MZohairy يغزو كندا - شكر و امتنان لبعض اخواني في المحاورات

[مسافرة]

ألف مبروك .. حضرتك من أوائل الناس اللى كنت متابعة مداخلتهم لما عرفت المنتدى من سنة و نص ..

ومن خلال مداخلاتك بقول بجد كندا نورت بيك و بأسرتك

ألف مبروك النقلة و الحياة الجديدة و ان شاء الله كل ربنا يكتب لكم كل خير فى كل خطوة

[جيمي]

مبروك مبروك

ويارب تكون رحلة نجاح جديده من نجاحات ابناء المنتدى الابرار :blush2:

منتظرين اخر اخبار فتوحاتك B)

سدد الله خطاك

[om reham]

اخواني حبايب قلبي و ضي عينيه

مراسلكم MZohairy من الاراضي الكنديه يحييكم و يتمنى لكم كل الود و الحنيه

قبل الهزار و الجد و الكلام ده دعوني اتوقف لحظه لأتقدم بالشكر و العرفان و الامتنان لإخواني المنتدياتيه الآتية اسماءهم لما قدموه لي من عون و وقفة الرجاله المرعبه

أخي اوسكاسان :blush2:

أخي د. خالد

أخي زعلان

أخي سيييم B)

أخي سندباد :lol:

أخي سكوربيون :lol:

أخي ايسر :wub:

أخي الأمير أمير :wub:

اشكرهم شكر لا يوجد منه في قاموس الكلمات و لهم تحيه بحجم بستان و بلغوا مرادهم و صرف عنهم الضر

و سأوافيكم بالأخبار تباعا و لنا عوده قريبا مع هجرتنا الميمونه للأراضي الكنديه

مراسلكم MZohairy

كندا بعد محل العصير

قدام حاواوشي الحاج سيد

طيب الاول نعرف انت  رحت كندا الحلوة بتاعتنا (كيبك)والا كندا الوحشة بتاعة الانجليزي

حمدا لله علي سلامتكم ,كل من يصبر ينال وأنا متأكده أن بنت عمي علي الفرنسيين عدل wst:: نحن مجتمع من أنصار la lange française ننتضر أن نسمع أحوالكم في أقرب وقت في إنتضار أن تعزمون علي كسكسي باللحم موش بدجاج wst:: سلامي الحار لكل أفراد العائله الكريمه

[magedghonim]

مبرووووك لكندا

والله دي مهي مبالغة ابداااااااااااااا

والف مبروووووك يا زوهيري باشاااااااااا

بس بلاش الغيبة الطويلة دي

دحنا كلنا ولاد منتدى واحد

وبالتوفيق ان شاااء الله دايمااااا

[Modest]

اخواني حبايب قلبي و ضي عينيه

مراسلكم MZohairy من الاراضي الكنديه يحييكم و يتمنى لكم كل الود و الحنيه

قبل الهزار و الجد و الكلام ده دعوني اتوقف لحظه لأتقدم بالشكر و العرفان و الامتنان لإخواني المنتدياتيه الآتية اسماءهم لما قدموه لي من عون و وقفة الرجاله المرعبه

أخي اوسكاسان :wub:

أخي د. خالد :wub:

أخي زعلان :D

أخي سيييم

أخي سندباد

أخي سكوربيون

أخي ايسر

أخي الأمير أمير

اشكرهم شكر لا يوجد منه في قاموس الكلمات و لهم تحيه بحجم بستان و بلغوا مرادهم و صرف عنهم الضر

و سأوافيكم بالأخبار تباعا و لنا عوده قريبا مع هجرتنا الميمونه للأراضي الكنديه

مراسلكم MZohairy

كندا بعد محل العصير

قدام حاواوشي الحاج سيد

فين إسمي :angry:

إخص عليك يا جدع .. قوام نسيت سهري جنبك و عمايلي للساندويتشات و العصير اللي انت بتحبُّه و انت سهران تذاكر منهج مدرسة كندا الابتدائية.

هو اللي يروح كندا يتغير كده؟ :cry:

[ELSHAMY]

فين إسمي :wub:

إخص عليك يا جدع .. قوام نسيت سهري جنبك و عمايلي للساندويتشات و العصير اللي انت بتحبُّه و انت سهران تذاكر منهج مدرسة كندا الابتدائية.

هو اللي يروح كندا يتغير كده؟ :D

و أنا كمان يا مودست ياما عملت له ملخصات يذاكر فيها و وصيت عليه فى الامتحان.....ده غير بنطلوناتى و هدومى و قمصانى :wub: ......يلا...... الثواب على الله.....

ألف مبروك يا زهيرى.....

تم تعديل 19 أبريل 2009 بواسطة ELSHAMY

[ايناس احمد]

الف مبروك ياأستاذ زهيرى وربنا يوفقكو ان شاء الله ونسمع عنكم كل خير ومنتظرين رحله حضرتك بالتفصيل

[MZohairy]

حبايبي الاعضاء

اعذروني مش قادر ارد عليكم عشان مشغول جدا و واقف بقالي يومين في طابور العيش و سمعت انهم حيوزعوا زيت على البطاقه فرحت اخد دوري عشان الحقلي إزازتين

اوعدكم اول مارجع من الجمعيه ارد عليكم واحد واحد

Mzohairy

من امام الجمعيه التعاونيه بأرض اللواء

كندا

[جيمي]

حبايبي الاعضاء

اعذروني مش قادر ارد عليكم عشان مشغول جدا و واقف بقالي يومين في طابور العيش و سمعت انهم حيوزعوا زيت على البطاقه فرحت اخد دوري عشان الحقلي إزازتين

اوعدكم اول مارجع من الجمعيه ارد عليكم واحد واحد

Mzohairy

من امام الجمعيه التعاونيه بأرض اللواء

كندا

هوه انت رايح كندا تجيب عيش :roseop: ksh::

عمار يا مصر

[Queen]

السلام عليكم،

استاذ زهيري مبروك على استقرار حضرتك في كندا، و ربنا يجعلها خطوة مباركة عليك و على اسرتك .

ممكن من خلال موضوعك و تجربة حضرتك الحديثة و مساعدة الاخوة العايشيين في كندا، نحط بعض المعلومات للي حيستقروا قريبا في كندا و اللي بحس انها مش واخدها حقها في الكلام هنا في المنتدى.

على سبيل المثال:

ايجار الشقق، هل في شقق بتتأجر short term يعني يكون الايجار شهري ، علشان اللي رايح جديد و مش عايز ياجر سنة كاملة لحد ما يستقر على مكان. هل الافضل تكون مفروشة و لا لأ، هل sublet متوفر.

الاثاث

الاكل الحلال

تأقلم الاولاد مع الجو الجديد

شركات التوظيف

امكانية عمل مشروع صغير ( نوعيته ، تكلفته،........)

طبعا في مواقع كتير بتناقش الحاجات دي و لكن التجربة الحيه اكيد حتكون مفيد اكتر.

شكرا مقدما.

[MZohairy]

احييكم جميعا من بريتش كولومبيا و من فانكوفر بالتحديد و سالتقط الانفاس و ارد على الجميع

اورفوار

[أحمد سيف]

احييكم جميعا من بريتش كولومبيا و من فانكوفر بالتحديد و سالتقط الانفاس و ارد على الجميع

اورفوار

فانكوفر مره واحده يا راجل ... في أول طلعه خذتها من شرقها لغربها

[hamoudi]

احييكم جميعا من بريتش كولومبيا و من فانكوفر بالتحديد و سالتقط الانفاس و ارد على الجميع

اورفوار

 ياااااااااااااااااااااااااااااااااااااااااااااه كل ده التقاط انفاس اش حال لو ماكنتش متمرن على مستوى عالى فى مصر  على الطوابير

بتاعة العيش والجرى وراء الميكروباصات وعتبة عتبة رمسيس رمسيس عموما احنا فى الانتظار وحط فى دماغك انك فى مهمة قومية ولازم ترفع اسم مصر فى كل طابور او زحام تدخلة 

 

[bent misr]

ألف مبرووووووووووووك يا أخ زوهيري

والله الواحد فرحلك بجد

أنا فاكره لما حاكتلنا عن مدة الاجرات و اتخضينا :blink:

كانت داخله على 8 سنوات بس الحمد لله أخرة صبرك خير

والله و بقالنا مراسل من فانكوفر :lol: ياريت تبقى تحكيلنا

عنها شويه :happy:

تحياتي لك و للاسره و ربنا يوفقكم :ninja:

[MZohairy]

وصلنا من دبي الى اثينا في 5 ساعات تقريبا و بعدها انتظرنا في المطار قرابة ال 3 ساعات

بعديها على طول خدنا طياره لتورونتو في قرابة ال 11 ساعه

عملنا اللاندينج هناك و خلصنا كل الاجراءات في قرابة ال 20 دقيقه

و قعدنا ليله في تورونتو و كانت برد حبتين تلاته اربعه خمسه و بتمطر جامد

و روحنا زياره لشلالات نياجرا على بعد 150 كيلو تقريبا

الظريف ان النص الامريكي من نياجرا موجود في بلد اسمها بافالو (يعني جاموسه) و افتكرت مطعم الجحش الله يمسيه بالخير بتاع الفول في السيده زينب و اطمئن قلبي الى ان الاسامي العره مش عندنا بس

تاني يوم الصبح ركبنا طياره من تورونتو لفانكوفر في 5 ساعات تقريبا

و على رأي المرحوم عبد الحليم حافظ في رائعته موعود

و ابتدا ابتدا ابتدا المشوار !!!

سنعود ان شاء الله بباقي المغامرات قريبا

[د هشام ابراهيم]

تسجيل متابعة في الصف الاول يا أفندم

[safar]

تفاصيل أكثر لو سمحت مع نقل الصورة كاملة إن أمكن ذلك، بالتوفيق

مع تحياتي

[زعلان]

دايما فاضح الدنيا كده في كل حته

هو فرق التوقيت كام ولا انت بتنام الساعه كام و بتصحوا امتى

[MZohairy]

الساعه عندنا دلوقتي يا زعزع التاسعه مساء الأربعاء 22 ابريل

يعني انتم سابقينا في الامارات ب 11 ساعه بالضبط

و انا بما اني عضمه كبيره خلاص و يلا حسن الختام فبنام من الساعه 10 او 11 بالكتيييير

ابقى كلمني لو فاضي

[زعلان]

خليني اكتب مداخلة علشان اعرف الساعه كام دلوقتي عندكم يا ميزو

بس حاجة غريبة انت عرفت منين اني في الامارات

بالنسبة لموضوع لو فاضي انا افضيلك نفسي و انت عارف