علامات استفهام حول أفلام (عادل إمام)

[سهل جدا]

*

*

المتتبع لأفلام "عادم إمام" عن كثب يلاحظ تلك السمة المشتركة التي تظهر بها جميع أفلامه مهما كانت قصتها ومهما كانت القضية التي يعالجها الفيلم..

وهي في واقع الأمر علامات استفهام تحتاج إلى إجابة..

فما هو المبرر مثلا لإصراره الشديد على ظهوره (في كل أفلامه تقريبا) على أنه رجل خمورجي من الدرجة الأولى.. بل إن الخمر تظهر في أفلامه أكثر من ظهور الماء!

وما هو الداعي لأن يظهر (في كل أفلامه تقريبا) على أنه صاحب علاقات محرمة مع النساء, عن طريق الزنا الصريح..

حتى فيلم (السفارة في العمارة) الذي من المفترض أنه يعالج القضية الفلسطينية، كان منذ اللحظة الأولى من الفيلم يتنقل بطله بين أحضان العاهرات..

وكأنه يريد أن يوصل إلى عقل المشاهد الباطن أن هذه الشخصية المتحضرة (الخمورجي والزاني) هي التي ستقود الطريق إلى تحقيق النصر والأمل المنشود!!

(ويستثنى مما سبق فيلمه الأخير "حسن ومرقص" نظرا لطبيعة الشخصية الدينية المسيحية التي كان يمثلها والتي كان حريصا على إظهارها في أحسن صورة ممكنة!)

أما السمة التي كانت ظاهرة عيانا للجميع وفي كل أفلامه هي إظهار الملتزمين بأي مظهر إسلامي على أنهم:

إرهابيون.. متخلفون.. رجعيون .. مكفرون.. لا يفهمون.. لا يتحاورون..... إلى آخر كل الصفات المذمومة شرعا وعقلا وعرفا..

سواء كان الفيلم كله يدور عن ذلك (كفيلم الإرهابي) أو الاقتصار على بعض المشاهد فقط كما في باقي أفلامه الأخرى..

لا يوجد عاقل ينكر أنه يوجد بعض ممن يظهرون بمظهر إسلامي.. يسيئون للإسلام..

لكن هل كلهم كذلك ؟؟ أم هي قلة منحرفة لا تمثل الواقع الحقيقي ؟؟

إن الإنصاف يقول أن السيئة تخص.. وأن من أساء فإنما يسيء لنفسه

تماما كما لو أننا رأينا طبيبا ظالما مرتشياً يسرق الأعضاء البشرية من المرضى ليبيعها..

فإن هذا لا يجعلنا نحكم على جميع الأطباء بأنهم ظالمون ومرتشون ولصوص.. ؟؟

وهذا يقودنا إلى علامة استفهام جديدة ..

هل مسألة إظهار الملتحين أوالمحجبات بهذا المظهر المشين في أفلام عادل إمام يعتبر إرهابا فكريا لمن تسول له نفسه الدفاع أو حتى التعاطف مع أي مسلم يظهر بمظهر إسلامي وإن لم يكن من المتطرفين؟؟

*

تم تعديل 5 مارس 2009 بواسطة سهل جدا

[nizza la bella]

فنان عظيم

ومنافق كبير

وللحديث بقية

[MoHaMMeD EgYpT]

بس فعلا هي دي الحقيقة المرة في مصر لو الواحد بقا ملتحي بيبقي ماشي زي اللي عامل عمله و الشرطة بتبقي شاكه فيه اكتر من الصايع و العادي اللي مش ملتحي و لو لو شاكوا في الملتحي للحظة يبقي قول عليه يا رحمان يا رحيم و هيروح امن دولة و اللي بيروح عند مصر عمره ما بيرجع هههههههههههههههههههههههههههههههههههههه و في الاخر ممكن يلبسوه شوية قواضي مش لقيين لها حد يلبسها و بعد كده هههههههههههههه هو فيه حاجة بعد كده ان الله و انا اليه راجعون ههههههههههههههههههه

اما بخصوص عادل امام هو بصراحة مزودها حبيتين في حكاية العاهرات و البوس و الكلام ده كله بس بصراحة لو ماكنش عمل كده كنت هتلقيه زي بقية الممثلين و ماحدش مهتم بيه زيادة عن اللزوم و الايام دي كله بيعمل زيه و اكتر يبقي المشكلة مش مشكلة عادل امام ولا مشكلة الممثلين الاخرين المشكلة مشكلة الحكومة اللي سايبة الافلام دي

[HDarwish]

تقدر تطلع من أفلام عادل إمام كلها بفيلمين إثنين بس وأظن لا يختلف عليهم اثنين ايضا وهما :-

فيلم : ولا من شاف ولا من دري

و

فيلم: أمهات في المنفى

[الجدار]

عادل امام من أقذر الممثلين الموجودين في الساحة حالياً

يعتمد على البذائة في الإضحاك

اظهار المتدين بالرجعي والمتخلف

محاولة اثبات أن الدين مالوش مكان في الدنيا انت من حقك تزني وتشرب خمر وده مايمنعش انك بطل وليك رؤية ومباديء في الحياة

بس انت نسيت حاجه مهمه مشتركة في جميع افلامة أنه لازم يضرب أي حد بالألم في الفيلم

مش عارف ده نوع من السادية ولا ليه هدفه تاني من تكرار هذ المشهد في كل أفلامه

بس حرجع وأقول العيب مش عليه العيب فينا كلنا لأننا اللي بنشجع أمثالة من التطاول على الدين والسخرية من والإستخفاف بعقولنا

وعلى فين يا شعب مصر !!!!!

امتى حنقاطع بجد

وأمتى حنقول لأ

وأمتى حنصحى !! ...... أكيد يوم القيامة

[aimen]

اعتقد اننا يجب ان نتعامل مع الأشخاص كفترات زمنية بمعنى ان عادل امام كان ظريف ومعقول فى بعض الأفلام حتى بداية الثمانينات

لكن من اول طيور الظلام واول ما لبس الجاكيت الجينز اللى ظهر بيه فى اكثر من فيلم ومستوى السخافة وثقل الدم زاد عنده وطفح ...بصراحة لا اتفرج عليه ابدا ولا يعجبنى ابدا ..

.ولا اشاهده الإ مضطرا ( الأسبوع الماضى كنت فى زيارة لزملائى و للحظ بيتفرجوا على مسرحية الزعيم ...وكنت مجبر اشوفها معاهم ) ..

.شتان بين عادل امام ومحمد صبحى ومحمود عبدالعزيز ويحى الفخرانى .....فقط عاوز اقول انه مش عايش سنة ...فاكر نفسه الواد الظريف الدون جوان ....اللى بتقع الفتيات فى غرامه دائما ...عادل امام مجرد شوية حركات مكررة ...اعتقد انك ممكن تتنبأ بما سيفعله دائما فى افلامه ... مصيبة فنانينا الكبار انهم ما بيحسوا بالزمن ...عاوزين يفضلوا شباب طول العمر ...

عادل امام مجرد حلقة فى حلقات الإسفاف الفنى التى تحيط بنا ..نادرا ما نجد منهم شخص يقدم فكرة جيدة ...عن نفسى لا اتابع المسلسلات العربية ولا الأفلام نهائيا ...بأتفرج على حاجات اجنبى ...

[سهل جدا]

توضيح:

ما كنت أقصده من أفلام عادل إمام هي الأفلام التي كانت في العقدين الأخيرين.. بداية من فيلم الإرهاب وحتى آخر أفلامه؛

أما ما قبل ذلك كفيلم "الهلفوت" :blink: وغيره فهو خارج موضوعنا..

فنان عظيم

ومنافق كبير

وللحديث بقية

في انتظار بقية حديثك أخ nizza la bella

اما بخصوص عادل امام هو بصراحة مزودها حبيتين في حكاية العاهرات و البوس و الكلام ده كله

هو صحيح موضوع إثارة الغرائز ده يسبب مشاكل, بس المشكلة الأكثر خطرا (من وجهة نظري القاصرة) هي الضرب في اللاوعي, وإيصال الأفكار المؤذية بطريقة لا يشعر بها المشاهد نفسه..

بحيث بعد أن ينتهي من مشاهدة الفيلم، يستقر في العقل الباطن بغض لكل ما يبغضه عادل إمام, وحب لكل ما يحبه عادل إمام

هكذا الناس يتعاطفون مع بطل الفيلم غالباً

شكرا لك

[سهل جدا]

تقدر تطلع من أفلام عادل إمام كلها بفيلمين إثنين بس وأظن لا يختلف عليهم اثنين ايضا وهما :-

فيلم : ولا من شاف ولا من دري

وفيلم: أمهات في المنفى

والله ما أعرفهمش بصراحة.. ومش عاوز أعرفهم

بس انت نسيت حاجه مهمه مشتركة في جميع افلامة أنه لازم يضرب أي حد بالألم في الفيلم

مش عارف ده نوع من السادية ولا ليه هدفه تاني من تكرار هذ المشهد في كل أفلامه

آآآآآخ , فاتتني ديه :blink:

الضرب بالألم ده في مسرحياته وفي أفلامه ومش بعيد يكون في الحقيقة كمان

عموما هو "عادل إمام" شايف نفسه حبتين، وعنده كمية برانوية (مرض نفسي يعني جنون العظمة) ظاهرة جداً فيه, يمكن أي واحد يلاحظها علطول في أي برنامج يستضيفه..

ربنا يعافينا ويعفو عنا

عادل امام مجرد حلقة فى حلقات الإسفاف الفنى التى تحيط بنا ..نادرا ما نجد منهم شخص يقدم فكرة جيدة ...

لكن للأسف يا أستاذ أيمن .. رغم كده إلا إن الراجل محبوب جدا على المستوى المحلي والعربي..

أكثر العرب بيحبوه وبيحبو أفلامه

بس في بعض المثقفين عارفين الكلام اللي انت قولته عليه ده.. إنه هو ليه كم حركة كده معروفين ما بيغيرهمش..

ثانك يو يا بتاع الأفلام الأجنبي أنت ... ما أسخن من ستي إلا سيدي

[tarek hassan]

*

*

المتتبع لأفلام "عادم إمام" عن كثب يلاحظ تلك السمة المشتركة التي تظهر بها جميع أفلامه مهما كانت قصتها ومهما كانت القضية التي يعالجها الفيلم..

وهي في واقع الأمر علامات استفهام تحتاج إلى إجابة..

فما هو المبرر مثلا لإصراره الشديد على ظهوره (في كل أفلامه تقريبا) على أنه رجل خمورجي من الدرجة الأولى.. بل إن الخمر تظهر في أفلامه أكثر من ظهور الماء!

وما هو الداعي لأن يظهر (في كل أفلامه تقريبا) على أنه صاحب علاقات محرمة مع النساء, عن طريق الزنا الصريح..

حتى فيلم (السفارة في العمارة) الذي من المفترض أنه يعالج القضية الفلسطينية، كان منذ اللحظة الأولى من الفيلم يتنقل بطله بين أحضان العاهرات..

وكأنه يريد أن يوصل إلى عقل المشاهد الباطن أن هذه الشخصية المتحضرة (الخمورجي والزاني) هي التي ستقود الطريق إلى تحقيق النصر والأمل المنشود!!

(ويستثنى مما سبق فيلمه الأخير "حسن ومرقص" نظرا لطبيعة الشخصية الدينية المسيحية التي كان يمثلها والتي كان حريصا على إظهارها في أحسن صورة ممكنة!)

أما السمة التي كانت ظاهرة عيانا للجميع وفي كل أفلامه هي إظهار الملتزمين بأي مظهر إسلامي على أنهم:

إرهابيون.. متخلفون.. رجعيون .. مكفرون.. لا يفهمون.. لا يتحاورون..... إلى آخر كل الصفات المذمومة شرعا وعقلا وعرفا..

سواء كان الفيلم كله يدور عن ذلك (كفيلم الإرهابي) أو الاقتصار على بعض المشاهد فقط كما في باقي أفلامه الأخرى..

لا يوجد عاقل ينكر أنه يوجد بعض ممن يظهرون بمظهر إسلامي.. يسيئون للإسلام..

لكن هل كلهم كذلك ؟؟ أم هي قلة منحرفة لا تمثل الواقع الحقيقي ؟؟

إن الإنصاف يقول أن السيئة تخص.. وأن من أساء فإنما يسيء لنفسه

تماما كما لو أننا رأينا طبيبا ظالما مرتشياً يسرق الأعضاء البشرية من المرضى ليبيعها..

فإن هذا لا يجعلنا نحكم على جميع الأطباء بأنهم ظالمون ومرتشون ولصوص.. ؟؟

وهذا يقودنا إلى علامة استفهام جديدة ..

هل مسألة إظهار الملتحين أوالمحجبات بهذا المظهر المشين في أفلام عادل إمام يعتبر إرهابا فكريا لمن تسول له نفسه الدفاع أو حتى التعاطف مع أي مسلم يظهر بمظهر إسلامي وإن لم يكن من المتطرفين؟؟

*

فعلا أستاذ سهل

أشاركك الرأي في كل ما كتبته في هذا الموضوع القيم المشتمل على قراءة جيدة لأفلام هذا الممثل

فعلا موضوع يستحق المناقشة والتحذير من السموم التي يبثها من خلال أفلامه في رءوس الناس

والتوعية مطلوبة والرد مطلوب من المثقفين على كل رسالة سلبية يرسلها من خلال أفلامه

تحياتي أستاذ : سهل

تم تعديل 5 مارس 2009 بواسطة tarek hassan

[أحمد سيف]

للأسف فإن معظم الأفلام المصرية تقوم على ثنائي الجنس والاستظراف ويضاف اليها في بعض الأحيان جرعة أيديولوجية شعبوية لاستدرار تعاطف الجمهور. وقلة قليلة من الأفلام هي التي تحمل فكرة قيمة وتتبنى اسلويا محترما وتسعى للوصول الى عقل المشاهد وقلبه لا الى جيبه وغرائزه البدائية.

وعادل إمام ليس استثناء من هذا الخط الهابط ... إلا أن الشهرة التي اكتسبها لاسلوبه الجرئ ولملائمة أعماله لذوق شريحة معين من المجتمع فرضت ثقافتها وقيمها على الجميع في لحظة معينة، أقول أن أفلام عادل إمام نتيجة ذلك قد استطاعت تشكيل ثقافة ولغة وأخلاق جيل كامل، وأسهمت بصورة سلبية في شيوع قيم هابطة وتشويه ثقافة المجتمع.

المشكلة الكبرى أن مثل هذه الأفلام لا يتوقف تأثيرها بمجرد اعتزال الممثل أو وفاته، بل إنها تظل تحدث أثرها السلبي في كل مرة تعرض فيها، وكأنه لا يكفي أن يتم تشويه وعي الأجيال السابقة بل يجب أن يحصل ذلك أيضا للأجيال الجديدة، وتستمر الحلقة المفرغة لنشر هذا الإسفاف، والنتيجة إعادة إنتاج للتخلف.

لو كان الأمر بيدي لمنعت بث جميع الأفلام المصرية لمدة عشرة سنوات على الأقل باستثناء تلك التي تحمل فكرة ومضمونا وتخلو من الإسفاف، حتى يتخلص الشعب من هذا الإدمان ويستيقظ من الغيبوبة الفكرية التي سببها

[abaomar]

السلام عليكم

الاخوه الكرام جزاكم الله خيرا

نموذج مثالى لجيل نشأ فى حضن الماركسيه و إشتراكيه الزعيم الملهم و شرب من ماءها الاحمر و تنقل بين حدتو و الطليعى و تربى على كره الدين و الاستهزاء و التنكيل ان امكن بالدين و رموزه ..

و عندما انتهت الحقبه الحمراء بموت عرابها فى مصر و دخلت مصر مرحله الغرب الازرق ..إزرقوا هم ايضا و تحولوا بسرعه تحويل الدولار

بين البنوك من اقصى الشرق الى اقصى الغرب..

ركبوا موجه الانفتاح التى جلبت معها مفاهيم جديده و سلوكيات اغرب و انفتح المجتمع ليس فقط استهلاكيا و انما ايضا اخلاقيا

بشكل غير مسبوق و تنقلنا ما بين المشبوه ثم الهلفوت و الاشفور و حتى نهايه الثمانينات قاربت شمس هؤلاء على الغروب

فاكتشفوا بعدا اخر يمد شرايينهم بالحياه فاتجهوا صوب الحاكم و ركبوا موجه الوطنى و اثمرت مع الكثيرين و يمكننا اخوتى ان نرى

ذلك فى اشخاص كثيرين و ان اختلفت التفاصيل قليلا و الا فهذا الممثل و رفعت السعيد و صلاح عيسى وجوه مختلفه لعمله واحده.

يجمعهم الان الوقوف فى خندق مبارك و ضد الدين الاسلامى بشكل واضح و مباشر و يمكرون و لكن الله اكبر مكرا.

[سهل جدا]

فعلا أستاذ سهل

أشاركك الرأي في كل ما كتبته في هذا الموضوع القيم المشتمل على قراءة جيدة لأفلام هذا الممثل

فعلا موضوع يستحق المناقشة والتحذير من السموم التي يبثها من خلال أفلامه في رءوس الناس

والتوعية مطلوبة والرد مطلوب من المثقفين على كل رسالة سلبية يرسلها من خلال أفلامه

تحياتي أستاذ : سهل

أشكرك على مرورك الكريم أخينا الحبيب طارق :)

الأستاذ الفاضل أحمد سيف :P

معقولة!! .. أخيرا اتفقنا في الرأي على حاجة واحدة :sad:

بس استوقفني في تعليقك حاجة مهمة وأثرت في والله..

المشكلة الكبرى أن مثل هذه الأفلام لا يتوقف تأثيرها بمجرد اعتزال الممثل أو وفاته، بل إنها تظل تحدث أثرها السلبي في كل مرة تعرض فيها، وكأنه لا يكفي أن يتم تشويه وعي الأجيال السابقة بل يجب أن يحصل ذلك أيضا للأجيال الجديدة، وتستمر الحلقة المفرغة لنشر هذا الإسفاف،

صحيح

الواحد مننا لما بيموت , بتموت ذنوبه معاه, وعسى الله أن يغفرها له يوم القيامة

أما أمثال هؤلاء فلو ماتوا لا تموت ذنوبهم معهم, بل تزيد وتتضاعف حتى قيام الساعة

زي ما ربنا سبحانه وتعالى بيقول: {إنا نحن نحيي الموتى ونكتب ما قدموا وآثارهم}

يقول المفسرون:

{ونكتب ما قدموا} يعني أعمالهم التي عملوها وباشروها في حياتهم

{ وآثارهم } وهي آثار الخير وآثار الشر، التي كانوا هم السبب في إيجادها في حال حياتهم وبعد وفاتهم.

والله ديه مصيبة كبيرة وللأسف لا يشعر بها إلا القليل ..

أذكر كلمة قالها أحد الصالحين: ((طوبى لمن ماتت ذنوبه بموته))

[سهل جدا]

السلام عليكم

الاخوه الكرام جزاكم الله خيرا

نموذج مثالى لجيل نشأ فى حضن الماركسيه و إشتراكيه الزعيم الملهم و شرب من ماءها الاحمر و تنقل بين حدتو و الطليعى و تربى على كره الدين و الاستهزاء و التنكيل ان امكن بالدين و رموزه ..

و عندما انتهت الحقبه الحمراء بموت عرابها فى مصر و دخلت مصر مرحله الغرب الازرق ..إزرقوا هم ايضا و تحولوا بسرعه تحويل الدولار

بين البنوك من اقصى الشرق الى اقصى الغرب..

ركبوا موجه الانفتاح التى جلبت معها مفاهيم جديده و سلوكيات اغرب و انفتح المجتمع ليس فقط استهلاكيا و انما ايضا اخلاقيا

بشكل غير مسبوق و تنقلنا ما بين المشبوه ثم الهلفوت و الاشفور و حتى نهايه الثمانينات قاربت شمس هؤلاء على الغروب

فاكتشفوا بعدا اخر يمد شرايينهم بالحياه فاتجهوا صوب الحاكم و ركبوا موجه الوطنى و اثمرت مع الكثيرين و يمكننا اخوتى ان نرى

ذلك فى اشخاص كثيرين و ان اختلفت التفاصيل قليلا و الا فهذا الممثل و رفعت السعيد و صلاح عيسى وجوه مختلفه لعمله واحده.

يجمعهم الان الوقوف فى خندق مبارك و ضد الدين الاسلامى بشكل واضح و مباشر و يمكرون و لكن الله اكبر مكرا.

إيه الكلام الكبيرة ده يا عم :)

بس عندك حق فعلا, عادل إمام بيحاول يضحك علينا في أفلامه ويقنعنا إنه ضد الحكومة والفساد

لكنه في الحقيقة غير كده تماما

ومعروف قربه من النظام الحاكم في مصر

بل هو أداة في إيد الحكومة يوجهونه حيث شاءوا ..

بارك الله فيك أستاذ أبو عمر :sad:

[Virus]

أنا معاكوا طبعا إن عادل إمام مستهبل قوي في موضوع تصوير أي مسلم متمسك بدينه على شكل متطرف...

بس الحقيقة...أنا عادل إمام بيضحكني جدا جدا..ومسرحية الزعيم دي شفتها 20 مرة ومازالت بتضحكني..أفلام زي السفارة في العمارة أو عريس في جهة أمنية مبزهقش منهم

طبعا لا يمكن أبني أي قناعات على أي حاجة بشوفها في أفلام عربي عموما ولا في أي رسالة بتستقر في ذهني بعديها..أنا بس بحط الأمور في حجمها..ده ممثل كوميدي طالع عشان يسليني ويضحكني وخلاص..وهو بيعمل الشغلانة دي كويس في رأيي..يبقى شكرا لى كده وميخصنيش إنه إنسان ومدعي وتافه وما إلى ذلك..

أما بخصوص تأثيره على عموم المشاهدين..فمش عارف بصراحة..ده يتوقف على مدى تقديرنا لسذاجة الشعب المصري أو وعيه..وده موضوع تاني

وإن كان على محاربة التافهين والمدعين وكدابين الزفة والمرتشين فلازم نبتدي الأول من الصحف القومي ثم التلفزيون المصري ثم برامج الفضائيات...لأنها للأسف منابر جادة تحاصرنا من كل مكان و بتطلع منها رسائل مدفوعة الثمن لها بعض التأثير على الجماهير المصرية

تم تعديل 5 مارس 2009 بواسطة Virus

[fatfouta]

الحمد لله طلع فيه ناس كتير ذيي مش بتحب عادل امام

اصلى كل ماكنت اقول لحد كده يقولى يا شيخة حرام عليكى ده نجم وافلامه فظيعة وبتضحكنا

انا رايي انه افلامه فعلا تافهة كلها بتخاطب فئة معينة من الناس ودايما فى كل افلامه ذى ما الاخوة اتكلموا وقالوا انه فعلا يطلع واحد كده مش محترم وبتاع ستات وخمرة استغفر الله وده هيجننى مش عارفة ليه هو كل ادوارره بتبقى كده وبس

بس بقى كمان ايه رايكم فى الممثلات اللى بتظهر ادامه فى اى فيلم ليه وبعد كده لما يستضيفوها فى برنامج تقول انا ليا الشرف ان استاااااااااااذ عادل اماااااااااااااااام اخدنى معاه فى فيلمه الاخير وكانها خلاص يعنى داخله الجنة بكده

انا مش فاهمه واحدة ذى دى بقى بتفتخر بايه يعنى ؟ انها طلعت فى مشهد مش محترم وادام واحد مش محترم ذى ده

عامل نفسه ال ايه زعيم ماهو طبعا ماهو زعيمنااااا.....هتبقى انت ايه يا زعيم السيييييييييما لامؤاخذة

فعلا فى كل افلامه لازم يضرب خمسة سته بالقلم والمشكلة انهم بيقولوا لينا الشرف اننا طلعنا مع الفنان الكبير

انا اصلا بصراحة مش بحترم اى واحد من الفنانين لانهم منافقين

واللى يجننك بقى انهم يقولوا على نفسهم اخ يا ربى ده احنا بنتعب اوى فى شغلنا هو فين التعب ده ده الواحد يشوف الميكينج بتاع الافلام يلاقيه كله هظار وضحك وكمان سفاله واحضان بينهم بلا حرج ولا ادب مش فاهمة ايه ده

وفى الاخر عادل امام زعيم كل الانحطاط ده يبقى صح هو الزعيم

شكرا يا اخ سهل اصلى كنت كاتمة فى قلبى وساكته عن السينما وزعيمها

[fatfouta]

السلام عليكم

الاخوه الكرام جزاكم الله خيرا

نموذج مثالى لجيل نشأ فى حضن الماركسيه و إشتراكيه الزعيم الملهم و شرب من ماءها الاحمر و تنقل بين حدتو و الطليعى و تربى على كره الدين و الاستهزاء و التنكيل ان امكن بالدين و رموزه ..

و عندما انتهت الحقبه الحمراء بموت عرابها فى مصر و دخلت مصر مرحله الغرب الازرق ..إزرقوا هم ايضا و تحولوا بسرعه تحويل الدولار

بين البنوك من اقصى الشرق الى اقصى الغرب..

ركبوا موجه الانفتاح التى جلبت معها مفاهيم جديده و سلوكيات اغرب و انفتح المجتمع ليس فقط استهلاكيا و انما ايضا اخلاقيا

بشكل غير مسبوق و تنقلنا ما بين المشبوه ثم الهلفوت و الاشفور و حتى نهايه الثمانينات قاربت شمس هؤلاء على الغروب

فاكتشفوا بعدا اخر يمد شرايينهم بالحياه فاتجهوا صوب الحاكم و ركبوا موجه الوطنى و اثمرت مع الكثيرين و يمكننا اخوتى ان نرى

ذلك فى اشخاص كثيرين و ان اختلفت التفاصيل قليلا و الا فهذا الممثل و رفعت السعيد و صلاح عيسى وجوه مختلفه لعمله واحده.

يجمعهم الان الوقوف فى خندق مبارك و ضد الدين الاسلامى بشكل واضح و مباشر و يمكرون و لكن الله اكبر مكرا.

صح الكلام

[abaomar]

أنا معاكوا طبعا إن عادل إمام مستهبل قوي في موضوع تصوير أي مسلم متمسك بدينه على شكل متطرف...

بس الحقيقة...أنا عادل إمام بيضحكني جدا جدا..ومسرحية الزعيم دي شفتها 20 مرة ومازالت بتضحكني..أفلام زي السفارة في العمارة أو عريس في جهة أمنية مبزهقش منهم ( مش لوحدك يا فيروس اللى بتضحك على افلامه ..اجزم ان العديد و انا منهم كانت تلفت انتباهنا و نتابعها و نضحك كثيرا منها و لكن افلام عادل امام و منذ الارهاب و الكباب فى مطلع التسعينات و بدايه افول نجم عادل امام نجم الشباك الاول بلا منازع طوال الثمانينات و تصدر احمد زكى وقتها بفن اكثر احتراما من الناحيه المهنيه و بروز نور الشريف و محمود عبد العزيز ثم الكارثه بالنسبه لعادل امام و هى ظهور هنيدى و جيله فى 96 كل ذلك اثر فى عادل امام فتمسك بخط النظام و لتتذكر عندما قام بعمل حفله من احدى مسرحياته فى الصعيد فى محافظه اسيوط فى حمايه الامن طبعا و ذلك تسويقا لجهود الدوله فى محاربه الارهاب المزعوم و الاخطر هو الفكر الذى يسوقه و اشار اليه اليه الاخوه و المتجه بشكل مباشر الى ضد الدين )

طبعا لا يمكن أبني أي قناعات على أي حاجة بشوفها في أفلام عربي عموما ولا في أي رسالة بتستقر في ذهني بعديها..أنا بس بحط الأمور في حجمها..ده ممثل كوميدي طالع عشان يسليني ويضحكني وخلاص..وهو بيعمل الشغلانة دي كويس في رأيي..يبقى شكرا لى كده وميخصنيش إنه إنسان ومدعي وتافه وما إلى ذلك..

أما بخصوص تأثيره على عموم المشاهدين..فمش عارف بصراحة..ده يتوقف على مدى تقديرنا لسذاجة الشعب المصري أو وعيه..وده موضوع تاني ( اخى فيروس لا تعتقد ان عامه الشعب مثقفين مثلك و يستطيعون تمييز الغث من السمين و يمكنك ملاحظه ذلك لو ذهبت مثلا الى اى سينما درجه ثالثه و ترى من هو الجمهور و كيف يتفاعل بل اذهب الى الارياف مثلا و تابع كيف تاثرهم )

وإن كان على محاربة التافهين والمدعين وكدابين الزفة والمرتشين فلازم نبتدي الأول من الصحف القومي ثم التلفزيون المصري ثم برامج الفضائيات...لأنها للأسف منابر جادة تحاصرنا من كل مكان و بتطلع منها رسائل مدفوعة الثمن لها بعض التأثير على الجماهير المصرية

[سهران]

مش عارف بيجيبوا منين الجرأة على الأبتزال أحيانا دون أن يعوا خطورة مشهد أو تأثير فكرة مسجلة صوت و صورة ستعرض الى ما شاء الله عشرات السنين بعد وفاتهم ..... كيف لا يتأملون :

و ما من كاتب ألا سيبلى ..... و يبقي الدهر ما كتبت يداه

فلا تكتب بكفك غير شيء ... يسرك في القيامة أن تراه

لا أحتمل رؤية أفلامه قبل التسعينات بما فيها من تفاهة و أرتجال ....و لا أحتمل رؤية مسرحياته كاملة فهي لا تخلوا من الأبتزال و الألفاظ الخارجة و سوء المعالجة خاصة مسرحياته الأخيرة .. لكن منذ التسعينات أرى أن هناك بأفلامه أعمال جيدة بأفكار تستحق المشاهدة ( أذا أستثنينا طبعا بعض المشاهد الخارجة.... نتكلم عن فكر عام ) .

الأرهاب و الكباب ..... و فكرة الربط بين القهر الذي يعانيه المواطن في حياته العامة فيحوله الى أرهابي رغما عنه في لحظة يأس و كيف تخلق ممارسات الجهاز الأداري أرهابيين نتيجة تعنتها ...

اللعب مع الكبار ..... و فكرة الفساد المستشري في بعض قطاعات مجتمع الكبار و تأثيره على البسطاء .

المنسي ... فكرة المهمشين و المنسيين و الساقطون من حسابات الكبار رغم بساطة مطالبهم المشروعة .

النوم في العسل ....و الهموم التي يتحملها المواطن و الوجع الدائم و تأثيره على حياتهم الخالية من لحظات السعادة و صرخة لعل المسؤلين ينتبهوا لمعاناة مواطنيهم .

طيور الظلام .... و وقوع المجتمع بين طرفي نقيض فساد الحكومة من جهة و التطرف و محاولات الوصول للسلطة باسم الدين من جهة أخرى و ضحية الصراع مجتمع يعاني و يدفع ثمن الصراع بين طيور الظلام من الجانبين .

أعتقد أن بعض أفلامة ( بدءا من التسعينات ) بها أفكار تستحق التأمل و بها أحيانا و بشكل مباشر صرخات ضد الفساد و أن كانت المعالجات بها بالطبع أشياء غير مقبولة ذكرها الأخوة مثل تناول خمور أو مشاهد عري كان من الممكن الأستغناء عنها .... ليست كل أعماله في سلة واحدة .

تم تعديل 5 مارس 2009 بواسطة سهران

[أحمد سيف]

أنا أوضحت رأيي في أفلام عادل إمام في مداخلة سابقة، ولكني أرى إصرارا من بعض الإخوة على انتقاد مرحلة معينة فقط من أعمال عادل إمام وهي المتعلقة بالملتحين ... وكأن مشكلة عادل إمام تنحصر في أنه يستهزئ بأصحاب اللحى أما قبل الإرهاب والكباب فإنه كان يقدم فن راقي ومحترم.

يا سادة أفلام عادل إمام قبل أن تستهزئ باللحى فإنها تستهزئ بالعقول والأذواق السليمة وأنا أرى -مثلما قال الأخ سهران - أن فيلم مثل الإرهاب والكباب رغم ما فيه من إسفاف واستهبال فإن فكرته جيدة وقدم معالجة معينة لقضية الإرهاب مبنية على ربطها بيأس المواطن وغباء الحكومة. ومثله عمارة يعقوبيان الذي رصد التحولات في المجتمع المصري بحرفية عالية رغم تحفظي على مشاهد الجنس والشذوذ فيه.

أتمنى ألا نختزل الموضوع في حكاية اللحى فقط وأن تكون نظرتنا أوسع. لو قرر عادل إمام فجأة تقديم فيلم يمجّد فيه الجماعات الإسلامية مثلا واستخدم فيه نفس الحركات المستهلكة والإيماءات التافهة والاستهبال المجاني فإن ذلك لن يجعله ممثلا عظيما.

تم تعديل 6 مارس 2009 بواسطة أحمد سيف

[nizza la bella]

شوفو النفاق

http://www.youtube.com/watch?v=JnjXwOnD2xY