كيف تهاجر بدون محامي (فيدرال) نسخة 2009

[qenawy]

احاول ان افي بوعدي بكتابة موضوع كيف تهاجر بدون محامي نسخة 2009 وهو طبعا لا يختلف كثيرا عن الموضوع الاساسي السابق الا في بعض التفاصيل البسيطة ساوجزها

اولا يجب ان تكون وظيفتك في اللستة الفيدرال ذات ال38 مهنة

مع العلم انك لو كنت تعمل في احدي تلك الوظائف سابقا (العشر سنين اللي فاتت) لمدة سنة فانه يجوز لك التقديم

ليس شرطا ان تكون المهنة تقابل المؤهل

نقطة الاختلاف الثانية ان التقديم الان لا يتم الي السفارة مباشرة بل وحدة في كندا اسمها

CENTRAL INTAKE UNIT موجودة في نوفا سكوتشيا

لها عنوان ترسل الطلب عليه ومعه الحوالة الخاصة بدفهع مصاريف تقديم الطلب

اليكم عنوانان لها

واحد عشان خدمة الكوريير التي تطلب اسم الشارع

والتاني بصندوق البريد

اولا العنوان المعتاد

Citizenship and Immigration Canada

Federal Skilled Worker

Centralized Intake Unit

P.O. BOX 7500

Sydney, NS B1P 0A9

CANADA

الثاني بالكوريير الي هي وسيلة بريد يعني

Federal Skilled Worker

Centralized Intake Unit

196 George Street

Sydney, NS B1P 1J3

Canada

بالنسبة الي الابليكاشن المطلوبة هم اربع ورقات

ولكن لو متزوج تبقي عارف ان الزوجه ستكتب اثنين ايضا

شوف ازاي

الاول

http://www.cic.gc.ca/english/pdf/kits/forms/imm0008egen.pdf

طريقة ملاه سارفقها في الصور وده نسخة واحدة لحضرتك فقط

الثاني

http://www.cic.gc.ca/english/pdf/kits/forms/imm0008_1e.pdf

ده هيتكتب منه نسختين واحدة لك وواحدة للزوجة ولو فيه اولاد اكبر من 22سنة كمان هيكتبوه

الثالث

http://www.cic.gc.ca/english/pdf/kits/forms/IMM5406E.PDF

ده برضه هيتكتب مرتين واحد لك وواحد للزوجه ولو فيه اولاد اكبر من 22 سنة

الرابع

http://www.cic.gc.ca/english/pdf/kits/forms/imm0008_3e.pdf

ده نسخةواحدة فقط احضرتك

يبقي اجمالي الاستمارات اربعة لو اعزب و 6 لو متزوج واطفالك اقل من 22 سنة

نبدا في ملا النموذج الاول زي زمان الصورة مش مطلوبة

تمام كده

هذه هي الفورم المطلوبة

يتبع

تم تعديل 9 مارس 2009 بواسطة qenawy

[kaza]

يا جاااااااااااااااامد يا قناوي .... :lol:

لا بجد انت رجل تستاهل كل خير و ربنا يديك على اد نيتك ,, بتتعب نفسك عشنا و عشان تفيد الكل وفعلا اقل حاجة ممكن ارد لك فيها على مجهودك الشكر و الدعاء B)

شكرا على الموضوع و كل المواضيع المفيدة اللي بتكتبها

أخوك كازا

[abcabc]

متابعين لحظة بلحظة،

تسلم

B)

[qenawy]

Receiver General for Canada.

هذا هو اسم الشخص الذي ستكون باسمه الحوالة البنكية

تتوجه الي بنك نضيف بالنسبة الي مصر روح سيتي بنك او نوفا سكوتشيا بنك ولو قافلة خالص روح البنك الاهلي المصري

واطلب تعمل BANK DRAFT باسم

Receiver General for Canada

قيمة الحوالة كالتالي

فرد واحد 550 دولار كندي

انت وزوجتك 1100

انت وزوجتك وطفل واحد 1250 دولار كندي

انت ومراتك وطفلين 1400

انت ومراتك و3 اطفال 1550

[saad badr]

انا جتلك يا دكترة اهوت ووراك يا حج

على فكره يا جماعة ابقوا ادعولي بالمرة كده مع الدكتور قناوي يمكن الواحد يكسب حسنة في السكة

لاني انا اللي سالت الدكترة المحترمة لغيت ما زهقته وهو حس ان فعلا الناس الاغبية امثالي لازم يكون معاهم دليل علشان كده قالي انا هعمل توبيك جديد للنسخة الجديدة

فرجاء بسيط خالص ان احنا منسالش اي اسئلة هنا علشان من خليش الدكترة يجيب ويبعد بينا عن الموضوع لا نستنى الراجل لما يخلص خالص ولو حد عنده اي سؤال نروح لتوبيكس تانيه ونسال فيها بس انا بقول للصالح العام بحيث ان الموضوع مايكنش مشتت ونتابع خطوات الملف خطوة خطوة وبتركيز

وتشكر يا دكترة يا بتاع الكيميكال يا متركب

[saad badr]

فيه حاجه للتوضيح يا دكتره انا دخلت على الويب سيت ولقيت ان فيه ملف كمان وهو الملف الخاص بمكتب الفيزا اللي انت تابع له

http://www.cic.gc.ca/english/information/a...led-mission.asp

وده بعت الملفات الاربعة يعني هما خمسة وبملى الاخيرة للمكت اللي تابع له

يعني معنى كده اني هبعت على لندن مثلا لو انا بالخليج يبقى ايه العنوان اللي حضرتك كتبته بس للتوضيح

الملفات ايوة هيه ملفات اربع بجانب الاخير اللي يخص المكتب اللي هقدم منه

ولو حضرتك راجعت ملف الارشادات هتلاقي ده بعد املاء البيانات تتوجه لارسال ملفك للمكتب اللي يخصك منطقتك ولا انا فاهم غلط

[كرم احمد]

السلام عليكم

الف شكر ياابو الدكترة

وبصراحة انا كنت طلبت الطلب دة منك فى (رد على استفسارتكم الس...) ولما رديت على الاسئلة اللى بعدى زعلت بس الوقت فهمت انك بستعد للموضوع وشكرا

ثانيا انا بقدم من الامارات وفية استمارة خامسة بعد الاربعة اللى بتقول عليهم يا دكتور

http://www.cic.gc.ca/english/pdf/kits/forms/IMM5476E.pdf

اية موضوعها دى

[qenawy]

فيه حاجه للتوضيح يا دكتره انا دخلت على الويب سيت ولقيت ان فيه ملف كمان وهو الملف الخاص بمكتب الفيزا اللي انت تابع له

http://www.cic.gc.ca/english/information/a...led-mission.asp

وده بعت الملفات الاربعة يعني هما خمسة وبملى الاخيرة للمكت اللي تابع له

يعني معنى كده اني هبعت على لندن مثلا لو انا بالخليج يبقى ايه العنوان اللي حضرتك كتبته بس للتوضيح

الملفات ايوة هيه ملفات اربع بجانب الاخير اللي يخص المكتب اللي هقدم منه

ولو حضرتك راجعت ملف الارشادات هتلاقي ده بعد املاء البيانات تتوجه لارسال ملفك للمكتب اللي يخصك منطقتك ولا انا فاهم غلط

لا يا حاج سعد

اللي انت بتقوله ده كتيب ارشادات

لما ان شاء الله المكتب المركزي االي في كندا يرد عليك ويقولك ابعت بقي طلبك المفصل لمكتب الهجرة اللي انت تابع له يبقي فيه اقوال اخري انت اصبر بس

[qenawy]

السلام عليكم

الف شكر ياابو الدكترة

وبصراحة انا كنت طلبت الطلب دة منك فى (رد على استفسارتكم الس...) ولما رديت على الاسئلة اللى بعدى زعلت بس الوقت فهمت انك بستعد للموضوع وشكرا

ثانيا انا بقدم من الامارات وفية استمارة خامسة بعد الاربعة اللى بتقول عليهم يا دكتور

http://www.cic.gc.ca/english/pdf/kits/forms/IMM5476E.pdf

اية موضوعها دى

اهلا كرم بك اعتذر عن التاخير واعتذر للجميع عن السهو النسيان فهو من طباعالبشر

طبعا الاستمارة اللي حضرتك جايب رابطها هي استمارة للناس اللي بتستعين بمحامي (زي ورقة التوكيل الرسمي ) وبما ان الموضوع هو كيف تهاجر بدون محامي فاكيد مالهاش لازمة خالص وانا طبعا طنشتها

[qenawy]

قبل ان نضيع في التفاصيل كي تكون مقبول للتقديم لازم تكون جايب 67 نقطة في تقييم الهجرة الفيدرالي

تكون في وظيفة في اللستة

ال67 نقطة من 100 علي الاقل

عوامل التقييم السن اقل من 49 سنة عشر نقاط

التعليم 20 بكالوريوس 25 ماجستر ودكتوراه

اللغة 16 الانجليزية ويلزم اثباتها بامتحان اليتس

الفرنسي له 8 نقاط ويلزم اثباته امتحان delf

خبرة العمل حتي 21 نقطة لو شغلك 4 سنين دائم او مايعادل 4 سنين لو دوام جزئي

التوافق 24 درجة الزوجه لو متعلمة ومعاها بكالوريوس تعطيك 4 نقاط ثانوية 3 نقاط

لو لك قرايب درجة اولي 5 نقاط

لو معاك عقد عمل من كندا 10 نقاط

لو سبق لك الدراسة سنتين نظاميتين في كندا خمس نقاط

المهم اذا تم حساب انك جايب 67 نقطة ووظيفتك في اللستة تبقي تقدم

طبعا قبل ما تقدم من الافضل انك تكشف طبيا انت والاسرة علي الفيروسات وعلي الامراض الخطرة بعد الشر لان لو فيه مشكلة طبية ممكن تعطل ملفك

هو الحقيقة الامراض المانعة كما قرات هي الامراض ذات الخطورة علي المجتمع او التي تتتطلب نفقات علاج عالية جدا بالاضافة الي الامراض العقلية والاعاقات الشديدة يعني مش شوية كحة ولا نظرك ضعيف تخاف مدام شايف قدامك يبقي تمام

بالنسبة لموضوع 67 نقطة هاضرب مثال لشخص متزوج معاه بكالوريوس الخبرة 4 سنين ومراته بكالوريوس عمرة اقل من 49 سنة

السن يعطيه 10 نقاط

الخبرة 21

الزوجه 4 نقاط

اللغة انجليزي مثلا 12

فرنسي اعتبره صفر

التعليم 20 بكالوريوس

كده يبقي جايب 67 نقطة وهو مثلا محاسب يبقي تبع اللستة يبقي يقدم

لو اعزب يبقي ناقصك اربع نقاط بتوع الزوجه ذات البكالوريوس

الحل هو اما تقوي نفسك في الفرنساوي وتجيب 4 نقط فيه او تشد حيلك في الاليتس وتجيب 16 او الحل الاجرامي الاخير هو انك تتجوز وده معناه التضحية بنفسك من اجل 4 نقاط

يارب اكون اوجزت وافدت مش عاوز الموضوع يبقي طويل بل هاعتبره اكمال للموضوع الاول بس منقح

[qenawy]

بعد اكمال الاستمارات الاربعة لو اعزب والستة لو متزوج وبعد عمل الحوالة الي الجنرال ريسيفر فور كندا

يبقي تبعت الطلب للعنوان اللي كتبته في اول المداخلة وهو طبعا في كندا ومالكش دعوة خالص دلوقتي بمكتب الهجرة اللي في بلدك

هترفق مع الطلب صورة من باسبورك انت فقط كمقدم رئيسي

هترفق ايضا الحوالة البنكية عشان الراجل الريسيفر يصرفها

هترفق ايضا ظرفين وسط شيك كده مكتوب علي احدهم اسمك و عنوانك بالعربي

والتاني اسمك وعنوانك بالانجليزي

ليه بقي عشان يبعتولك عليهم الرد وممكن ايضا يكونوا ستيكرز مطبوعة باسمك وعنوانك واحد عربي وواحد انجليزي

الموضوع سهل ما تعقدهوش

ليس مطلوبا منك اي ارفاق لاي مستندات او صور من المستندات في هذه المرحلة

و لاحتي صور وده افضل ( احسن لو شافوا صورتي هيرفضوني)

مواصفات الظرف 9 في 12 بوصة

او 23سم في 31 سم عشان التدقق والروقان

ابعتهم بالبريد السريع المصري تكلفة اقل 60 جنيه او 70

او بالدي اتش ال التكلفة قد تصل 200 جنيه او اكتر

نكمل بعدين

[qenawy]

دي ليستة الوظائف وهي قابلة للتعديل احتمال مع الميزانية الجديدة عشان بس ماحدش يزعل في شهر 11 طبعا معلومة غير مؤكدة برضه عشان طول الامل

0111: Financial Managers

0213: Computer and Information Systems Managers

0311: Managers in Health Care

0631: Restaurant and Food Service Managers

0632: Accommodation Service Managers

0711: Construction Managers

1111: Financial Auditors and Accountants

2113: Geologists, Geochemists and Geophysicists

2143: Mining Engineers

2144: Geological Engineers

2145: Petroleum Engineers

3111: Specialist Physicians

3112: General Practitioners and Family Physicians

3141: Audiologists and Speech Language Pathologists

3143: Occupational Therapists

3142: Physiotherapists

3151: Head Nurses and Supervisors

3152: Registered Nurses

3215: Medical Radiation Technologists

3233: Licensed Practical Nurses

4121: University Professors

4131: College and Other Vocational Instructors

6241: Chefs

6242: Cooks

7213: Contractors and Supervisors, Pipefitting Trades

7215: Contractors and Supervisors, Carpentry Trades

7217: Contractors and Supervisors, Heavy Construction Equipment Crews

7241: Electricians (Except Industrial and Power System)

7242: Industrial Electricians

7251: Plumbers

7252: Steamfitters, Pipe fitters and Sprinkler System Installers

7265: Welders and Related Machine Operators

7312: Heavy-Duty Equipment Mechanics

7371: Crane Operators

7372: Drillers and Blasters – Surface Mining, Quarrying and Construction

8221: Supervisors, Mining and Quarrying

8222: Supervisors, Oil and Gas Drilling and Service

9212: Supervisors, Petroleum, Gas and Chemical Processing and Utilities

[qenawy]

ماعلينا

بعد ارسال الطلب تنتظر الرد خلال شهر شهرين في هذه الحدود

سيتم ارسال خطاب لك يفيد بقبول طلبك مبدئيا يعني انت كده مهيا للقبول ومطلوب منك ساعتها انك تتعامل بقي مع مكتب الهجرة الخاص بمكان اقامتك لو في مصر هيبقي في سفارة كندا بالقاهرة

لو في الخليج هيبقي مكتب لندن وهيدولك مهلة اربع شهور لانجاز المهمة او حسب الخطاب

في الخطاب هيطلبوا منك انك تبعت ورقك كامل الي السفارة في مصر مثلا مرفق معه الاثباتات والشهادات واثبات اللغة والدراسة والزواج والفيش والتشبيه وشهادات خبرة العمل وشهادات التعليم (بكالوريوس والدرجات لك لزوجتك )

المطلوب كل الشهادات ان تكون باللغة الانجليزية او مترجمة عند مترجم رسمي معتمد مثل فؤاد نعمة مثلا امام الحرية مول او الطوبجي في جوار وزارة الصحة المصرية

شهادات الميلاد تحصل عليها من الدور الثاني في وزارة الصحة وتملاها في الطوبجي وتاخدهاالوزارة تناني مختومة تروح الوزارة وانت معاك الشهادات الميلاد الرقم القومي الكومبيوتر عشان تخلص

قسيمة الزواج تطلع واحدة من اي سجل مدني بالرقم القومي غصب عن عين بتوع السجل لانهم بيستعبطوا احيانا ويقولوا طلع من المحكمة تكاسلا منهم حاولوا يغلسوا علي بس علي مين والبركة في مدام سمية هي اللي دلتني وبعدها تطلع علي وزارة العدل في لاظوغلي الدور مش فاكر كام العاشر واللا الاتناشر مش فارقة تترجمها

شهادات الكلية اما تطلع اساسا بالانجليزي او تترجمها لك ولزوجتك

شهادات الخبرة اما تطلعها انجليزي من الاول او تترجمها والشهادة المهم يكون فيها بداية العمل تاريخا ومهام عملك فيه ومؤرخة حتي يوم انتهاء عملك يعني

تشهد شركة كذا بان السيد فلان يعمل محاسب في الفترة من الي (مهم جدا ) وانه يقوم بالعمل الاتي كذا وكذا

التوقيع وعنوان الشركة والتليفون

التوثيق في الخارجية مش مهم

خطاب التامينات مش مهم

لا تنسي صورة الاليتس

علي فكرة برضه الورق اللي هيتبعت السفارة كله صور

الاصول عند المقابلة او عندما يطلبوها منكم ( هتاكد ثواني ولو مدام سمية تفيدنا يكون افضل)

واخيرا لا ننسي مدام نونا الاوائل ربنا يكرمها ويسمعنا عنها خير

يتبع

تم تعديل 9 مارس 2009 بواسطة qenawy

[qenawy]

اظن الموضوع سهل جدا حتي الان

الاسماء يجب ان تطابق الباسبور

اسم العائلة هو الرابع

الجيفن نامز هي اسمك واسم الاب واسم الجد

[qenawy]

الصور الفوتوغرافية مش مطلوبة مبدئيا

[qenawy]

الورقة الثانية شيدول 1 باك جروند ديكلاراشن

خد بالك واحدة لك ببياناتك وواحدة للمدام ببياناتها هي اوعي تغلط

ايضا السؤال التاسع عن السجل الاجرامي للشخص او تعلم علي ييس لتضيع نفسك كله نو مش معني انك اخدت يومين في الحجز انك تكتب ييس

[elmadysm]

شهادات الخبرة اما تطلعها انجليزي من الاول او تترجمها والشهادة المهم يكون فيها بداية العمل تاريخا ومهام عملك فيه ومؤرخة حتي يوم انتهاء عملك يعني

تشهد شركة كذا بان السيد فلان يعمل محاسب في الفترة من الي (مهم جدا ) وانه يقوم بالعمل الاتي كذا وكذا

التوقيع وعنوان الشركة والتليفون

التوثيق في الخارجية مش مهم

خطاب التامينات مش مهم

الحمد لله انك وضحت موضوع التوثيق و التامينات

كان هيبقى فيه اسئله للركب

لا تنسي صورة الاليتس

ممكن تضع صورة الشهادة

او الاختيار الثانى :يقوم المركز الثقافى البريطانى بارسال نسخة من نتيجة الامتحان للسفارة على رقم الملف ب5 جنية تقريبا

[emmoooooo]

متشكر يا د.قناوى الموضوع تحفه

بس انا عاوز اسال سؤال انا البوينتس بتعتى 67 لكن انا طبيب اسنان

فهل ينفع اقدم للهجره

وشكرا :giveup:

[qenawy]

والله يا دكتور ايمو للاسف طبيب الاسنان مش في اللستة لان له رقم اخر في noc غير 3111

عارف لو انت مدير مركز طبي للاسنان ممكن

[emmoooooo]

انا متشكر جيدا علي الرد

بس ياريت لو فيه اخبار جديدة تقولي

شكرا لتعبك :giveup: