Emo بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 القادة العظام ..والملهمين لمشاعر الإستنفار.. بدون مقدمات كثير ..وكلام مزوق وكده.. إحنا بنتعذب معاكم جدا..وهقلكم نموذج بسيط لنوع من التعذيب النفسي المتمثل في (الهدية) صراحة بحتار جدا لما اجي أختار هدية تصلح للجنس الذكوري.. يعني مثلا عندي واحد من اخواني..جايبله لحد دلوقتي مايربوا ع 17 ميدالية.. وده لأني مش عارفة اي الحاجة اللي ممكن تناسبكم..وتعجبكم.. يعني احنا البنات كووول حاجة تنفع هدية لينا (شنطة_ميك آب_برفان_لو عروسة باربي حتى هتنفع...) لكن حضراتكم.. حيرة مابعدها حيرة.. لذالك أرجوا من سادتكم توضيح الهدايا اللي تتوق لها نفوسكم تيسيرا للمعذبات أمثالي من المهمة الشاقة دي.. مع توضيح هوية المهدية.. مثلا..لو كانت أختك اي المناسب.. لو خطيبتك..اي اللي يفرحك..لو زميلتك.. لو مامتك.. لو حماتك.. لو مديرتك.. بس محدش يشطح بيه الخيال ويقلي جيب شروكي ولا شاليه ف مرينا.. :wub: ودمتم يملؤكم الفرح.. كنا إذا أشتد فينا اليأس.. وانكسرت منا القلوب.. ونادانا منادينا.. عدنا إلى الله.. علّ الله يرحمنا.. والآن.. نخجل منه من معاصينا.. رابط هذا التعليق شارك المزيد من خيارات المشاركة
osmel33 بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 (معدل) بصي يا إيمو لو هدية من أمى أو أبي الله يرحمهم مش هانتظر منهم غير دعوة حلوة من زوجتى الحبيبة ضحكة حلوة "ممكن جنبها لاب توب ولا حاجة" من ولادي دباديب صغيرة وحركات من دى من أختى ممكن شيكولاتاية "غلبانة متستحملش أكتر من كده" من حماتي نقول "بلاش شاليه فى مارينا طب ممكن فى العين السخنة ؟" :wub: من مديرتي ده لو كان فيه أصلاً أنها تستقيل وأنا أكون بدلها "هو ده الكلام" لأ بصراحة أنا من الناس اللى لو جبتيلى كارت فى عيد ميلادي وكتبتى عليها كل سنة وأنت طيب باعتز بيها جداً فعشان كده ماتفرقش الهدية أيه قد ماهيا جاية من مين تم تعديل 19 فبراير 2009 بواسطة osmel33 رابط هذا التعليق شارك المزيد من خيارات المشاركة
مغتربة بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 امو الرقيقه دى لائحه هدايا للرجال متفاوته من حيث القيمه الماديه يمكنك ان تلقى عليها نظرة و تختارى منها ما يناسبك و يناسب ميزانيتك بارفان رجالى راقى ميداليه فضه كرافت ماركه ساعه مجموعه للحلاقه ( رغوة ....افتر شيف ....الخ ) محفظه جلد طبيعى ( و حركه جديده ممكن تكتبى اسمه بالذهب و تشبكيه بداخلها ) نظاره شمس ماركه موبايل جديد mp4 وراقه من الكريستال محفور عليها اسمه مجموعه اوزان ( ان كان من محبى الرياضه ) ما اجمل الانوثه عندما تمتطى صهوه الحياه رابط هذا التعليق شارك المزيد من خيارات المشاركة
osmel33 بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 (معدل) مجموعه اوزان ( ان كان من محبى الرياضه ) يا نهار أبيض mf-: مجموعة أوزان الأخت العزيزة مغتربة أنتى فاهمة الرجالة غلط خالص أنا كنت زمان قبل ما أتجوز كنت بالعب رياضة ولو كانت خطيبتى جابتلى مجموعة أوزان زى ما بتقولى ماكانتش تبقى زوجتى لدلوقت الزوجة أو البنت يعني الرقة يبقى لازم تجيب حاجة رقيقة ممكن زى ماقولتى كارافات - بارفان حاجات من دي مش تقوليلى مجموعة أوزان تم تعديل 19 فبراير 2009 بواسطة osmel33 رابط هذا التعليق شارك المزيد من خيارات المشاركة
سهل جدا بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 والله أنا رأيي في موضوع الهداية ده, إن الواحد يضرب عصفورين بحجر أقصد يعني إنك تجيبي هدية تدخل السرور على المهدى إليه وفي نفس الوقت يكون فيها أجر وثواب من ربنا سبحانه وتعالى أمثلة: مصحف يكون شكله جميل مجموعة شرايط قرآن لصوت مقرئ محبوب (زي العجمي اللي انتي عملاه نغمة لجوالك) مصلية جميلة كتاب في أي علم من العلوم النافعة وهكذا .. ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ صدق الله العظيم رابط هذا التعليق شارك المزيد من خيارات المشاركة
مغتربة بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 مجموعه اوزان ( ان كان من محبى الرياضه ) يا نهار أبيض mf-: مجموعة أوزان الأخت العزيزة مغتربة أنتى فاهمة الرجالة غلط خالص أنا كنت زمان قبل ما أتجوز كنت بالعب رياضة ولو كانت خطيبتى جابتلى مجموعة أوزان زى ما بتقولى ماكانتش تبقى زوجتى لدلوقت الزوجة أو البنت يعني الرقة يبقى لازم تجيب حاجة رقيقة ممكن زى ماقولتى كارافات - بارفان حاجات من دي مش تقوليلى مجموعة أوزان اخى الكريم الاخت ايمو لم تحصر الهدايا فقط ما بين زوج و زوجته او خطيب و خطيبته و لكن كانت بتسال عموما و انا حاولت اجبلها حاجات تمشى مع كله فالاوزان دى مش شرط تكون هديه من زوجه او حبيبه لحبيبها ( احنا عارفين ان كلهم الحمد لله هركليز :wub: )لكن ممكن من اخت لاخوها من ام لابنها كده يعنى و على فكرة الاوزان بتيجى فى علبه شيك جدا و بتكون اوزان خفيفه يعنى لزوم تمارين السويدى مش رفع الاثقال ;) :blink: ما اجمل الانوثه عندما تمتطى صهوه الحياه رابط هذا التعليق شارك المزيد من خيارات المشاركة
الدكتورة أم أحمد بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 السلام عليكم ورحمة الله وبركاته ما شاء الله طيب جدا هذا الإهتمام وأن كنت أراه كافي فإنني أرشح لك هدية تنا سب اهتمام من تريدي إهدائه أو سؤاله عما يريد فقد يكون محتاج لشيء ما ولا يستطيع شراءه ودمت بخير هل ضاعت الفرصة لنحيا كراما في دولة محترمة وشعب مصون؟؟؟ انتبه مصر تعود إلى الخلف مقطع هام ومؤثر جدا رابط هذا التعليق شارك المزيد من خيارات المشاركة
MZohairy بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 لفت نظري جدا موضوع انثى و ذكر العنكبوت و خاصة في يوم زواجهم! عادة في عالم العناكب يصل حجم الأنثى من ضعف الى عشرة اضعاف حجم الذكر من نفس الفصيله و لتقريب الصوره لو افترضنا ان هناك رجل عادي طوله 1.70 متر فيفترض ان زوجته سيصل طولها من 3.40 متر الى 17 متر قياسا بعالم العناكب و هذا ما يدهشني في واقع الأمر!!! فكيف لذكر ايا كان ان يجد شهوة ما في انثى يصل حجمها الى عشرة مرات ضعف حجمه؟ و الغريب ان المشكله مش في كده!!! الأغرب ان الأنثى بمجرد ان يقوم الذكر بتلقيحها تقوم مباشرة في أكله و افتراسه اذا لم ينجح في الفرار و نسبة الفارين ليست كبيره و تبدأ بإفتراس رأسه أولا حتى تضمن ان التلقيح قد تم 100% ثم تستكمل باقي جسده الصغير و بما ان هناك عدد ما قد استطاع التلقيح و الفرار اذن من المفترض ان تكون العمليه قد اصبحت مفهومه و الفخ الزوجي المهول اصبح مكشوفا لذكور العناكب المسكينه ولكن لا حياة لمن تنادي Vouloir, c'est pouvoir اذا كنت لا تقرأ الا ما يعجبك فقط فإنك لن تتعلم ابدا Merry Chris 2 all Orthodox brothers Still songs r possible رابط هذا التعليق شارك المزيد من خيارات المشاركة
se_ Elsyed بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 والله أنا رأيي في موضوع الهداية ده, إن الواحد يضرب عصفورين بحجرأقصد يعني إنك تجيبي هدية تدخل السرور على المهدى إليه وفي نفس الوقت يكون فيها أجر وثواب من ربنا سبحانه وتعالى أمثلة: مصحف يكون شكله جميل مجموعة شرايط قرآن لصوت مقرئ محبوب (زي العجمي اللي انتي عملاه نغمة لجوالك) مصلية جميلة كتاب في أي علم من العلوم النافعة وهكذا .. سهل ....... إنت مش سهل خالص .. mf-: ما زال في ذهني سؤال ديني بعثته أحد الاخوات لجريدة اللواء الإسلامي " توعى عليها دي ؟ .. دي كانت في الثمانينات وكنت غاوي أشتريها لإن الشيخ كشك كان له مقالات كويس بها وكان بيكتب فيها علماء أفاضل " ما علينا .. فالست باعته تسأل يا عيني وتقول : هل هناك أي حرمانية إني أرقص لزوجي في البيت ... زوجي خلي بالك .. وليس أمام أحد ولا أمام الاطفال حتى ؟ فالعالم الرباني يجاوب عليها ويقول لها : يا أختي الكريمة بدل ما ترقصي لزوجك .. إستفيدوا بالوقت ده أحسن في قراءة القرآن والأذكار والعلم النافع .. لووووووووووووووووووولي ... دي زغروطة مني عشان العلماء الاجلاء اللي حرموا علينا حتى الفرحه .. وكذلك ما اسمعه هنا من هفوات بعض العلماء اللي حرموا .... تخيل حرموا إيه يا سهل ؟ والله ما هاتصدق أو ممكن تصدق ؟ حرموا بيع اللانجري والبرفانات الحريمي والملابس السواريه ..... تخيل ؟ يبقى بعد كده ممكن الحاجات دي الست تفصلها بنفسها في البيت أو تجيب شوال رز وتفتحه من فوق كده وتعمل له أكمام وترتدي لزوجها الشوال عشان تدخل الفرحة على قلبه .. ما هو ما فيش قمصان نوم بتتباع في أسواقنا عشان حرام بقى ... وتجيب سبرتو على أسانس الخنفري وتعبيه في قزازة بتاع زيت عافيه او مازولا أو صفيحة سمنه الروابي ، وتخلط هي بنفسها برفان وتسميه " ودع هواك " وتعملها مفاجأة لجوزها وهو راجع من الشغل وطالع تلاته عينه وتملى البيت رائحة ذكية خنفرية وبكده تستمر الحياة الزوجية ؟ مش كده يا سهل ... ده الحياة حلوه خالص والله ولذيذة ... وتذكر دائماً قوله تعالى قُلْ مَنْ حَرَّمَ زِينَةَ اللَّهِ الَتِي أَخْرَجَ لِعِبَادِهِ وَالطَّيِّبَاتِ مِنَ الرِّزْقِ قُلْ هِيَ لِلَّذِينَ آمَنُوا فِي الحَيَاةِ الدُّنْيَا خَالِصَةً يَوْمَ القِيَامَةِ كَذَلِكَ نُفَصِّلُ الآيَاتِ لِقَوْمٍ يَعْلَمُونَ يعني تخيل واحد عنده مناسبة سعيدة .. زواج مثلاً والراجل سالف من طوب الأرض ونفسه في ماكينة حلاقة " جيليت فيوجن من ام 65 ريال ... جربها وأدعي لي ..... لكن راح أصدقاءه وقرايبة كلهم داخلين عليه بمصليات ومصاحف لما ملت أوضة الصالون ؟ ... في حين إن عنده الحاجات دي والتراب ملاها .. في حين إن ماكينة حلاقة وحُق كلونيا كان ممكن يغير مجرى حياته ... أو كرافته تكون سبب من أسباب قبوله في وظيفة مقدم عليها ومحتاجين واحد حسن المظهر ... يبقى لا مفر بإنه ياخد المصليات والمصاحف ويفرش بهم أمام اي مسجد ويبيعهم عشان يستفيد من ثمنهم أنا عارف إنك ما حرمتش الكولونيات ومكن الحلاقة .. لكن إحنا بنكون بنتكلم في حاجه - كعادتنا وعادتك يعني - وبعدين تروح إنت صابغها بالصبغة الدينية اللي مش مطلوبة في الموقف ده بالذات واللي لن ننكر إن " قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ العَالَمِينَ " ولكن هذا لا يتعارض إن الإنسان يعيش ويتكلين ويمسك ميدالية فضة .... وبالمناسبة تلك الأشياء أخي الكريم فيها اجر وثواب من الله برضوا ... تخيل ؟ وزي ما قالت الدكتور أم أحمد .. لو واحد صديقي او من قرايبي وهو قريب مني وعنده مناسبة .. مش عيب أسأله إنت محتاج إيه او عايز إيه بالمناسبة .. الستات هنا في الغربة وصديقات زوجتي وزوجتي نفسها بيعملوا كده .. وبالتالي ما فيش هدية بتبقى متكررة .. وبالتالي برضوا هما بيكسبوا ثواب في الموضوع ده ... قولي بقى .. مين سماك سهل ؟ :wub: الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
osmel33 بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 (معدل) أنا أؤيد موضوع الهدية اللى الشخص المهدى إليه أنها تكون حاجة هو محتاجها بس المشكلة فى أن ناس كتير بترفض تقول هى محتاجة أيه وأنا شخصياً لا مومكن أقول أنا عايز أيه أو ناقصني أيه تخيلو معايا لو كان مثلاً ناقصنى فى البيت أجيب تلاجة مثلاً أجمع اصحابي وأقولهم يعملوا جمعية علشان يجيبوها مش ممكن طبعاً وأنا كل اصحابي مش ممكن يقولولى هما عايزين أيه ولا حتى صديقات زوجتى الموضوع ده حساس جداً واللى ممكن نعلمه أنا أحنا نشغل الفهامة معاهم واحنا عند حد مثلاً وعايزين نجبله هدية ونحاول أحنا نكتشف هو ناقصه أيه أو أيه الحاجة اللى بيحبها معلش يا إيمو خرجنا من موضوع الهدايا للجنس الذكوري للهدايا بصفة عامة تم تعديل 19 فبراير 2009 بواسطة osmel33 رابط هذا التعليق شارك المزيد من خيارات المشاركة
سهل جدا بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 سهل ....... إنت مش سهل خالص .. ;) ليه بس يا عم (س . س) دا أنا سهل جدا موت خالص مالص وعلى فكرة إسمي (سهل جدا), مش سهل بس , ودا إسم رمزي مش حقيقي طيب يا سيدي بالنسبة للهدايا اللي اقترحتها؛ فهي مجرد أفكار واقتراحات من داخل جمجمتي وأعتقد أنها هدايا مناسبة لأكثر المصريين المسلمين ومع ذلك عشان ما حدش يجي زي حضرتك ويقولي الكلمتين دول, ذكرت في كلامي إن من الهدايا المفيدة: كتاب في أي علم من العلوم النافعة والعلوم النافعة تشمل كل علم سواء ديني أو فيزيائي أو إتش آر (يعني في التخصص بتاعك أي خدمة يا عم :wub: ) أو غيره كل ده فيه نفع للناس .. ويثاب عليه المرء وبالنسبة للأمثلة اللي حضرتك قولتها؛ فيؤسفني أن أقولك إنها أمثلة غير موفقة يعني جات آوت .. wst:: وأنا هاجيبلك فتاوى لمشايخ الناس بيتهموها إنها متشددة, مش هاجيبلك فتاوى الناس المتساهلين اللي بيحللوا كل حاجة نيجي للسؤال الأول: هل هناك أي حرمانية إني أرقص لزوجي في البيت ... زوجي خلي بالك .. وليس أمام أحد ولا أمام الاطفال حتى ؟ قال الشيخ محمد بن صالح العثيمين رحمه الله: أما رقص المرأة أمام زوجها وليس عندهما أحد : فلا بأس به ؛ لأن ذلك ربما يكون أدعى لرغبة الزوج فيها ، وكل ما كان أدعى لرغبة الزوج فيها : فإنه مطلوب ، ما لم يكن محرَّماً بعينه ، ولهذا يسن للمرأة أن تتجمل لزوجها ، كما يسن للزوج أيضاً أن يتجمل لزوجته كما تتجمل له " انتهى . " اللقاء الشهري " ( 12 / السؤال رقم 9 ) . وأدي فتوى للشيخ الألباني (أشهر عالم حديث في القرن الحالي) اللي بعض الناس للأسف بيتهموا بالتشدد: سئل عن : ارتداء المرأة أمام زوجها لباس الراقصات الذي في المسارح أليس فيه المحبة والإقرار لما يفعلن ؟ . فأجاب الشيخ بالجواز إن كان بين الزوجين فقط ، ولم يرها أحد غيره ، وذكر رحمه الله أن لباسها هذا لا يدخل في التشبه المذموم ، وأن تلك الراقصات الفاجرات يقمن بالرقص علناً ، وأما هذه : فبينها وبين زوجها ، وشتان ما بينهما . شوف يعني أباح مش بس الرقص, لا دا أباح لبس الرقاصات وزي ما أنت عارف إن لبس الرقاصات بيكون من غير هدوم :blink: يبقى انت منين جبت الكلام ده بقى يا سي السيد : حرموا بيع اللانجري والبرفانات الحريمي والملابس السواريه ..... تخيل ؟ طبعا ما حدش حرم اللانجري, إذ كان نص الهداية اللي بجبها لمراتي لانجري وهي بتبقى فاهمة إن الهدية ليها , لكن في الحقيقة هي الهدية كأنها لية أنا mf-: لكن من باب الأمانة فيه بعض الشيوخ اتكلموا عن طريقة العرض للانجري وقالوا إن فيها تأجيج للفتنة, وبصراحة ده كلام منطقي جدا يعني مثلا شاب مسكين يعدي من قدام باترينة فيها تمثال لواحدة زي فلقة القمر ولابسالي لبس الله يعلم بي .. إذا كنت أنا اللي متجوز لما عيني بتيجي على المنظر ده ما بستحملوش, مابالك بالشاب الأعزب وبالنسبة لفتوى الزغروطة لولللييييييييييييييييييييييييييييييي (الله يخزي شيطانك) :blink: فأنا سمعت بأذني فتوى لشيخ كبير في السعودية بيقول إن مافيهاش حاجة عارف ليه , لأن ما فيش دليل على التحريم, والأصل الإباحة كما تعلم قولي بقى .. مين سماك سهل ؟ :sad: ما قولتلك ما اسميش سهل ... على فكرة أنا بحبك بس أنت مش عارف ليه ما بتحبنيش وكما قال مش عارف مين: أنا بحبك ليه أنت لأااااا أنا بعزك ليه أنت لأااااا :sad: ومــَنْ أَحْســــَنُ مِــنَ اللـَّـــــــهِ حُـكْــــمًا لِقـــــَوْمٍ يُوقِـنــــــــــُونَ صدق الله العظيم رابط هذا التعليق شارك المزيد من خيارات المشاركة
لولا بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 لفت نظري جدا موضوع انثى و ذكر العنكبوت و خاصة في يوم زواجهم!عادة في عالم العناكب يصل حجم الأنثى من ضعف الى عشرة اضعاف حجم الذكر من نفس الفصيله و لتقريب الصوره لو افترضنا ان هناك رجل عادي طوله 1.70 متر فيفترض ان زوجته سيصل طولها من 3.40 متر الى 17 متر قياسا بعالم العناكب و هذا ما يدهشني في واقع الأمر!!! فكيف لذكر ايا كان ان يجد شهوة ما في انثى يصل حجمها الى عشرة مرات ضعف حجمه؟ و الغريب ان المشكله مش في كده!!! الأغرب ان الأنثى بمجرد ان يقوم الذكر بتلقيحها تقوم مباشرة في أكله و افتراسه اذا لم ينجح في الفرار و نسبة الفارين ليست كبيره و تبدأ بإفتراس رأسه أولا حتى تضمن ان التلقيح قد تم 100% ثم تستكمل باقي جسده الصغير و بما ان هناك عدد ما قد استطاع التلقيح و الفرار اذن من المفترض ان تكون العمليه قد اصبحت مفهومه و الفخ الزوجي المهول اصبح مكشوفا لذكور العناكب المسكينه ولكن لا حياة لمن تنادي حلقات العلم والإيمان لمصطفى محمود اثرت عليك كتير يا زهيرى ياخويا mf-: الحياه .... اسهل من كده انزل بقائمه الهدايا عشان امو حبيبتنا وخلى النقاشات دى فى ركن مسائل فقهيه مختلف عليها :wub: طائره ورقيه رياح شديده خيط قصير الطائره ليست بين السماء ولا الأرض ..هذه انا!! لولا رابط هذا التعليق شارك المزيد من خيارات المشاركة
DrGM بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 الهديه على حسب ما اعرف يعني بتعتمد بالاساس على هوايا المستلم للهديه ... بمعنى : لو هوا غاوي مظاهر والكلام ده ... يبقا ممكن موبايل شيك او كارافات او سكارف او ساعه كويسه او برفان محترم (رجاااالي مش نسائي ... كلامي واضح ... علشان محدش يعمل نفسه مش فاهم و يجيب من الدولاب عنده ) لو مجنون كمبيوتر والحوارات دي ... يبقا لعبه عنف ودمار شامل او قطعه اكسسوارات (ممكن Wireless PCI يعني علشان يعرف يسرق نت من الجيران) او برنامج كمبيوتر (طبعا مش لازم اصلي >>> اي سايبر بيقضي الموضوع ده) او Mp4 او playstation 2 or 3 او اي حاجة من ال game station بالنسبه لبتوع العربيات يبقا حاجة للعربيه ... طقم سماعات او ستيريو ... (لو الفلوس زانقه اوي ممكن استيكر من ابو خمسه جنيه "الحلوه تفاحه للسفر والسياحه") بالنسبه للي بيسافروا كتير ... ممكن شنطه جميله كدا و يتحفر عليها اسمه ... نفس الكلام ممكن يتعمل على محفظه او موبايل او حتى لابتوب (بس خلي بالك ما يبوظش عند الراجل بتاع الحفر ) حالات خاصه : لو مهندس ... يبقا طقم روترنج يروح يتمنظر بيه في الكليه لو دكتور ... يبقا سماعات لتمان لو تاجر ... يبقا اعفاء ضريبي لو سفاح ... يبقا سكينه سويس نايف محترمه عموما : في حاجة جميله حاليا ومحبوبه وهي موضوع الحفر والحرق ... ودي ممكن تتعمل على المحفظه او الموبايل او اللابتوب زي ما قلت وممكن على قلم او ميداليه ... وممكن ميداليه فضه مصممه على اسمه المفضل NickName (بتتقطع بالطلب في خان الخليلي) طبعا في بديهيات ... يعني لو الشخص دا معندوش كمبيوتر مروحش اجيب له لعبه ولا برنامج ...لو معندوش عربيه مروحش اجيب له جنوط عربيه .... كدا يعني وفي هدايا خاصه للحالات الخاصه زي واحد بيحب الكلاب او القطط او الفيران او طيور او سمك (سمك زينه طبعا) بس على اي حال سيبك من دا كله ... انا شخصيا اللي يجيبلي كتاب فيزيا او كتاب في الطب TextBooks يبقا\تبقا راجل ميه ميه بس رابط هذا التعليق شارك المزيد من خيارات المشاركة
الباشمهندس ياسر بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 اذن من المفترض ان تكون العمليه قد اصبحت مفهومه و الفخ الزوجي المهول اصبح مكشوفا لذكور العناكب المسكينهولكن لا حياة لمن تنادي اهى لا حياة لمن تنادى دى حط تحتها الفين خط و افتكرنى كويس تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
الباشمهندس ياسر بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 القادة العظام ..والملهمين لمشاعر الإستنفار.. بدون مقدمات كثير ..وكلام مزوق وكده.. إحنا بنتعذب معاكم جدا..وهقلكم نموذج بسيط لنوع من التعذيب النفسي المتمثل في (الهدية) صراحة بحتار جدا لما اجي أختار هدية تصلح للجنس الذكوري.. يعني مثلا عندي واحد من اخواني..جايبله لحد دلوقتي مايربوا ع 17 ميدالية.. وده لأني مش عارفة اي الحاجة اللي ممكن تناسبكم..وتعجبكم.. يعني احنا البنات كووول حاجة تنفع هدية لينا (شنطة_ميك آب_برفان_لو عروسة باربي حتى هتنفع...) لكن حضراتكم.. حيرة مابعدها حيرة.. لذالك أرجوا من سادتكم توضيح الهدايا اللي تتوق لها نفوسكم تيسيرا للمعذبات أمثالي من المهمة الشاقة دي.. مع توضيح هوية المهدية.. مثلا..لو كانت أختك اي المناسب.. لو خطيبتك..اي اللي يفرحك..لو زميلتك.. لو مامتك.. لو حماتك.. لو مديرتك.. بس محدش يشطح بيه الخيال ويقلي جيب شروكي ولا شاليه ف مرينا.. ودمتم يملؤكم الفرح.. انا فكرت ارد ع الموضوع لقيته طوييييييييييييييل اوى... قولى عايزة الهدية لمين بالتحديد و انا ادلك ع المفيد و مش عايز غير دعوة حلوة... ارجع بلدنا بالسلامة تفاءلوا بالخير تجدوه بعضا مني هنا .. فاحفظوه رابط هذا التعليق شارك المزيد من خيارات المشاركة
Emo بتاريخ: 19 فبراير 2009 كاتب الموضوع تقديم بلاغ مشاركة بتاريخ: 19 فبراير 2009 مش عارفة أرد عليكم واحد واحد عشان داخلة من الموبايل وبستعمله زي واحد أول مرة يشرب سجاير ماسكه بالمقلوب بس بقلكم إني شايفكم كوويس وهرجع أعلم الإجبات زي الناس.. بالنسبة للأستاذ بتاع العنكبوت هعرف الأي دي بتاع جهازك وأحذر كووول أهلك من نظرية المؤامرة الي حضرتك متبنيها دي:-( بقى الي يفكر فيكم يبقى عنكبوت وشعره منكوووش وعاوز يكلكم.. صديت نفسي والله.. ناس مالهاااش إلا كنت سهران فين يابووورعي! جيب فينو وبامبرز معاك يابووورعي.. لكن حد يديهم وش وهدايا ورومانسيات..تؤتؤ لي عودة أول ما النت يرجع.. أراكم ع حب.. كنا إذا أشتد فينا اليأس.. وانكسرت منا القلوب.. ونادانا منادينا.. عدنا إلى الله.. علّ الله يرحمنا.. والآن.. نخجل منه من معاصينا.. رابط هذا التعليق شارك المزيد من خيارات المشاركة
alsaher بتاريخ: 19 فبراير 2009 تقديم بلاغ مشاركة بتاريخ: 19 فبراير 2009 والله يا إيمو نفسي أساعدك بس إنتي فكرتيني بحاجه ، إنه واحد من أخواني ، كل ما أقابله بأبقى محتار أجيب له إيه بجد ، لغايه ما بقيت جايب له حوالي 10 ساعات بعد كده بقيت أجيب سجاير عموما أنا فاكر عمتي كانت ترسللي بناطيل جينز ، وجدتي كمان علشان البناطيل الجينز اللي عندهم عمري في حياتي ماشفت أحسن منها ، وهما عارفين إني بأحبها جدا ماما ، جابتلي مره سلسله ثمينه جدا ، لكن ربنا ياخده اللي قطعهالي :sad: ومره موبايل ، ومره محفظة محفور عليها بطريقه فنيه حلوة ، كنيتي :wub: أختي بتجيب لي ميداليه أو ساعة ، ومره أختي عملت لي تطريزه على شكل أسواره بالخيوط وبألوان علم فلسطين هي حاجة رمزيه جدا ، بس لانها عاملاها بإيدها وباعتاها بأعتز بيها جدا بابا موبايل ، بس بقاله فتره مطنش على فكره بقالي سنين ما خدتش أي حاجة ، فكل ده من الأرشيف وتحياتي رباه إن لم اكن أهلا لبلوغ رحمتك *** فإن رحمتك أهلا لتبلغني لأنها وسعت كلّ شيء رابط هذا التعليق شارك المزيد من خيارات المشاركة
Emo بتاريخ: 21 فبراير 2009 كاتب الموضوع تقديم بلاغ مشاركة بتاريخ: 21 فبراير 2009 osmel33 الأستاذ الفاضل.. أسعد الله حياتك.. من حماتي نقول "بلاش شاليه فى مارينا طب ممكن فى العين السخنة ؟" ياااه هو لسه في حموات طيبات كده...!! ده الطبيعي أن في عيد ميلاد حضرتك تشكر ربنا ع نعمة وجودك ف الحياة اللي خليتك اتعرفت بإبنة هذه الحماة الرائعة وتعبيرا عن الإمتنان لابأس من 4 عاملات أسيويات ع مهارة عالية تهديهم لحماتك الغالية ..بمناسبة ميلادك السعيدة.. أو رحلة حج..او حتى رحلة لحضور نهائيات كأس العالم ع حسب ميول سعادتها بقى. :blink: لأ بصراحة أنا من الناس اللى لو جبتيلى كارت فى عيد ميلادي وكتبتى عليها كل سنة وأنت طيبباعتز بيها جداً فعشان كده ماتفرقش الهدية أيه قد ماهيا جاية من مين الله يسعدك يارب .. يا نهار أبيض مجموعة أوزان الأخت العزيزة مغتربة أنتى فاهمة الرجالة غلط خالصأنا كنت زمان قبل ما أتجوز كنت بالعب رياضة ولو كانت خطيبتى جابتلى مجموعة أوزان زى ما بتقولى ماكانتش تبقى زوجتى لدلوقت الزوجة أو البنت يعني الرقة يبقى لازم تجيب حاجة رقيقة ممكن زى ماقولتى كارافات - بارفان حاجات من دي مش تقوليلى مجموعة أوزان طيب تقول ايه حضرتك عن واحد بيدي خاطبته ولالالاعة..!! (غير انه عاوز يولع فيها يعني) دلوقتي البنات هما اللي بتجلهم هدايا مجموعة أوزان.. الولد ممكن علبة جل يضربها ف شعره تفرح قلبه جدا..ولا مية علب أوزان.. :happy: أنا أؤيد موضوع الهدية اللى الشخص المهدى إليه أنها تكون حاجة هو محتاجهابس المشكلة فى أن ناس كتير بترفض تقول هى محتاجة أيه وأنا شخصياً لا مومكن أقول أنا عايز أيه أو ناقصني أيه تخيلو معايا لو كان مثلاً ناقصنى فى البيت أجيب تلاجة مثلاً أجمع اصحابي وأقولهم يعملوا جمعية علشان يجيبوها مش ممكن طبعاً وأنا كل اصحابي مش ممكن يقولولى هما عايزين أيه ولا حتى صديقات زوجتى الموضوع ده حساس جداً واللى ممكن نعلمه أنا أحنا نشغل الفهامة معاهم واحنا عند حد مثلاً وعايزين نجبله هدية ونحاول أحنا نكتشف هو ناقصه أيه أو أيه الحاجة اللى بيحبها معلش يا إيمو خرجنا من موضوع الهدايا للجنس الذكوري للهدايا بصفة عامة تعرف أستاذي ..مهو لو كل واحد فينا بدأ بنفسه وبدأ يهتم أزاي يدخل السعادة ع قلوب اللي حواليه.. هتلاقي في وقت الإهتمام ده بقى من الكل ليك.. يعني من رأيي المفروض مش استنى المناسبة عشان أسأل اللي قدامي أنت محتاج ايه..! لا ممكن تيجي حتى لو بطريق لعبة .. يعني مثلا نلعب لعبة صراحة..وأسأل سؤال لو في حد هيجبلك هدية وف ايدك تطلب منه انت عاوز ايه هتطلب ايه.. واحتفظ بالإجابة دي للمناسبة القريبة اللي أأقدر احققهاله.. كمان المفروض في أول معرفتنا بأي شخص نبقى عارفين عنه كويس بيحب لون ايه ونوع الهدايا اللي بتفرحه.. اغلى هدية عنده..امنية نفسه تتحقق كده.. حتى لو نكتب الحجات دي.. مع الوقت هنحتاج نحققها.. بث.. شكرا لتفاعلك.. دمت بكل سعادة.. كنا إذا أشتد فينا اليأس.. وانكسرت منا القلوب.. ونادانا منادينا.. عدنا إلى الله.. علّ الله يرحمنا.. والآن.. نخجل منه من معاصينا.. رابط هذا التعليق شارك المزيد من خيارات المشاركة
Emo بتاريخ: 21 فبراير 2009 كاتب الموضوع تقديم بلاغ مشاركة بتاريخ: 21 فبراير 2009 امو الرقيقهدى لائحه هدايا للرجال متفاوته من حيث القيمه الماديه يمكنك ان تلقى عليها نظرة و تختارى منها ما يناسبك و يناسب ميزانيتك بارفان رجالى راقى ميداليه فضه كرافت ماركه ساعه مجموعه للحلاقه ( رغوة ....افتر شيف ....الخ ) محفظه جلد طبيعى ( و حركه جديده ممكن تكتبى اسمه بالذهب و تشبكيه بداخلها ) نظاره شمس ماركه موبايل جديد mp4 وراقه من الكريستال محفور عليها اسمه مجموعه اوزان ( ان كان من محبى الرياضه ) أختي الغالية ..مغتربة.. الله يسعد قلبك ..أفكار جميلة.. كنت أتمنى حضرتك كمان توضحيلي اي ينفع مثلا لأخ مثلا واي ينفع للزميل وكده.. عشان الواحد بيحتار.. لأني مثلا عندي إعتقاد إن البرفان ده هدية خاصة جدااا..ماينفعش اهديها لحد غير خطيبي أو زوجي.. يعني حد هيحطه عشاني..لأني غالبا هخترله ذوقي.. فحسها شوية خصوصية.. كمان مثلا طقم الحلاقة..ينفع لمين..!! يعني فهمتيني..مدى خصوصية كل هدية.. لأن هو ده اللي بيحيرني.. دمتي بكل رضا يارب.. كنا إذا أشتد فينا اليأس.. وانكسرت منا القلوب.. ونادانا منادينا.. عدنا إلى الله.. علّ الله يرحمنا.. والآن.. نخجل منه من معاصينا.. رابط هذا التعليق شارك المزيد من خيارات المشاركة
Emo بتاريخ: 21 فبراير 2009 كاتب الموضوع تقديم بلاغ مشاركة بتاريخ: 21 فبراير 2009 أستاذ سهل ..جدا.. رعاك الله.. والله أنا رأيي في موضوع الهداية ده, إن الواحد يضرب عصفورين بحجرأقصد يعني إنك تجيبي هدية تدخل السرور على المهدى إليه وفي نفس الوقت يكون فيها أجر وثواب من ربنا سبحانه وتعالى فكرة مميزة طبعا..بس أحب أضيف لكلام حضرتك..إن من الجميل ماتكونش الهدية دي لوحدها عشان مايحسش الشخص إنها نصيحة مباشرة ليه..فيرذهدها.. لكن ممكن مثلا تكون مع مجموعة هدايا أخرى.. كأن مثلا احط ورقة بإذكار الصباح والمساء جوه محفظة شيك.. أو الكتاب النافع ده مثلا أحطه في بوكس واملي حواليه شكولاتة او بنبون واكتب ورقة بإن ده غذاء القلب والجسد سوا.. يعني ... أحاول أعمل حركات من الآخر بحيث إنها تبقى متقبلة ع النفس.. حضرتك عارف الناس الزمن ده حاسسين.. زي موضوع ربنا يهديك..يقوم يقلك ربنا يهديك إنت.. دمت بكل خير.. كنا إذا أشتد فينا اليأس.. وانكسرت منا القلوب.. ونادانا منادينا.. عدنا إلى الله.. علّ الله يرحمنا.. والآن.. نخجل منه من معاصينا.. رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان