بابا سين سين .. بابا أوبّح

[somayasaleh]

بصوا يا جماعة........ من الاخر كده ده مش حقيقي

شغل كمبيوتر يعني.... وخداع بصري

يلا ..... ياعم موديست......اطلع بالحقيقة

وبعدين اخونا سين سين مش جبار قوي كده :roseop:

عارف لو طلع الفيديو ده حقيقي......... انا مش ح اسكت......ده تطير فيها رقاب

محدثتكم ............ من امام مركز حقوق الاطفال........

[fatfouta]

لا يا جماعة س س مايعملش كده ابدا

ايوه هو هارينا تريقة بس برده قلبه طيب والله

[newcomer]

اذا كان الفاضل سين سين بيهزر كده مع فلذاته

....هايبقى الكلام الجد معاه ازاى ؟؟!!

يا مامااااااااااا ( وش اسماعيل ياسين و الكاميرا زوووم على بقه)

تم تعديل 16 أبريل 2009 بواسطة newcomer

[se_ Elsyed]

إنت القوي على كل قوي يارب ..

كده يا موديست .. اهم الجماعة أخدو عني فكرة إني أبو رجل مسلوخه وبأهشتك العيال الصغيرة وبعدين أكلهم ...

اتجوز أنا ازاي دلوقت ... ومين هاترضى بيه بعد التسييح ده كله ؟

مش عارف ليه موديست رجعنا 45 سنة وفكرني بأول خطوبة ليه كانت سنة 98 تقريباً ... وكنت بصراحة بأحب البنت دي بجد ( ده زمان ... زمان قوي ييجي من 20 سنة - عشان المنتديات لها ودان وفي ناس بتحب تهدي النفوس ) فأنا زمان كنت عصبي غير دلوقت - ده أنا نسمه والله دلوقت مقارنة بعز شبابي - ففي فترة الخطوبة القصيرة ممكن مرة أو إتنين شافتني منفعل بس مش عليها ومش لدرجة إني بأشد في شعري وأكل مشابك الغسيل .. المهم .. في مره كنا قاعدين قعدة رومانتيكية في كازينو - والله فاكر كأنه أمبارح - فلقيتها عيطت من الباب للطاق وقلت قشطة الناس هاتتلم وينزلوا في ضرب ويجاملوها .. فقلت لها بتعيطي ليه ؟ أنا مش جبت لك عصير البرتقان أبو 23 جنيه اللي بتحبيه ؟ .. فقالت لي حاجه والله العظيم لم أكن اتوقعها ... وقالت : هو أنت لو أنفعلت في أي مره ودخلنا في مناقشة حادة معايا .. إنت ممكن تضربني أو تمد إيدك عليه وهاتك يا عياط وشحتفه لدرجة كنت هاسيبها وأجري عشان ما أتحبسش ؟

يا نهار أسود !!!!! قلت لها ليه يابنتي ؟ وإيه السبب ؟ أي راجل بينفعل عادي .. وأظن أنا مش رِجل كُرسي وأنا راجل قدامك أهو وفي البطاقة مكتوب راجل كمان ..... لكن مش معنى الأنفعال إني أضرب وأموت ... وبعدين مهما كانت الست في حجم " أنجيل آرام " اللي طلعت في مسرحية الواد سيد الشغال وكانت جارة عادل أمام وبتحبه والبنت دي كبيرة جداً في السن على فكرة وكانت بتطلع مع ثلاثي أضواء المسرح بس ربنا يشفيها حجمها غير طبيعي ، ومهما كان الراجل في حجم الضيف أحمد .. فبرضوا القوة الجسدية للرجل تظل أقوى من المرأة .. إلا لو كانت بتلعب كاراتية أو كونغ فو ... كده بقى يبقى أوديكي فين يا صحه ومش هاشتبك معاها بالأيد وهادعي عليها بس أو أضربها بشومه لإن الأشتباك المباشر مش هايبقى في صالحي وميزان القوى سيختل ... وبالتالي فموضوع الضرب ده محسوم مسبقاً ومرفوض إلا في الشديد القوي .. يعني قلم مخبرين ..قفا ... شلوت ... نوك آوت ... إنما ضرب ضرب يعني من بتاع الشوارع لأ وده شيء غير حضاري وغير مفيد ... ده في ستات جتتها منحسة أساساً

صحيح يا ولاد .. ياما في الحبس مظاليم ...

صحح الصورة بقى ياخويا وإنزل بالحته اللي كنت بأفسح فيها العيال وكنت باعاملهم بمنتهى الحونيه وكنت باين فيها ولا كأني جناح بملكين .. قصدي ملاك بجناحين والناس في الصورة كانت عيونها بتقول : إيه الراجل الحنين ده .. إيه الأستوك ده "

[عنبو]

لا لا انا بهزر مع العيال الصغيره وخصوصا الواد عمر بن خالتى يعنى بعمل انى بهزر معاه وبتبقى فرصه علشان اخلص منه القديم والجديد علشان الواد ده بيسال اسئله غريبه وفى وقت يكون فيه ناس غريبه يعنى الواد حافظ كلمتين انجليزى ومش بيحلى له الاسئله الا اقدام الناس دى يعنى ايه ؟؟ وخد عندك فدى بتبقى فرصتى انى اخلص منه ؟؟

لكن مش زى لما سى سى بيعمل مع ابنه بس اهو الواحداتعلم الشغل الصح جايلك ياعمر هععععععععععععععععععععععععععع

[Modest]

يعني طلعت انا اللي مفتري قدام الناس و باكل العيال الصغيرين و انت طلعت بريء مع إني جايب الإثبات صوت و صورة :waf:

على العموم كفاية عليا نينة الحاجة فولانة و عم أسد اخواتك في الإشراف .. يعني عارفين عنك كل حاجة و مصدقينّي mc:

خلاص أنا مقموص و مش اطلع بالفيلم التاني اللي انت رابط فيه عمر بأستك طويل و بتلعب بيه في البلكونة زي اليويو ، تحدفه من سابع دور لغاية قبل ما يلمس الشارع و بعدين يطلع لك تاني .. عملتها مع كريم ابني و كان مبسوط خالص :aslam: .. بس ماعرفتش أصوّرُه علشان كان الاستك هايتفك من إيدي.

[Modest]

عارف لو طلع الفيديو ده حقيقي......... انا مش ح اسكت......ده تطير فيها رقاب

محدثتكم ............ من امام مركز حقوق الاطفال........ :aslam:

لأ ماتسكتيش يا مدام سميه و ليكي عليا أورّد لك كل الشرايط .. إحنا في ديك الساعة لما نخدموا سي السيد :waf:

[الباشمهندس ياسر]

.. في مره كنا قاعدين قعدة رومانتيكية في كازينو - والله فاكر كأنه أمبارح - فلقيتها عيطت من الباب للطاق وقلت قشطة الناس هاتتلم وينزلوا في ضرب ويجاملوها .. فقلت لها بتعيطي ليه ؟ أنا مش جبت لك عصير البرتقان أبو 23 جنيه اللي بتحبيه ؟ .. فقالت لي حاجه والله العظيم لم أكن اتوقعها ... وقالت : هو أنت لو أنفعلت في أي مره ودخلنا في مناقشة حادة معايا .. إنت ممكن تضربني أو تمد إيدك عليه وهاتك يا عياط وشحتفه لدرجة كنت هاسيبها وأجري عشان ما أتحبسش ؟

تخيل بقى ان الموقف ده لسه حاصل معايا

و قلتلها طبعا هأضربك اومال ان ناوى اتجوزك ليه

قلمين ع الصبح كده نعمل بيهم اصطباحة و كل ما ارجع من مشوار هقوم مديك عصايتين كمان

و اول ما اتضايق من حد ف الشارع او حد كسر عليا بعربيته هرجع البيت و اضربك طبعا اومال انتى عايزانى اعمل مشاكل مع الناس الغريبة

لقيت البنت سورقت منى

[doudy]

إنت القوي على كل قوي يارب ..

كده يا موديست .. اهم الجماعة أخدو عني فكرة إني أبو رجل مسلوخه وبأهشتك العيال الصغيرة وبعدين أكلهم ...

اتجوز أنا ازاي دلوقت ... ومين هاترضى بيه بعد التسييح ده كله ؟

مش عارف ليه موديست رجعنا 45 سنة وفكرني بأول خطوبة ليه كانت سنة 98 تقريباً ... وكنت بصراحة بأحب البنت دي بجد ( ده زمان ... زمان قوي ييجي من 20 سنة - عشان المنتديات لها ودان وفي ناس بتحب تهدي النفوس ) فأنا زمان كنت عصبي غير دلوقت - ده أنا نسمه والله دلوقت مقارنة بعز شبابي - ففي فترة الخطوبة القصيرة ممكن مرة أو إتنين شافتني منفعل بس مش عليها ومش لدرجة إني بأشد في شعري وأكل مشابك الغسيل .. المهم .. في مره كنا قاعدين قعدة رومانتيكية في كازينو - والله فاكر كأنه أمبارح - فلقيتها عيطت من الباب للطاق وقلت قشطة الناس هاتتلم وينزلوا في ضرب ويجاملوها .. فقلت لها بتعيطي ليه ؟ أنا مش جبت لك عصير البرتقان أبو 23 جنيه اللي بتحبيه ؟ .. فقالت لي حاجه والله العظيم لم أكن اتوقعها ... وقالت : هو أنت لو أنفعلت في أي مره ودخلنا في مناقشة حادة معايا .. إنت ممكن تضربني أو تمد إيدك عليه وهاتك يا عياط وشحتفه لدرجة كنت هاسيبها وأجري عشان ما أتحبسش ؟

يا نهار أسود !!!!! قلت لها ليه يابنتي ؟ وإيه السبب ؟ أي راجل بينفعل عادي .. وأظن أنا مش رِجل كُرسي وأنا راجل قدامك أهو وفي البطاقة مكتوب راجل كمان ..... لكن مش معنى الأنفعال إني أضرب وأموت ... وبعدين مهما كانت الست في حجم " أنجيل آرام " اللي طلعت في مسرحية الواد سيد الشغال وكانت جارة عادل أمام وبتحبه والبنت دي كبيرة جداً في السن على فكرة وكانت بتطلع مع ثلاثي أضواء المسرح بس ربنا يشفيها حجمها غير طبيعي ، ومهما كان الراجل في حجم الضيف أحمد .. فبرضوا القوة الجسدية للرجل تظل أقوى من المرأة .. إلا لو كانت بتلعب كاراتية أو كونغ فو ... كده بقى يبقى أوديكي فين يا صحه ومش هاشتبك معاها بالأيد وهادعي عليها بس أو أضربها بشومه لإن الأشتباك المباشر مش هايبقى في صالحي وميزان القوى سيختل ... وبالتالي فموضوع الضرب ده محسوم مسبقاً ومرفوض إلا في الشديد القوي .. يعني قلم مخبرين ..قفا ... شلوت ... نوك آوت ... إنما ضرب ضرب يعني من بتاع الشوارع لأ وده شيء غير حضاري وغير مفيد ... ده في ستات جتتها منحسة أساساً

صحيح يا ولاد .. ياما في الحبس مظاليم ...

صحح الصورة بقى ياخويا وإنزل بالحته اللي كنت بأفسح فيها العيال وكنت باعاملهم بمنتهى الحونيه وكنت باين فيها ولا كأني جناح بملكين .. قصدي ملاك بجناحين والناس في الصورة كانت عيونها بتقول : إيه الراجل الحنين ده .. إيه الأستوك ده "

الموضوع دة لوكان بجد كنا خوفنا منك يا س س

الحمد لله انه خدعة...ز دة دراكولا مش با با خالص

انا عندى بيبى :aslam: صغير عمره سنة وشهرين مقدرتش اتحمل اكمل الفيديو

دة فظيع

[pharaon]

السلام عليكم

انا بقى العكس اختى الصغيره (انا اكبر منها يجى بواحد وعشرين سنه كده :waf: ) هي الى بتضربنى

كل يوم الصبح تتعكنن لو ما ادتنيش بالقلم

مترضاش تاكل الا لما تعملى ساعه فى ايدى انا خلاص استويت

والله فى الشغل فى الاول كنت بتكسف لما زمايلى يقولولى ايه الى الخرابيش الى فى وشك ده ( الكلام ده فى الاول ) دلوقتى اول ما يشوفونى متعور هى اختك ضربتك

تانى هاهاهاها :aslam:

والله حرام الى بيحصل ده

يعنى بابا يخلف وانا اتضرب mc:

[م.سامح المصرى]

وفي البطاقة مكتوب راجل كمان

اية دا هوا عند حضرتك مكتوب راجل يا سى السيد :rolleyes:

اشمعنا عندى كاتبين ذكر :closedeyes:

ولا علشان حضرتك سى السيد يعنى

[شاب مصري]

خلي الواد يجمد وينشف وماله :closedeyes: :rolleyes:

[SoSo R]

.. في مره كنا قاعدين قعدة رومانتيكية في كازينو - والله فاكر كأنه أمبارح - فلقيتها عيطت من الباب للطاق وقلت قشطة الناس هاتتلم وينزلوا في ضرب ويجاملوها .. فقلت لها بتعيطي ليه ؟ أنا مش جبت لك عصير البرتقان أبو 23 جنيه اللي بتحبيه ؟ .. فقالت لي حاجه والله العظيم لم أكن اتوقعها ... وقالت : هو أنت لو أنفعلت في أي مره ودخلنا في مناقشة حادة معايا .. إنت ممكن تضربني أو تمد إيدك عليه وهاتك يا عياط وشحتفه لدرجة كنت هاسيبها وأجري عشان ما أتحبسش ؟

تخيل بقى ان الموقف ده لسه حاصل معايا

و قلتلها طبعا هأضربك اومال ان ناوى اتجوزك ليه

قلمين ع الصبح كده نعمل بيهم اصطباحة و كل ما ارجع من مشوار هقوم مديك عصايتين كمان

و اول ما اتضايق من حد ف الشارع او حد كسر عليا بعربيته هرجع البيت و اضربك طبعا اومال انتى عايزانى اعمل مشاكل مع الناس الغريبة

لقيت البنت سورقت منى

مساء الخير يا باشمهندس:

هو أنت بجد قلتلها كدة؟؟!!!

ومش عايزها تسورق يا راجل... :closedeyes:

بس الحقيقة وجهة نظرك عن الجواز...هايلة..هايلة...هايلة

ربنا يوفقك يابنى

إبقى قابلنى لو إتجوزت

تحياتى

سوسورانى

[tahereyad]

أنا شوفت الكليب كله و شايفه عادي جدا,,,, واضح ان سي السيد بيعلم ابنه الخشونه و المرجلة,,, وده حقه,,, مسألة علاقة بين أب,,,,ها,,,, وابنه (زوووم علي وش سكار في الأسد الملك, مصحوبا بصوت عبد الرحمن أبو زهرة)

علي فكرة,,, الواد بعد درس الهشتكة دة هايبقي رااااااجل, رااااااجل, راااااجل

[ذهبية]

اية دة اللى انا شوفتة دة بجد دة طفل بجد و لا عروسة لعبة دة اب دة و لا دراكورا

انا عايزة اعرف ام الطفل دة فين و ياترى شافت الفديو دة ولا من وراها ومين ياترى اللى كان بيصورة بقى و هو

سعيد قوى كدة

مش ممكن يكون ابنة استحالة ولا الواد دة من العيال البلاستك اللى تخبطهم فى الحيطة يرجع يرد فى وشك

و بعدين يا سى السيد انت و الباش مهندس ياسر تخرج مع البنت و تقعدها قاعدة رومانسية و تجيب برتقال بالشىء الفلانى و فى الاخر

تطمنها على مستقبلها انها هتنضرب يعنى هتنضرب اية الرومانسية دى ومقلتهاش تعمل حاسبها فى

الجهاز تجيب قطن و شاش و شوية ميكروكروم

و عليهم برضة شنطة اسعاف ضغيرة لزوم وقت السفر

فى شهر العسل و ياريت برضة يكون دايما فى نمرة موبايلها نمرة الاسعاف او ااقرب دكتور او مستشفى

للظروف الطارئة

و ياريت برضة تكون عاملها حسابها تقول لماماتها لو طلبتها فى يوم وما لقتها متبقاش تتعب نفسها و تتصل كتير

هى تاخد بعضها الى اقرب مستشفى من البيت هتلاقيها هناك وهو دة الزوج المثالى صريح من اول يوم

لا فينا كدب و لا خداع انا باقولك من الاول اهو علشان متقولش انك ضحكت عليها هتلاقى بعد كدة زوج مثالى

يبقى بقى طماعة الصراحة و تستهال ضرب ......ولا بلاش هاسيب الموضوع دة عليكم بقى الخبرة تحكم

[الباشمهندس ياسر]

مساء الخير يا باشمهندس:

هو أنت بجد قلتلها كدة؟؟!!!

ومش عايزها تسورق يا راجل... :blush2:

بس الحقيقة وجهة نظرك عن الجواز...هايلة..هايلة...هايلة

ربنا يوفقك يابنى

إبقى قابلنى لو إتجوزت

تحياتى

سوسورانى

و الله يا دوك

ضحكتينى ربنا يرزقك ابتسامة م القلب صافية

تخيلى مكنتش عارف ان حضرتك من النوع الرقيق اوى كده

طب مرة بنوته غير دى من النوع الشقى اوى.. اللى يتقال عليه قطتى

فتحنا الموضوع ده و قلتلها كام جملة شبه اللى فوق

قالتلى .. طب جرب كده و انا هاكل ودانك اكل

قلتلها على ايه .. بلاش احسن الناس تقول الراجل اللى مراته اكلت ودانه

عموما

الكلام كله لا يخرج من نطاق الهزار ابتا ابتا

[ozoozo]

مساء الخير يا باشمهندس:

هو أنت بجد قلتلها كدة؟؟!!!

ومش عايزها تسورق يا راجل... :lol:

بس الحقيقة وجهة نظرك عن الجواز...هايلة..هايلة...هايلة

ربنا يوفقك يابنى

إبقى قابلنى لو إتجوزت

تحياتى

سوسورانى

و الله يا دوك

ضحكتينى ربنا يرزقك ابتسامة م القلب صافية

تخيلى مكنتش عارف ان حضرتك من النوع الرقيق اوى كده

طب مرة بنوته غير دى من النوع الشقى اوى.. اللى يتقال عليه قطتى

فتحنا الموضوع ده و قلتلها كام جملة شبه اللى فوق

قالتلى .. طب جرب كده و انا هاكل ودانك اكل

قلتلها على ايه .. بلاش احسن الناس تقول الراجل اللى مراته اكلت ودانه

عموما

الكلام كله لا يخرج من نطاق الهزار ابتا ابتا

ايه ياعم ياسر هو كله خطويه خطويه مفيش جواز ولا ايه (ضرب ضرب من غير شتيمه)

[الباشمهندس ياسر]

ايه ياعم ياسر هو كله خطويه خطويه مفيش جواز ولا ايه (ضرب ضرب من غير شتيمه)

وى..!!!!!

او اوززوز عندنا

يا مرحبا يا مرحبا

و بعدين هيبقى لا جواز ولا فسح و حركات

ده ايه ده :lol:

[Modest]

الحقيقة كان لمشاركاتكم بالغ الأثر على المربي الفاضل سين سين

إليكم آخر فيلم تم إلتقاطه .. و يتضح من طريقة لعب سي السيد مع عبد الرحمن إنه عارف فيه كاميرات بتصورُه

و ستظل الكاميرات في مكانها إنقاذاً للطفل البريء من براثن هذا الأب الحنون :lol:

[se_ Elsyed]

أنا مش فاهم حاجه ؟

ما هو يا إما الواد ده عبيط ؟

يا إما ده فيلم من بتوع يوسف شاهين والواد هو اللي فاهم وأنا مش فاهم حاجه ؟

وبعدين إيه اللي بيضحك في الورق يعني ؟ يكونش الولا ده كومساري ... ورق يافنديه .. ورق

نزل الفيلم يا موديست لما كنت مجمع العيال حواليه وباحيكلهم كصص حلوه قبل ما يناموا .. زي امنا الغوله وأبو رجل مشويه والشطر حسن والأميرة جمالات ..