الدراسة فى كندا

[DrGM]

63 قراءه ولا حتى نص رد !!

[qenawy]

مكلف جدا في كندا يا دكتور قد يصل العام الدراسي الي 50 الف دولار كندي في السنة

علي ايه

كمل في مصر وبعدين عادل شهادتك وهاجر

[qenawy]

ايضا خد الكنز الجديد ده من موقع الهجرة الرسمي

http://www.cic.gc.ca/english/e-services/epamphlet.asp

[samehelassad]

هل انت عاوز تكمل طب اصلا ولا عاوز تكمل دراسات عليا؟ ولية؟ دول اهم سوالين ترد فيهم على نفسك باخلاص. وقولنا واحنا نفيدك.

[DrGM]

الاخ او الدكتور جيناوي (اعتقد دي نسب مدينه قنا ؟) ...

اعتقد 50 الف كتيييييييير اوي ... يعني في اليابان دراسه الطب بحوالي 20 الف دولار امريكي

في اوكرانيا بتوصل لحد 8 ألاف دولار امريكي وفي الامارات بـ 15 الف دولار

الجامعات الكبيره اوي زي هارفرد بـ 45 الف دولار .... واكسفورد بـ 35 الف جنيه استرليني

بيتهيألي كتير اوي اوي المبلغ ده على جامعه في كندا ....

ولا حضرتك واثق من المعلومه دي ؟

وفكره اني عايز اكمل التعليمي هيا ان المصاريف محصله بعضها .... يعني هاخد الشهاده من هنا في مصر

واصرف مبلغ محترم اشي دروس على كورسات على كيسيز على الكليه نفسها دا غير مصاريف ابناء القادمين من الخارج

وبعد ده كله عندك معادله وكل مصاريفها واحتمال الرفض فيها كبير لانهم بيفضلوا الحاصلين على الجنسيه الكنديه وبعدها تقديم هجره ومصاريفها

طيب ما بلاها دا كله وخليها هيا سنتين و النيابه هناك وكمان سنه وتبقا الجنسيه تمام

ولا ايه رأي حضرتك ؟

استاذ او دكتور سامح

عايز اكمل دراستي العاديه هناك ...

ليه :

1- "بدايه من عدم اعتراف العالم بشهاده الطب المصريه ثم عدم اعتراف مجلس الجوده بالكليه اللي انا فيها مرورا باحتماليات خصخصه الجامعه اللي انا فيها ومن ثم الغاء التكليف وهو القرار اللي بيتم دراسته حاليا و اخيراً التقدير اللي شكله لا يسر اي عدو ."

2- انحدار مستوى التعليم من سيء إلى اسوء جدا

3- التمييز العنصري ما بين ابناء المصريين المقيمين في الخارج و ابناء المصرين تقفيل بلدهم

و في سبب رابع احتفظ بيه لنفسي

وشكرا جزيلا

[The Syrian]

السلام عليكم

بالنسبة لموضوع الجامعات ممكن الملحق الثقافي بسفارة كندا يعطيك قائمة باسماء الجامعات الكندية و ارقام الاتصال

يعني سيبك من قصص النصب عالنت و الكلام ده

راسلهم و انشالله بيمشي الحال

[Gimie]

Dr Ramy Beih

I think the best thing is that u take ur degree from UAE .....Where u already know how to live....law elmawdoo3 dah mesh fare2 m3ak u can start by "Saint Petersburg" University in Russia ..... Gamda geddan wel degree beta3etha very Respectful

Never think of the Egyptian degree as an option

feel free to contact me privately for any details

thanks

[vision]

بصوا بقى يا جماعة ، أنا وااقع وعايز كل الناس الخبرة تساعدني لو سمحتوا

أنا كنت مقدم على دراسات عليا ف كندا ، طبعا مش منحة (يعني الدراسة والحياة مش على حسابهم) ، وجواب القبول وصلني والحمد لله (خطوة كويسة ولكن!!!)

دلوقتي أنا إيه المطلوب مني؟

المفروض أقدم في السفارة على فيزا دراسة (Study Permit) وطبعا كلما كان أسرع كلما كان أفضل ، بس أنا كنت مقدم على منحة من هنا (من مصر يعني) بس نتيجتها ممكن تظهر على أواخر أغسطس ، وأنا دراستي في سبتمبر....

أعمل إيه؟ أستنى نتيجة المنحة وأقدم في السفارة (يبقى هاتأخر) ، ولا أقدم في السفارة وأستنى نتيجة المنحة (وأكيد ها يطلبوا مني ف السفارة دليل لمصدر تمويل زي ما بسمع)

وافرض ما أخدتش المنحة ، يبقى كده خلاص بخ ، مش ها ينفع أسافر (تاااااني)؟

بالله عليكم يا جماعة انصحوني ، مش عايز أضيع وقت وفلوس وآمال ع الفاضي أكتر من كده ، وأنتوا عارفين حال البلد دلوقتي ومدى تشجيعها للشباب وبالذات الشباب إللي عايز يكمل تعليم نضيف

مستنيكم أوكي :unsure:

[capitshino]

صباح الخير.

[أحمد سيف]

اسأل الجامعة آخر موعد لتسجيلك امتى ... عادة الجامعات بتدي سنة من تاريخ القبول علشان تسجل فيها لأول فصل دراسي ... في الحالة دي ممكن تأخر بدء دراستك شويه لحد ما تشوف ايه أخبار المنحه

الحل الثاني انك تشوف حد يسلفك قرشين تقدر توريهم لبتاع السفاره وتصرف منهم في أول سمستر ... وبعد كده أكثر من 90% من طلاب الدراسات العليا بيلاقوا شغل في الجامعة كمساعدين بحث أو تدريس ... وحتى اللي مش نافع في ده ولا ده بيشتغل في المكتبه أو حتى في الكافتيريا

الحل الثالث إنك تراسل دكاترة في القسم اللي اتقبلت فيه وتشوف إذا كنت ممكن تشتغل في واحد من مشاريعهم مقابل مرتب ... المشكله إن معظم الدكاتره بيبقوا عاوزين يشوفوا الطالب ويجربوه قبل ما يشغلوه معاهم

أنا مش عاوز أبوظ عليك فرحتك بالقبول ... بس لازم تعرف إن المشكلة اللي بتواجه معظم الخريجين مش القبول ... ده أمره سهل وفيه ناس بيجيلها قبول في عشر جامعات ... المشكلة الحقيقية هيا في المنحة

ربنا معاك

[medopharm]

مممممممممممممممم

صبااااااااح الخيييييير

ربنا يوفقك ويهديك للخير

ان شاء الله

صلى صلاة استخاره

[الأهلاوي الأصيل]

أولاً ألف مبروك على القبول ، وطالما دراسات عليا يبقى بنسبة كبيرة جدا جدا هتاخد research assistanceship or teaching assistanceship

رأيي دلوقتي إنك تقبل ال offer of admission

وتجري تعمل الفيزا فوراً بدون تردد ، خلي بالك هيطلبوا منك إثبات إنك عندك حوالي 25 ألف دولار كندي ، تحاول تدبرهم من أي حتة أو تستلفهم وتحطهم في حسابك لغاية ما تطلع كشف حساب البنك

رأيي إن دي فرصة ما تضيعهاش ، واحتمالات المنحة كبيرة حتى لو المنحة اللي انت مقدم عليها اترفضت فيه بدائل تانية كتير

[vision]

capitshino : صباح القشطة

medopharm : صباح العسل يا باشا ، جزاك الله خير على دعائك

من كتر المعلومات ماقدرتش أرد ف ساعتها ، حبيت أفكر ف الأول

طيب أوكي ، أنا دلوقتي هاسمع الكلام وأقبل الـoffer of admission وادفعلهم فلوسه (بسيطة إن شاء الله)

بس المشكلة الأساسية دلوقتي هية موضوع الفيزا ده ، مش عارف أجيب 25 ألف دولار منين ، ومين إللي ممكن يسلفني مبلغ زي ده :blink: !!!!؟؟؟؟؟

يا ترى فيه أي بديل؟ يعني ينفع أجيب حيازة أرض أو أي أملاك؟ بيتهيألي الموضوع ده بينفع في اجراءات الهجرة ، بس معرفش ها يقبلوه في الدراسة ولا لأ (يا رب ينفع)

طب افرضوا إن المنحة ما جتش ، أنا ممكن اصرف على نفسي في أول سمستر ، بس أعمل إيه بعد كده؟ يا ترى لو اشتغلت ها قدر أصرف على الدراسة وعلى المعيشة في نفس ذات الوقت :happy: ؟

[blbl]

ا.vision

مبروك القبول.

نكلم المفيد:1- القبول معناه ان حضرتك معدي minimum requirements بتاعة القسم. المتطلبات ديه بتكون كبيرة في الجامعات الكبيرة ومتواضعة في الجامعات الصغيرة

2- المنح في صورة teaching assistantship o r research assistantship هي دية اللي فيها المنافسة عالية. ولو حضرتك عايز حاجة سهلة شوية دور في جامعات ظروف الطقس فيها قاسىة او جامعات صغيرة

3- ظروف المنح الايام ديه صعبة لان الموظفين المتسرحين هجموا علي الجامعات وطبعا لهم اولوية عشان هما اصحاب البلد

4- ممكن حضرتك تشتغل اي حاجة ودخلك هيبقي في حدود 800 دولار. تكفيك ولا لا تعتمد علي انت جامعتك فين,

5- شغل الطلاب اي حاجة في الجامعات قليل دلوقتي طبعا فيهcut في ميزانيات الجامعات

6- لو رحت واثبت نفسك ممكن وحط تحت ممكن الف خط تلاقي منحة.

7- طلاب كتير شوام وفلسطينين بتشتغل وبتدرس وماشىة كويس, مصريين قليلين بتعمل كده بس ده يمكن لاننا مش واخدين علي الرسك

8- موضوع القبول بيختلف من جامعة لجامعة, يعني في جامعات بتقبلك لسمستر واذا لم تحضر في خلال 10 ايام من بداء الدراسة يلغي القبول. قبل بداء الدراسة ممكن تطلب ان انت تاخر قدومك للسمستر التالي. في هذه الحالة يتم فحص الملف من الاول وجديد يصدر قرار جديد غالبا بالقبول واحيانا بالرفض, يمكن فحص ملف لتلاتة او اتنين سمستر بدون مصاريف زيادة. بعد ذلك يمكن فحص ملفك مع دفع الرسوم من جديد, يعتبر التاريخ الجديد هو تاريخ تقديمك, يعني التويفل وGRE تحسب من هذا التاريخ,

[vision]

شكرا على المعلومات القيمة،

طب أنا دلوقتي قبلت الـ Offer of admission ودفعتلهم الفلوس

أنا دلوقتي المفروض إني أقدم ع الفيزا بغض النظر عن وجود منحة أو لأ....

طب أجيب منين 25 ألف دولار؟؟ يا ترى فيه بدائل؟؟

بس المشكلة الأساسية دلوقتي هية موضوع الفيزا ده ، مش عارف أجيب 25 ألف دولار منين ، ومين إللي ممكن يسلفني مبلغ زي ده blink.gif !!!!؟؟؟؟؟

يا ترى فيه أي بديل؟ يعني ينفع أجيب حيازة أرض أو أي أملاك؟ بيتهيألي الموضوع ده بينفع في اجراءات الهجرة ، بس معرفش ها يقبلوه في الدراسة ولا لأ (يا رب ينفع)

[qenawey]

حضرتك بتدرس ايه يا باشا ومعيد في الجامعة ولا برا

[naderyakoub]

بصوا بقى يا جماعة ، أنا وااقع وعايز كل الناس الخبرة تساعدني لو سمحتوا

أنا كنت مقدم على دراسات عليا ف كندا ، طبعا مش منحة (يعني الدراسة والحياة مش على حسابهم) ، وجواب القبول وصلني والحمد لله (خطوة كويسة ولكن!!!)

دلوقتي أنا إيه المطلوب مني؟

المفروض أقدم في السفارة على فيزا دراسة (Study Permit) وطبعا كلما كان أسرع كلما كان أفضل ، بس أنا كنت مقدم على منحة من هنا (من مصر يعني) بس نتيجتها ممكن تظهر على أواخر أغسطس ، وأنا دراستي في سبتمبر....

أعمل إيه؟ أستنى نتيجة المنحة وأقدم في السفارة (يبقى هاتأخر) ، ولا أقدم في السفارة وأستنى نتيجة المنحة (وأكيد ها يطلبوا مني ف السفارة دليل لمصدر تمويل زي ما بسمع)

وافرض ما أخدتش المنحة ، يبقى كده خلاص بخ ، مش ها ينفع أسافر (تاااااني)؟

بالله عليكم يا جماعة انصحوني ، مش عايز أضيع وقت وفلوس وآمال ع الفاضي أكتر من كده ، وأنتوا عارفين حال البلد دلوقتي ومدى تشجيعها للشباب وبالذات الشباب إللي عايز يكمل تعليم نضيف

مستنيكم أوكي :closedeyes:

The offer of admission is an easy thing to get. It also does not guarantee the student visa. In addition, studying does not guarantee a job or immigration after graduation. There are alot of talks in the media about new graduates unable to find work. These are the negative points

What are the positives then? There are many. Opportunity to study and get a taste of Canada before you decide to immigrate, provided you can afford it. It also increases your chances of work.

If you can not get the fund and you can not prove that you have sufficient personal funds then I do not advise you to apply for a student visa. You can write back to the university and ask to defer the offer and give reasons for your request. I do not think there sould be any problems in granting such deferral

[vision]

حضرتك بتدرس ايه يا باشا ومعيد في الجامعة ولا برا

أنا مهندس اتصالات واليكترونيات وتحكم ، ومش في الجامعة ، وعايز أكمل دراسة ( ماستر ) برا مصر

If you can not get the fund and you can not prove that you have sufficient personal funds then I do not advise you to apply for a student visa. You can write back to the university and ask to defer the offer and give reasons for your request. I do not think there should be any problems in granting such deferral

أنا ممكن أصرف على نفسي في أول سمستر ، وبيتهيألي لو لاقيت شغل بعد كده ها يبقى سهل أعيش وادرس إن شاء الله ، زي ما قال الأستاذ blbl

ممكن حضرتك تشتغل اي حاجة ودخلك هيبقي في حدود 800 دولار. تكفيك ولا لا تعتمد علي انت جامعتك فين,

مش كده ولا إيه؟

[ahmed_saleh]

ا.vision

مبروك القبول.

نكلم المفيد:1- القبول معناه ان حضرتك معدي minimum requirements بتاعة القسم. المتطلبات ديه بتكون كبيرة في الجامعات الكبيرة ومتواضعة في الجامعات الصغيرة

2- المنح في صورة teaching assistantship o r research assistantship هي دية اللي فيها المنافسة عالية. ولو حضرتك عايز حاجة سهلة شوية دور في جامعات ظروف الطقس فيها قاسىة او جامعات صغيرة

3- ظروف المنح الايام ديه صعبة لان الموظفين المتسرحين هجموا علي الجامعات وطبعا لهم اولوية عشان هما اصحاب البلد

4- ممكن حضرتك تشتغل اي حاجة ودخلك هيبقي في حدود 800 دولار. تكفيك ولا لا تعتمد علي انت جامعتك فين,

5- شغل الطلاب اي حاجة في الجامعات قليل دلوقتي طبعا فيهcut في ميزانيات الجامعات

6- لو رحت واثبت نفسك ممكن وحط تحت ممكن الف خط تلاقي منحة.

7- طلاب كتير شوام وفلسطينين بتشتغل وبتدرس وماشىة كويس, مصريين قليلين بتعمل كده بس ده يمكن لاننا مش واخدين علي الرسك

8- موضوع القبول بيختلف من جامعة لجامعة, يعني في جامعات بتقبلك لسمستر واذا لم تحضر في خلال 10 ايام من بداء الدراسة يلغي القبول. قبل بداء الدراسة ممكن تطلب ان انت تاخر قدومك للسمستر التالي. في هذه الحالة يتم فحص الملف من الاول وجديد يصدر قرار جديد غالبا بالقبول واحيانا بالرفض, يمكن فحص ملف لتلاتة او اتنين سمستر بدون مصاريف زيادة. بعد ذلك يمكن فحص ملفك مع دفع الرسوم من جديد, يعتبر التاريخ الجديد هو تاريخ تقديمك, يعني التويفل وGRE تحسب من هذا التاريخ,

طيب يا استاذ blbl و كل المشاركين

سعادتك كده غذيتنا بمعلومات حلوة اوى ... جزاك الله خير ... بس يا ريت لو عندك اجابة لاسئلتي توضح لي و لغيري كمان :-

1) هل اللي بيتخرج او درس دراسات عليا بجامعة صغيرة دي بتكون نقطة ضعف عند تقدمه لوظيفة مقارنة بشخص آخر حاصل على شهادة من جامعة كبيرة و ياريت تدينا مثل لجامعة كبيرة و آخرى صغيرة (يعني نعتبر جامعة تورونتو كبيرة و جامعة غرب اونتاريو صغيرة)؟؟؟؟

2) شوفت في بعض مواقع الجامعات من شروط القبول تقديم خطابات توصية من دكاترة سبق العمل او الدراسة معهم ... الشرط ده مش صعب شوية ... كتير منا ساب الكلية من زمان و اللي كانوا يعرفوه اتغيروا ... يعني نجيب من فين في الحالة دي ؟؟؟؟؟

3) الـ ELTS و هنقول ربنا يسهل عليه لكن GRE دي ضرورية يعني و مع كل الكليات و لا لأ و ليها برضه مدة صلاحيه ؟؟؟

4) لو انا يا دوب لسه مهاجر و عملت اللاندنج هل تكون فرصة الحصول على منحة لدراسة ماجيستير مثلاً سهلة و لا برضه ....؟؟؟

انااعتذر على الاطالة بس دي اسئلة حاسس ان كلها مهمة و ربنا يبارك فيك و شكراً مقدماً .

تم تعديل 7 مارس 2009 بواسطة ahmed_saleh

[vision]

استاذ qenawey ارسلتلك رسالة ع الخاص يا رب تكون وصلت

أستاذ أحمد صالح ، بعد إذن الجميع أرد على السؤال رقم 2 ، 3

2) لازم طبعا تجيب recommendation or reference letter من الدكاترة ، هوة طبعا صعب ، بس هما مالهمش دعوة هما عايزين حد موثوق فيه يقول إنك كويس ، عشان كده لازم الجواب ده ولازم بعد مايمضيه الدكتور يقفله في ظرف ويمضي وختم عليه من بره ، وانت ما تفتحوش ولا تشوفه ، بيتهيألي الحاجات سهلة تتعمل عندهم ، بس هنا متعبة جدا ، معلش

3) TOEFl , IELTS, and GRE كل الحاجات دي ليها مدة صلاحية ، بالنسبة للتويفل سنتين من يوم امتحانك (مش من يوم النتيجة)، وتقريبا ها تبقى كدة في الباقي

GRE مش ضروري ف كل الجامعات ، بس هوة بيبقى اضافة كويسة في ملفك