هشام عبد الوهاب بتاريخ: 11 سبتمبر 2003 تقديم بلاغ مشاركة بتاريخ: 11 سبتمبر 2003 كثيرا ماكتبت موضوع جديد وقبل نشره اعيد قرأته فبدلا من ارساله اجدنى اضغط على back يعنى بأقطعه وارميه فى الزباله . اوقات بسبب سوء الاسلوب وأوقات بسبب انه مش عاجبنى وخلاص واوقات بحس انه مجرد شخبطه ولو معايا قلم وبكتب على ورقه كنت شخبط عليه ورميته وبعد شويه يصعب عليا فأبتدى ادور على الأستيكه علشان امسح الشخابيط . الموضوع ده بقى قررت انى مش هامسحه ابدا ولا حتى هاعدل فيه ولا كلمه ويطلع زى مايطلع ..طولت او قصرت مش مهم . له معنى او كلام فارغ او حتى مجرد شخبطه ...... وايه يعنى . ندخل بقى على الموضوع ... بس هو ايه الموضوع النهارده .. الموضوع .الموضوع. الموضوع ........ايوه .. شخابيط . اول شخبطه . احيانا تروح مكان بمناسبه حلوه وتقعد تستعد لها يجيى اسبوع قبلها .... فرح ... مثلا وفجأة تقع عينك فى الفرح على واحد صاحبك بقالك سنين ماشفتوش وتلاقى نفسك سيبت الفرح كله بالعروسه والعريس والمدام وهات يارغى مع صديقك طول الفرح لحد ما المدام بعد كام ساعه تخبط على كتفك وتقلك ..مش يالا نروح الفرح خلص. عمرك سألت نفسك ليه عملت كده مع ان ممكن تاخد تليفونه وتتقابلوا بعد الفرح ، طبعا هاتقول لنفسك اصله كان واحشنى قوى وانا مش فاضى ... لكن الحقيقه انك اساس ماكنتش عاوز تروح الفرح لا أنت ولا هو .................... شخبطه حواديت المترو فى باريس . انا رحت باريس حوالى 15 مره وعمرى ما استعملت المترو ابدا ... ليه مش عارف .. الاطه ..يمكن .... استسهال ...جايز المهم المره دى قلت استعمل المترو ارخص كتير خصوصا ان مشاويرى بعيده واليورو بسبعه جنيه واهو ارخص واسرع واجرب . فى المترو ...ركبت ولقيت مكان فاضى ..قعدت وناس تانيه المكان ادامها وعاجبها الواقفه ... وانا مالى ..المهم اقعد المشوار طويل . والمترو ده جواه حواديت كتيره جدااااااااااا . اخترعتها فى عقلى يعنى باختصار كل ماشوف لقطه لشخص او اكتر الاقى عقلى عملها سيناريو عجيب جدا . واحده قاعده على كنبه لوحدها بتكتب عربى فى كشكول كبير ...... حولها مخى فى ثوانى لقصة كفاح بنت عربية بتدرس فى السيربو(ن) وازاى ضحت بحبيبها واتغربت علشان تاخد الدكتراه وباعت عربيتها اليابانى بالتكييف والكاسيت لتاجر سيارات فاتح معرض على ناصية الشارع كان معجب بيها وهى فى الجامعه . وكل صيغتها اديتها لبنت خالها تبيعها من ورا والدتها وبنت خالها سمسرة منها 500 جنيه وهى ماتعرفش . وكل ده علشان تاخد الدكتراه من السربون زى واحده صاحبتها كانت بتتألط عليها انها هاتروح فرنسا وتدرس هناك . شخبطه ............... مش مهم بتحب مين ...المهم مين بيحبك ... select all >>>>>>delete شخابيــــــــــــط اقتباس رابط هذا التعليق شارك المزيد من خيارات المشاركة
سقراط المصري بتاريخ: 11 سبتمبر 2003 تقديم بلاغ مشاركة بتاريخ: 11 سبتمبر 2003 هشام شخابيطك عجبتني. سقراط اقتباس <span style='font-family: Arial'><span style='font-size:14pt;line-height:100%'><span style='color: blue'><strong class='bbc'><br />زوجتي الحبيبه ، امي الغاليه ، حماتي الطيبه<br /><br />برجاء تجهيز مايلي يوم وصولي لأرض المحروسه :<br /><br />باميه باللحم الضاني ، محشي ورق عنب ، كباب حله ، قلقاس باللحمه ،نص دستة زغاليل محشيه ، بطه راقده على صينية بطاطس ، وزه متشوحه كفتح شهيه ، صينيه رقاق ، موزه مشويه على الفحم ، سلطة طحينه بالليمون ، مية "دقه" ، ملوخيه بالارانب ، شربة فرخه بلدي بالحبهان والمستكه، برميل تمرهندي............... وكفايه كده عشان انام خفيف.<br /><br />سقراط المصري<br /></strong></span></span></span> رابط هذا التعليق شارك المزيد من خيارات المشاركة
Cleo بتاريخ: 11 سبتمبر 2003 تقديم بلاغ مشاركة بتاريخ: 11 سبتمبر 2003 أستاذ. (وش واحد رافع البرنيطة) اقتباس وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ المائدة - 51 مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ الأحزاب - 23 رابط هذا التعليق شارك المزيد من خيارات المشاركة
se_ Elsyed بتاريخ: 11 سبتمبر 2003 تقديم بلاغ مشاركة بتاريخ: 11 سبتمبر 2003 يعني كلكم خلاص بقيتوا تفهموا أفلام يوسف شاهين وأحنا لأ ؟!!! طب انا مش فاهم حاجة أيه رأيكوا بأه ..... معليش يا هشام انا ماليش فى الفن السيريالي ... لكن لما تكون لوحة فيها واحده بتمللى قلل أو شوية بيوت ومعدي من قدامهم ترعه دي بأفهمها على طول. وفى الأخر كل واحد حر فى الشخابيط بتاعته . اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
disappointed بتاريخ: 11 سبتمبر 2003 تقديم بلاغ مشاركة بتاريخ: 11 سبتمبر 2003 شخابيــــــــــــط حلو قوى يعنى المنتدى كده بقى فيه : أبو المحابيط و....... أبو الشخابيط (وش واحد مستنّى باقى الشخابيط بشغف علشان يجمّعها فى كشكول شخابيط كبير) كمّل.... كمّل ..... شخبطتك كلّها الهام...يا...أبو الشخابيط مع تحيّات أخوك أبو المحابيط (ما تيجى نعمل لينا نقابه بقى) اقتباس <span style='font-family: Traditional Arabic'><span style='font-size:15pt;line-height:100%'><strong class='bbc'>إن أخشى ما أخشاه هو :<br /><br />أن تصبح الخيانة يوما ما.....مجرّد.....وجهة نظر</strong></span></span><br /><br /><br /><br /><img src='http://www.egyptiantalks.org/images_temp/moir.gif'alt='صورة' class='bbc_img' /> رابط هذا التعليق شارك المزيد من خيارات المشاركة
Sharkiah بتاريخ: 11 سبتمبر 2003 تقديم بلاغ مشاركة بتاريخ: 11 سبتمبر 2003 عند بدايه حياتى العمليه عملت فى مكاتب المحاسبه القانونيه ؛ وكل عمليه مراجعه كان لها ملف كامل يحوى كل مايخصها من الألف للياء ؛ وكل رصيد فى القوائم الماليه التى ترونها كلكم منشوره مثلا فى الصحف لابد أن يكون له قسم فى الملف يحتوى على كل أوراق العمل والأدله المويده لصحه الرصيد ؛ المهم أننا كنا نحتفظ فى آخر الملف بقسم كنا نسميه "X file" وهو مخصص لكل المسودات التى قرر المراجع ألا يضمنها فى ملف المراجعه ؛ وهو بالضبط قسم "الشخابيط" اقتباس بسم الله الرحمن الرحيم ـ وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً ـ صدق الله العظيم رابط هذا التعليق شارك المزيد من خيارات المشاركة
هشام عبد الوهاب بتاريخ: 11 سبتمبر 2003 كاتب الموضوع تقديم بلاغ مشاركة بتاريخ: 11 سبتمبر 2003 سقراط كليو ابو المحابيط . شكرا على الكلام الجميل . سى السيد .. دمك زى العسل شرقيه ..... هو كده بالضبط زى ما انت قلت ........شخابيط اقتباس رابط هذا التعليق شارك المزيد من خيارات المشاركة
بنت شعنونة بتاريخ: 12 سبتمبر 2003 تقديم بلاغ مشاركة بتاريخ: 12 سبتمبر 2003 اوقات ابقى بتكلم في التلفون والا قي قدامي ورقة وبعد ما اخلص التلفون الاقي الورقة دي ماليااااااااانة شخابيط وكل شخبوطة فيهم بتدل على حاجا مرة متعصبة مرة زهقانا مرة عاوزا اقفل ومش عارفا اعمل ايه!!!!! المذاكرة اكتر حاجا كرهتها في مصر عشان افهم الدرس كان لازم ارسمه بالمختصر كدا جنب الصفحة كل درس له رسومات خاصا بيه مايفهمهاش حد غيري وساعة الأمتحان اول حاجا اكتبها على ورقة الأسئلة الرسومات دي عشان افتكر الكلام جنون برضه شخابيط الحياطن والمترو و على الفلوس بتعجبني اوي لازم اقعد اقراها كلها انما اوحش حاجا لما حد يشخبط عليك وتلاقي الكل بيقرا الشخبطة دي وانت الوحيد اللي مش قاريها...... اقتباس وانا من البلد ديييييييييييي رابط هذا التعليق شارك المزيد من خيارات المشاركة
DARWEEN بتاريخ: 12 سبتمبر 2003 تقديم بلاغ مشاركة بتاريخ: 12 سبتمبر 2003 ماهو أنا قلبي كان حاسس من ساعة الصورة الملوكي دي أن فيه حاجه برضه ... بس أنا كنت متوقع أنقلاب .... ثورة مضاده ... حاجة كدة تناسي الملك تقوم ترسى على شخابيط ؟؟؟؟ هو الدكتور أبوحلاوه بقاله فتره مش باين ليه ؟؟؟ يادكتوووووووووووووورررررررررررررررررر اقتباس القسوة أن ألقاك غريبا ... في وطن ناء عن وطنك والأقسى غربة أنفاس ... بين الخلان وفي أهلك رابط هذا التعليق شارك المزيد من خيارات المشاركة
DARWEEN بتاريخ: 12 سبتمبر 2003 تقديم بلاغ مشاركة بتاريخ: 12 سبتمبر 2003 انما اوحش حاجا لما حد يشخبط عليك وتلاقي الكل بيقرا الشخبطة دي وانت الوحيد اللي مش قاريها ياسلام يادكتوره عالكلام الحلو الموزون .... قلتيلي بقى بيشخبط عليكي ؟؟؟؟ دي حاجه فل قوي ( وش عبدالفتاح القصري ) اقتباس القسوة أن ألقاك غريبا ... في وطن ناء عن وطنك والأقسى غربة أنفاس ... بين الخلان وفي أهلك رابط هذا التعليق شارك المزيد من خيارات المشاركة
هشام عبد الوهاب بتاريخ: 18 سبتمبر 2003 كاتب الموضوع تقديم بلاغ مشاركة بتاريخ: 18 سبتمبر 2003 أول شخبطه طلبت الرقم والجرس رن ورد صديقى الووووووو وقلتله : : ايه يابنى غطسان فين : انا برضه اللى غطسان ... : من اخر مره كلمتك ولا اعرف عنك اى حاجه : ابدا ...... مشغول شويه .. ما أنت عارف : مممممممم .... ماشى ياسيدى .. واخبار الولاد ايه : الحمد لله وانت كل اللى عندك تمام : بخير الحمد لله ........ بقولك ايه : أأمر : الأمر لله ....... عاوز اشوفك ضرورى : خير : مش هاينفع فى التليفون .. تحب نتقابل فين وامتى : ممممم ... يوم الجمعه بعد الصلاة .. كويس : هايل .. نصلى فى الجامع اللى عندك ونروح نقعد فى اى حته : طيب .. كويس كده .. قبل ما انسى ابقى سلملى على والدك لأنه واحشنى جدا : والدى ....... والدى مين : ايه يا مصطفى ... ابوك يا ابنى : مصطفى ......مصطفى مين : الله ... هو مش حضرتك مصطفى برضه : لأ انا هشام ..... هو حضرتك مش هانى :لأ انا اكرم وانفجرنا احنا الاتنين م الضحك ...... النمرة طلبتها غلط . ثانى شخبطه شخابيط بلا عناوين س:ليه بيقدموا قهوة سادة فى العزاء ........ ج:احترام الميت والموقف لا يناسبه وضع سكر . فلتسقط الديمقراطية والحرية ........ و لا يسقط جنيه من جيبى مات هتلر وكيندى و غاندى ........ وعاشت أم محمد بتاعت الفول اقتباس رابط هذا التعليق شارك المزيد من خيارات المشاركة
ragab2 بتاريخ: 18 سبتمبر 2003 تقديم بلاغ مشاركة بتاريخ: 18 سبتمبر 2003 أول شخبطه طلبت الرقم والجرس رن ورد صديقى الووووووو وقلتله : : ايه يابنى غطسان فين : انا برضه اللى غطسان ... : من اخر مره كلمتك ولا اعرف عنك اى حاجه : ابدا ...... مشغول شويه .. ما أنت عارف : مممممممم .... ماشى ياسيدى .. واخبار الولاد ايه : الحمد لله وانت كل اللى عندك تمام : بخير الحمد لله ........ بقولك ايه : أأمر : الأمر لله ....... عاوز اشوفك ضرورى : خير : مش هاينفع فى التليفون .. تحب نتقابل فين وامتى : ممممم ... يوم الجمعه بعد الصلاة .. كويس : هايل .. نصلى فى الجامع اللى عندك ونروح نقعد فى اى حته : طيب .. كويس كده .. قبل ما انسى ابقى سلملى على والدك لأنه واحشنى جدا : والدى ....... والدى مين : ايه يا مصطفى ... ابوك يا ابنى : مصطفى ......مصطفى مين : الله ... هو مش حضرتك مصطفى برضه : لأ انا هشام ..... هو حضرتك مش هانى :لأ انا اكرم وانفجرنا احنا الاتنين م الضحك ...... النمرة طلبتها غلط . ثانى شخبطه شخابيط بلا عناوين س:ليه بيقدموا قهوة سادة فى العزاء ........ ج:احترام الميت والموقف لا يناسبه وضع سكر . فلتسقط الديمقراطية والحرية ........ و لا يسقط جنيه من جيبى مات هتلر وكيندى و غاندى ........ وعاشت أم محمد بتاعت الفول حلوة تشبه قطايف رمضان أكمل واستمر على نفس السجية والطبيعة كلام بيحصل للكل ولكن لم ننتبه له اقتباس مصر أكبر من نظام الحكم الفردى الديكتاتورى الإستبدادى الذى فرضه علينا عسكر حركة يوليو فى الخمسينات وصار نظاما لحكم مصر برنامج الرئيس الإنتخابى لإسكان فقراء الشباب .. سرقه مسؤولون وزارة الإسكان مع المقاولين ..! رابط هذا التعليق شارك المزيد من خيارات المشاركة
Farah بتاريخ: 18 سبتمبر 2003 تقديم بلاغ مشاركة بتاريخ: 18 سبتمبر 2003 في عز النوم المنبه ضرب جري علي الشور خدت دش وفنجان قهوه وجريت وحطيت نفسي في العربيه ببداء الشغل الساعه ٨ صباحا فتحت الراديو سمعت الاخبار الدنيا شكلها زي متكون بليلل ياه دا انا لسه نايمه ولا ايه هو مفيش حد ماشي ليه تلقي الناس مشغوله ركنت العربيه وصلت الشغل دا محدش موجود من زملاء الشغل تلقيهم اتاخروا الناس دي امته حتحس بالمسؤليه كل ده حديث مع نفسي اخيرا ظهر زميل بيشتغل في نفس المكتب بس في فترة من ١١ مساءآ الي ٧صباحا بمنتهي الثقه سألته ايه فيه حاجه انت عندك مشكله انت هنا ليه رد الحقيقه انا اللي عاوز اسألك هو جوزك طردك ملقتيش حته تروحيها زوهلت ازاي يتكلم معي بالطريقه دي'''' لاحظ وقبل ان انطق سألني عارفه الساعه كام لا الساعه دلوقتي 1.30 صباحا شخبطه مرت علي هذه الشخبط 15سنوات ولكني مازلت اتذكرها ولا اجد لها مبرر كيف لم افرق ما بين الليل والنهار ؟؟؟؟؟؟؟ اقتباس رابط هذا التعليق شارك المزيد من خيارات المشاركة
MuslimaEgyptian بتاريخ: 18 أكتوبر 2003 تقديم بلاغ مشاركة بتاريخ: 18 أكتوبر 2003 السلام عليكم.. أحببت أن أعبر لك عن إمتنانى بالمساهمه فى هذا الموضوع الأوريجينال، لردك على فى آخر موضوع إشتركنا به وإن شاء الله دائما متفقين كما قلت فى الحق إن شاء الله... أوكيه شغابيط..همممم...هممم...أوكيه...من المواضيع التى مرت بذهنى ولم تسع فتح موضوع كامل من أجله - وبذلك أصبحت شغابيط - كان عن كم الأعضاء الرجال الذين يختارون اللوجو لديهم أسدا ..او حتى يسجلون بإسم أسد...وقارنت هذا بحالنا اليوم وإفتقارنا لأسود حقيقيه بالحياه... ولست أتحدث عن أعضاء بعينها، فلا أتذكر من هم ..خاصا فى وقت تغيير اللوجو بأكثر من واحد.. هكذا مر الموضوع بذهنى...وضحكت...ثم شغبطت عليه بالقلم...ليصبح شغابيط.. اقتباس التوقيع مغلق للتحسينات :) . رابط هذا التعليق شارك المزيد من خيارات المشاركة
Salwa بتاريخ: 18 أكتوبر 2003 تقديم بلاغ مشاركة بتاريخ: 18 أكتوبر 2003 شخابيط ..متشعبة..نسلك شوية منها..لست ادرى للآن هل ماحدث منها كان سوء..أو.حسن حظ. من 22 سنة وايام اعياد الكريسماس..وكل الناس تحتفل وتشترى كل شئ.. وفى يوم خاص..يوم الاوتاريا..كل الناس تشترى اوراق اليانصيب..جوائز كثيرة.. كنت اقف فى البلكونة..وكان آخر يوم فى بيع الاوتاريا..باقى ربع ساعة ويقفل المحل..ليس لديه سوى رقمين. نادوا على..سلوى..احدفى فلوس..نجرب حظنا...قلت..لألألأ...ده حرام.. حانندم بعدها.. ماشى..هى كانت مجرد محاولة يمكن نكسب الجائزة الاولى.. فات يوم.. صحيت على اصوات عالية.. الجائزة الاولى طلعت فى هذا المحل...تسلسل الرقم كان 200 ورقة..اتباع كله ماعدا واحدة... اللى احنا لم نشتريها. فى العام اللى بعده....وافقت على الشراء..على اساس والله سوف نعطى هذا المال لمن يستحقه..لانريد شيئا. ابنتى بكت..اريد هذه الورقة الملونة.. اعطيتها لها.. نسيت انى اعطيتها لها.. لعبت بالورقه...زهقت منها...رمتها.. ثالث يوم. الرقم كسب الجائزة الثالثة. كل ما كسبناه..مال حلال من عرق الجبين. ولم يكن ابدا..مكسب سهل. توالت جوائز كثيرة..كثيرة..علينا..ولم يكن بينها اى جائزة اوتاريا. مجرد شخبطة. سلامى. اقتباس (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
goold بتاريخ: 19 أكتوبر 2003 تقديم بلاغ مشاركة بتاريخ: 19 أكتوبر 2003 استيقظنا جميعنا فى الصباح الباكر وكنا بالمنصورة وجهزنا للسفر للقاهرة لزيارة الوالد والعائلة واخذنا العربية ومن عادتى عند خروجى مع اسرتى (( زوجى )) لا احمل حقيبة يدى ولا حتى تليفونى ، واكتفى بتليفون واحد وقد وصلنا لنصف المشوار وللأسف تذكر زوجى انه نسي محفظته ياترى نرجع او نكمل المشوار الذى سيمتد ليومين او ثلاثه فى القاهرة زيارات وفسح وبما اننى لا احب العودة واكرة طول المشوار فاقترحت اقتراح ان ممكن نبيع قطعة من الذهب الموجود معنا افضل ما نرجع وانا عايزة بسرعه اوصل . هاهاهأ -- اقتباس اللهم أكفنى بحلالك عن حرامك واغننى بفضلك عن سواك] رابط هذا التعليق شارك المزيد من خيارات المشاركة
se_ Elsyed بتاريخ: 19 أكتوبر 2003 تقديم بلاغ مشاركة بتاريخ: 19 أكتوبر 2003 استيقظنا جميعنا فى الصباح الباكر وكنا بالمنصورة وجهزنا للسفر للقاهرة لزيارة الوالد والعائلة واخذنا العربية ومن عادتى عند خروجى مع اسرتى (( زوجى )) لا احمل حقيبة يدى ولا حتى تليفونى ، واكتفى بتليفون واحد وقد وصلنا لنصف المشوار وللأسف تذكر زوجى انه نسي محفظته ياترى نرجع او نكمل المشوار الذى سيمتد ليومين او ثلاثه فى القاهرة زيارات وفسح وبما اننى لا احب العودة واكرة طول المشوار فاقترحت اقتراح ان ممكن نبيع قطعة من الذهب الموجود معنا افضل ما نرجع وانا عايزة بسرعه اوصل . هاهاهأ -- طب ماشي ماتسيبيناش متعلقين كده يا جولد .. بعتي الكردان ولا لأ ؟ وبعدين ده المفروض المحفظة فيها البطاقة والرخصة والدنيا كلها ..... أرجو التوضيح علشان تبقى الشخبوطة واضحة ... اقتباس الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
فــيــروز بتاريخ: 19 أكتوبر 2003 تقديم بلاغ مشاركة بتاريخ: 19 أكتوبر 2003 استيقظنا جميعنا فى الصباح الباكر وكنا بالمنصورة وجهزنا للسفر للقاهرة لزيارة الوالد والعائلة واخذنا العربية ومن عادتى عند خروجى مع اسرتى (( زوجى )) لا احمل حقيبة يدى ولا حتى تليفونى ، واكتفى بتليفون واحد وقد وصلنا لنصف المشوار وللأسف تذكر زوجى انه نسي محفظته ياترى نرجع او نكمل المشوار الذى سيمتد ليومين او ثلاثه فى القاهرة زيارات وفسح وبما اننى لا احب العودة واكرة طول المشوار فاقترحت اقتراح ان ممكن نبيع قطعة من الذهب الموجود معنا افضل ما نرجع وانا عايزة بسرعه اوصل . هاهاهأ -- طب ماشي ماتسيبيناش متعلقين كده يا جولد .. بعتي الكردان ولا لأ ؟ وبعدين ده المفروض المحفظة فيها البطاقة والرخصة والدنيا كلها ..... أرجو التوضيح علشان تبقى الشخبوطة واضحة ... انا كمان كنت عاوزه اسال حصل ايه بعد كده اقتباس "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
هشام عبد الوهاب بتاريخ: 2 يونيو 2004 كاتب الموضوع تقديم بلاغ مشاركة بتاريخ: 2 يونيو 2004 اول شخبطة يييييه .. نفس المواضيع ،، نفس الكلام ،، معلهش .. احسن ما الواحد يفرقع اهو ينفس شوية مع ناس محترمة ... وبعدين ،، واخرتها ،، انا تعب .. تعبت بجد ،، يعنى هالاقيها منين ولا منين ... الشغل وقرفه ولا مشاكل البلد ،، والولاد .. هى ناقصه حتى المحاورات مابقالهاش طعم .. احسن حاجه ادخل زائر واريح دماغى ... ايه ده قفلوا زائر يعنى لازم اسجل ... طيب بس مش هاكتب ولا كلمة ما انا ياماكتبت حصل ايه يعنى ... لأ بقى ماينفعش كده ... طيب... خد عندك الرد ده .. التوقيع ((( اعضاء كتييييييييييير ))) --------------------------- ثانى شخبطة الرخص لو سمحت ،، ليه ايه المشكلة ،، حضرتك مش رابط الحزام وبتتكلم فى الموبايل .. يا استاذ لو سمحت الرخص الضابط واقف وشايفنا .. طيب مافيش حل غير المخالفة .. مممم .. المخالفة بخمسين جنية ... ايه رأيك طيب هادفع عشرة وحلو كدة .. ماينفعش يابيه.. لكن عشرين ينفع .. امرى لله احسن من خمسين برضه .. اتفضل .. ماشى سعادتك اتفضل بالسلامة ياباشا .. ...................................................... الرخص لو سمحت ليه ايه المشكلة ........... ==== ثالث شخبطة آه يا شعب ..... حتى ال آه بقت آه ونص . ياترى اخر اخبار الحلم العربى ايه .... يظهر اللى بيحلموا لسه نايمين . طلع الفجر وذهب الليل والعصفور ........................ مات select all >>>>>> delete اقتباس رابط هذا التعليق شارك المزيد من خيارات المشاركة
Farida بتاريخ: 2 يونيو 2004 تقديم بلاغ مشاركة بتاريخ: 2 يونيو 2004 طلع الفجر وذهب الليل والعصفور ........................ مات صباح الأكتئاب ..... شخبوطه أولى : و أنا فى الشغل دخل زميل بعد ما اخد الدكتوراة طلع السعودية و اشتغل فى جامعه هناك المهم كان لابس بدله لونها غريب و حسيت ان الدنيا زهزهت معاه و لا بس حاجه كاجوال و ستايل جديد و انا باشطب فى الرساله بتاعتى و مش فاضيه بقه اعرف اخر خطوط الموضه العالميه ....المهم البدله عند الأكمام فيه مكان للعراوى و مافيش مكان للزراير قلت له ايوه ياعم ...البدل الموديلات دى ....دى من السعوديه دى ..... الزميل بص لى و قالى ده انا مفصلها فى بلدنا فى الكفر ...و الزراير واقعه منها و مكسل اركبها .....احرجت جدا نفس الموقف برضه لما رجعت من اجازة الوضع باسلم على زمايلى و لقيت زميله لى حامل بس تقريبا على الأواخر بصيت لها و قلت لها مبروك ها ولد ولا بنت ....لقيت وشها جاب الوان و قالت لى لأ ده مش حمل اصل انا بصراحه زدت شويه من الأكتئاب ....... من ساعتها بطلت اعلق على اى بنى أدم رغم ان الفضول بيبقى يكاد يقتلنى اقتباس *اللهم انى اشكو اليك ضعف قوتى و قلة حيلتى و هوانى على الناس *اللهم و لى امورنا خيارنا و لا تول امورنا شرارنا * الساكت عن الحق شيطان أخرس * الشعوب تستحق حكامها رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.