ماهو الشىء اللى مش عاجبك فى مصر واذاي نغيره

[عمرو زعيتر]

اولا السلام عليكم ورحمة الله وبركاته

انا عندى فكره ايه رايكم لما نكتب عن الاشياء اللى مش عجابنا فى مصر ولو حد عنده فكره نغيرها ازاى او لو كان مسؤال كان هيعمل ايه ياريت يقولنا وناقش بعض فيها ؟؟؟

[عمرو زعيتر]

اولا السلام عليكم ورحمة الله وبركاته

انا عندى فكره ايه رايكم لما نكتب عن الاشياء اللى مش عجابنا فى مصر ولو حد عنده فكره نغيرها ازاى او لو كان مسؤال كان هيعمل ايه ياريت يقولنا وناقش بعض فيها ؟؟؟

أسوأ شيئ في مصر المصرين نفسهم .

لو حد معترض يأول ليه

[عمرو زعيتر]

اولا السلام عليكم ورحمة الله وبركاته

انا عندى فكره ايه رايكم لما نكتب عن الاشياء اللى مش عجابنا فى مصر ولو حد عنده فكره نغيرها ازاى او لو كان مسؤال كان هيعمل ايه ياريت يقولنا وناقش بعض فيها ؟؟؟

[عنبو]

ليه ؟

[عمرو زعيتر]

أسوأ شيئ في مصر هما المصريين أنفسهم .

نفسي حد يقلي لأ أنت غلطان ويحاورني يمكن أكون غلطان

[esocial]

السلوك والتصرفات ( الجيد هو الأكثر بلطجة ) علشان تعيش فى مصر كويس يبقى لازم تبقى بلطجى وصايع او تدعى الصياعة - الرقص والشخلعة عمال على بطال - الألفاظ الغير محترمة منذ الطفولة لدى الأطفال فى الشارع - عدم المحافظة على النظافة العامة بالشوارع - الرشوة - والوسايط اللى مش بتمشى من غيرها - الغش والخداع - ----وكتير

[fagrmasr]

اللا مبالاة التى قتلت كل أمل فى الاصلاح

[محمود الاسكندرانى]

اكثر الاشياء اللى مش عجبانى السلبيه الشديده و اللا مبالاه الغريبه فى غالبية الشعب المصرى فى مواضيع هامه جدا

والأمثله كثيره ومنها

عدم الاهتمام باستخراج بطاقه انتخابيه وعندما تسأله ليه ؟

الرد جاهز : ياعم وانا مالى او بلاش وجع قلب او بلغة الشباب الان (( كبر دماغك ))

اعرف ان فى اشخاص كثيره حتقول مشاركتنا فى الانتخابات لن تغير شيء لان النتيجه محسومه والحزب الواطى حاصل على الاغلبيه

بكل الطرق لا محاله

ردى عليهم ان هذا الوضع لن يدوم ان شاء الله ولو حاولنا جميعا وتركنا كلمة وانا مالى كانها بلد حد تانى مش بلدنا اكيد الوضع حيتغير

(( لا يغير الله ما بقوم حتى يغيروا ما بأنفسهم ))

[عنبو]

ماشى ياجماعه انا بقول نعمل ايه علشان نغير ؟؟ عاوزين نتغير

[أبو عمر المصري]

الأشياء اللى مش عاجباني كتييييييير :lol: كتيييير :D كتير :o

عشان كده باقترح تغيير أسم الموضوع ل أيه هو الشئ اللى عاجبك في مصر :D

[عنبو]

ياجماعه انا بتكلم ان واحد بقول فكره واحنا نناقشه فيها وممكن نوصل لحاجه بجد ممكن نعملها لكن مش يبقى الموضوع كله كلام فى كلام انا مش عاوز انتقاد وبس يعنى نت اقول ان الحاجه كذا مش حلوه وانا راى ان ممكن نغيرها لو علمنا كذا وكذا ؟ هو ده اللى انا اقصده مش كل واحد يدخل يقلى مثلا البطاله ويطلع لا تعالى اقلى البطاله طيب نعمل ايه علشان نقلل البطاله وصدقونى ممكن نعمل حاجه بجد بدل لما نقعد نعيط على بلدنا ونقول الله يرحم ايام زمان لا انا اقصدى كفايه كلام تعالوا نعمل حاجه بجد حاجه تكون عمليه

[esocial]

الحل لكل المشاكل اللى احنا عارفينها كلنا هى ان يبدأ كل واحد من نفسه فالأب عليه أن يراعى ربه فى نفسه و فى بيته وزوجته وأبنائه والموظف يراعى الله فى عمله ولا

يغش ولا يرتشى وأن يتقن عمله ويؤديه خير وجه والمدير يراعى الله فى مرؤسيه وفى عمله الى ان نصل الى المحافظين والوزراء والحكام فلو كان كل شخص يتقى ربه فيما

يقوم به من أعمال ويحافظ على من يعولهم ومن يرأسهم ويعرف ان من غشنا فليس منا تكون هى بداية الطريق الى النجاح

لو أضاء كل شخص شمعة لعم النور مصر كلها وانا اقدم دعوة للجميع نشر هذا ان يبدأ كل واحد من نفسه

يقول الله تعالى: ﴿.. إن الله لايغير مابقوم حتى يغيروا مابأنفسهم وإذا أراد الله بقومٍ سوءً فلا مرد له ومالهم من دونه من والٍ ﴾[ الرعد:11]

[ابو حودة]

فكرة اننا نغير الشعب ده كلام شايف انه مش مظبوط لان هو نفس الشعب ده اللي بيدخل مترو الانفاق بكون منظم وراح ستاد القاهرة 2006 كان شكله زي الفل

يعني لو فيه نظام الناس كلها هتقول آمين لان نهاية النفق فيه نور يعني المشكلة مش في الناس

نيجي لمسألة الفلوس البلد فيها فلوس والدليل على كده ان الناس بتتكلم في الموبايل بـ 9.5 مليار جنيه

يعني المشكلة في الادارة

الرئيس الامريكي الاسبق الف كتاب اسمه أمة في خطر عندما وجد ان اليابان تقدمت عليهم فوجد ان افضل شئ لتعويض هذا التفوق المفقود هو التعليم

وطبعا احنا مش هنقول امريكا ولكن نقدر نقول الناس اللي زينا يعني بدأو سنة 1980 ( احنا كل حاجة نقول 1981 ) ماليزيا كانوا في فقر مدقع الآن بفضل الطفرة التعليمية التي قادها مهاتير محمد ( الراجل جه كام مرة في مكتبة اسكندرية وقال الكلام ده ) متوسط الدخل في ماليزيا على ما اذكر تعدى عشرة آلاف دولار امريكي

والراجل تنازل عن الحكم طواعية لما لقى نفسه خلاص حقق اللي هو عاوزه

الخلاصة عدد السكان مش مصيبة دي ثروة لابد من استغلالها والناس عبارة عن مادة خام تقدر تشكلها زي ما انت عاوز عن طريق التعليم والاعلام

المهم النفس ( الحكومة عاوزة ولا لا )

[عنبو]

الله ينور عليك ابو حودة طيب عاوزين نعمل حاجه احنا اللى عاوزين نعمل حاجه مش عندك فكره او اى حاجه ممكن ننفذها احنا بجد عاوزين نعمل حاجه الناس تعبت ومش تقلى الحكومه ؟؟ خلاص هنعمل ايه لازم نتولى مسؤلية انفسنا علشان الاجيال اللى جايه ربنا يسترها عليهم ؟؟

[عنبو]

ايه ياجماعه الناس ملت ولا ايه ؟؟

[ابو حودة]

نظام الثانوية العامة ذي السنة الواحدة المعمول به عام 1987 والمواد المؤهلة هو في رأيي نظام جيد يجب العودة اليه حيث ان هذا النظام يحقق العديد من المزايا سواء التعليمية او الاقتصادية وهي كالتالي

يتم الامتحان بشكل مركزي بما يحقق تكافؤ الفرص بين طلاب الثانوية العامة جميعا وهو هدف دستوري ( المواطنة )

تطبيق المواد المواد المؤهلة حيث يتم الامتحان لمرة واحد بكل مادة ولكن عند التقدم لمكتب التنسيق يتم مضاعفة المواد المؤهلة فقط لكل كلية حيث يتم ترتيب الطلاب الراغبين في دخول كليات الطب بناء على مجموع الدرجات الفعلي الحاصل عليه الطالب زائد مجموعه في مادة الاحياء والكمياء

والطلاب الراغبين في دخول كليات الهندسة يتم ترتيب الطلاب حسب المجموع الفعلي زائد مجموع الرياضيات والفزياء وهكذا كل كلية تختلف المواد المؤهلة لها

ثانيا الامتحان مرة واحد يؤدي الى توفير فلوس الدروس الخصوصية للاسر بما يعود على دورة الاقتصاد بالنفع حيث ان هذه الاموال سوف تقوم الاسر باستخدامها للشراء بدلا من قيام المدرسين الخصوصيين بايداعها البنوك بما يؤدي الى ركود اقتصادي خاصة اذا ما كانت الثانوية العامة تحصل على نصيب الاسد من اموال الدروس الخصوصية

[عنبو]

الله ينور عليك يابو حوده بجد تستحق رفع القبعه ايوه ياعم والله بجد ياريت النظام ده يطبق طيب هما ليه الساده حبيبنا مفكروش فيه بدل لما عاميلن يخترعوا ويالفوا وياريت الاستاذ محمود سعد او وائل الابراشى يناقش الموضوع ده بجد يبقى معانا الحل وعاملين نجرب اه يابلد

[ابو حودة]

انا باشكرك يا استاذ محمد على رأيك

لكن ليه الاساتذة الي بيحطوا الخطط مش لا يعرفوا الكلام ده يسأل في ذلك هؤلاء لان لكل واحد منهم اجندته الخاصة

[عنبو]

مافيش حد بعترف براى التانى وازى يبدا من عند الى انتهى عنده الاخر لا ده بيده يعمل ميزانيه جديده وعاوز يثبت ان اللى فات كان جاى غلط وطبعا الموجود حاليا هو الجهبز اللى هجيب الديب من ديله ؟؟ بس انا اقصدى احنا ممكن يكون لينا وقفه ؟؟ ده التعليم الثانوى يعنى تحديد مصير يعنى هنسيب ناس مش فى دماغها الا حاجه تجرب فينا المفروض الاعلام يهتم بالموضوع ده علشان اخواتنا واولادنا ربنا يسترها عليهم

[عنبو]

طيب انتوا ايه رايكم فى الافلام اللى بتعرض مشاكل مصر بكل واقعيه وان كانت بتبالغ فيها زى مثلا فيلم حين ميسره ؟؟