حد شاف برنامج بني ادم شو امس

[ابو حودة]

حد شاف برنامج بني ادم شو بتاع احمد ادم على قناة الحياة ومحاولته مجاملة النظام المصري الزائدة عن الحد

وتلميحه بان ايمن نور لا يصلح لرئاسة الجمهورية وانه هيولع مصر زي ما مقر حزب الغد ولع

انا شخصيا باحب احمد ادم بس محبش انه يحاول يوجه الناس بالطريقة دي

ما هو رأيك هل يصح استخدام الفنان لجماهيريته لمثل هذه الاغراض

[السويفي]

السلام عليكم:

انا شفت مقدار ربع ساعه من هذه السخافه

واكاد ايقن ان المخرج بيرفع للجمهور الحاضر لافته((اضحك))....لان كلام الاستاذ احمد اتهف من التفاهه

[aif]

حد ضحك عليه واقنعه ان دمه خفيف

....

هو الفن بس اللي بيستخدمه...... كل ماتصل اليه اليد ....

فن

رياضة

اعلام

سجون

معتقلات

والقائمة طويلة

[محمد عبدالعزيز]

أنا لما بتفرج على البرنامج ده بتعامل معاه على إنى بضحك على واحد مهرج, أو أراجوز بمعنى أصح.

مع احترامى لأحمد آدم, مش هو ده البرنامج ولا الأسلوب ولا مستوى الفكر ولا الثقافة اللى ممكن يوجه ناس سياسياً أو فكرياً.

يعنى باختصار ممكن نغير اسم البرنامج من بنى آدم شو ل "أراجوز شو" ومش ممكن نحس بأى فرق :D

[فــيــروز]

ابتلتنا قناة "الحياه" بفكرة تقديم ممثل سينمائى أو تليفزيونى لبرنامج ما ولا أدرى ما السر وراء هذه الفكره !!

شخصيا لا أقتنع ب "أشرف عبد الباقى" ولا "هند صبرى" فى تقديم البرامج و قطعا لا أقتنع ب "أحمد آدم" فى أى برنامج و أحيانا ولا حتى الأفلام يكون مقنعا فيها !! و ربّما كان الأجدى العمل على البحث عن مقدّمى برامج فيهم الرمق طالما القناه معاها قرشين زياده عاوزه تصرفهم على البرامج التافهه من عيّنة "دارك" و "بنى آدم شو" ..

لم أشاهد الحلقه لأن مجرّد رؤية التنويه عن البرنامج يصيبنى بالغثيان من كم الاستظراف و الاستخفاف اللذين يقدمهما "آدم" الذى سار على نهج بعض مقدّمى البرامج فى ضرورة الزج باسمه أو جزء منه فى اسم البرنامج !! شئ غايه فى الغرور و التمركز حول الذات و ياريتها تستاهل هذا الإحساس الطاغى بها "ذاته يعنى" !!

و إذا كان "عادل إمام" له من الشعبيه -لدى بعض الناس- و من النفوذ -الذى تحصّل عليه من مساندة النظام له- ما يمكّنه أن يمارس هذا الدور فيتحدّث فى السياسه فلا أجد ل "أحمد آدم" أى خلفيه تتيح له هذا ولو حتى خلفيه ثقافيه أو إنسانيه لأنّى لم أعلم عنه من قبل أى مواقف سياسيه واضحه فبأمارة إيه دلوقت بيتكلّم فى السياسه و له رأى و موقف فيها !! مش أمّا يبقى يقدّم فنّ راقى أو فكر محترم فى عمله الأوّل كى يصنع مع الجمهور خلفيه و تاريخ يؤهله للحديث فى السياسه و أوجاع الناس

[جيمي]

انا مش هقدمجديد بعدكلام الاعضاء الافاضل وبالاخص العضو فيروز

انا اتفرجت على تقريباا عشر دقايق من البرنامج

كنت عاوز ارجع

[aif]

انا باشعر دايما ان القناة دي بتدار بعقلية شوبير

[سكر]

على فكرة استضاف مصطفى بكرى ومصطفى بكرى حاول يرزعله بس الوقت وهو المقدم للبرنامج خلى الحوار يتوه

[ابو حودة]

طبعا انا باشكر كل اللي تفاعلوا مع الموضوع وكل رأي فيهم جدير بالاحترام ومحصلة الآراء على ما فهمت انه ليس من حقه ان يقوم بتوجيه الناس فهو كمواطن له كل الحق في ابداء رأيه في السياسة وغيرها في الجلسات الخاصة بين الاصدقاء لكن ان يتم استغلال هذه المساحة الاعلامية ( الاعلانية ) للخصم من رصيد احد الشخصيات السياسية اكاد اجزم انه يكون كالدب الذي قتل صاحبه ( جه يكحلها عماها ) يعني رصيد ايمن نور يزيد ولا ينقص فالطريقة التي يحاول بها انقاص وزنه السياسي تدل بما لا يدع مجالا للشك ان له وزن فعلا

[aif]

طبعا انا باشكر كل اللي تفاعلوا مع الموضوع وكل رأي فيهم جدير بالاحترام ومحصلة الآراء على ما فهمت انه ليس من حقه ان يقوم بتوجيه الناس فهو كمواطن له كل الحق في ابداء رأيه في السياسة وغيرها في الجلسات الخاصة بين الاصدقاء لكن ان يتم استغلال هذه المساحة الاعلامية ( الاعلانية ) للخصم من رصيد احد الشخصيات السياسية اكاد اجزم انه يكون كالدب الذي قتل صاحبه ( جه يكحلها عماها ) يعني رصيد ايمن نور يزيد ولا ينقص فالطريقة التي يحاول بها انقاص وزنه السياسي تدل بما لا يدع مجالا للشك ان له وزن فعلا

الاسلوب مرفوض طبعا .... لكن بخصوص ايمن نور ....انا اعتقد انه ليس افضل من الموجود حاليا .... ان لم يكن اسوء 100 مرة

لكن اعيد واكرر ان الاسلوب نفسه مرفوض و في الغالب بيبقى تملق للحكام والبطانة بتاعتهم ....

[ابو حودة]

لكن بخصوص ايمن نور ....انا اعتقد انه ليس افضل من الموجود حاليا .... ان لم يكن اسوء 100 مرة

انا لم اشر الى افضلية ايمن نور على غيره من المتواجدين على الساحة السياسية لذلك وضعت الموضوع تحت منتدىالاعلام المصري وليس السياسة المصرية

وان كان المناخ السياسي المصري لا يسمح ببروز سياسيين في العموم

[عنبو]

ياعم اهو كلها سبوبه وكله بياكل عيش ومافيش مبدا ولا احزنوه يعنى لما استضاف شيخ من المشايخ والشيخ اعد يتكلم كلام مستفذ وبعدين ياعم الشيخ انت ليه تطلع فى برنامج زى ده وانت مش شايف النسوان اللى اقاعده واقاعد يتريق على شيخ فى المسجد علشان بيفكره بعذاب القبر ياعم اهو بقت سبوبه وكله بسترزق وكله عامل فيها وطنى ؟؟ ومافيش حد بيستثمر جزء من فلوسه يعمل بيها مصنع ولا اى حاجه تفيد البلد ؟؟ خلاص بقت مشكلة مصر انها لو مش دخلت كاس العالم يبقى خلاص الدنيا هتخرب اكتر ماهى خربانه ؟؟؟ حسبى الله ونعم الوكيل نعم المولى ونعم النصير

[eng ahmed]

اولا يا جماعة معليش عايز اعلق تعليق بسيط

العيب مش على ادم(التافه) المستفز اللى شايف انهو دمه خفيف وعسل وشكولاته ومربى

العيب على بدوى شله يا بدوى اللى عمال يعمل حاجات تضايق زى

برنامج رولا برنامج تافه واتلغا لكن اشرف عبد الباقى يعن مقبول

طبعا الكوسة مع شوبير برنامج ناجح بسطوة شوشو لا اكثر ولا اقل

يعنى بتعدى شوبير

ده بقيت خلاص سبوبة كله عمال يطلع على التيفزيون وانتا غصب عنيك تفرج وتضحك من الهم والحورات الفاشلة والكلام التافه العبيط وقال عايز يعمل فيه وطنى وبتاع سياسة

لما اتريوه على الشيخ والله انا كرهت احمد ادم وتمنيت انى مش عايز اشوفه تانى لكن قمة الهبل لما تدير الدفة لشخص زى ده لسياسة

مش عارف

[لهيطه]

بصراحه دمه تقيل و ملوش معني

عامل زي الاراجوز

[ابو محمد المصري]

برنامج خرج عن مضمونه واصبح مجرد حشو اللافت للنظر ان صاحب القناه رجل الاعمال السيد البدوي محسوب علي قيادات حزب الوفد وفي الكثير من البرامج نفاق رخيص للحكومه !!!!!!!!!!!!!!!!!!!!!!!!!!!!!!!!!!!!!!!!!!!!!

[msayed]

أنا شفت دقيقتين بس والله من البرنامج مش عارف حسيت بنفس الإحساس الغريب إللى حسيتوا بيه.

وطبعاً شيء سيء أن يتم تسطيح مشاكلنا بهذا الشكل

فيه أسلوب ساخر بيكون مقبول زى أسلوب أحمد رجب وأسلوب المسلمانى فى الطبعة الأولى.

وبعدين كمية الضحك المسخرة إللى حوليه مبوظ البرنامج أكثر وأكثر وبيكشف أنه مأجر بنات هايفة تضحك بس.

****

برنامج تانى شفته وهلكنى من الضحك (ملحوظة مهمة أنا مش ضد البرنامج فلما واحد مشهور ياخذ الإتجاه ده فأنا أحييه لكن القافية حكمت بقى)

البرنامج بيقدمه الفنان حسين فهمى عن الناس الغلابة ومشاكلهم.

طريقة تقديمه تفطس من الضحك

لأن طبعاً إنت بتستدعى غصب عنك مع كل كلمة بيقولها جميع المشاهد فى أفلامه وإنه طول عمره الشاب المرفه الدلوعة وعمر ما عرفنا إنه مشغول بقضايا مجتمع أو الكلام ده وأنه ليس له أى نشاط إجتماعى معروف، حتى إن الموقف الوحيد إللى كان مرتبط بالواقع كان تأييده لفاروق حسنى فى هجومه على الحجاب، وإن كان نال إحترامى بعد إعتذاره وإعترافه بخطأه على الملأ، وهذا نادراً ما يحدث فى مجتمعاتنا.

المهم إن كل إللى بيتصلوا بالبرنامج ستات تحس أنهم أصحابه فى النادى او قرايبه لأنهم بيقولوا عنه كلام مش شايفه تقريباً بيتفرجوا على برنامج تانى.

فطسنى من الضحك جداً لما واحدة عجوزة من المطحونين جداً إللى مش شايفة قدامها إتصل بيها علشان يتابع نتيجة عرضه لمشكلتها فى حلقة سابقة فقال لها "وحشتينى جداً من آخر مرة كنا مع بعض" راحت ضاربة فى دماغى على طول صورته وهو لابس القميص المشجر وفاتح صدره والسلسلة والبنطلون البنفسجى.

تم تعديل 11 مايو 2009 بواسطة msayed