اذهب إلى المحتوى
محاورات المصريين

تزوجها فورا


الباشمهندس ياسر

Recommended Posts

الموضوع ده منقول ... ادينى بقول اهو

و عجبنى و قلت اجى اناقشكم فيه

لو حد شايف اى نقطة غلط او عنده تعديل

يتفضل و من غير كسوف ولا خسوف

ادينا بنتعلم مع بعضينا

10 أعراض إذا شعرت بها فعليك بالزواج فورا

الحب قد تكون أعراضه معروفة، وربما متفق عليها لدى الجميع، صحيح هناك بعض الأشياء غير المتفق عليها

حول حالة الولد حين يحب فتاة، ولكنك تعرف بسهولة البنت التي يريدها قلبك،

والمشكلة تكمن في معرفة البنت التي تريدها زوجة وليست البنت التي تحبها فقط.

وإذا قال أحد إن الحب لا ينفصل عن الزواج، نؤكد أن أعراض الحب قد تكون متوافقة مع بنت معينة

ولكن هذه البنت لا تصلح للزواج، وأن هناك أعراض أخرى غير أعراض الحب المعروفة

يجب على الولد أن يشعر بها قبل اتخاذ خطوة الزواج، وإذا شعرت بالأشياء التي سنسردها الآن

فعليك أن تتزوج من هذه الفتاة فورا بدون تفكير:

1 / حين تريد الاستقرار معها والوجود بجانبها 24 ساعة ولا تمل منها أبدا

2 / حين تشعر برغبة مواجهة الحياة معها والوقوف بجانبها والتمتع بشعور مساعدتها له

3 / حين تحب مشاكساتها وغيرتها وخلافتها معه وتشعر بكينونتك كرجل ولا تكتئب من انفعلاتها عليك

4 / حين تشعر بتقارب بينك وبين عائلتها وكأنهم أهلك بالضبط، ويمكنك أن تنضم وسط محيطهم

5 / حين تشعر بمتعة مشاركتها هواياتها وتفضيلاتها وإشراكها معك في كل شيء تقوم به

6 / حين تتخيل دائما أنك ستتزوجها وترتب لكل شيء سوف يحدث في الزفاف وما بعده

7 / حين تشعر برضا داخلي أثناء التضحية بالمال من أجلها ولا تشعر وقتها بأي ضيق أو ضغط

8 / حين تريدها أما لأطفالك وترغب في أن تكون هذه السيدة مصدر سعادة البيت وبسمته

9 / حين تشعر براحة وأنت تخطط مستقبلك معها

10 / حين تتخيل أن حياتك ستصبح جحيما إذا خلت منها

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

:) :blush2: كلام جميل كلام معقول مقدرش اقول حاجه عنه

فعلا اول متحس بكل الحجات ده يبقى ده اوده زوج المستقبل

يارب يوعدك بيها يابش مهندس قريبا

:roseop:
رابط هذا التعليق
شارك

السلام عليكم:

كلام جميل جدا ولكن

ماذا لو هي لاتشعر اتجاهك بنفس المشاعر ...تبقي وقعت ومحدش سما عليك :)

اللهم خذنا اليك منا .....وشغلنا بك عنا

رابط هذا التعليق
شارك

يعني رأي حضرتك او محس بكدا تجاه اي واحدة اتزوجها فورا؟؟؟ wst::

دا علي مسئوليتك يعني؟؟؟ :)

 

عفـــــــــــوا نيوتن..

أنـــــــــا...

ســـــــــــــــر الجاذبيـــــــــة

رابط هذا التعليق
شارك

1 / حين تريد الاستقرار معها والوجود بجانبها 24 ساعة ولا تمل منها أبدا

2 / حين تشعر برغبة مواجهة الحياة معها والوقوف بجانبها والتمتع بشعور مساعدتها له

3 / حين تحب مشاكساتها وغيرتها وخلافتها معه وتشعر بكينونتك كرجل ولا تكتئب من انفعلاتها عليك

4 / حين تشعر بتقارب بينك وبين عائلتها وكأنهم أهلك بالضبط، ويمكنك أن تنضم وسط محيطهم

5 / حين تشعر بمتعة مشاركتها هواياتها وتفضيلاتها وإشراكها معك في كل شيء تقوم به

6 / حين تتخيل دائما أنك ستتزوجها وترتب لكل شيء سوف يحدث في الزفاف وما بعده

7 / حين تشعر برضا داخلي أثناء التضحية بالمال من أجلها ولا تشعر وقتها بأي ضيق أو ضغط

8 / حين تريدها أما لأطفالك وترغب في أن تكون هذه السيدة مصدر سعادة البيت وبسمته

9 / حين تشعر براحة وأنت تخطط مستقبلك معها

10 / حين تتخيل أن حياتك ستصبح جحيما إذا خلت منها

هما عاشوا مع بعض فين عشان يشعروا بالحاجات دى ممكن يكون بيشوفها و هو رايح شغله بس ..مثلا يعنى

و عاجبه تسريحة شعرها مش اكتر :)

أقلل عتابك فالبقاء قليل...و الدهر يعدل تارة و يميل

رابط هذا التعليق
شارك

:) wst:: كلام جميل كلام معقول مقدرش اقول حاجه عنه

فعلا اول متحس بكل الحجات ده يبقى ده اوده زوج المستقبل

يارب يوعدك بيها يابش مهندس قريبا

:lol:

امين و لكل الحبايب كمان

السلام عليكم:

كلام جميل جدا ولكن

ماذا لو هي لاتشعر اتجاهك بنفس المشاعر ...تبقي وقعت ومحدش سما عليك :lol:

يا عمى

اللى متحبش اكتر ما تحبها يبقى ماتلزمكش اساسا

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

يعني رأي حضرتك او محس بكدا تجاه اي واحدة اتزوجها فورا؟؟؟ :lol:

دا علي مسئوليتك يعني؟؟؟ wst::

هو حضرتك هو ولا هى :lol:

انا فاهم انك هى

ف الحالة ديه يبقى هي لما تحس كده تجاه هو

تتكل ع الله و تتجوزه

و ابقوا اعزمونا

هما عاشوا مع بعض فين عشان يشعروا بالحاجات دى ممكن يكون بيشوفها و هو رايح شغله بس ..مثلا يعنى

و عاجبه تسريحة شعرها مش اكتر :)

وى كأنك تدعيينا لنعيش مثل الفرنجة يا استاذه هيه

ليس مطلوب حياة كاملة لكى نشعر بهذا تجاه الطرف الاخر

انما الخطوبة تكفى و ربما تعارف ما قبل الخطوبة يكفى

و كل شريحة و تفكيرها يا هبه

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

مش عارفه ليه بيتهيء لي زي مايكون كاتب المقال الاصلي ست مش راجل .. يعني كتير من النقاط فيه عمري ماسمعت وحده ست بتقول انها في زوجها يعني صعب اوي في نظري تلاقي راجل بيفكر بالطريقة دي تجاه وحده الا لو كان عبد الحليم في الوساده الخاليه .. بعكس الستات عادي جدا تلاقي ده تفكيرها بل ان تقريبا كل الي بيتزوجوا في فترة الخطوبة كانت دي احلامهم بالظبط ..

زي ماقلت اعتقد دي وجه نظر نسائية بحته في وصف الحب وياريت لو حد راجل يتطوع ويقولنا ان كان فعلا الرجاله بتحب كده ولا بطريقة تانية ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

مش عارفه ليه بيتهيء لي زي مايكون كاتب المقال الاصلي ست مش راجل .. يعني كتير من النقاط فيه عمري ماسمعت وحده ست بتقول انها في زوجها يعني صعب اوي في نظري تلاقي راجل بيفكر بالطريقة دي تجاه وحده الا لو كان عبد الحليم في الوساده الخاليه .. بعكس الستات عادي جدا تلاقي ده تفكيرها بل ان تقريبا كل الي بيتزوجوا في فترة الخطوبة كانت دي احلامهم بالظبط ..

زي ماقلت اعتقد دي وجه نظر نسائية بحته في وصف الحب وياريت لو حد راجل يتطوع ويقولنا ان كان فعلا الرجاله بتحب كده ولا بطريقة تانية ..

مساء الورد

سؤال قبل ما اجاوبك على استفسارك

هو حضرتك تقصدى انى اى راجل بيفكر بالطريقادى يبقى ......

اصلا واحده ست :blush2: :blush2: :roseop:

او عامل زى عبد الحليم يعنى :roseop::roseop: :ninja: :blink:

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

أنا هي طبعا :@

عشان كدا بقول لحضرتك علي مسئوليتك :blush2:

 

عفـــــــــــوا نيوتن..

أنـــــــــا...

ســـــــــــــــر الجاذبيـــــــــة

رابط هذا التعليق
شارك

هما عاشوا مع بعض فين عشان يشعروا بالحاجات دى ممكن يكون بيشوفها و هو رايح شغله بس ..مثلا يعنى

و عاجبه تسريحة شعرها مش اكتر :blush2:

وى كأنك تدعيينا لنعيش مثل الفرنجة يا استاذه هيه

ليس مطلوب حياة كاملة لكى نشعر بهذا تجاه الطرف الاخر

انما الخطوبة تكفى و ربما تعارف ما قبل الخطوبة يكفى

و كل شريحة و تفكيرها يا هبه

بس يا باشمهندس فيه حاجات مش بتتعرف الا بالعشرة و تشوف الطرف التانى ده فى كل احواله و هو غضبان و هو زعلان و هو سعيد عشان تقدر تحكم

طيب انت بتقول اختبار الحاجات دى يكون فى فترة الخطوبة طيب هو الواحد يخطب على اساس انه بيختبرها و الا بيخطب و فى نيته انه حيكمل الجوازة؟

لانه زى ما انت عارف الخطوبة بيترتب عليها مسؤليات مادية و فسخها بيسبب معاناة نفسية و يمكن مادية كمان

أقلل عتابك فالبقاء قليل...و الدهر يعدل تارة و يميل

رابط هذا التعليق
شارك

مش عارفه ليه بيتهيء لي زي مايكون كاتب المقال الاصلي ست مش راجل .. يعني كتير من النقاط فيه عمري ماسمعت وحده ست بتقول انها في زوجها يعني صعب اوي في نظري تلاقي راجل بيفكر بالطريقة دي تجاه وحده الا لو كان عبد الحليم في الوساده الخاليه .. بعكس الستات عادي جدا تلاقي ده تفكيرها بل ان تقريبا كل الي بيتزوجوا في فترة الخطوبة كانت دي احلامهم بالظبط ..

زي ماقلت اعتقد دي وجه نظر نسائية بحته في وصف الحب وياريت لو حد راجل يتطوع ويقولنا ان كان فعلا الرجاله بتحب كده ولا بطريقة تانية ..

مساء الورد

سؤال قبل ما اجاوبك على استفسارك

هو حضرتك تقصدى انى اى راجل بيفكر بالطريقادى يبقى ......

اصلا واحده ست :blush2: :blush2: :roseop:

او عامل زى عبد الحليم يعنى :roseop::roseop: :ninja: :blink:

لالا انت كده فهمتني غلط ..

قصدي ان ده الحب من وجهة نظر الستات غالبا لما الست بتحب واحد بتكون هي دي تصرفاتها ناحيته لكن لما الراجل بيحب ست بيكون الوضع مختلف شويه . يعني مثلا تلاقي مواضيع تقول ان الراجل المثالي هو الي بيجيب لمراته ورد وهو داخل وهو طالع ويفتكرها في عيد ميلادها بهدية ويسبل عينه وهو بيديهالها مع اغنية على السريع .. طبعا في عالمنا المعاصر لو في حد عمل كده لمراته هتقول عليه حاجه من اثنين .. يامجنون يا.. مجنون برضه ..

وبرغم كده تلاقي اي ست توصف الشخص الرومنسي من وجهة نظرها تقول الكام كلمه الي فوق دول من انه بيجيب ورد وبيسبل وبيغني .. الخ بينما لو راجل هيوصف الرومنسية هيوصفها بشكل تاني خالص لان الوصف السابق ده من وجهة نظر حريمي بحته لا تنطبق على ارض الواقع..

وعشان كده استغربت لما شفت كلام ان الراجل الي بيحب مراته بيعمل كذا وكذا من الامور الي معتقدش انها تجتمع في راجل فعليا ممكن ست لانها عاطفية شويه تكون دي تصرفاتها لكن الرجال عامة بتمتاز تصرفاتهم بعقلانية اكتر ..

على كل حال ممكن اكون غلطانه في تحليلي وممكن الرجاله بتحب كده فعلا لكن لم يسعدني الحظ عشان اقابل وحده متزوجه شخص من الرجالة دول ..

تم تعديل بواسطة doha

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك

دة مين دة هذا الرجل المثالى اللى فية كل المواصفات دى

بقى بالذمة فية رجل يشعر بكل هذة المشاعر و كل العشر نقط دول مجتمعة و الله يبختها لو لقت رجل بهذة المواصفات مجتمعة

حين تحب مشاكساتها وغيرتها وخلافتها معه وتشعر بكينونتك كرجل ولا تكتئب من انفعلاتها عليك

عجبتنى قوى كلمة لا تكتئب من انفاعلاتها عليك دى والله دة يبقى رجل كومل و مية مية بقى الراجل هيمسك اعصابة من انفعلاتها علية و اية دة قبل الجواز يعنى فى فترة الخطوبة و المعرفة و يبقى راضى و مبسوط كمان و اللة راجل كومل

حين تشعر برضاداخلي أثناء التضحية بالمال من أجلها ولا تشعر وقتها بأي ضيق أو ضغط

و الله النقطة دى عليها علامة استفهام

و الله انا نصيحتى البنت اللى تلاقى اى راجل بيعمل معاها كدة تمسك فية بايدها و سنانها لانها عمرها ما هتلاقى زية تانى

[على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

رابط هذا التعليق
شارك

أيه اللخبطه دى

الموضوع غريب بس كويس لكن الردود مش مفهومه كلمة فى الشرق وكلمه فى الغرب والباقى تايه مش عارفله صحاب

معلش أنا حبيت اقول رأيى بدل ما أنام متنكد

هههههههههههههههه

ابيات شعر للامام الشافعي رحمه الله. في حسن الاخلاق والعشرة

اذا المرءُ لايرعاك الا تكلُفاً فدعه ولا تكثر عليه التأسفا

ففي الناس أبدالُ وفي التّرك راحة وفي القلب صبر للحبيب ولو جفا

فما كلّ من تهواةُ يهواك قلبهُ ولا كلُ من صافيته لك قد صفا

اذا لم يكن صفوّ الوداد طبيعهُ فلا خيرَ في ودّ يجيئ تكلفا

ولا خيرَ في خلّ يخون خليله ويَلقاة من بعد الموّدة بالجفا

ويُنكر عيشاً قد تقادَم عهدة ويٌظهر سرّا كان بالأمس قد خَف

سلامُ على الدّنيا اذا لم يكن بها صدَيقٌ صَدوقٌ صادقٌ الوعد مٌنْصِف

رابط هذا التعليق
شارك

عندك حق فى كل اللى بتقوله يا بشمهندس

لكن كل الحاجات دى مش بتبان غير بعد الجواز لانها هتبان من المواقف اليومية بدون مجاملات

وتبعا مش بتبان فى الخطوبة

ودة هتشوفة لما ربنا يوعدك ببنت الحلال

لكن بعد الجواز لو الحب موجود فعلا ااكدلك انك هتلاقى كل الحاجات الجميلة دى

لانى الحب بيدوب اى مشاكل

يعنى مش كل واحد هيتلكك للتانى :unsure:

رابط هذا التعليق
شارك

طيب هو الواحد يخطب على اساس انه بيختبرها و الا بيخطب و فى نيته انه حيكمل الجوازة؟

لانه زى ما انت عارف الخطوبة بيترتب عليها مسؤليات مادية و فسخها بيسبب معاناة نفسية و يمكن مادية كمان

اولا الخطوبة اتعملت علشان يعرفوا بعض... ولو مينفعوش لبعض يبقى خطوبة اتفسخت اهون كتييييييييير من طلاق

ثانيا علشان الاسباب اللى انتى قلتيها بدأ الاهالى يعملوا تعارف ما قبل اى حاجة اصلا

يعنى مش اكتر من انك بتتعرف ع الناس و يقعدوا معاك مرة او حاجة على اساس يفتحولك باب التعارف

ع السنيورة و بعدها تاخدوا قراركم يا اما نكمل و نقلبها خطوبة بقى او نفركش من دلوقتى و نخلص

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

وعشان كده استغربت لما شفت كلام ان الراجل الي بيحب مراته بيعمل كذا وكذا من الامور الي معتقدش انها تجتمع في راجل فعليا ممكن ست لانها عاطفية شويه تكون دي تصرفاتها لكن الرجال عامة بتمتاز تصرفاتهم بعقلانية اكتر ..

على كل حال ممكن اكون غلطانه في تحليلي وممكن الرجاله بتحب كده فعلا لكن لم يسعدني الحظ عشان اقابل وحده متزوجه شخص من الرجالة دول ..

احب اطمنك و اقلك ان فيه رجاله كتير بتفكر بالطريقة دى فعلا

بس اللى انا مستغربه من ردك هو ربطك بين العقلانية و بين اننا منعملش كده فعلا

و الله انا نصيحتى البنت اللى تلاقى اى راجل بيعمل معاها كدة تمسك فية بايدها و سنانها لانها عمرها ما هتلاقى زية تانى

ربنا يكرمك بابتسامة من القلب صافيه

قعدت اضحك و انا متصور الكلام ده و هو بيتقال

عموما ربنا يحلى ايامك.. بس لما هتمسك فيه بسنانها مش هو هيتعور برده :winner:

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
  • الموضوعات المشابهه

    • 0
      كان لى صديق مسافر إلى الولايات المتحدة فى نهاية التسعينيات من القرن الماضى فى برنامج تدريبى لمدة شهر منحة منعرض المقال كاملاً
    • 21
      عدت الى القاهرة منذ أكثر من سنة بعد خمس سنوات قضيتها في العمل بإحدى الصحف السعودية..وحين رجعت اكتشفت ان معظم أصدقائي الذي أرتاح في التواصل والحوار معهم قد سافروا للعمل في الخليج..ولم يعد لي سوى القراءة والعمل وفسحة الولاد الروتينية..وأفتقد بشدة لشريك في الحوار يعيد الى ذهني لياقته وأستعيد معه متعة الأخذ والرد والاتفاق والاختلاف ويضيف لي وأضيف له كما يحدث بيننا هنا من خلال مداخلاتنا ومشاركاتنا في المنتدى..فهل يمنحني أحد منكم هذا الشرف..لقد فاتتني فرصة جيدة لتحقيق ذلك من خلال لقاء زهرة البستان الذ
    • 43
      http://www.youtube.com/watch?v=EfZ9yZajl4c (وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ) إذا كان الزواج يكون عن كره أو في كره فليس بعيدا أن يكون الطلاق في حب أو بسبب حب
    • 12
      كنت دوما اتعجب عندما أكون محتاجة أن أتحدث مع صديقة و أحتاج منها أن تريحني لا أجد إلا التعب!!! و عندما احتاج للدعم لا أجد إلا الخذلان!!! عندما أخبر شخص عزيز كم أنا محتاجة لوجوده فأجده يبالغ في الابتعاد!!! عندما أكون محتاجة بشدة لشيء فلا أحصل عليه أبدا!! الحاجة ... العوز ... الافتقار مصطلحات - بحسب قانون الجذب- تجذب لك عكس ما تريد!!! أعتقد لأنها تختص بالخالق جل و علا فقط فإن وجهتها لغيره وجدت عكس ما تريد!!! سبحان الله الغي فورا تلك المصطلحات من قاموس رغباتك مع الكون و استبدلها ب " أر
    • 17
      طبعاً ده واحد ولا سمعنا عنه في طبق اليوم ... مهما يكون إسمه ولا هو مين ... فيجب محاكمتة فوراً وعلانيةً حتى لو عمل فيها عبيط ومش مسئول عن تصرفاتة ... فيجب أن لا يترك هكذا أحسن يعض حد
×
×
  • أضف...