استشارة ياهل الكويت

[الطير السافر]

احبائى بالكويت

انا وصلى العقد والتاشيرة الحمدلله خلاص بس فى شوية حاجات عايزها من خبرائنا بالكويت

اولا : انا جالى التاشيرة والعقد بس فى مشكلة ان المرتب اللى متفقين عليه هو 700 دينار والعقد مكتوب فيه 300 وكلمت صاحب الشركة قالى ده بس فى العقد الرسمي للتوثيق وكده ومرتبك زى متفقنا اكيد

انتوا ايه رايكم وكمان ادا كان ده عادى هناك ولا ايه

ثانيا : العقد مجرد ورقة واحدة مفيهاش نهائيا اى شئ من اللى اتفقنا عليه على كلامه

وعلى كلامه ان انت اما تيجى هنعمل عقد فيه كل الشروط

[الطير السافر]

احبائى بالكويت

انا وصلى العقد والتاشيرة الحمدلله خلاص بس فى شوية حاجات عايزها من خبرائنا بالكويت

اولا : انا جالى التاشيرة والعقد بس فى مشكلة ان المرتب اللى متفقين عليه هو 700 دينار والعقد مكتوب فيه 300 وكلمت صاحب الشركة قالى ده بس فى العقد الرسمي للتوثيق وكده ومرتبك زى متفقنا اكيد

انتوا ايه رايكم وكمان ادا كان ده عادى هناك ولا ايه

ثانيا : العقد مجرد ورقة واحدة مفيهاش نهائيا اى شئ من اللى اتفقنا عليه على كلامه

وعلى كلامه ان انت اما تيجى هنعمل عقد فيه كل الشروط

[MoHaMMeD EgYpT]

احبائى بالكويت

انا وصلى العقد والتاشيرة الحمدلله خلاص بس فى شوية حاجات عايزها من خبرائنا بالكويت

اولا : انا جالى التاشيرة والعقد بس فى مشكلة ان المرتب اللى متفقين عليه هو 700 دينار والعقد مكتوب فيه 300 وكلمت صاحب الشركة قالى ده بس فى العقد الرسمي للتوثيق وكده ومرتبك زى متفقنا اكيد

انتوا ايه رايكم وكمان ادا كان ده عادى هناك ولا ايه

ثانيا : العقد مجرد ورقة واحدة مفيهاش نهائيا اى شئ من اللى اتفقنا عليه على كلامه

وعلى كلامه ان انت اما تيجى هنعمل عقد فيه كل الشروط

للاسف انا في الكويت و كان نفسي اساعد لكن برده حكاية العقد دي ماتتمطنش ماهو ممكن يقول انا كاتب 300 دينار و مايدكش اكتر منهم في الشهر و لما تجي تقوله انك ما اتفقتش علي كده هيقولك انك انت اللي اختارت و العقد انت موافق عليه اهوه و ممكن يكون صادق و عامل الحكاية دي علشان الضرايب مثلا

انا بصراحة مش عارف لكن في انتظار باقي ردود الاعضاء و ان شاء الله يفيدونا

[عطر الجنة]

السلام عليكم و رحمة الله و بركاته

انا كنت فى الكويت بعمل فى الحكومة من فترة و مهندسة

و لم اسمع ان مهندس له مدة خبرة 3 سنوات و راتبه 700 دينار

الكويتيين خفضوا رواتب العمالة لما ارتفع قيمة الدينار مقابل الجنيه

لا تذهب الا لو كتب كل شئ متفق عليه بالعقد و خصوصا الراتب و الاجازات

و لازم تسأل عن اصحاب الشركة و موقفهم المالى لان هناك شركات كتير بتأخر الراتب

او تعطيك جزء بحجة انها بتدخره لك و ما اكثر حججهم

فخذ حذرك جيدا لانك رب اسرة

و لست وحيدا

و خلى بالك محدش يضمن خليجى

[أبو نور]

كلمة صغيرة

((العقد شريعة المتعاقدين))

إذا وافقت فا أفترض أسوء الفروض أن راتبك سيكون 300 دينار فقط

يجب التفكير جيدا في الأمر

ده مستقبل اسرة!!!!!!!!!!!!!!!!!!!!!!!!!!

وربنا يكتبلك ما فيه الخير،،،

[الطير السافر]

السلام عليكم

انا متشكر جدا يجماعة على ردودكم وانا برضة اتاكدت من الراجل ومن ناس تانية على مستوى الشركة وعلى موضوع المرتب اللى هو حاطه فى العقد ولقيت ان الموضوع بس عشان الضرايب والتامينات

المهم يجماعة سؤال بعد ادنكم

ايه خطوات عمل التاشيرة فى مصر وبتاخد كام مدتها وادا كان فى سفارة فى الاسكندرية

وشاكر تانى مرة لردودكم

[زعلان]

نصيحة لا تذهب الا بعقد صحيح 700 دينار يعني 700 وذنبك على جنبك

[HDarwish]

الطير المسافر

بصراحه أنا مش مطمن

الشركة اللي انت رايحها دي شكلها شركة أي كلام لإن مافيش شركة محترمة هتعمل اللي انت بتقول عليه ده ... وبقولك ثاني مرة فكر تاني علشان ما تندمش ... أول ما اشتغلت في شركات المقاولات كان معايا مهندس قعد في السعودية حوالي ثلاث سنين وبعد كده نزل على مصر وفتح مكتب وبعد كده جيه الكويت على فيزا .. مفيش مرة يقعد معايا فيها إلا ويقوللي "الله يرحم أيام السعودية" عمار يا سعودية وخد بئا عندك كلام من ده كثير حسرة وندم ومقارنة على الوضع اللي عايش فيه هنا والوضع اللي كان عايشه في السعودية

الشقة الثلاث غرف وحمامين دول علشان تلاقيها هنا في الكويت يبقى مش اقل من 350 دينار يعني نصف مرتبك واحسب عليهم 75 دينار قسط السيارة زي ما قالك الحاج فوزي كده يبقى إحنا في حسبة 450 دينار دول كده بس أساسيات ... إحسب كمان أكل وشرب مش أقل من 100 دينار ... بنزين السيارة + الزيت (نفترض إن إن شاء الله مفيش أعطال ولاحاجة) 25 دينار ... تليفون 20 -25 دينار ... لو بتدخن (علبة سجاير في اليوم) يعني 15 دينار ... بحسبة صغيرة هتلاقي إن الحسبة اللي فاتت دي تعملها من 600 - 625 دينار وكلها حاجات أساسية لا يمكن الاستغناء عنها إلا في أضيق الظروف ... لسه ما خرجتش مرة في الأسبوع إنت والعائلة بحسبة من 5-10 دينار في المرة الواحدة ... يعني هتلاقي نفسك لو بتوفر ال 50 دينار تبقى ميه ميه ... عايز توفر أكثر يبقى لازم تشوف سكن غير اللي أبو ثلاث غرف ده وتشوف شقة محندقة قوي .. محندقة قوي قوي وتعملها حوالي 180 دينار يبقى إنت كده يا زعيم حوشت من 150 إلى 200 دينار (واللي بصراحة ومن تجارب واقعية قدامي ما بيحصلش) ... الجملة الشهيرة هنا في الكويت يقولك فلوس الكويت مافيش فيها بركة بعكس السعودية ...

بصراحة لو انت مرتاح عندك في السعودية يبقى خليك عندك أحسن ...

تحياتي

[HDarwish]

آه ... من الحق

نسيت أقولك على حاجة كمان ... الشركة دي إنت هتيجي عليها وهي اللي عملالك العقد الأساسي .. يعني دي أول كفيل ليك في الكويت ... وفي الكويت أول كفيل يعني بيقدر يتحكم فيك بسهولة ... إزاي؟ ... يعني لو عجبك مثلا عرض في شركة ثانية وده فعلا وارد جدا وهتلاقي ... وقولت إنك عايز تسيب الشركة وتحول على الشركة الثانية في الحالة دي هيقولك مفيش عندي تحويل وبالسلامة على بلدك ويبقى ساعتها لازم يبقى الشركة اللي هتروح عليها دي لازم تعملك فيزا من أول وجديد ... المشكلة دي واقع فيها هنا ناس كثير قوي قدامي يعني واحد مثلا راتبه 400 دينار وجايله عرض على 650 طبعا الفرق كبير لكن العرض بتاع ال 650 دينار بيبقى مشترط إن الإقامة تكون قابلة للتحويل ... وبالتالي العرض بيروح عليه لإن هو جاي من مصر على الشركة اللي هو فيها وبالتالي صعب التحويل.

علشان كده إذا ما كان العرض كويس وفي شركة محترمة يبقى تفكر تاني احسن

بالتوفيق

[الطير السافر]

انا برضة هفهمكم على حاجة انا مش مستريح هنا فى السعودية مش كبلد بس كراتب المرتب ده افضل من المرتب اللى انا باخده وغير الوضع الوظيفى الجديد بالنسبة ليا افضل وتناسب مع مؤهلاتى والشركة هنا وضعها غير مستقر تماما

المهم انا متشكر جدا على ردودكم وانا برضة مش هغامر انا هروح اشوف ايه النظام الاول وبعدين لو الظروف جيدة هجيب مراتى ونستقر محصلش خير اكون برضة مخسرتش غير شهرين تلاتة لانى على اى حال منتهى من السعودية ونازل يوم 9-4

[MoHaMMeD EgYpT]

بجد 300 دينار والله العظيم مش هيكفوا السكن في حدود 300 دينار و الاكل في حدود 150 دينار و لازم سيارة في حدود 75 دينار القسط و بخصوص التليفون ممكن نقول 3 دينار و السجاير العلبة ب نص دينار شوف انت بقا هتشرب كام علبة في الشهر و كمان فعلا السيارة هتحتاج بنزين و زيت و خلافه ب 25 دينار زي الاستاذ حسن ما قال ده و مش بارتفاع المرتب صدقني الفلوس في الكويت بتطير من الايد زي الحمام و الله انا عندي فكرة كده بما ان حضرتك مهندس ميكانيكا يبقي اكيد تعرف تشتغل في ورشة ميكانيكا ممكن حضرتك تشتغل الصبح في الشركة و بليل تدور علي ورشة و تشتغل فيها و المكيانيكيا هنا بيكسبوا دهب و انا اعرف سواق سوري اشتغل في الميكانيا 3 سنين و الله العظيم فتح له ورشة خاصة بيه اقصد يعني اجر محل و اشتري العدة و جاب صبيان و ورشته بقت بسم الله ما شاء الله شغالة زي الفل

حضرتك محتاج علي الاقل 600 دنيار

[الطير السافر]

هلا بيك استاد محمد ايجيبت وشكرا على الرد بس ممكن حضرتك تكون مقريتش موضوعى من الاول انا مرتبى 700 دينار مش 300 بس الاشكالية ان العقد وصل ليا بمبلغ 300 دينار بس عشان الضرايب والتامينات على حسب كلام الكويتى

ممكن حد يجماعة يدلنى انا هعمل ايه اما اروح مصر وهروح فين عشان الاجراءات وادا كان فى سفارة فى الاسكندرية زى السعودية لو سمحتوا

[MoHaMMeD EgYpT]

هلا بيك استاد محمد ايجيبت وشكرا على الرد بس ممكن حضرتك تكون مقريتش موضوعى من الاول انا مرتبى 700 دينار مش 300 بس الاشكالية ان العقد وصل ليا بمبلغ 300 دينار بس عشان الضرايب والتامينات على حسب كلام الكويتى

ممكن حد يجماعة يدلنى انا هعمل ايه اما اروح مصر وهروح فين عشان الاجراءات وادا كان فى سفارة فى الاسكندرية زى السعودية لو سمحتوا

انا اللي اعرفه ان السفارة الكويتية في القاهرة الدقي اما في الاسكندرية الله اعلم و بخصوص المرتب يارب يكون كلام الكويتي صحيح و لو المرتب 700 دينار يبقي سير علي بركة الله اما الاجرائات فان والله ما اعرفش بس طبيعي هيبقي فيه كشف طيبي و حاجات تانية كده مش فاكرة بس انت خلي الكويتي يبعت لك الاوراق و روح السفارة الكويتية و ان شاء الله يساعدوك :closedeyes: و يا رب امورك تعدي علي خير و ابقي طمننا لما توصل الكويت :unsure:

و اي استفسار بخصوص الكويت انا في الخدمة :happy:

[GUMANJY]

اخي العزيز

بمناسبه تغيير الراتب من 700 الي 300 احذر

مفيش هنا حاجه اسمها ضرايب وتامينات وكل حاجه واضحه وراتبك اللي في عقدك يبنزل علي حسابك البنكي

والراتب ده بتفضل مربوط بيه لحد متغير العقد

خللي بالك واتاكد من النقطه دي

بالتوفيق ان شاء الله

[زعلان]

نصيحة مرة اخرى حتى لا تندم العقد لازم يكن ب 700 دينار اوعى تغلط وتقبل بغير كده