شقف صدور دجاج بدبس الرمان مع مكرونة بصوص ابيض وسبانخ

[بندق أفندى]

اليوم القصة بسيطة خالص ..

نجيب الصدور ونرقها ولا نخفها (نقطعها شرايح يعنى) نتبلها فى خل عنب لمدة ربع ساعة (دقتيها مطرقة البوفتيك شان تستوى بسرعة .. مع ملح مع فلفل أسود .. مع دبس رمان .. مع زيت زيتون .. الكل فى القلاية مع بعضه لمدة حوالى 10 دقائق لكل ناحية أو لحد ما يتشرب الصوص ..

السبانخ .. مغسولة متقطعة .. فى نفس القلاية لمدة 5 دقائق فقط .. تصفى من ماءها وتوضع فى الطبق وعليها الدجاج ..

المكرونة (اخترت مكرونة دقيق القمح الكامل - بر يعنى) .. تسلق لمدة 7 قائق مع ملح حسب الذوق ..

ثم يعد لها الصوص الأبيض .. عبارة عن ملعقة دقيقة مع ملعة زبدة تحمر ويضاف كوب حليب .. تدريجيا مع التقليب .. يضاف لها جبة بارميزان أو جبنة رومى أو أى جبنة تحبها .. وتتبل بالملح والفلف الأسود ثم يضاف عليها ملعقتين كريمة لبانى .. وتصب على المكرونة .. وهنا وعافية

[se_ Elsyed]

من غير زعل .... أنا عارف إن إنت راجل ذويق ...

الأكله دي الوحيدة اللي طلعت منك أوت يا أبو البنادق - ده رأيي شخصي ..

مش عارف حاسس إن طعم السبانخ مع المكرونة مش هايبقى عاطفي ...

كنت معزوم الإسبوع اللي فات عند ناس ومن ضمن الأطباق اللي كانت موجودة .. سبانخ بالباشميل .... بصراحة ما كانتش عاطفية بالمرة .. لكن أنا هانتزع من وصفتك موضوع الفراخ وهاعملها لوحدها ..

[بندق أفندى]

من غير زعل .... أنا عارف إن إنت راجل ذويق ...

الأكله دي الوحيدة اللي طلعت منك أوت يا أبو البنادق - ده رأيي شخصي ..

مش عارف حاسس إن طعم السبانخ مع المكرونة مش هايبقى عاطفي ...

كنت معزوم الإسبوع اللي فات عند ناس ومن ضمن الأطباق اللي كانت موجودة .. سبانخ بالباشميل .... بصراحة ما كانتش عاطفية بالمرة .. لكن أنا هانتزع من وصفتك موضوع الفراخ وهاعملها لوحدها ..

لا يا سى السيد ..

كانت تحفة .. ما تنسى انها خضرا ووقت تسويتها 5 دقائق وفى متبقى تسوية الدجاج .. يعنى واخدة نكهة الدجاج ..

على فكرة انت أكلتها مش حلوة بالتأكيد .. كنت لا آكل السبانخ نهائيا حتى لو هأجوع شهر .. بس لما اتعملت تحت البشاميل قلت أخرب وطلعت تحفة ..

البشاميل نفسه يختلف من شخص لآخر ..

[se_ Elsyed]

عزيزي بندوق ... الإختلاف في الرأي .. لا يُفسد للأكل قضية :lol:

أخوك كيييييف سبانخ وهي والملوخية مستعد أخدهم حقن في العضل ...

وطول عُمري كنت أكل السبانخ مطبوخة عادي ..

لحد مره كده كنت خاطب - قبل الحكومة اللي معايا دلوكيتي - وطبعاً أهل خطبتي كانوا بيعزموني على الغدا وكدهوت - فلقيتهم في مره طابخين السبانخ بالفريك ... بس كانت حكاية ... آمممممممممممممم .... تالله إنني لأشُم رائحة السبانخ في خياشمي الأن

[dongol]

الا هو ايه دبس الرمان ده يا شيف بندق

بصراحه مش عارف اشتريه منين هنا في الامارات

[Folana]

من غير زعل .... أنا عارف إن إنت راجل ذويق ...

الأكله دي الوحيدة اللي طلعت منك أوت يا أبو البنادق - ده رأيي شخصي ..

مش عارف حاسس إن طعم السبانخ مع المكرونة مش هايبقى عاطفي ...

كنت معزوم الإسبوع اللي فات عند ناس ومن ضمن الأطباق اللي كانت موجودة .. سبانخ بالباشميل .... بصراحة ما كانتش عاطفية بالمرة .. لكن أنا هانتزع من وصفتك موضوع الفراخ وهاعملها لوحدها ..

السلام عليكم ورحمة الله......

اسمع منى يا أبو الاسيان أنا طنطك الكبيرة ومطبخجية قديمة على يدك...:)

الاكلة دى هايلة...تسألنى جربتها؟..اقولك لأ...بس أكلتها فى مطعم ايطالى...لكن كانت بخل البلساميك....وطعم السبانخ فيها رائع

والحق يقال أن وصفات أستاذ بندق كلها صحية...وممكن أعضاء نادى الرشاقة التابع للاخت الفاضلة أم بلال "لو عايز وزنك ينزل.... يجربوا الوصفات دى...وعمولتى محفوظة...

وياريت تفتكر لنا السبانخ بالفريك دى كانت ازاى لانى اول مرة اسمع عنها....بس حاول تفتكر من الذاكرة بس...هه wst::

توكل على الله وجربها..... :lol:

تحياتى

[مغتربة]

بصراحه مش عارف اشتريه منين هنا في الامارات

دبس الرمان دا بستخدمه الاخوه فى فلسطين و الشام كتير جدا و بيدخل فى كتير من اكلاتهم هوه بيدى مزازة فى الاكل

يا سلام كمان على ورق العنب بدبس الرمان

انت ممكن تلاقيه فى كارفور و فى المحلات الى بتبيع حاجات الاكل الشاميه و اللبنانيه

كمان بيبعوه فى القريه العالميه لما بتفتح فى اجنحه فلسطين او سوريا

و لو انت فى دبى و عارف مخبز الريف اللبنانى روح لهم هتلاقيه عندهم

و على فكره فى كمان دبس التمر مع الطحينه بيبقى تحفه

تم تعديل 25 فبراير 2009 بواسطة مغتربة

[مغتربة]

اليوم القصة بسيطة خالص ..

نجيب الصدور ونرقها ولا نخفها (نقطعها شرايح يعنى) نتبلها فى خل عنب لمدة ربع ساعة (دقتيها مطرقة البوفتيك شان تستوى بسرعة .. مع ملح مع فلفل أسود .. مع دبس رمان .. مع زيت زيتون .. الكل فى القلاية مع بعضه لمدة حوالى 10 دقائق لكل ناحية أو لحد ما يتشرب الصوص ..

السبانخ .. مغسولة متقطعة .. فى نفس القلاية لمدة 5 دقائق فقط .. تصفى من ماءها وتوضع فى الطبق وعليها الدجاج ..

المكرونة (اخترت مكرونة دقيق القمح الكامل - بر يعنى) .. تسلق لمدة 7 قائق مع ملح حسب الذوق ..

ثم يعد لها الصوص الأبيض .. عبارة عن ملعقة دقيقة مع ملعة زبدة تحمر ويضاف كوب حليب .. تدريجيا مع التقليب .. يضاف لها جبة بارميزان أو جبنة رومى أو أى جبنة تحبها .. وتتبل بالملح والفلف الأسود ثم يضاف عليها ملعقتين كريمة لبانى .. وتصب على المكرونة .. وهنا وعافية

ايه يا استاذ بندق الحاجات التحفه دى

الواحد كده مش ملاحق على الاكلات الجميله الى انت بتنزلهلنا

و كل اكله احلىمن التانيه

انا بحفظ كل الاكلات الى بتنزلها علشان عايزة اجربها قريب و بعدين هقولك على النتيجه و ان كانت مضمومنه من دلوقتى

[se_ Elsyed]

العسل الأسود بيتعمل من قصب السكر ..

ودبس الرمان زي العسل الإسود بس بيتعمل من الرمان ...

والجنس الناعم ناعم ... والجنس الخشن خشن

--

طنط فلانه ... هأفتكر لك أكلة السبانخ اللي بالفريك بس إساتني هاهرش في دماغي عشان أعمل ريفريش ميموري .. أصل الموضوع ده كان سنة 98 ..

بُصي يا ستي .. البنت دي إتعرفت عليها عن طريق أختي وهي كانت صاحبتها ... وانا باحب ادخل البيوت من بابها فروحت إتقدمت لها لما شوفتها وعجبتني ..

هاتقولي لي إدخل في الموضوع وإحكي لنا عن الفريك ..

حاضر

المهم قرينا فاتحة وبقيت أزورهم وأنا شايل ومحمل إشي جاتوه على حلويات على دباديب على أرانيب ..

فبعد ده كله مش خسارة فيه اكلة سبانخ أو حتى قرع ..

جايلك برضوا في الكلام بخصوص الفريك وما تناميش مني الله يكرمك

ففي مره كنت بأضرب الغدا عندهم فروحت لامح بطرف عيني طبق فيه سبانخ ... وأنا من زمان عامل زي باباي ذا سيلور مان كده اللي بيحب السبانخ ...

جايلك برضوا في الكلام ... قوليلي تعالى بس حاسب وإنت جاي حاسب من السلمه المكسورة ..

المهم ضربت إيدي في الطبق - كنت ماسك معلقة طبعاً .. أنا مابحبش ألغوص في الطبيخ - لقيت حاجه طلعت معايا شبه الرُز .. فقلت في عقل بالي " إيه الناس دي اللي بيبطخوا بطريقة إتنين في واحد .. يعني بدل ما يعملوا سبانخ ورز .. لأ بيقوموا خالطين السبانخ مع الرز " فلما سألت قالوا لي ولاد الحلال إن ده فريك مش رز ...

بس نصيحة من أخوكي الصغير س س وأنا سبنخاوي قديم ... الفريك مزعج في طبيخه وبتنقعيه وتسليقية وحركات كده ... فبدل ده كله في شيء بسيط بيدي نفس النتيجة .. ففي أثناء السبانخ ما بتستوي ممكن تحطي عليها ثلاث أو أربعة معالق رز مستويي برضوا ... بس رز عادي من غير شعرية ... او تجيب الفريك وتنقعيه وبعدين تسلقية وتضعي نفس المقادير .. وخلي بالك ياختشي ما تكتريش عشان الفريك والرز بينفشوا ولو كترت هايخلوا منظر السبانخ مش عاطفي ..

[بندق أفندى]

الا هو ايه دبس الرمان ده يا شيف بندق

بصراحه مش عارف اشتريه منين هنا في الامارات

يا عم دنقل أى سوبر ماركت هتلاقيها جنب الشربات يتاع الكيك الجهز وجنب لوازم الحلويات ..

دنس = عسل .. دبس قصب السكر هو العسل الأسود فيه دبوس كتير .. :lol:

[بندق أفندى]

عزيزي بندوق ... الإختلاف في الرأي .. لا يُفسد للأكل قضية :lol:

أخوك كيييييف سبانخ وهي والملوخية مستعد أخدهم حقن في العضل ...

وطول عُمري كنت أكل السبانخ مطبوخة عادي ..

لحد مره كده كنت خاطب - قبل الحكومة اللي معايا دلوكيتي - وطبعاً أهل خطبتي كانوا بيعزموني على الغدا وكدهوت - فلقيتهم في مره طابخين السبانخ بالفريك ... بس كانت حكاية ... آمممممممممممممم .... تالله إنني لأشُم رائحة السبانخ في خياشمي الأن

الأكل قمة الخصوصية .. وكل ما يعجبك (مثل يخلد هذا المعنى) ..

المهم خانك السبانخ بالفريك .. وكونها لسة فى نخاشيشك يعنى هناك أثار بيئية قوية

[بندق أفندى]

من غير زعل .... أنا عارف إن إنت راجل ذويق ...

الأكله دي الوحيدة اللي طلعت منك أوت يا أبو البنادق - ده رأيي شخصي ..

مش عارف حاسس إن طعم السبانخ مع المكرونة مش هايبقى عاطفي ...

كنت معزوم الإسبوع اللي فات عند ناس ومن ضمن الأطباق اللي كانت موجودة .. سبانخ بالباشميل .... بصراحة ما كانتش عاطفية بالمرة .. لكن أنا هانتزع من وصفتك موضوع الفراخ وهاعملها لوحدها ..

السلام عليكم ورحمة الله......

اسمع منى يا أبو الاسيان أنا طنطك الكبيرة ومطبخجية قديمة على يدك...:)

الاكلة دى هايلة...تسألنى جربتها؟..اقولك لأ...بس أكلتها فى مطعم ايطالى...لكن كانت بخل البلساميك....وطعم السبانخ فيها رائع

والحق يقال أن وصفات أستاذ بندق كلها صحية...وممكن أعضاء نادى الرشاقة التابع للاخت الفاضلة أم بلال "لو عايز وزنك ينزل.... يجربوا الوصفات دى...وعمولتى محفوظة...

وياريت تفتكر لنا السبانخ بالفريك دى كانت ازاى لانى اول مرة اسمع عنها....بس حاول تفتكر من الذاكرة بس...هه wst::

توكل على الله وجربها..... :lol:

تحياتى

أنا أشهد يا فلانة هانم .. وأبصم بالعشرة .. لأنه تعبيراتك عن كل طبخة بتنم عن خلفية مطبخية جبارة ..

بمناسبة الأكل الصحى .. بأفتح حلة صاج فى التلاجة شكلها بقالها 3 شهور (من أيام ما زوجتى كانت موجودة) .. لقيت فيها شوربة .. وما جراش لها حاجة .. تعرفى ليه؟

عشان كان عليها طبقة دهن ييحى واحد سم هى اللى حفظتها ..

قلت أنا بينضحك على أوى كده .. بس هيكون السبب طبعا انها شوربة بط أو رومى مش فاكر ..

بس الستات بتحب الأكل يكون واخد حقه أوى

[بندق أفندى]

العسل الأسود بيتعمل من قصب السكر ..

ودبس الرمان زي العسل الإسود بس بيتعمل من الرمان ...

والجنس الناعم ناعم ... والجنس الخشن خشن

--

طنط فلانه ... هأفتكر لك أكلة السبانخ اللي بالفريك بس إساتني هاهرش في دماغي عشان أعمل ريفريش ميموري .. أصل الموضوع ده كان سنة 98 ..

بُصي يا ستي .. البنت دي إتعرفت عليها عن طريق أختي وهي كانت صاحبتها ... وانا باحب ادخل البيوت من بابها فروحت إتقدمت لها لما شوفتها وعجبتني ..

هاتقولي لي إدخل في الموضوع وإحكي لنا عن الفريك ..

حاضر

المهم قرينا فاتحة وبقيت أزورهم وأنا شايل ومحمل إشي جاتوه على حلويات على دباديب على أرانيب ..

فبعد ده كله مش خسارة فيه اكلة سبانخ أو حتى قرع ..

جايلك برضوا في الكلام بخصوص الفريك وما تناميش مني الله يكرمك

ففي مره كنت بأضرب الغدا عندهم فروحت لامح بطرف عيني طبق فيه سبانخ ... وأنا من زمان عامل زي باباي ذا سيلور مان كده اللي بيحب السبانخ ...

جايلك برضوا في الكلام ... قوليلي تعالى بس حاسب وإنت جاي حاسب من السلمه المكسورة ..

المهم ضربت إيدي في الطبق - كنت ماسك معلقة طبعاً .. أنا مابحبش ألغوص في الطبيخ - لقيت حاجه طلعت معايا شبه الرُز .. فقلت في عقل بالي " إيه الناس دي اللي بيبطخوا بطريقة إتنين في واحد .. يعني بدل ما يعملوا سبانخ ورز .. لأ بيقوموا خالطين السبانخ مع الرز " فلما سألت قالوا لي ولاد الحلال إن ده فريك مش رز ...

بس نصيحة من أخوكي الصغير س س وأنا سبنخاوي قديم ... الفريك مزعج في طبيخه وبتنقعيه وتسليقية وحركات كده ... فبدل ده كله في شيء بسيط بيدي نفس النتيجة .. ففي أثناء السبانخ ما بتستوي ممكن تحطي عليها ثلاث أو أربعة معالق رز مستويي برضوا ... بس رز عادي من غير شعرية ... او تجيب الفريك وتنقعيه وبعدين تسلقية وتضعي نفس المقادير .. وخلي بالك ياختشي ما تكتريش عشان الفريك والرز بينفشوا ولو كترت هايخلوا منظر السبانخ مش عاطفي ..

هيكون زى ما قلت زى الرز أو زى الحمص (حمص الشام )اللى بيتحط مع السبانخ أو الرجلة

[se_ Elsyed]

هيكون زى ما قلت زى الرز أو زى الحمص (حمص الشام )اللى بيتحط مع السبانخ أو الرجلة

يا عم بندق إنت مستقصدني ... رِجلة إيه بس يا شيف في الحر ده ..

طب أتحدى إن كان 99 % من أعضاء المنتدى عارفين يعني إيه رِجله ( بكسر الراء وسكون الجيم والرزق على الله )

الرِجلة يا رجاله عبارة عن نبات بيطلع رباني وسط الزرع بدون بذور ولا قصد من صديقنا الفلاح ... بيبقى نقول عامل زي البرسيم ... أو بمعنى أدق هو له ساق وأوراق صغننه طريه .... وأنا عارفه من زمممممممممممممممممان لما كنت بأسافر الريف ... وشوفتهم بيأكلوه لا مؤخذه للــ مواشي والفراخ والبط البكيني ....

وتمر الأيام ... ثم ماتت رابعة .... وكبِرت أنا وأحلويت وسافرت الخليج .. وإذا بي أُفاجا في بعض السوبر ماركتات .. بإنهم بيبيعوا الرِجله في قسم الخضروات ... فقلت إيه الدلع اللي بيدلعوه للمواشي والخرفان ده ؟

لكن عرفت إن في بعض الناس بيطبخوه طبيخ زيه زي السبانخ أو الملوخية ...

ومن 5 سنين كده وحيث إن زوجتي ضاربه صوحبيه مع نساء العمارة اللي ساكنين فيها وعاملين جمعية مسميننها " جمعية المرأة المتوحشة " وبيتبادلوا اللكمات .. قصدي الهدايا .. يعني دي طابخه محشي تقوم موديه لدي .. دي طابخه مسقعه باللحمة المفرومة تروح مباصيه لديكيهيت ... المهم لقيتها بتحط لي على الغدا طبق طبيخ شكل السبانخ بالظبط ومعمول بالفريك كمان وباعتاه جارتنا السودانية .. وانا بأشوف السبانخ من هنا أسراريري بتنفرج .. المهم ضربت الطبق كله عن بكرة ابيه .. لقيتها بتقولي .. إنت عارف اللي إنت أكلت ده إيه ؟ فقلت لها : آه .. سبانخ بالدندورمه طبعاً .. فقالت لي هاقولك بس ما تضربنيش .. لحد هنا وبطني كركبت وقلت يبقى أنا كلت مصيبة .. فقالت لي : دي رجلة مطبوخه زي السبانخ كده ... ولكن أن تتخيلوا ما حدث بعد ذلك ...

خلاص يعني خلصنا أنواع الطبيخ والخضروات وأصبحنا نجور على أكل المخلوقات التانية ...؟!!!!!

[بندق أفندى]

هيكون زى ما قلت زى الرز أو زى الحمص (حمص الشام )اللى بيتحط مع السبانخ أو الرجلة

يا عم بندق إنت مستقصدني ... رِجلة إيه بس يا شيف في الحر ده ..

طب أتحدى إن كان 99 % من أعضاء المنتدى عارفين يعني إيه رِجله ( بكسر الراء وسكون الجيم والرزق على الله )

الرِجلة يا رجاله عبارة عن نبات بيطلع رباني وست الزرع بدون بذور ولا قصد من صديقنا الفلاح ... بيبقى نقول عامل زي البرسيم ... أو بمعنى أدق هو له ساق وأوراق صغننه طريه .... وأنا عارفه من زمممممممممممممممممان لما كنت بأسافر الريف ... وشوفتهم بيأكلوه لا مؤخذه للــ مواشي والفراخ والبط البكيني ....

وتمر الأيام ... ثم ماتت رابعة .... وكبِرت أنا وأحلويت وسافرت الخليج .. وإذا بي أُفاجا في بعض السوبر ماركتات .. بإنهم بيبيعوا الرِجله في قسم الخضروات ... فقلت إيه الدلع اللي بيدلعوه للمواشي والخرفان ده ؟

لكن عرفت إن في بعض الناس بيطبخوه طبيخ زيه زي السبانخ أو الملوخية ...

ومن 5 سنين كده وحيث إن زوجتي ضاربه صوحبيه مع نساء العمارة اللي ساكنين فيها وعاملين جمعية مسميننها " جمعية المرأة المتوحشة " وبيتبادلوا اللكمات .. قصدي الهدايا .. يعني دي طابخه محشي تقوم موديه لدي .. دي طابخه مسقعه باللحمة المفرومة تروح مباصيه لديكيهيت ... المهم لقيتها بتحط لي على الغدا طبق طبيخ شكل السبانخ بالظبط ومعمول بالفريك كمان وباعتاه جارتنا السودانية .. وانا بأشوف السبانخ من هنا أسراريري بتنفرج .. المهم ضربت الطبق كله عن بكرة ابيه .. لقيتها بتقولي .. إنت عارف اللي إنت أكلت ده إيه ؟ فقلت لها : آه .. سبانخ الدندورمه طبعاً .. فقالت لي هاقولك بس ما تضربنيش .. لحد هنا وبطني كركبت وقلت يبقى أنا كلت مصيبة .. فقالت لي : دي رجلة مطبوخه زي السبانخ كده ... ولكن أن تتخيلوا ما حدث بعد ذلك ...

خلاص يعني خلصنا أنواع الطبيخ والخضروات وأصبحنا نجور على أكل المخلوقات التانية ...؟!!!!!

فطستنى من الضحك الله يخرب بيت شيطانك .. الرجلة شنها شأن السبانج شأن الخبيزة .. وبعيدن انت ما شفتش الموضوع ده؟

مع سلطة مختلفة

الرجلة كانت بتطلع فى الذرة أكر حاجة .. بس هى لها بذور وبتتزرع وصحية جدا .. ولها مزازة رهيبة لما تنطبخ خصوصا مع حمص الشام

[fatfouta]

هيكون زى ما قلت زى الرز أو زى الحمص (حمص الشام )اللى بيتحط مع السبانخ أو الرجلة

يا عم بندق إنت مستقصدني ... رِجلة إيه بس يا شيف في الحر ده ..

طب أتحدى إن كان 99 % من أعضاء المنتدى عارفين يعني إيه رِجله ( بكسر الراء وسكون الجيم والرزق على الله )

الرِجلة يا رجاله عبارة عن نبات بيطلع رباني وسط الزرع بدون بذور ولا قصد من صديقنا الفلاح ... بيبقى نقول عامل زي البرسيم ... أو بمعنى أدق هو له ساق وأوراق صغننه طريه .... وأنا عارفه من زمممممممممممممممممان لما كنت بأسافر الريف ... وشوفتهم بيأكلوه لا مؤخذه للــ مواشي والفراخ والبط البكيني ....

وتمر الأيام ... ثم ماتت رابعة .... وكبِرت أنا وأحلويت وسافرت الخليج .. وإذا بي أُفاجا في بعض السوبر ماركتات .. بإنهم بيبيعوا الرِجله في قسم الخضروات ... فقلت إيه الدلع اللي بيدلعوه للمواشي والخرفان ده ؟

لكن عرفت إن في بعض الناس بيطبخوه طبيخ زيه زي السبانخ أو الملوخية ...

ومن 5 سنين كده وحيث إن زوجتي ضاربه صوحبيه مع نساء العمارة اللي ساكنين فيها وعاملين جمعية مسميننها " جمعية المرأة المتوحشة " وبيتبادلوا اللكمات .. قصدي الهدايا .. يعني دي طابخه محشي تقوم موديه لدي .. دي طابخه مسقعه باللحمة المفرومة تروح مباصيه لديكيهيت ... المهم لقيتها بتحط لي على الغدا طبق طبيخ شكل السبانخ بالظبط ومعمول بالفريك كمان وباعتاه جارتنا السودانية .. وانا بأشوف السبانخ من هنا أسراريري بتنفرج .. المهم ضربت الطبق كله عن بكرة ابيه .. لقيتها بتقولي .. إنت عارف اللي إنت أكلت ده إيه ؟ فقلت لها : آه .. سبانخ بالدندورمه طبعاً .. فقالت لي هاقولك بس ما تضربنيش .. لحد هنا وبطني كركبت وقلت يبقى أنا كلت مصيبة .. فقالت لي : دي رجلة مطبوخه زي السبانخ كده ... ولكن أن تتخيلوا ما حدث بعد ذلك ...

خلاص يعني خلصنا أنواع الطبيخ والخضروات وأصبحنا نجور على أكل المخلوقات التانية ...؟!!!!!

ايه ده معقول فيه ناس مصريين مأصلين مايعرفوش الرجله؟؟؟!!!!

ليه عمركوا ماقطفتوا ملوخية ولقيت فيها الرجلة دى

لا مش للدرجة دى

طبعا يا س س كلنا عارفينها

[Folana]

السلام عليكم ورحمة الله....

يعنى بيضيفوا "الفريك" بدل " الارز"...بسيطة دى.....طيب ما ممكن نعمل السبانخ عادى بالارز..وجنبها طاجن فريك وخلاص....

المهم قرينا فاتحة وبقيت أزورهم وأنا شايل ومحمل إشي جاتوه على حلويات على دباديب على أرانيب

مش عايزة أسمع سيرة أى دباديب خااالص...البيت عندى اتملى دباديب وأرانيب وأصنام....

واللى زاد وغطى...فى عيد الحب اللى فات...خطيب البونية بنتى صمم ونفذ مركب كبيرة ارتفاعها ازيد من متر ..وملاها دباديب وبلالين ...ولقيت أربعة داخلين شايلين المركب دى...ايه ده؟؟..ماسمعش عن حاجة اسمها لحمة ولا فراخ؟؟؟؟ عرسان أخر زمن...

الرجلة دى معروفة دستوريا طبعا....كنا بنلاقيها فى الملوخية ...بس ماعرفناش انها ممكن تتاكل الا مؤخرا ....وبأعملها سلاطة مع نبات يشبه الحلبة الخضرا..ما اعرفش اسمه الحقيقة...

وبمناسبة السبانخ........من شهر تقريبا لقيت "زُنفل" جاى ولابس أخضر فى أخضر...(وزنفل ده شخص فى حياتنا بأعتمد عليه فى توريد الاشياء الى المنزل...وسميته زنفل لانه بيفكرنى بشخصية زنفل اللى كان فى فيلم أه من حواء...ويدخل على لبنى عبد العزيز محمل بكل الخضروات ويقولها البيه بيقولك اطبخى يا جا...ياهانم ...bv:- ماعلينا )

أما ليه كان لابس أخضر فى أخضر...فهذا يرجع لكونه محمل بكافة انواع الخضروات المورقة..ايشى سبانخ..وايشى ملوخية خضرا (اللى ماباعرفش اخرطها ليومنا هذا )...وشبت و..و... الغيط كله يعنى .المهم ...

وتوصلت الى اتفاق يرضى جميع الاطراف بعد مكالمة تليفونية ونقاش وهات وخد مع زوجى انى حأطبخ سبانخ....وبصراحة كانت أجمل سبانخ طبختها فى حياتى المهنية ...:P

وفضلت أسأل زوجى السؤال الازلى والمكرر لدررجة الملل...هه...الاكل حلو؟...بجد؟...طيب حلو بس ولا قوى؟؟

وبعد ما أجاب على اسلئتى الرزلة..قالى ..:أمال فين الجرجير؟....قلت له جرجير ايه؟...ماكانش فيه جرجير...قال لأ ازاى...كان فيه جرجير...وهو يحلف وانا أحلف....واتصل بزنفل..الذى أكد بدوره ان فيه جرجير.....

أنا بقى افتكرت ..وأعدت الشريط فى خيالى...وقمت فتحت الثلاجة...لقيت باقى السبانخ الخضرا زى ماهى...

الله!!!

قلت ايوه ايوه....هو الجرجير كان له جذور بيضا كده؟ والسبانج جدورها حمرا...تصور انى طبخت الجرجير بدل السبانخ...واتارينى عمالة اقول مال السبانخ جدرها ابيض ليه كده.... :rolleyes:

طبعا مش غلطتى...انا اول مرة اشوف جرجير له جذور....

وسميت الاكلة الجديدة دى .." قال يعنى سبانخ " :blink:

اللى عايزه أقوله بعد الرغى ده كله...ان مش مهم ابدا مكونات الاكلة ....المهم " النفَس" (بالفتحة على الفاء).....ودى ممكن نجربها فى الايام اللى مافيهاش سبانخ زى الصيف مثلا...

ويجعله عامر.....

[بركة]

ميرسي يا شيف بندق يا فنان :blush2:

[بندق أفندى]

ميرسي يا شيف بندق يا فنان

الله يخليكى يا مدام بركة هانم ..

وأختنا فلانة .. فتحت آفاق طبخ الجرجير .. بالمناسبة بأعمل حاجة افتكاسية بالتفاح المتحمر ومتكرمل بالسكر .. واذا بى أجدها مالحة بشكل رهيب .. تخيلو ييجى 3 ملاعق ملح كبيرة بدل ما تكون سكر .. لعن الله الشيطان والنسيان