KWA بتاريخ: 10 سبتمبر 2003 تقديم بلاغ مشاركة بتاريخ: 10 سبتمبر 2003 من دقائق قليله و بالصدفه شاهدت واحد بيسمي نفسه مغني و لا بس عمه و بيغني و بيقول شنكوتي...الكلمات مصريه و شكله مصري و لكن اسمه عصام كاريكا مين ده مش مهم و لكن ايه معني ....شنكوتي ....كلمه او لغه جديده بعد لغه اشتري دماغك و احلق و غيرهم ....و لا هي ايه بالضبط انا عمري ما سمعتها ...سبحان الله و لسه ما هانشوف.... Egypt is my home , USA is my life. رابط هذا التعليق شارك المزيد من خيارات المشاركة
se_ Elsyed بتاريخ: 11 سبتمبر 2003 تقديم بلاغ مشاركة بتاريخ: 11 سبتمبر 2003 عصام كاريكا ده بيعتبروه أشهر ملحن وموزع اغاني فى مصر خاصة الأغاني الروشة .... ولم يكتفي بذلك فقالك أقتحم مجال الغناء واهو كله بيغني على كله .. ولا مانع من إستعمال كلمات هابطة ومسفه بحجة انها تستخدم فى الحياة العامة . فبدل مانحارب مثل هذه الظواهر .لأ نعملها اغاني وننشرها بين الناس. الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
زهــZــرة بتاريخ: 12 سبتمبر 2003 تقديم بلاغ مشاركة بتاريخ: 12 سبتمبر 2003 رغم اني من المقيمين في مصر المحروسة ام العجايب الا ان ثقافتي الروشة في حالة يرثى لها . يعني بالبلدي كده وم الآخر برضه مااعرفش ايه شنكوتي دي ومكسوفة اسأل حد احسن يتهمني بالرجعية والتخلف في عصر الروشنة والطقطقة والاقي نفسي متهمة بأني عدوة للتقدم الهابط نحو مزيد من افساد للذوق العام اكتر ماهو فسدان بعد الالفاظ الغريبة التي غزت حياتنا من خلال الاعلانات والمسلسلات والجرايد والمجلات ولم يكتفي القائمين على روشنة المجتمع بهذا بل قرروا نشر ثقافتهم الروشة عن طريق الاغاني فكل من هب ودب عمل لنفسه شريط وهات ياغنا وكام بنت بيتقصعوا ولابسين ( هم مش لابسين الصراحة ) وشوية خبط على حبة رزع واسمه توزيع ( توزيع ايه مش عارفة ) وكل واحد يطلع بتقليعة ومنهم الكابتن كاريكا ده . اول مرة اشوفه في حياتي كانت في برنامج المذيع الهابط علينا من مجاهل ماسبيرو ممدوح مااعرفش ايه ... اتخضيت لما شفته وشفت الحاجات الغريبة اللى لابسها والحوار الاغرب اللى دار بين المذيع وبين مبعوث العناية الفنية لروشنة الشعب عصام كاريكا . وحياتكم ياجماعة لما تعرفوا شنكوتي تعرفوني معناها ايه بس علشان عايز اواكب الاحداث ( اصل شكلي بقى متأخر قوي قوي ) تموت الأُسد في الغابات جوعاً و لحم الضأن يأكله الكلابُ و عبد قد ينــام على حريرٍ و ذو نسب مفارشه التراب رابط هذا التعليق شارك المزيد من خيارات المشاركة
Excellence بتاريخ: 12 سبتمبر 2003 تقديم بلاغ مشاركة بتاريخ: 12 سبتمبر 2003 عصام كاريكا ده بيعتبروه أشهر ملحن وموزع اغاني فى مصر خاصة الأغاني الروشة .... ولم يكتفي بذلك فقالك أقتحم مجال الغناء واهو كله بيغني على كله .. ولا مانع من إستعمال كلمات هابطة ومسفه بحجة انها تستخدم فى الحياة العامة .فبدل مانحارب مثل هذه الظواهر .لأ نعملها اغاني وننشرها بين الناس. في رأيي أن هذا الشنكوتي و غيره ممن يشكلون 99% من المغنيين (وليس المطربين لأن الفرق كبير) ينتمون إلى فن المونولوج الهزلي حتى لو تضمنت هذه المونولوجات أحيانا البكاء لأن الحبيب تقلان عليه أو أداله سكه .. ..ألست معي يا سي السيد في أن الغناء و الطرب موضوع مختلف تماما ؟ المشكلة أن المونولوجست يعتبر نفسه مطرب لأن السمّيعة أصبحوا يستمعوا بوسطهم و ليس بآذانهم كما قال عبد الوهاب.. رابط هذا التعليق شارك المزيد من خيارات المشاركة
فــيــروز بتاريخ: 12 سبتمبر 2003 تقديم بلاغ مشاركة بتاريخ: 12 سبتمبر 2003 الصراحه كاريكا ده بيثير قرفى واشمئزازى استغفر الله العظيم يا رب مش عشان اى حاجه بس باحس انه فاكر روحه فنان وهو لامؤاخذه يعنى !! المثير للدهشه بقى ان مره كنا فى الشغل و زميل قرر يشغل غنوة اراك عصى الدمع لام كلثوم السكرتيره اللى قاعده معانا فى الصاله قالت لا .. لو عاوز تسمعها حط الهيد فون واسمع لوحدك انا الصراحه اتغظت لانى باتعجبنى الغنوه دى جدا بس قلت حقها محدش يفرض عليها ذوقه بعدها بيومين ولد تانى شغل شنكوتى بس بصوت واطى .. قالت له الله يا محمد على الغنوه دى جنان !! اذواق "أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ" صدق الله العظيم ----------------------------------- قال الصمت: الحقائق الأكيده لا تحتاج إلى البلاغه الحصان العائد بعد مصرع فارسه يقول لنا كل شئ دون أن يقول أى شئ مريد البرغوثى رابط هذا التعليق شارك المزيد من خيارات المشاركة
زهــZــرة بتاريخ: 12 سبتمبر 2003 تقديم بلاغ مشاركة بتاريخ: 12 سبتمبر 2003 فعلا اذواق صراحة كاريكا ده واشباهه مكانهم الطبيعي هو تموت الأُسد في الغابات جوعاً و لحم الضأن يأكله الكلابُ و عبد قد ينــام على حريرٍ و ذو نسب مفارشه التراب رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان