خطة الاستقرار في كندا

[samehelassad]

بسم الله الرحمن الرحيم. والسلام على سيد المرسلين سيدنا محمد علية افضل الصلاة والسلام.

الحقيقة ياجماعة انا فتحت الموضوع دة لسببين.

الاول: شكر وعرفان للمنتدى بتاعنا دة ولكل مصري بيحب يخدم ولاد بلدة او ابن وطنة العربي باي معلومة. فقط لوجة الله

اخص بالشكر الاعضاء الموجودين في كندا اللي بيعتبرو فعلا اهم مصدر موثوق عن الحياة والهجرة في كندا والنواة الاساسية في المنتدي. محدش يقدر ينكر اهمية المواضيع اللي اصحابها عاشو في كندا زي هادي وبايت. واللي لسة عايشين هناك زي ياسر وجادوللي ودكتور التهامي (انا عايش ومش عايش ومش قادر على بعدك... وش عمرو دياب) ومحمد عمر تورونتو ومهندس ايهاب ( :blush2: ) وحبيبنا كلنا دكتور هشام :lol: . والاخوة اللي خارج كندا واللي بيحاولو يخدموا الناس لله في لله ومجهودهم رائع بجد في ملىء الابليكيشن والرد على الاستفسارات. دكتور قناوي على القمة واصحاب كل المواضيع المهمة التانية بدون ذكر اسماء كلهم ليهم فضل علي وعلى راسي من فوق.

اخص بالشكر اصحابي في المنتدى اللي تطورت علاقتنا واصبح بينا صداقة محترمة . وبالتيليفون ولساعات.

التاني: رد للجميل ولو بشيء بسيط للمنتدى ولاخواتي واصحابي في المنتدي والزملاء اللي اعرفهم او ماعرفهمش. بتقديم موضوع جديد في المنتدي هنا عن فترة وخطة الاستعداد النهائي للهجرة. ونقل حي لكل المستجدات وحتى الوصول (فقط).

الخبر اللي دفعني لفتح الموضوع دة. هو نفس الخبر اللي بسببة قررت الدخول في حيز تنفيذ الخطة للحياة والعيش في كندا وانتهت فترة الاستعداد. الخبر دة هو اني الحمد لله رب السماوات والارض استلمت من يومين الفيزة للهجرة لكندا انا ومراتي واولادي. وكلة تمام والحمد لله. واليومين دول كنت بقدم استقالتي وانهاء حياتي في قطر.

وتمت الاستقالة الحمد لله وبقينا على الحميد المجيد (ادعولي بالتوفيق والنجاح والرق الحلال في كندا انشاء الله).

تم تعديل 27 فبراير 2009 بواسطة samehelassad

[kaplan]

مليون مبروووووووووك يادكتور سامح

ربنا ييسر طريقك هناك وييسر لك حياتك انت واسرتك

وان شاء الله تكون سفيرنا الجديد ف كندا

اوعى تنسانا بقى يادكترة

وشد حيلك ف المعادله

[tarekgomma]

الف مبروك يا دكتور

يبدو ان جضرتك لم تقم بعمل اللاندنج ونويت تستقر ع طول . الامر ده شاغلني جدا جدا محتار أقدم استقالتي واروح انا واولادي ونخوض التجربة دي فياليت تعرفني هل هناك ما هو دفعك لعمل هذه الخطوة الجريئة. حتى نقتدي بك ونعمل زيك . انا عمال ااجل السفر وعمال اقول خلي الاستقالة بعد ما شوف كندا والوضع ايه هناك. افيدنا الله يخليك ولو ع الخاص

الله يوفقك

تم تعديل 27 فبراير 2009 بواسطة tarekgomma

[حسام يوسف]

ألف ألف ألف مبروووووووووووووك يا دكتور سامح

حقيقي فرحت جدا بالخبر الرائع دة

عقبالنا جميعا نحصلك

وبالتوفيق لكل ما فية الصالح يارب

تحياتى من أسوان

[ايناس احمد]

الف الف مبروك يادكتور وبالتوفيق ان شاء اللة ومتنساش المنتدى بعد ماتروح كندا

مستنيين اخبارك من دلوقتى والف مبروك مرة اخرى

[samehelassad]

كابلن: كلك زوق وشهامة. والف شكر على مباركتك الجميلة. وربنا يوفقك ويكرمك وييسرلك امورك.

طارق جمعة: الله يبارك فيك وفي اولادك انتم السابقون ونحن اللاحقون.

حسام : حبيب قلبي الله يبارك في عمرك. ويارب تسمع خبر حلو من السفارة قريب. شد حيلك جامد اوي اوي في الفرنساوي. وياريت انت والمدام.

مدام ايناس: الف الف الف شكر. والله يبارك فيكي. ويارب نتقابل كلنا على الف صحة وخير وسلامة في كندا انشاء الله السنة الجاية كلنا مع بعض.

[samehelassad]

الف مبروك يا دكتور

يبدو ان جضرتك لم تقم بعمل اللاندنج ونويت تستقر ع طول . الامر ده شاغلني جدا جدا محتار أقدم استقالتي واروح انا واولادي ونخوض التجربة دي فياليت تعرفني هل هناك ما هو دفعك لعمل هذه الخطوة الجريئة. حتى نقتدي بك ونعمل زيك . انا عمال ااجل السفر وعمال اقول خلي الاستقالة بعد ما شوف كندا والوضع ايه هناك. افيدنا الله يخليك ولو ع الخاص

الله يوفقك

نعم سيدي الفاضل انا قررت الاستقرار على طول وبدون لاندنج ورجوع. وانشاء الله يكون قرار صائب. في ظل الازمة الاقتصادية!!!!!!.

انا الحقيقة مستقر جدا في عملي هنا. لكن المعروف في كندا ان كل يوم ليك هناك احسن من اليوم اللي قبلة. ومدام نويت تعيش وتستقر هناك فمالوش لازمة اضيع وقت من الوقت اللي ممكن اقعدة هناك اكبر واطور من نفسي.

اولادي في مدارس. والنزول في الوقت الحالي افضل ليهم. تعرف على البلد الجديد والاستقرار فين في الصيف وقبل بداية الموسم الدراسي الجديد. انا ناوي اكون هناك اخر ابريل انشاء الله. تقييم الاولاد في المدارس وكورسات الدمج في السنة الدراسة هتتعملهم قبل نهاية السنة في 15\6 وبالتالي الدخول في شهر 9 مستقريين ومع زمايلهم. وكمان يكون عندي وقت كافي في اختيار مدارسهم بناء على خبرة في البلد.

البحث عن عمل في الصيف افضل بكتير من الشتاء. فترة الحصول عن عمل في الغالب من تلاتة الى ستة اشهر (فلو كانت الفترة دية في الصيف وقبل دخول الاولاد المدارس فدة هيكون افضل). لوتاجيل سفرك لهدف واضح فدة شيء منطقي. ولكن لو للقلق من المستقبل المجهول فزيادة التائجيل تزيد القلق والتوتر والضعف في اتخاذ القرار. احسبها صح على قد ما تقدر. وصلي استخارة. وتوكل على الله. واعمل مايميل لة قلبك. عمل لاندنج والرجوع فكرة كويسة طبعا عشان بتقلل المخاطرة بس لو عمل اللاندنج لن يغير من قرارك بالاستقرار واخد الباسبور فيعتبر مصاريف سياحة مالهاش لازمة في بلد هتعيش فيها فترة (دة رأي شخصي).

[samehelassad]

دكتور نا العزيز والغالي جدا على قلبي دكتور الشامي اعذرني عن عدم ذكر اسمك مع اسماء الناس المحترمه اللي فوق .قلت افردلك انت لوحدك شكر خاص لانك صاحب اول موضوع قريته في هذا المنتدي ومشاركاتك المخلصه هيه اللي ربطتني بالمنتدى و خلتني اقول يارب في يوم اقدر اعمل كده و انقل خبراتي لعلها تكون حاجه في ميزان حسناتي يارب.

[tarekgomma]

[اولادي في مدارس. والنزول في الوقت الحالي افضل ليهم. تعرف على البلد الجديد والاستقرار فين في الصيف وقبل بداية الموسم الدراسي الجديد. انا ناوي اكون هناك اخر ابريل انشاء الله. تقييم الاولاد في المدارس وكورسات الدمج في السنة الدراسة هتتعملهم قبل نهاية السنة في 15\6 وبالتالي الدخول في شهر 9 مستقريين ومع زمايلهم. وكمان يكون عندي وقت كافي في اختيار مدارسهم بناء على خبرة في البلد.البحث عن عمل في الصيف افضل بكتير من الشتاء. فترة الحصول عن عمل في الغالب من تلاتة الى ستة اشهر (فلو كانت الفترة دية في الصيف وقبل دخول الاولاد المدارس فدة هيكون افضل). لوتاجيل سفرك لهدف واضح فدة شيء منطقي. ولكن لو للقلق من المستقبل المجهول فزيادة التائجيل تزيد القلق والتوتر والضعف في اتخاذ القرار. احسبها صح على قد ما تقدر. وصلي استخارة. وتوكل على الله. واعمل مايميل لة قلبك. عمل لاندنج والرجوع فكرة كويسة طبعا عشان بتقلل المخاطرة بس لو عمل اللاندنج لن يغير من قرارك بالاستقرار واخد الباسبور فيعتبر مصاريف سياحة مالهاش لازمة في بلد هتعيش فيها فترة (دة رأي شخصي).

أشكرك يا دكتور ع سرعة الرد وتشجيعك.

انا تاجيلي بسبب ان زي ما حضرتك ذكرت خوف من المستقبل علاوة على كدة ابني في الصف الاول الثانوي وبقول ياخد الثانوية من السعودية أحسن ونقلل المخاطرة لكن هناك رأي أخر وهو انه يأخذ الثانوية من هناك من كندا يعني وده طبعا أفضل. عموما انا ساتوكل ع الله والخير فيما يقدره الله. والله يبارك فيك يادكتور ويبارك في أولادك وتكون مثلا يحتذي به في كندا وتكون على ثغر من ثغور الاسلام هناك.

ياليت توضح ما تحته خط

تم تعديل 27 فبراير 2009 بواسطة tarekgomma

[precanadian]

الحمد لله رب السماوات والارض استلمت من يومين الفيزة للهجرة لكندا انا ومراتي واولادي. وكلة تمام والحمد لله. واليومين دول كنت بقدم استقالتي وانهاء حياتي في قطر.

الف مبروك يا بشمهندس سامح علي الفيزا . ربنا يجعلها فاتحه خير عليكم ان شاء الله.

لكن المعروف في كندا ان كل يوم ليك هناك احسن من اليوم اللي قبلة. ومدام نويت تعيش وتستقر هناك فمالوش لازمة اضيع وقت من الوقت اللي ممكن اقعدة هناك اكبر واطور من نفسي.

دايما بتقول حكم وخلاصه تجارب . راغبي الفيزا الكندي نوعان واحد عايز الباسبور واخر يبحث عن تطوير نفسه واولاده علميا بالاساس. فاذا كنت عايز منهم العلم والتعليم فزي مانت قلت النهارده احسن من بكره.

قل لن يصيبنا الا ماكتب الله لنا هو مولانا وعلى الله فاليتوكل المؤمنون- صدق الله العظيم

انا شايف انك مختار الايه دي في توقيعك فتوكل علي الله .

احسبها صح على قد ما تقدر. وصلي استخارة. وتوكل على الله. واعمل مايميل لة قلبك

ابدا كندا من المسجد واستعين بالله والصحبه الصالحه والاستشاره من اهل الثقه . هتقابل الكويس والوحش -- من اهلنا ومن اهل كندا --فخلي بالك وافرز الناس علشان تعرف مين تستشيره ومين لا.

ربنا يوفقك ويوسع لك في رزقك.

[tarekgomma]

الله يبارك فيكم جميعا يا اخواني

تم تعديل 27 فبراير 2009 بواسطة tarekgomma

[safar]

الف مبروك يا أخ سامح على الفيزا لك وللعائلة ، راجين من الله أن يوفقكم إلى الخير دائماً .

ولدي بعض الأسئلة أرجو أن تستطيع الإجابة عليها ، علماً بأني في قطر مثلك تماماً. وهي:

1- ما هي الأوراق التي ترجمتها وما هو مكان الترجمة المعتمد في قطر؟

2- رسالة الخبرة من العمل من أين تم اعتمادها لتصبح رسمية؟

3- هل مازلت مصر على ان تذهب إلى تورنتو بدلاً من البرتا؟علماً أن البرتا بها البطاقة الصحية تصدر بشكل أسرع من تورنتو وكذلك

الضرائب أقل، وأيضاً Child benefit أكثر.

لا أريد أن أطيل عليك لكن تجربتك جداً تهمني لأنني من نفس بلد الإقامة .

مع تحياتي للجميع

[jessika]

مبروك دكتور سامح على الفيزا ربنا يوفقك

[دعاء]

الف مبروك يا دكتور سامح على الفيزا

وان شاء الله تنجح خطة الاستقرار فى كندا

وبالتوفيق باذن الله

[اسكندرية تانى]

اخى الكريم الاستاذ سامح

الف مبروك على اتخاذك القرار بشجاعة

و ربنا ييسر لك ان شاء الله  و احسن الظن بالله :happy: :happy:

[arora]

مليوووووووووووون مبروووووووووووووووووووك يا سامح

:lol: :happy: :happy:

اخيرا تم المراد من رب العباد

الله الذى بدا معك يتمم بكل خير

وتوصلوا كندا بالسلامة

وتحكيلنا عن فتوحات تانى عضو من اعضاء رابطة الصيادلة المصريين فى كندا بعد اينشتين

وبرضه لاتنسى منتدانا الجميل

الف مبروك

[Bassam El Sayed]

الاخ سامح العزيز على قلبى

الف الف مبروك وصول الجوازات بالفيزا . ان شاء الله ربنا يوفقك ولا تقلق ربنا يكرمك ان شاء الله ويرزقك

بس اكيد ما تنساش تبقى تطمنا عليك وتحكيلنا على كل الى قابلك

[precanadian]

سامحنا يا باشا من كتر حبك للمهندس ياسر اعتقدت انك مهندس زيه لكن الظاهر جات اوت . وانا اقول يارب ازاي مهندس يجي للكمبيوتر بتاعه فيرس ويطوا معاه كده . :happy: :happy: :lol:

[samehelassad]

اصدقائي وحبايبي الكرام الافاضل. بجد متتخيلوش فرحتي بمداخلتكم وتشجيعكم ليا قد اية. حقيقي بحبكم و الف شكر.

PRECANADIAN الف الف شكر وربنا يوفقك ويكرمك تعليقك حكيم ودعوتك ليا تزيدني تشجيعا وثقة. وانا اسمي سامح واحب الاصدقاء ينادوني سامح ولا احب الالقاب لا دكتور ولا مهندس. كلنا اخوات.

SAFAR تسلملي والف شكر. الحقيقة انا قدمت للهجرة لما كنت شغال في السعودية. واستلمت الفيزا هنا في قطر. وبالتالي كل الاجرائات الاولى عملتها وانا في السعودية. بالنسبة لشهادة الخبرة فدية مش محتاجة توثيق. هي شهادة مكتوبة على ورق الشركة الرسمي ومختومة وموقعة من المدير او ال HR. وانا تحت امرك في اي طلب أأمرني.

JESIKA العزيزة الف الف شكر وعقبالك يارب نسمع عنك كل خير يارب.

دعاء: مداخلتك اسعدتني. وانا اختي الاصغر مني اسمها دعاء. فاسمك لية معزة خااصة عليا. ربنا يوفقك ويكرمك ونتقابل قريب في كندا.

اسكندرية تاني: حبيبي تسلم ايدك والف الف شكر وعقبالك وانشاء الله عن قريب نسمع خبر خير ليك يارب.

ARORA زميلة الكفاح المقدس و اول المبشرين ليا ميرسي بجد ليكي. وماقدرش انساكو ولا اقدر انسى مباركتكم وتشجيعكم ليا بس متنسونيش من الدعاء. وعاوز اقولك انك انشاء الله قريب قوي قوي هتبشرينا بجواب جامد جدا هيجيلك من السفارة وبركة افكرك.

BASSAM ELSAYED ياعريس ازيك. حبيبي الف شكر. ونباركلك قريب على الفيزا وعلى النونو بس شد حيلك انت.

[samehelassad]

[اولادي في مدارس. والنزول في الوقت الحالي افضل ليهم. تعرف على البلد الجديد والاستقرار فين في الصيف وقبل بداية الموسم الدراسي الجديد. انا ناوي اكون هناك اخر ابريل انشاء الله. تقييم الاولاد في المدارس وكورسات الدمج في السنة الدراسة هتتعملهم قبل نهاية السنة في 15\6 وبالتالي الدخول في شهر 9 مستقريين ومع زمايلهم. وكمان يكون عندي وقت كافي في اختيار مدارسهم بناء على خبرة في البلد.البحث عن عمل في الصيف افضل بكتير من الشتاء. فترة الحصول عن عمل في الغالب من تلاتة الى ستة اشهر (فلو كانت الفترة دية في الصيف وقبل دخول الاولاد المدارس فدة هيكون افضل). لوتاجيل سفرك لهدف واضح فدة شيء منطقي. ولكن لو للقلق من المستقبل المجهول فزيادة التائجيل تزيد القلق والتوتر والضعف في اتخاذ القرار. احسبها صح على قد ما تقدر. وصلي استخارة. وتوكل على الله. واعمل مايميل لة قلبك. عمل لاندنج والرجوع فكرة كويسة طبعا عشان بتقلل المخاطرة بس لو عمل اللاندنج لن يغير من قرارك بالاستقرار واخد الباسبور فيعتبر مصاريف سياحة مالهاش لازمة في بلد هتعيش فيها فترة (دة رأي شخصي).

ياليت توضح ما تحته خط

كل طالب يذهب الي كندا بيتعمل لة امحتانات تقييم لغة. وبيتعملة زي فترة اعداد قبل دمجة في فصلة او مع الطلبة في مستواة الدراسي. الفترة دي في الغالب شهرين. فاذا الاولاد راحو المدارس في اول شهر خمسة فدة معناة ان هيخلوصو فترة الدمج قبل بداية السنة الجديدة وبالتالي هيدخلو السنة الجديدة مع زمايلهم مباشرة في نفس المرحلة الدراسية. وكلما قل الاولاد في العمر كلما كان التاقلم اسهل واسرع.

بالنسبة لاختيار المدرسة: دة موضوع مهم جدا لاتنسى قول رسول الله (المرء على دين خليلة, فالينظر احدكم من يخالل) وبالتالي اخيار المدرسة الي مستواها التعليمي والاخلاقي المحترم افضل. والبحث عنها يتطلب مجهود ووقت اكبر. واذا وجدت القدرة المادية فدخول الاولاد مدارس اسلامية متميزة بالمستوى العلمي المتقدم اكيد هيكون افضل وافضل (مدرسة الislamic foundation في تورونتو من افضل 20 مدرسة في كندا). وماتنساش ان دخول الاولاد المدارس اللي زي دية بيخلي الحكومة تردلك 60% من مصاريفها عند المحاسبة على الضرايب اخر السنة.