديلها .. يبقى على الدنيا السلام وهاتبقى مبرر لفشلنا إحنا .. حتى على المستوى الشخصي ..

[شاب مصري]

حصلت أكتر من مرة ان في سيناء لما تحصل حوادث ويتم الاتصال بالاسعاف .. لما يردوا يقولوا : مصري ولا أجنبي؟

وفي فرق في الاستجابة والا مش هيسألوا .

[fatfouta]

التعليم لو في مصر يبقي اعذرني الواحد في الاخر هيشتغل بيه في اي كافتريا او اي حتة او كوفي شوب الا طبعا اللي كان محظوظ اوي اوي و جاب طب

بجد والله متاكد من كلامك ده امال الناس اللى ذى الفل اللى ماليه البلاد العربية ومتعلمين فى مصر ومش هقولك تعليم اجنبى ده حكومى كمان ونماذج كتيييييييير الواحد شايفهم ناجحين فى شغلهم وبرضواااااااااا متعلمين فى مصر

وناس بتثبت نفسها وتعمل دراسات وتكمل وتتطلب فى احسن اماكن فى العالم للشغل وبرضوا متعلمين فى مصر

عاوزة اقولك على حاجة حصلت ادامى مرة كنا واقفين فى استقبال مستشفى واللى حصل بالضبط ان فيه واحد سعودى دخل

وسال الموظف عاوز كشف كذا وبعدين رجع تانى قالله ( يااخى بجولك ايش جنسيته الدكتور)

الموظف رد: كذا كذا (جنسية اخرى)

السعودى: مافى مصرى فى ها المجال

الموظف: لا ييجى بكرن ان شاء الله

السعودى: طب خلاص يبقى نيجى بكره للمصرى احسن

والكلام ده حصل بالضبط كده والله وانا بقيت فرحانه جداااااااا مش اقعد اقول تعليم وتفتيش وهدوم وكلام من ده

شفت بقى اننا فى مجالات كتير اوى احسن من غيرنا وبرضوااااااااااااااااااااااااااااا متعلمين فى مصر

ياخى حرام عليك والله انت عاوز ايه بالضبط من مصر مش عجباك خليك عندك وسيبها فى حالها وليها ولادها اللى بيحبوها

برغم كل السيئات اللى فى التعليم اتعلمنا فيها وطالعين اذكياء وماحدش ادنا وليا الفخر انى اتعلمت فى مصر وقادرة ارفع راس بلدى

فتفوته

[fatfouta]

لكن اعذرني هي مصر هتدينا كل الاشياء دي يعني الشهادة العلمية لو اخدتها من مصر ده اساسا اذا جبت مجموع قال ايه الطب مش عارف 105 % و الصيدلة 99 % و الهندسة 95 % ده اساسا اجيب الارقام الفلكية دي ازاي اذا كان المنهج اللي معمول مدرسينه مش عارفين يفهموا المنهج و بيكتبوا علي السبورة ده ازاي كاتبوا من اساسه يعني التعليم من اسوء ما يكون يمكن حضرتك حالفك الحظ و بقولها 100 مرة حالفك الحظ لان زمان النظام بتاع التعليم كان مختلف يعني لو جبت 90 % تلاقي نفسك في ارقي جامعة في مصر اما دلوقتي بيقول ال 90 % ما تاكلش عيش ده غير اساسا الواحد يجيب ال 90 % دول ازاي لان التعليم بكل بساطة منحط و من اردء ما يكون يعني علي الاقل المفروض الواحد بيكون عارف هو بيدرس ايه مش روح عبي في دماغك و تاني يوم ادلوء علي الورقة و يقولوا لك الغش حرام امال الدروس الخصوصية مش حرام ده و المدارس بقت من ارداء ما يكون و كمان الشهادات العلمية المصرية مالهاش سعر اساسا بره مصر كانها حبر علي ورق يعني الواحد بعد ما يحرق ده في الاخر يطلع تعبه علي فشوش ده بخصوص التعليم اللي المحروسة بتديهولنا

بخصوص العمر بقا فده قصة لوحده حضرتك عارف هما عاملوا مستشفي المرض الخبيث السرطان ليه ؟؟ اقولك لان شعب مصر اكتر شعب بيتصابوا بالسرطان من السجاير من الدخان و الجو اللي محيط بيهم من الزبالة اللي مرمية في الشوراع من الاكل المسرطن من المياه الملوثة من كل حاجة تقريبا و طبعا كل جسم بيختلف عن التاني يعني ممكن واحد ما يجيلوش لكن واحد تاني يجي له لكن اكيد معروف السبب و هو جو مصر

العمل بقا مش قادر امسك نفسي من الضحك هي مصر اساسا راضية تشغلنا ولا جابت لنا كلنا شغل و لو جبت هتدينا كام ملطوش ما يكفوش تمن الموصلات اساسا

الدخل الشهري بقا اقولك هو الواحد بيشتغل اساسا في الحكومة بالعافية و بيقول عشانا عليك يا رب الا من رحم ربي و اشتغل قطاع خاص او واحد مثلا زي سعد الصغير او حرامي مثلا و ما اتمسكش و بقا مليونير و برده مصر هي السبب احنا ليه ما نخدش مرتبات تكفي احتياجاتنا الاساسية احنا مش طالبين كتير

الحالة الاجتماعية بقا هو الواحد هيتجوز ازاي و هو بيشتغل في قطاع عام بكام ملطوش

اكيد طبعا السكن ايجار هو الواحد حيلته يجيب شقة تمليك الا طبعا لو راح الخليج او سافر اي حتة بره مصر و اشتغل

بخصوص بقا السيارة مافيش غير المليونيرات هما اللي معاهم سيارات في مصر و انا عمري ما شوفت غباء زي بتاع الجمارك اللي في مصر يعني الواحد حر يجيب سيارة من الخليج لمصر و بسعر اللي يريحه هما بقا زعلنين ليه ؟؟ و قال ايه لازم ندفع و ندفع اساسا اكتر من تمن السيارة نفسها طب ليه ؟؟ يعني ولا يرحموا ولا يسبوا رحمة ربنا تنزل

التعليم لو في مصر يبقي اعذرني الواحد في الاخر هيشتغل بيه في اي كافتريا او اي حتة او كوفي شوب الا طبعا اللي كان محظوظ اوي اوي و جاب طب

حسابات بنكية منين ؟؟ هي مصر سايبة لنا قرش في جيبنا ده ناقص بجد فتوي يقولوا لنا فيه ان المرتبات حرام و لازم نتبرع بيها للحكومة علشان الحكومة تساعد اسرائيل و تبعت لها غاز و اسلحة كمان ما اصل مستر مبارك بقا زيهم و زي ما بيقول ديفيد مبارك سامحون :waf: الاسرائيلين دول ولاد عمنا و حبايبنا

صدقني الحياة في مصر ديون الا من رحم ربي

اعذرني علي كلامي ده لكن دي حقيقة مؤكدة يمكن الحقيقة دي مش عند حضرتك و ما شوفتهاش لكن اكيد في ناس عارفينها و عاشوها و بجد ربنا يكون في عونهم

احيانا يامحمد انا اشعر انك بتردد كلام فقط واكيد هذا راجع لقلة الخبرة ،

يعنى انت بتتكلم عن التعليم وشايف انك شلفطت التعليم والنظام التعليمى ووصفت الخريجين بانهم غير معترف بهم وان شهاداتهم زى قلتها بره مصر ، الحقيقة انا مش عايز اكون قاسى فى الكلام معاك ، لكن انت بتجيب الكلام ده منين ، اتفرج حواليك فى الكويت اللى حاتجيب لك الاستبحس وشوف المصريين الذين يعملون فيها ، اسأل فى السعودية ودول الخليج ، اسأل الناس بتوع نيوزيلاندا من اين اخذوا شهاداتهم وبالمثل اللى فى استراليا واوروبا وامريكا وكندا ، انت مش قادر تفهم ليه ان اى خريج مصرى من اى كلية كل المطلوب منه هو شهادة معادلة واحيانة دراسة تكميلية لمعادلة شهادة تخرجه من بلده بشهادة البلد المهاجر اليها وهو مايتم مع اى جنسية وليست المصرية فقط.

ممكن تقول لى من اين تخرج والديك؟ ولو كانا يعملان بالكويت ، هل عملا بالمؤهلات التى حصلوا عليها من مصر أم عملوا بدون مؤهلاتهم؟ انت محتاج تفكر فى كل حاجة وتفكر بتحصل ازاى.

مدرستك مثلا لو فيها 500 تلميذ ، تخيل لو كل تلميذ رمى ورقة على الارض او كيس الساندويتش الفارغ على الارض او حتى فى سلة المهملات ، ولم يقم عامل النظافة بالقيام بعمله لمدة يوم ، ثم يومين ، ثم ثلاثة ايام ، كيف سيكون شكل المدرسة؟ وكيف ستكون رائحتها؟ هذا تماما مايجب ان تفكر فيه بالنسبة لحى فيه 200 الف نسمة ، تخيل لو ان القمامة لايتم جمعها لمدة اسبوع؟ يجب ان تعرف اننا عندما ننقد فليس معنى ذلك ان الاهمال يمثل 100% لا ، قد يكون 10% او 30% او حتى 50% ونحن نريد تصل نسبة الاهمال صفر% وان تعمل الاجهزة بنسبة كفائة 100% ، ولكى يتم ذلك فيجب ان يتكاتف الجميع حكومة وادارات محلية ومواطنون ، وكما قيل بدلا من ان تلعن الظلام فلتوقد شمعة.

انت زعلان ان الكليات وبالذات كليات القمة تأخذ مجاميع عالية ، لماذا لاتكون ممن يحصلون على المجاميع العالية بدلا من ان تلعن الكليات ، اجتهد واحصل على المجموع الذى تظن انه سيدخلك الى الكلية التى تحبها، ولو لم تستطع فيجب ان تعرف وتقتنع بان امكانياتك فى التحصيل العلمى لن تمكنك من دخول تلك الكلية وانه لن يعيبك ان تفكر فى النجاح فى مجال آخر ، نعم على ايامى 70% كانت كافية لدخول اى كلية من كليات القمة ، ولم يكن ذلك راجعا الا لان الشباب كان عنده دم ، لو شايف ان اسرته امكانيتها المالية ضعيفة فقد كان يتجه للعمل حتى يخفف عن الاسرة ، أما الآن فالشاب لايستحى ان يطلب المصروف من والده على الرغم من انه فى الثلاثين من عمره ، ويعيد السنة مرة واثنين علشان يدخل معهد متوسط ، مش برضه شوفت النوعية دى؟

يبقى يامحمد بدل ماتلعن الدنيا واللى فيها اقعد ذاكر وادعى ان ربنا يوفقك وتجيب مجموع يدخلك الكلية اللى نفسك فيه. الا صحيح انت نفسك تبقى ايه غير انك تبقى نيوزيلندى؟

شايف الناس الكومل بتقول ايه

شكرا يا استاذ محمد والله ربنا يكرمك

واحلى حاجة الاستبحس ده

[بندق أفندى]

انا مع فكرة ان اللى يدخل كليات القمة يكون ذكائه غير طبيعى ربنا موزع القدرات على الناس كل واحد مديله درجة ذكاء تميزه عن الباقيين فمن حق الشخص المتفوق ان يدخل كليات القمة ومن حق الدولة ان تقصر الدخول على الأشخاص المتميزين من حيث درجة الذكاء وليس كل من هب ودب يدخل هذه الجامعات اللى فى القمة مثل الطب والهندسة مثلا وهذا دليل على ان ألأطباء المصريين متفوقين ولهم صوت عالى مسموع فى العالم كله والمهندسين ايضا أدوارهم مميزة وكل فى مجاله نجد تميز لكن مايؤسفنا هو بالرغم من حصولنا على درجات من التعليم ليست ببسيطة لكن فى النهاية لا نجد محصلة ونتيجة ما تعلمناه من علوم وكأنه تبخر ومن هنا نقول ان هناك فعلا عجز وخلل بالتعليم بمصر وهذا قد يكون لصعوبة المناهج وصعوبة الأختبارات مما يسبب ضغوط على الطالب فيضع الأهتمام الكلى فى ان ينتهى من الأختبار ويتخلص من ما تعلمه قد يكون لأنه يمثل له ذكرى سيئة لصعوبة الحصول عليه المهم انه نسى كل شىء بعد زوال السبب فى أستيعابه وكذلك اللغات التى نتعلمها هى ايضا كأنها مادة للأمتحان فقط ولهذا مستوى اللغة فى مصر لا يذكر ويتضح هذا عند مقارنة اللغة بين المصريين وباقى الدول العربية الأخرى نحن لا نريد التعلم خوفا من الفشل بل نريده منهجا للحياة ولأتساع المدارك ويكون الطالب واثقا من نفسه

الطريقة واضحة لو كل طالب واثق بأنه سيحصل على كليه مثلا وهو فى المرحلة الثانوية ويؤمن له ذلك سيكون كل تركيزه هو أختيار ما يحبه وأخذ قسطا كبيرا من الثقة بالنفس والتركيز بما يؤهله ان يحصل على ما يريد وليس الموضوع حرب نريد ان يكون التعامل على اساس نفسى واجتماعى مدروس ليس رعب وتخويف فقط ,

السؤال الأهم هل الاختبارات تقيس قدرات الذكاء واتفوق الذهنى الغير عادى ولا القدرة على تحمل الحشو والصم والحفظ؟

أعرف عباقرة لم يحالفهم الحظ فى التعليم بسبب نظام الحشو والصم

[بندق أفندى]

تذكرت موقف غبى حدث معى منذ ما يزيد على عشرون عاما .. كنت عريس جديد وواخد المدام أعيشها فى باخرة نيلية خمس نجوم مع رحلة عشاء .. ذ

يومها لم أكن كبير الشيفات الهواة لكنى كنت أعرف أتذوق الأكل والوجبات وأسماءها ..

الخلاصة ما أطولش عليكم .. طلبنا مأكولات بحرية .. وجابو معاها سلطة مكسيكية .. سالت النادل .. السلطة دى ايه؟ قالى تقصد ايه قلتله اسمها ايه؟

لأنها جاية مع الوجبة انا ما طلبتهاش .. بس انا عارف اسمها .. المهم راح ورجع وقاللى .. كلمة لو حورتها تبقى عيب أوى فيه شديد السخرية طبعا ..

والأخ فاكرنى هأبلعها ..

المهم بهدوء .. قلتله نادى المدير بتاعك .. ليه يا فندم السلطة فيها حاجة؟ قلتله نادى مديرك ..

جه المدير .. سألته الأخ ده بيشتغل هنا ايه؟ قاللى مترودوتيل .. قلت كويس .. يعنى المفروض أبسط حاجة يكون بيعرف الذوق .. هو فيه ايه يا فندم (خلو بالكم كنت صغير وقتها)

المهم قلتله سألته السلطة دى ايه .. راح ورجع قاللى على كلمة (كذا) وكذا دى كأنها كلمة جريجى تشبه كرياكو .. وقلت الأفندى الجحش اللى مش عاوز يتعلم حاجة واللى انتم جايبينه من على قهوة شعبية على ما يبدو اذا كان مش عارف لازم يبقى محترم .. والشيف الأجحش منه اللى ارح سأله مش عارف هى السلطة اسمها ايه ..

وقمت مشيت انا ومدامتى وما أكلتش وفشلت محاولات ترضيتى .. وقلت كرما منكم مش أشتكيكم فى شرطة السياحة عشان دى قلة أدب ..

وندمت انى ما اشتكيتهمش لأنه كل واحد لابد يشتكى .. عشان يلتزمو ..

المهم كانت سلطة ناتشوز