الرجل المثالى

[جـورج]

انا طلبت من محمود بك الزمبلكاوى وزير الاستيراد انه يمنع منعا بات ـ هى المفروض باتا ـ استيراد اى نوع من انواع الزمبلك حفاظا على الجيل الصاعد من الزمبلكه

و بكده نبقى فوتنا الفرصه على من تفكر مجرد تفكير فى استغلال ابنائنا احبابنا

لكن احنا فوضنا امرنا للـه

( واضح طبعا تأثير الويك اند على ما اقول الان )

اقصد ان انا خليت فكيهتى ـ يعنى فكيهه بتاع الانا ـ تشتغل لما يتهد حيلها فى الاجازه

بس مش عارف ليه وسطى بيوجعنى ؟

استاذ هشام.

ممكن سؤال عل المشى كده

انت قولت

طيب تصدقى بقى ان نساء كثيرات فى دول كثيرة تعشق الرجل المصرى لعدة اسباب واذا ماكنتيش مصدقه اسألى

ممكن اعرف سبب من الاسباب دى

لأن انا زى القطه المغمضه و ما اعرفش اى حاجه فى الموضوع ده

[هشام عبد الوهاب]

ايه ياعم جورج مش عارف ولا سبب واحد .

طيب خد عندك ما تراه النساء فى الرجل المصرى :

الخليجيه ............. ترى المصرى رجل بمعنى الكلمة.

التونسية ............ تعشق خفة الدم و المعاملة اللطيفة .

المغربية ............. خفة الدم والرجولة (فاهمنى) .

الليبية ............. خليط مما سبق .

الاسيوية ........... الشهامة و حبه للأطفال .

الأوربية ............. تقديسه للمرأة ولجمالها .

الأسكندانفيه ...... غيرته ومحافظته على كرامة زوجته .

كل النساء ............ فاهمه انه فرعون فى كل حاجه .

[DARWEEN]

ملعوبه ياملك ... ملعوبه يا ملك

مفيش ولا فكيهه قادرة ترد ياولداه ...

معلهش ياداروين باشا بعد اذنك .. بلاش بوركينا فاسو .. بعتولى جواب ان الرجاله بتوعهم اشتكوا من اللى بعتناهم. 

طيب أعمل أيه جلالتك ماهو مفيش أي حد تاني عاوز يقبلهم وكل مانبعتهم حته يرجعوهم في القفص لما القفص أتبهدل والراجل صاحبه مش يرجع الرهن

طيب أيه رأيك جلالتكم نوديهم فين ؟؟؟؟

طيب بذمتك شفتي صورة الملك اللي في التوقيع بتاعه ... ياسيدي

والله لا الروميات ولا بنات المريخ يقدروا يقاوموا ... أنا مش عارف المدام سمحتله ينشرها أزاي ....

[DARWEEN]

كل النساء ............ فاهمه انه فرعون فى كل حاجه

حقيقة لا تقبل الجدال

[هشام عبد الوهاب]

طيب أيه رأيك جلالتكم نوديهم فين ؟؟؟؟

والله ياباشا ده موضوع محير جدا ...

انا بقول نعمل اجتماع مع الجماعة بتوع الجغرافيا يشفولنا حل للمشكلة دى.

لما القفص أتبهدل والراجل صاحبه مش يرجع الرهن

مش مشكلة ياباشا .. احنا نشترى واحد جديد وامرنا لله .

[Farah]

ايه ياعم جورج مش عارف ولا سبب واحد .

طيب خد عندك ما تراه النساء فى الرجل المصرى :

الخليجيه ............. ترى المصرى رجل بمعنى الكلمة.

التونسية ............  تعشق خفة الدم و المعاملة اللطيفة .

المغربية ............. خفة الدم والرجولة (فاهمنى) .

الليبية  .............  خليط مما سبق .

الاسيوية ........... الشهامة و حبه للأطفال .

الأوربية ............. تقديسه للمرأة ولجمالها .

الأسكندانفيه ......  غيرته ومحافظته على كرامة زوجته .

كل النساء ............ فاهمه انه فرعون فى كل حاجه .

ممكن تكتب مصدر معلوماتك **موش عاوزين استنتاج***ولا اوشاعات

[DARWEEN]

ممكن تكتب مصدر معلوماتك **موش عاوزين استنتاج***ولا اوشاعات

والله المراجع كتير بس مين يقرا ومين يتعظ

خدي عندك ...

المتين في تحليل الرجاله المصريين

نظرة وشجون في رجال فرعون

الوعد الواعد عن الرجل المصري الجامد

يا مصري يا سباق في تدويب النساء

حجيب زيه منين المصري المتين

أظن كفايه كده بس أنتم أقروا

[Farah]

والله المراجع كتير بس مين يقرا ومين يتعظ

خدي عندك ...

المتين في تحليل الرجاله المصريين

نظرة وشجون في رجال فرعون

الوعد الواعد عن الرجل المصري الجامد

يا مصري يا سباق في تدويب النساء

حجيب زيه منين المصري المتين

أظن كفايه كده بس أنتم أقروا

اده ياستاذنا هو انت لسه بتقراء في الكتب الرخيصه والمشبوه دي

دي كتب من غير كاتب

[فــيــروز]

طيب تصدقى بقى ان نساء كثيرات فى دول كثيرة تعشق الرجل المصرى لعدة اسباب واذا ماكنتيش مصدقه اسألى .

لا ازاى انا مصدقه طبعا :) اذا كنت من قبل ما حضرتك تقول لى قلت انى عارفه ان الستات بره بيموتوا فى الراجل المصرى :) بس المثل بيقول اللى عالبر عوام :)

انا طلبت من محمود بك الزمبلكاوى وزير الاستيراد انه يمنع منعا بات ـ هى المفروض باتا ـ استيراد اى نوع من انواع الزمبلك حفاظا على الجيل الصاعد من الزمبلكه

هو ده الكلام :) احب الراجل الحمش ..

كل النساء ............ فاهمه انه فرعون فى كل حاجه

طيب الحمد لله يا فراعين :) سيبنالكم الروميات و البلوند و سيبوا لنا احنا بقى رجال كوكب زمبلك اللى قاهرينكم :) وبعدين هما مش بيقولوا على بتوع الكوره الخيبانين دول فراعين بردو رغم الوكسه اللى بيتوكسوها كل ماتش و التانى !! ولو انى عمرى ما شفت فرعون بكرش بس نعديها بردو عشان خاطركم

طيب أيه رأيك جلالتكم نوديهم فين ؟؟؟؟

كوكب زمبلك يا داروين يا ملك

طيب بذمتك شفتي صورة الملك اللي في التوقيع بتاعه

انت عاوز توقعنى فى الغلط عشان اقول لك يعنى ان الصوره دى مش باين فيها اذا كان فيه كرش ولا لا !! لا يا ناصح كان غيرك اشطر

ممكن تكتب مصدر معلوماتك **موش عاوزين استنتاج***ولا اوشاعات

انا انا انا اقول عشان خاطرى

* كيف تتخلص من الكرش و بخمسين قرش .. Fourth Edition بعد نفاد كافة الطبعات السابقه

* تعلم الكلام مع المدام .. دليل الزوج المصرى لكيفية التعامل مع الزوجه

* استشر و استخير فى علاج الشخير .. من تاليف دكتور عبد الحكيم لحميه

* الجرى و الطلوع لعلاج النفس المقطوع ..

وهتلاقى مراجع تانيه كتير هما عارفينها كويس بس محرجين يقولوا معلش اخواتنا بردو

[DARWEEN]

طيب كويس كويس .. أهو الواحد لقى كام فكيهه جداد يكبسهم بعد الفكيهات القدام مابلغوا فرار ...

أولا : ياناصحين الكرش دا عز ماتفهموش فيه ياجيل الهامبرجر ( ولو أني ماليش كرش )

ثانيا : الكتب اللي باقولكم عليها دي مراجع علميه موجوده في مكتبات البلوند اللي بيقروا ويعرفوا الحقيقه مش مشغولين بالتوم وتنضيف السجاجيد اللي ياعيني أتهرت عالفاضي

ثالثا : الراجل أبو زمبلك دا مفيش منه على مصري ... أحنا عندنا سي السيد أحمد عبدالجواد ... ولو ماقريتوش عنه تقدروا تشوفوه فيديو

رابعا : وهوا ده المهم ... أنتم مين اللي طلعكم من القفص ؟؟؟؟

يامسرورررررررررررررررررررر

[فــيــروز]

طيب كويس كويس .. أهو الواحد لقى كام فكيهه جداد يكبسهم بعد الفكيهات القدام مابلغوا فرار ...

هأأأأأأأأأأأأأأأأأأأأأأأو

أولا : ياناصحين الكرش دا عز ماتفهموش فيه ياجيل الهامبرجر 

وعلى راى المثل : ومن العز ما قتل .. هو فعلا عشان احنا مانفهموش فى العز ده سايبينه للبلوندات و الروميات وعاوزين صنف عز-ليس .. من غير عز يعنى :)

ثانيا : الكتب اللي باقولكم عليها دي مراجع علميه موجوده في مكتبات البلوند

طيب بالهنا و الشفا على قلبهم

مش مشغولين بالتوم وتنضيف السجاجيد اللي ياعيني أتهرت 

عالفاضي

الرجل الزمبلك اذن هو الحل :) فوق انه ولا نجوم السيما بيعمل كل الحاجات اللى بتقول عليها و اكتر كمان .. يبقى رجل مثالى ونص كمان .. مش زى جماعه ..

ثالثا : الراجل أبو زمبلك دا مفيش منه على مصري ...

لاهو احنا بنسربكم عشان نجيب منه على مصرى !! لا انت فاهمنا غلط بقى خالص !!

أحنا عندنا سي السيد أحمد عبدالجواد ...

ما هو ده راخر كان بزمبلكات بس بطريقته الخاصه

رابعا : وهوا ده المهم ... أنتم مين اللي طلعكم من القفص ؟؟؟؟

هو الولد اللى فى الصوره ده بيعمل كل شئ بالزمبلك السحرى اللى فى قفاه .. فتح لنا باب القفص و خرجنا

[Katamando]

أنا سامع حد بيتكلم هنا عن الكروش والتخان........؟؟؟؟؟؟؟؟؟؟؟

أيه في ايه؟؟؟؟

ماله الكرش أو التخن؟؟ عيب ولا عيب أنا خايف يكون عيب ولا حاجة

دي علامة من علامات الرفاهية

وزي ما ذوق الرحال في بلدنا اتغير وبقى بيدور على البلوند وأشباه نانسي عجرم أنا شايف ان البنات برضه بيشفوا ان الرجل المثالي يكون حليوه كده زي راغب علامة أو وائل كفوري(يع) أو ريكي مارتن أو ما شابه يعني برضه

يعني برضه كله مستورد

مع أن عندنا أصناف محلية تضاهي العالمية من حيث الحودة والمتانة لكن ينقصنا حسن التسويق والمنافسة في الأسواق العالمية

[wa7d]

على فكره الستات المنتظره رجل من هذا النوع الزمبلكى الواضح إن إنتظارهم للأسف سيطول لأن كل الرجاله من هذا النوع قد تزوجوا فعلا ..... بس تزوجوا رجاله ولا إنتم فى مصر لم تسمعوا عنهم . هذا الشكل بالضبط كده من النوع الثالث والرجاله فى مصر لا يعجبهم هذا الصنف وبيحطوهم فى السجن لذلك مفيش منهم فى مصر الحمد لله .

[فــيــروز]

ماله الكرش أو التخن؟؟ دي علامة من علامات الرفاهية

يا سلام .. اشمعنى بقى اما يبقى الراجل هو التخين تبقى دى علامة العز بينما اما تبقى الست هى التخينه تبقى علامه مائيه !! قصدى تبقى حاجه وحشه .. دى بلد شهادات صحيح

مع أن عندنا أصناف محلية تضاهي العالمية

خلاص بقى يا كاتماندو السوق المحلى اتقفل مضطرين نلجا للاسواق الخارجيه قبل ما البضاعه تحمض .. وبعدين فيه اخوه لينا هنا بيحكوا و يتحاكوا عن الرومى و الشركسى فقلنا نديهم فرصتهم يجيبوا كام فرخه يرموا عضمهم .. قصدى كرشهم

لأن كل الرجاله من هذا النوع قد تزوجوا فعلا ..... بس تزوجوا رجاله

بالظبط بالظبط احساس الواحد اما يندلق عليه جردل ميه ساقعه هو اللى حسيته اما قريت جملة حضرتك دى

هذا الشكل بالضبط كده من النوع الثالث

هو الاخوه لهم شكل مميز !! شكرا على الافاده ..

والرجاله فى مصر لا يعجبهم هذا الصنف

لا هما الرجاله فى مصر مش بيعجبهم الناس دول مش عشان هما من النوع التالت لانى اعتقد والله اعلم ان كل اللى علقوا فى الموضوع الحكياه دى ماجتش فى بالهم اصلا .. هو مش عاجبهم عشان هو مختلف عنهم تماما فى حاجات كتير ..

لذلك مفيش منهم فى مصر الحمد لله

الحمد لله فعلا .. مش هاقدر اجادل فى الموضوع ده .. اهاااااااااااااءء

[Katamando]

يا سلام .. اشمعنى بقى اما يبقى الراجل هو التخين تبقى دى علامة العز بينما اما تبقى الست هى التخينه تبقى علامه مائيه !! قصدى تبقى حاجه وحشه .. دى بلد شهادات صحيح

مع أن عندنا أصناف محلية تضاهي العالمية

خلاص بقى يا كاتماندو السوق المحلى اتقفل مضطرين نلجا للاسواق الخارجيه قبل ما البضاعه تحمض .. وبعدين فيه اخوه لينا هنا بيحكوا و يتحاكوا عن الرومى و الشركسى فقلنا نديهم فرصتهم يجيبوا كام فرخه يرموا عضمهم .. قصدى كرشهم

شوفي يا فيروز هانم

مقصد كلامي هو أن كل فوله ولها كيّال يعني الراجل مش دايماً ومش كلهم ما بيحبوش الستات التخان..... يعني مثلاً في حد ما بيحبش ليلى علوي؟؟؟ وكمان الستات مش كلهم بيموتووووو في الرجالة اللى شبه رشدي أباظه وفي ستات بتمووووووت في يحى الفخراني

مش كده ولا ايه؟

[فــيــروز]

شوفي يا فيروز هانم

لا والنبى الفيلم ده رخم جدا زى كل افلام فيروز

بلاش فيروز هانم وحياة الغالى عندك

مقصد كلامي هو أن كل فوله ولها كيّال يعني الراجل مش دايماً ومش كلهم ما بيحبوش الستات التخان..... يعني مثلاً في حد ما بيحبش ليلى علوي؟؟؟ وكمان الستات مش كلهم بيموتووووو في الرجالة اللى شبه رشدي أباظه وفي ستات بتمووووووت في يحى الفخراني 

مش كده ولا ايه؟

ايه لا لا باهرج والله .. كلام حقيقى طبعا ده رايى بردو بس قلت نعدى نغلس

[wa7d]

اقتباس: 

لأن كل الرجاله من هذا النوع قد تزوجوا فعلا ..... بس تزوجوا رجاله

بالظبط بالظبط احساس الواحد اما يندلق عليه جردل ميه ساقعه هو اللى حسيته اما قريت جملة حضرتك دى

أوعى حد يتصور إننى أشتم هذا الشخص لأننى وصفته بأنه من الجنس الثالث . الوصف ده شتيمه فى مصر فقط . أما فى كندا مثلا تلاقى شاب زى الورد لو شاور لأجمل بنت تنهبل عليه وبعدين يقول بكل فخر " I am gay " ولا يهمه حاجه ، قرف .

[فــيــروز]

فى كندا مثلا تلاقى شاب زى الورد لو شاور لأجمل بنت تنهبل عليه وبعدين يقول بكل فخر " I am gay " ولا يهمه حاجه ، قرف .

عجايب .. ده انا اشمازيت من الصور جدا وبطلت ابص لها من ساعة ما قريت الموضوع ده !! عشان كده تخيلت ان البنت هيحصل لها هى كمان باك فاير -على راى كاتماندو- او تتراجع من الصدمه زى اللى بيحط ايده فى الكوبس !!