كلمة حق

[Gimie]

معاك ياريس ...

الكبير كبير .... ياتهامي يا أمير

[capitshino]

الدكتور تهامى راجل محترم وزى الفل......ولا شك فى ذلك

[ايناس احمد]

ربنا يعينك ويقويك يادكتور تهامى على الاشراف بس انت قدها وقدود ان شاء اللة

وكلنا مقدريين تعبك هنا فى كتابة الهاند اوفر وربنا يجازيك خير وكلنا بلاشك استفدنا منة كتير وكسبنا صحبة جميلة ومتعاونة

اما بالنسبة لغلق المواضيع فدا ياجماعة شىء واجب لان بصراحة المنتدى بقى مليان قوى وحاجات مكررة وبيضيع مننا اشياء مهمة بنعانى على مانلاقيها تانى

بالتوفيق يادكتور تهامى

[Spanish Eyes]

دكتورة سوسوراني حتى لو الموضوع مصيرة الغلق بعد يوم او اتنين فكان لازم اقول كلمة حق لدكتور تهامي، دكتور تهامي حضرتك ودكتور شامي ودكتور هشام وجميع الأفاضل اللي هدفهم افادة الناس ، يا جماعة والله العظيم انا شخصيا جمعت معلومات قيمة جدا من مواضيع هذا المنتدي يمكن حتى قبل ما اشارك بمشاركة واحدة او بدون ما اسال سؤال واحد مش افتح توبيك مخصوص عشان اسال i do my homework first وبعد كدة لو كان في حاجة مش واضحة كنت بسال، انا من موضوع الهاند اوفر بس لوحدة عملت folder اسمة التهامي فيه sub folders يعني مثلا تهامي - طيران و تهامي - لاندينج وتهامي - سكن مع ان مليش ولا مشاركة في الهاند اوفر مش لقيه حاجة مفيدة تستدعي الإضافة الراجل مش سايب صغيرة او كبيرة إلا ما شرحها بالتفصيل .

عشان كدة انشاءالله لما ربنا يكتبلي السفر ناويه امشي على الخطوات دي بحزافيرها واستفيد من اي خطأ حذرنا منه الدكتور تهامي مثلا.

فلهذا اقول شكرا د/ تهامي

شكرا د/ شامي

شكرا د/ هشام

شكرا د/ قناوي

شكرا مهندس زناتي

شكرا secwerewolf

شكرا لكل الأفاضل الذين ساهموا في جعل هذا المنتدي كنز من المعلومات.

تحياتي

[ناوية ع الهجرة]

دكتور تهامي معلهش البداية صعبة شوية لكن دايما احتسب الاجر والثواب

الحمد لله الروح الطيبة ومساعدة الناس لبعضها بدون مفابل وبدون ما نعرف بعض متوفرة جدا في باب كندا

واللي بتميزه عن باقي ابواب المنتدى

لكن المشكلة ان في ناس جديدة على المنتدى وبيسجل علشان يسأل سوال ويمشي بعدها ضارباً بقوانين المنتدى عرض الحائط

ودول كتير للأسف وغالبا مش بنشوف له غير مشاركة او اتنين بالكتير ياخد المعلومات اللي عايازها ومع السلامة

لكن ستظل روح الأخوة بين الناس الجميلة اللي هنا موجودة رغم انف الجميع "الخير في وفي امتي الى يوم القيامة"

ربنا يجازيك خير على تعبك ومجهودك وكل الشكر الموصول للدكتور الشامي والدكتور قناوي والاستاذ ايهاب سالم المهندس ياسر

والمهندس زناتي والدكتور هشام وكل من يسعى لمساعدة الاخرين

وشكر خاص لسوسوراني على هذا التوبيك

[Lunalola]

الدكتور تهامي ربنا يوفقك ويكون في عونك في منصبك الجديد ويقدرك على فعل الخير , ومتزعلش من الناس اللي بتعرض دي طبيعة البشر وزي مالفاضل الدكتور هشام بيقول انت مش هتقدر ترضي جميع الاطراف .

انا بضم صوتي للدكتورة سوسوراني ولجميع اصدقاء واحباب الدكتور تهامي

[Queen]

السلام عليكم،

ربنا يعينك يا دكتور تهامي، فعلا مسئولية كبير، الواحد بيحس ان مجرد متابعة المشاركات بياخد وقت، فاكيد الكتابة في التوبك بتاعك و كمان الاشراف موضوع كبير،لا تقبل اقل من الف دولار في الشهر على موضوع الاشراف على باب كندا ده، لانه باب مشاغب من زمان. ربنا يوفقك.

[HDarwish]

أنا ليا موقف مع الدكتور محمد تهامي لازم أذكره هنا

يا جماعةا لراجل ده ما ينفعش حد يزعل منه لإن اللي زيه قليلين قوي في الزمان ده ... مرة أخدني التفكير وكنت عايز أساله على حاجه بخصوص كندا فبعتله رسالة على الخاص وكانت رسالة طويلة شوية ... لقيته رد علي رد مفصل وفي الآخر طلب مني رقم تليفوني وحاط لي رقم تليفونه وأفاجئ إنه بيتصل عليه برغم إني في الكويت وهو في السعودية وقعد يكلمني على التليفون والله بدون مجاملة أكث من نصف ساعة والتليفون يفصل ويتصل ثاني ... كل ده في سبيل إنه يساعدني بشوية معلومات كنت محتاجها...

تتخليوا في حد في الزمن ده يعمل اللي عمله الراجل ده مع واحد لا يعرفه ولا تربطه بيه أي صلة ولا في مصلحة معينه من وراه إلا إذا كان:-

1- راجل الفلوس مش فارقة معاه (بالنسبة لتكلفة المكالمة الطويلة دي) ... حتى الناس اللي معاه فلوس أكوام ما تعملش كده .

2- فاضي ما وراهوش حاجه ... بالعكس ده راجل دكتور وبيذاكر علشان عنده امتحانات في كذا حاجة وغير مسئولياته واهتماماته الكثير واللي كلنا عارفين جزء منها.

3- فيها مصلحة عايزها مني ... ولا فيه أي مصلحة أصلا هاقدر اقدمهالوا لإني في بلد وهو في بلد

4- راجل طيب كريم وبيحب الخير للناس وبيحب يساعدهم ... هو ده الدكتور تهامي

تقدير واحترامي ليك يا دكتور تهامي مالوش حدود

حسن

[NorthAfrican]

أولا نبارك للدكتور التهامي الإشراف...ونتمنى له التوفيق في هذا الباب.

ومادام هذا الباب مفتوح في رصد العلاقة الأجتماعية في هذا المنتدى ،لدي التعليق على نقطتين:

1-يحق للادارة حذف أو نقل أي موضوع مخالف للنظام بهذا المنتدى سواء (مكرر أو فيه تجاوز )...المهاجر المفروض يكون نظامي أكثر من غيره نظرا لما ينتظره من "اكراهات" نظامية في بلاد الهجرة لم نتعود عليها في بلداننا......

2-هناك تحامل من بعض الأعضاء المسجلين سابقا ضذ المسجلين حديثا....صحيح هناك من الأعضاء الجدد من يطرح أسئلة بسيطة ودون بدل أي مجهود للبحث....لكن هذا لا يفسر الإجحاف والتهجم الذي يبديه البعض تجاههم....متى نتعود على مساعدة الضعيف وتوجيه التائه.....بكلمة طيبة...و اسلوب حسن...

فالمسجل الجديد هو مشروع مهاجر جديد....ومهما كان على الجميع أستقبالهم بالتوجيه والإبتسامة وليس بالهراوة.....تماما مثلما

يستقبل المهاجر الجديد في كندا بالإبتسامة،وليس بالهراوة......

والسؤال المطروح دائما هو:بأي لسان.....وبأي أسلوب .....والله يذكر الفرنسيين بالخير عندما قالوها للتاريخ:

L'homme c'est le style ......ou bien Le style c'est l'homme.....

أيهما اسبق والمعنى واحد.

وشكرا.

[SoSo R]

أولا نبارك للدكتور التهامي الإشراف...ونتمنى له التوفيق في هذا الباب.

ومادام هذا الباب مفتوح في رصد العلاقة الأجتماعية في هذا المنتدى ،لدي التعليق على نقطتين:

1-يحق للادارة حذف أو نقل أي موضوع مخالف للنظام بهذا المنتدى سواء (مكرر أو فيه تجاوز )...المهاجر المفروض يكون نظامي أكثر من غيره نظرا لما ينتظره من "اكراهات" نظامية في بلاد الهجرة لم نتعود عليها في بلداننا......

2-هناك تحامل من بعض الأعضاء المسجلين سابقا ضذ المسجلين حديثا....صحيح هناك من الأعضاء الجدد من يطرح أسئلة بسيطة ودون بدل أي مجهود للبحث....لكن هذا لا يفسر الإجحاف والتهجم الذي يبديه البعض تجاههم....متى نتعود على مساعدة الضعيف وتوجيه التائه.....بكلمة طيبة...و اسلوب حسن...

فالمسجل الجديد هو مشروع مهاجر جديد....ومهما كان على الجميع أستقبالهم بالتوجيه والإبتسامة وليس بالهراوة.....تماما مثلما

يستقبل المهاجر الجديد في كندا بالإبتسامة،وليس بالهراوة......

والسؤال المطروح دائما هو:بأي لسان.....وبأي أسلوب .....والله يذكر الفرنسيين بالخير عندما قالوها للتاريخ:

L'homme c'est le style ......ou bien Le style c'est l'homme.....

أيهما اسبق والمعنى واحد.

وشكرا.

الأخ الفاضل نورثأفريكان:

أعتقد أن هذه المداخلة التى كتبتها مشكورا ليس مكانها هنا

وإذا أنتبهت لأول مداخلة لى فى هذا الموضوع ...الهدف هنا هو الأعتراف بحق دكتور تهامى و مجهوده فى هذا المنتدى الذى قوبل بإهانة من أحد الأعضاء التى أوردت مداخلته فى أول التوبيك وآخر أعتقد أن التهامى ذاته لم يقرأ مداخلته و له 3 مداخلات فقط لا غير ..ينتقد أسلوب الرد فى المنتدى بألفاظ يعف اللسان عن ذكرها و تم الحذف فى التو.

و هذا ما دفعنى لفتح الموضوع

يمكنك يا أخى إذا واجهت أسلوب غير لائق أن تقدم تقرير للأدارة حسب قواعد المشاركة

أما مساعدة الضعيف ...إذا أستمريت فى المنتدى ستعلم المعنى الحقيقى لهذه العبارة

تحياتى

سوسورانى

[SoSo R]

إلى أخينا دكتور التهامى:

أرجو أن يكون هذا التوبيك أظهر ولو بشكل ضئيل مقدار الحب و العرفان الذى يكنه لك أعضاء هذه العائلة الكبيرة التى ننتمى إليها...أدامها الله علينا جميعا

مهما تكلم الجمع لن يوفيك حقك يا دكتور

دمت بكل خير

الله يخليك يا شيخ...

بلاش تقفل الموضوع

إركنه على جنب..

بس ما تقفلوش

تحياتى

سوسورانى

[الطنطاويه]

الله يخليك يا شيخ...

بلاش تقفل الموضوع

إركنه على جنب..

بس ما تقفلوش

بصراحة انا اتابع المنتدى من اكثر من اسبوعين تقريبا

و سجلت النهارده بس ماكنتش عارف اكتب الصورة اللى فى التسجيل و كررتها لغاية مازهقت من بطء الانترنت بالدايل اب

وكنت اتصفح النسخة الخفيفة فقط على قدى

و الحمد لله النهارده كله تمام

بس لما شفته النهاردة حسيت بروح جديدة

مواضيع هايفة كتير بتتقفل و مصيرها سله المهملات

و دا احسن حاجة علشان كل واحد يعرف التعليمات

و ياريت نعمل زى بعض المنتديات التى ترفض فتح موضوع الا بعد عدد معين من الردود

او بعدما يعدى على الادارة الاول و ياخد موافقة

الى الامام يا دكتور محمد التهامى

[الأهلاوي الأصيل]

دمت بكل خير

الله يخليك يا شيخ...

بلاش تقفل الموضوع

إركنه على جنب..

بس ما تقفلوش

أختلف معاكي يا سوسوراني

أنا شايف إن الموضوع استنفذ أغراضه ، واستمراره لغاية دلوقتي حاجة مش كويسة في حق التهامي

[ehabtaher]

انا كمان بعد ماتفتح الموضوع ب 6- 7 شهور اقول

انا كانت اول معرفتى ب د تهامى هى لفت نظر منه وبصراحه انخضيت بس

ولانى قفايا مابيعلمش فيه الضرب بسهوله كملت قرائه وكتابه فى المنتدى ومن اكثر مواضيعه اللى عجبتنى كان موضوع د تهامى عن رحلته ولو انى ماكنتش بافهم اسلوبه بسهوله وهو بيكبر خطه علشان يكروت فى كتاباته

بس انا شايف ان هو اكتر واحد فى المنتدى بيفكر بطريقه تفيد المهاجرين بالخارج واول واحد يحط معلومه ذات قيمه تفوق الوصف وخصوصا للاطباء فى بدايه حياتهم هناك

انا اشكره جدا على المعلومه بتاعه صفحه 182 فى القهوه بتاعته ودى انا حفظتها من كتر ما بافتخر بيها وباقراها كل شويه ومش مصدق نفسى ان فيه واحد ابن حلال يكتب معلومه زى دى ويحاول ينور بيها السكه لكثير من الاطباء بدل مايشتغلوا سواقين تاكسيات او عمال فى بنزينه او فى مطعم

ربنا يجعل مجهودك فى ميزان حسناتك ويجعل دعوات اللى فى المنتدى من صغيرهم وكبيرهم من نصيبك انشاء الله

وانشاء الله ترشح نفسك فى اونتاريو عمده وانا اكون موجود هناك علشان انتخبك

يمكن تغير من قوانين كندا اللى مكتفه الاطباء التكتيفه السوده دى

اخوك الكبير سنا والصغير معلوماتاً وربنا يخليك منور كده على طول وانشاء الله قهوتك تطلع تانى على الناصيه مش فى الحاره اللى ورا

[Nassarlink]

ولو انى ماكنتش بافهم اسلوبه بسهوله وهو بيكبر خطه علشان يكروت فى كتاباته

لو قريت كل كبيره وصغيره كنت عرفت ان تكبير الخط ده بناء علي طلب الجماهير

علشان يكون مريح للعين

لان الصفحات ما شاء الله كتير

ومحتاجه تركيز

تحياتي

[emano]

معلش والله انا لسه واخده بالى من الموضوع ده

وبجد حبيت اشكر الدكتور تهامى جدا

لانه عفلا انسان خدوم جدا

يعنى انا قبل السفر كنت ببعتله على الخاص اسئله كتيره جدا

وكان علطول بيجوبنى عليها

مع انه مكنش يعرفنى ومكنتش لى مداخلات فى موضوعه

ولكنه لم يتاخر على الرد على اى سؤال

وبجد كنت حاسه انى بتعامل مع اخى

وكمان الدكتور هشام ربنا يكرمه والدكتور الشامى والباش مهندس ايهاب بجد ناس بتساعد الواحد لوجه الله

ربنا يجزيكم جميعا الف خير

عارف يادكتر تهامى انت عامل زى النخله الناس تحدفها بالطوب

وهى تنزل تمر زى السكر معلش هى ده ضريبه الشهره

امال عايز تبقى مشرف باب كده من غير ضريبه

تقبل تحياتى

ايمانو :happy: wst::