أستشارة .. أرجو السرد سريعا ً

[hosambob]

كنت براسل وزارة الخارجية السعودية ( إدارة التأشيرات ) بالأميل .. أخيرا ً ردوا عليه بأنه ليس هناك ما يمنع من عمل زيارة لزوجتى و ولدي علما ً بان مهنتي عامل معماري

أعمل اية يا جماعة ؟ استمر و ابداء في الأجراءات و لا بيضحكوا عليه و بد كدة اصاب بأكتئاب ؟

أرجو المشورة .. لا خاب من استشار ..

شكرا ً

[وهيج الجبيل]

توكل على الله اخى العزيز الزيارة مفتوحة على البحرى

لسة امبارح واحد مهنتة عامل واخر سائق خاص خدوا الموافقة وبعتوها على مصر

كمل فى الاجرات

وبالتوفيق انشاء الله

[nemoeg]

السلام عليكم ,

ممكن الميل الى بتراسلهم علية عشان عندى تستفسار عاوز ابعتو و كنت حطيتو هنا بس واضح ان الناس زهقت من الاستفسارات فى موضوع الاستقدام فا ما رضوش

شكرا

[وليد حماد]

خلى بالك يا باشا لو حصل تأخير فى ميعاد السفر هتغرم 10000 ريال وسفر نهائى

[doha]

ان شاء الله الزياره سهله بس اهم شيء تنتبه لتجديدها في مواعيدها وقبل ماتنتهي باسبوع او عشر ايام عشان متخالفش وتقدر تكرر لهم الزياره طالما انك معملتش مخالفات بابقائهم بشكل غير قانوني ..

مهم برضه تاخذ بالك ان مده الزياره باليوم مش بالشهر يعني لو هم مثلا استلموا الزيارة يوم 1 يناير متقولش يبقى كده لهم ثلاث شهور يعني يمشوا 1 ابريل .. لاحظ ان في شهور 31 يوم والزياره بتتحسب باليوم يعني 90 يوم مش ثلاث شهور .. فانت احسبها بالظبط امسك نتيجه واحسب تسعين يوم من يوم دخولهم البلد يبقى آخر يوم لهم كام وعلى هذا الاساس تظبط نفسك وتشوف هتجدد لهم امتى ..

برضه في نقطه مهمه جدا ان تمديد الزياره لايسقط الفترة الباقية فيها يعني لو هم بقالهم ثلاث شهور الا عشر ايام ورحت مددت لهم شهرين كمان هيدولك تاريخ التمديد بعد شهرين من تاريخ انتهاء الثلاث شهور الاولانيين يعني العشر ايام مش هتروح عليك ..

لك انك تمدد الزياره مرتين الى ثلاث مرات كحد اقصى .. يعني انا كانت زيارتي ثلاث شهور مددتها شهرين كمان ثم شهرين كمان ثم آخر مرة كان المفروض يمددوها شهرين كمان لكن مددوها شهر واحد بس واخذت ختم مغادرة نهائي .. سالت ان كان ممكن ارجع تاني قالوا عادي طالما خرجتي في مواعيدك ومخالفتيش النظام ترجعي تاني بزيارة جديده ولو ثاني يوم مفيش مشكلة ..

بس قلت انورك بالكلام ده يمكن تحتاجه ..

[خالد شحاته]

كنت براسل وزارة الخارجية السعودية ( إدارة التأشيرات ) بالأميل .. أخيرا ً ردوا عليه بأنه ليس هناك ما يمنع من عمل زيارة لزوجتى و ولدي علما ً بان مهنتي عامل معماري

أعمل اية يا جماعة ؟ استمر و ابداء في الأجراءات و لا بيضحكوا عليه و بد كدة اصاب بأكتئاب ؟

أرجو المشورة .. لا خاب من استشار ..

شكرا ً

اخي الفاضل

السلام عليكم ورحمة الله وبركاته

اليوم في الخارجيه زميل قدم زياره ومهنته عامل للاسف رفضو وقال غير مسموح

تم تعديل 15 أبريل 2009 بواسطة خالد شحاته