شقة فى الرحاب

[أبو جمال]

لقد تعاقدت فى مارس 2008 على شراء شقة فى مدينة الرحاب مساحتها 162 متر مربع و السعر المتعاقد عليه وقتها كان 720000 جنيه و تم دفع 300000 جنيه حتى الأن و موعد الإستلام مارس 2012 و الأن مع التغيرات الإقتصادية الحالية لا أدرى هل أستمر فى سداد الأقساط أم أحاول البيع؟

أرجو الإفادة

مع الشكر مسبقآ

أبو جمال

تم تعديل 7 أبريل 2009 بواسطة أبو جمال

[molhm]

اخي العزيز انت كدة مشتري المتر بحوالي 4400 جنية ودة السعر الحالي للكاش يعني مافيش داعي للبيع دلوقتي والرحاب تختلف عن اي مكان من حيث النظافة والمستوي وكل شيئ وهي فعلا ليها سعر غير اي مكان وانا من سكان الرحاب واهلا بيك ان شاء الله في الرحاب .

[doha]

مهو المشكلة لو بعت واخذت فلوسك هتعمل بيها ايه؟

حاليا الاحتفاظ بالكاش اصبح مغامرة غير محسوبه والفلوس كل مدى عمال قيمتها بتنقص .. يعني ممكن تكون خسرت شويه في سعر حاجه سعرها بينزل بس برضه لو خليت فلوسك كاش معاك زي ماهي هتنزل ..

محصلة بعضها في الآخر فرأيي تستخير الاول وتسيب الوضع على ماهو عليه تخسر شويه في شقتك بس تبقى معاك احسن ماتبيع الشقة وتلاقي الفلوس الي طلعت لك متشتريش كشك ويبقى خسرت الجلد والسقط ..

عشان اكون بريئة منك لو كلامي غلط ف متاخذش برايي غير لما تستخير وباذن الله هتوصل للقرار الصح ..

[أبو جمال]

السلام عليكم,

الأفاضل molhm و doha أشكركما على الإهتمام و أنا أميل بالفعل للإحتفاظ بالشقة لكن ما يقلقنى هو بعد موعد الإستلام (مارس 2012) و أنا لست مقيم فى مصر و لا أدرى مستوى التقدم فى الإنشائات (الشقه تقع فى المرحلة الثامنة بمجموعة 123) . كما أن أخبار إنهيار العديد من عمالقة الشركات العقارية فى العالم و المنطقة العربية يزيد من قلقى على قدرة شركة طلعت مصطفى على الإستمرار و الوفاء بإلتزاماتها.

مع فائق الشكر

أبو جمال

[eTiger]

إن شاء الله تفاءل خير ، ماحدش عارف الخير فين. فعلا لو بعت شقتك هتحط فلوسك فين؟ مافيش حاجة مضمونة في الفترة الجاية دي. وأدينا شايفين الجنيه كل يوم قيمته بتقل وأتوقع أن ده هيؤدي لارتفاع أسعار الشقق.

عشان كده بنصحك بالاحتفاظ بالشقة.

اصبر شوية بس وانت تشوف.

[samady]

شوف ياسيدي الفاضل لو أنت كنت شاري الشقة دي للأستثمار فأعتقد إنك المفروض تفكر جديا في البيع لأن الأسعار في طريقها للنزول إنما إنت لو واخد الشقة عشان تسكن فيها فطبعا متبعهاش

والله أعلى وأعلم