اشمعنى الست ايوه اما الراجل بقى لأاااا؟؟؟!!!!

[fatfouta]

من كام يوم كنت بتكلم انا وزوجى العزيز وبقوله انا زهقت بقى بقالى اربع سنين مانزلتش مصر ونفسى اشوف مصر يا سيدى بقى قاللى طب عشان مدرسة الولد وبعدين انزلى فانا اتغاظت منه بصراحة وقلتله هو انا لسه هقعد لغايت شهر 5 او 6 يا ساتر انا مضايقة بقى وطبعا انا مضايقة فعلا لكن لازم اقوله كده عشان هو بقاله كام مش بينزلنا عشان ظروف شغله وحاجات تانية كده

بس انا طبعا لازم استنى عشان المدرسة بتاعة ابنى وانا عارفة بص بصراحة عاوزاه يحس بالذنب شوية :wub:

المهم قعدنا نتناقش شوية :lol: وبعدين قلتله خلاص انا آخر السنة دى هنزل انا والاولاد وادخلهم بقى مدارس فى مصر وكفاية بقى نبقى نجيلك فى الاجازات وخلاص

وهنا بقى قام قايل لا انا ماستحملش اقعد لوحدى كام شهر قلتله اشمعنى انا بقعد فى مصر بالكاااااااااااام شهر ومرة قعدت 9 شهور لوحدى فرد عليا وقاللى الست تعرف تحافظ على نفسها لكن الراجل لأ فطبعا اتغاظت اكتررررررر

وكان فيه مسلسل اسمه قصه الامس بالصدفة البحتة بيتعرض الايام دى فقام باصص على التليفزيون :lol: وقاللى بصى اهو اتجوز على مراته لما سابته فى الغربة لوحده وانا عارفة انه بيضايقنى بالكلام ده وبيخوفنى لكن انا فعلا خفت من كلامه وكتمت وسكتت :lol:

وقعدت افكر :) هو ليه الست تقدر تعيش من غير راجل و ولو حتى لفترة مهما ان كانت المدة

وليه الراجل مش ممكن يقعد لوحده وكمان يبقى عنده مبرر انه يعمل اى حاجة او يتجوز

طيب مالست لو جوزها مثلا بعيد عنكم يا رب توفى فيه كتير ستات تقعد وتربى ولادها وماتفكرش فى الجواز لكن لو حصل العكس الراجل يقول لا انا لازم اتجوز ماينفعش اقعد كده من غير واحدة ست تخدمنى

معلش طولت عليكوا لكن....

بجد اشمعنى احنا ايوه وانتوا لأ

تم تعديل 18 فبراير 2009 بواسطة fatfouta

[ramyayash]

لان الراجل اللي بيشتغل طول النهار خصوصا في الغربه بينتظر انه يروح بيته يلاقي انسانه مهتمه بيه مجهزاله اكل تهزر معاه تخفف عليه همومه خصوصا وان تكوين الرجل الفسيولوجي بيحتاج ترويح عن النفس اكتر من المراه

المراه ربنا خلقها تتحمل المصاعب في كل المجالات والدليل ان ممكن راجل كل يوم يحب ينزل القهوه ولو قعد يومين في البيت بيزهق في حين ان المراه ممكن تكتفي بيوم او اتنين اسبوعيا انها تخرج تعمل تسوق او تروح مع زوجها مكان ترفيهي

ده راي شخصي وانا شايف ان فعلا تحمل المراه وصبرها اكثر من الرجل ولذلك احذر كل الزوجات من ترك ازواجهم لان العواقب هتكون وخيمه

[بندق أفندى]

أولا هى قدرات وطاقات .. لكن من تجربة شخصية لا أنصح بها اى ست ولا أى رجل .. لأنه الرجل اذا تعود على الوحدة لن يستطيع التخلص منها .. وأخرتها هيبقى شيف :) أو يتجوز تانى فعلا .. انا عملت الأولى ومنتظر فرصة للتانية .. :wub:

الباقى يعود الى طبيعة الخلق وطبيعتنا كشرقيين ..

طبعا هناك بعد آخر وهو تعود الزوجة والأولاد على عدم وجود الأب .. ودى كارثة أخرى ..

[jessika]

يا فتفوتة بما انك ذكرتى مسلسل الامس فانتى بتتكلمى عن جانب غرائزى ومن وجهة نظرى ان الغريزة عند الست مرتبطة بروحها اكثر من الرجل بكتيررررررررررررررررر علشان كدة ممكن متتجوزش بعد وفات زوجها لارتباط روحها وحبها لية لكن الرجل العكس الموضوع عندة جسدى اكتر حتى لو بيحب زوجتة اعتقد ودى طبيعة منقدرش نغيرها شكرااااا

[سهل جدا]

إوعي يا أخت فتفوتة تسيبي جوزك وتنزلي تعيشي في مصر لوحدك

دا مش في مصحلة الأولاد لأنهم هايتحرموا من أبوهم , ومش في مصلحتك انتي ثانيا

وعلى فكرة في رجالة كثير نفسها تتجوز بس خايفة من زعل مراتاتهم :)

وبيتلككوا لأي سبب عشان يعملوها ويتجوزوا تاني .. (طبعا أنا مش منهم :wub: )

وطبيعة الراجل غير طبيعة الست في موضوع المغريات

الراجل بسهولة ممكن يفتتن بأي واحدة, لكن المرأة العفيفة ليست مثل الرجل في هذا الأمر

طبيعة غصب عننا

ويمكن عشان كده ربنا سبحانه وتعالى فرض الحجاب على المرأة وليس على الرجل

نصيحة أخوية..

لما الإنسان يكون عنده خيارين في حياته كلاهما مر

لازم يختار القرار الأقل من ناحية الأضرار

وفي كل الأحوال وجود المرأة مع زوجها أفضل مية مرة من بعدها عنه

ربنا ما يحرمكوش من بعض

[dongol]

طبعا الست ست و الراجل راجل

يعني انا مثلا عايش لوحدي في الغربه و سايب مراتي في مصر (ده طبعا مؤقتا) و اول ما بتزعلني يروح ناطط في دماغي اني اروح اتجوز واحده تانيه علشان تطلع عينين مراتي و تعرف انها في نعمه

اما بقي لو مراتي قاعده معايا هنا و زعلتني هروح خابطها بأي حله في وشها و الموضوع هيعدي من غير جواز و لا غيره :)

مش يبقي الست تقعد جنب جوزها أحسن

[بندق أفندى]

طبعا الست ست و الراجل راجل

يعني انا مثلا عايش لوحدي في الغربه و سايب مراتي في مصر (ده طبعا مؤقتا) و اول ما بتزعلني يروح ناطط في دماغي اني اروح اتجوز واحده تانيه علشان تطلع عينين مراتي و تعرف انها في نعمه

اما بقي لو مراتي قاعده معايا هنا و زعلتني هروح خابطها بأي حله في وشها و الموضوع هيعدي من غير جواز و لا غيره :)

مش يبقي الست تقعد جنب جوزها أحسن

ونعم :wub:

[osmel33]

إياكي إياكي يا فتفتوتة هانم

الموضوع ده مؤلم جداً بالنسبة للراجل والست على حد سواء يعنى عن تجربة شخصية

أنا ولادى كانوا معايا مطرح مابروح لغاية أما طلعت فى دماغنا السنة دى أنزل الولاد مصر

وفعلاً مش عايز أقولك لا أنا ولا زوجتى ولا ولادي مبسوطين وللأسف اتقلب الموضوع

ده على نفسية الولاد وعلى نفسيتى أنا وزوجتى وطبعاً مش ممكن لا تليفونات ولا جوابات

"طبعاً مافيش جوابات دلوقت" إميلات تقدر تعوض غياب أفراد الأسرة عن بعضها

ومش عايز أقولك الموضوع ده بيؤدى لفتور سخيف فى العلاقة الزوجية وكمان علاقة الأولاد بأبوهم

هو يمكن الفتور بين الراجل وزوجته بيقل لما بيكونوا بيحبوا بعض لكن للأسف لو الفترة طالت

هاتلاقي لوحين تلج عايشين مع بعض

نداء أخير للأخت فتفوتة إياكي ثم إياكي وكمان إياكي وأنا حذرتك أهو

[se_ Elsyed]

الست من طبعها العطاء .. با حدود .. وبالتالي فعلاً أعرف نساء في عائلتي منهن من توفي عنها زوجها وهي عندها 19 سنة ... تاني

19 سنة وذلك وبالتحديد سنة 89 .. ده إبن عمي على فكرة وتوفي في حادث في بداية حياته الزوجية وزوجته حامل في الشهر السادس ... ومازالت إلى الأن تعيش من أجل إبنها اللي بقى عنده 19 سنة دلوقت ... وهي عندها 38 سنة فقط

أما الراجل مننا ... ففعلاً مستحيل يقول أنا هاعيش من أجل أولادي ... أو كلام من ده ... لإن المرأة تُكمل الرجل ولكن الرجل لا يُكمل المرأة في كثير من الأحيان ... وبغض النظر عن ضل راجل ولا ضل حيطه والجانب الغرائزي ... ففي ستات لو لها مصدر دخل ووظيفه محترمة .... ممكن تعيش بقية حياتها رئيسة جمهورية نفسها وتقضي عُمرها فُله شمعه منورة ... أما نحن فصعب .. ده أنا الأولاد لما بينزلوا أجازة لاصيف ويضربوا الزيزون من بابه ... بأبقى قاعد لوحدي هنا زي عود الخس اليتيم في غيط البرسيم .. وحاجه نشاز ... وبأسيب دقني وما بأكولش موز وبأبقى إنسان بوهيمي لا يهتم بمظهره وبأقعد اشرب سفن أب عشان أنسى ...

زوجتي ساعات بتشتغل لي في الأزرق - عشان الألوان التانية بتبقى خلصت - وتستحلفني بالله وتأخذ علي قسم إنها لو توفيت قبلي فمراعاة للعِشرة والحب اللي بيننا ياريت ما أتجوزش إلا بعد الأربعين ..

انا ما بأرضاش أحلف إن جيتو للحق ..

لسه هاستنى 40 يوووووووووووووووووووم

كتير قوي ...

ولا مش كتير على اساس دهانات الشقة وتغيير الديكورات للعروسة الجديدة بياخد وقت وريحة البوهية في الشقق الجديدة بتزعجني وتجيب لي ضيق في المحابس الهوائية .. وأهو في الأربعين يوم دول تكون فترة خطوبة عشان أتعرف على العروسة الجديدة وكدهوت ...

وكل ده مش عشاني .. ولكن " من أجل أولادي "

مش ده إسم فيلم لأمينة رزق باين ؟

[ذهبية]

يااخت فتفوتة انا كلامى مش هيختلف كتير عن الاصدقاء طبعا متسافريش والسبب من وجهة نظر اخرى غير اللى اتقالت

لية تلبسى الليلة لوحدك انت و يبقى الحمل كلة عليكى من تربية الاولاد و متابعة دروسهم و اكل و شرب و و تكونى اب و ام فى نفس الوقت و تخسرى صحتك و جمالك و تكبرى بدرى و يجيلك امراض الدنيا من ضغطك لسكر لحرقة دم

و برضة بتطلعى انتى فى الاخر مقصرة والراجل ينسى كل دة و يقولك سايبنى لوحدى وانتى السبب لازم اتجوز ياترى تحبى ان دة يكون جزاتك بعد كل دة

لا خليكى معاة و طلعى عينة و خلية يشيل هم عيالة معاكى و لا هو يخلف و ينسى و طيرى النوم من عينة لحد ما يتهد و يقول حقى باسنانى

كللللللللللللل الرجالة صنف واحد لو اتواربتى بس و انشغلتى عنهم دقيقة يجيب لك الف حجة و حجة و حجة لان الراجل بصراحة بيتلكك

و لكل الرجالة

كلكم جايبين سيرة الاحتياج و الرغبة وفين المشاعر و الاحساس اليست الست لها مشاعر برضة و احساس و يمكن اكتر منكم لانها انسانة عاطفية بطبعها لية هى تقدر تستحمل ما المشاعر واحدة

اللى اعرفة ان الاحساس واحد و الحب واحد و القلب واحد و شايفة ان الراجل بيتلكك علشان يدى نفسة حجة مش اكتر و يمسك فيها ان دى طبيعة بيولوجية و انا شايفة دى مجرد حجة لاننا مش حيوانات احنا اللى بيحركنا مشاعرنا و المفروض ان مشاعرنا واحدة يبقى انت ملكش حجة ايها الرجل

[osmel33]

يااخت فتفوتة انا كلامى مش هيختلف كتير عن الاصدقاء طبعا متسافريش والسبب من وجهة نظر اخرى غير اللى اتقالت

لية تلبسى الليلة لوحدك انت و يبقى الحمل كلة عليكى من تربية الاولاد و متابعة دروسهم و اكل و شرب و و تكونى اب و ام فى نفس الوقت و تخسرى صحتك و جمالك و تكبرى بدرى و يجيلك امراض الدنيا من ضغطك لسكر لحرقة دم

شايفة الناس الكومل يا فتفوتة وحلوة منك يا ذهبية "تلبسي الليلة" هو ده

بالظبط اللى قالتهولي زوجتى العزيزة

و برضة بتطلعى انتى فى الاخر مقصرة والراجل ينسى كل دة و يقولك سايبنى لوحدى وانتى السبب لازم اتجوز ياترى تحبى ان دة يكون جزاتك بعد كل دة

لا خليكى معاة و طلعى عينة و خلية يشيل هم عيالة معاكى و لا هو يخلف و ينسى و طيرى النوم من عينة لحد ما يتهد و يقول حقى باسنانى

الله يسامحك بعد ما قولت عليكى الناس الكومل توصل لطلعى عينه

وطيرى النوم من عنيه كمان الله يسامحك يا ذهبية وربنا يعين اللى في بالي

"لو فيه حد يعنى"

ويخلف وينسي يا نهار مش فايت يا جدعان وحقي بسناني كمان معلش "بلاش

موضوع السنان ده لحسن باضرس"

هو فيه أيه يا ذهبية ؟ انتي جايا تهدي النفوس ولا أيه ؟ :)

تم تعديل 18 فبراير 2009 بواسطة osmel33

[osmel33]

بصي بقى يا فتفوتة "يارب كده تكبرى وأشوفك أكبر من فتفوتة صغننة"

أنا موافق الأخت ذهبية طبعاً على موضوع الحب والمشاعر والكلام الرومانسي

ده وأنا أعتقد هو ده اللى بيخلى لا الراجل يقدر يبعد عن مراته ولا الست تقدر

تعيش من غير جوزها فالنصيحة الأخيرة فى الموضوع ده كل ما كانت حياة الراجل

ومراته حلوة وفيها حب وأمرنا لله ندخل الولاد فى النص كل ما كانت بدون حد فيهم

مستحيلة وأوعى تسمعى كلام ذهبية "معلش يا ذهبية" أنك تطهقى الراجل

في عيشته وأنك بس هاتقعدى معاه علشان تطلعى سنانه والحاجات دى

لأ حبي بيتك وجوزك على قد ما تقدري وخليه هو كمان يعيش فى المود ده

وصدقينى الحياة بعدها هاتبقى حلوة وماحدش هايسيب التاني ويروح فى حتة تانية

ويا ريت نلم الموضوع بقى عشان أنا مش ناقص

[سهل جدا]

ا

تم تعديل 18 فبراير 2009 بواسطة سهل جدا

[لولا]

عارفه يا فتفوته انا مقدره جدا ظروفك وحاسه قدى ايه انتى مضغوطه نفسيا جدا ودا واضح من كلامك والفتره الطويله اللى منزلتيش فيها مصر .

لكن عارفه .. ليه تبنى حياتك على سؤال اسمه " اشمعنى ؟" اشمعنى انا .. اشمعنى هو .. ليه انا ... ليه هو ..

فى الجواز ومن اول لحظه بتبدأ حياة جديده والتزامات جديده واولويات جديده .. كلها كلها بتبدأ وتنتهى فى حدود الإنسان اللى انتى اخترتى

تكملى حياتك معاه .

انتى معاه ومفروض تبقى معاه مش عشان اى حاجه غير لأن دا هو اساس الوضع الطبيعى واللى مفروض يكون وماسواه هو اللى استثناءات .

انتى معاه عشان لازم تكونوا سوا .. اولادكم يكونوا فى وسطكم .. حياتكم ع الحلوه والمره .. يعنى هو كمان يا فتفوته لو فكرت شويه

زيك مضغوط واكيد تعبان واكيد مصر وحشته وكل يوم بيروح الشغل ويهلك نفسه عشان يحاول بكل طاقته يوفر احسن حياه ومستقبل للعيله كلها.

يعنى انتوا الإتنين فى نفس المركب .. وانتوا الإنتين كل واحد ليه دور عشان تفضل المركب تمشي وتكمل مشواها وان شاء الله كله هيعدى

ان شاء الله الظروف هتبقى احسن .. باذن الله اللى جاى مش فى صعوبه اللى راح .. وانتى ست اصيله .. وست كمان بتحب جوزها وجوزها

كمان بيحبها يعنى يهون عليك تفرقى شمل العيله كله .. الأولاد يتحرمو من سفره واحده يشوفكم انتو الإتنين مع بعض عليها وتتكلموا مع بعض

وتحكو لبعض وتروحو حتى ابسط خروجه السوبرماركت مع بعض .

حتبقى سعيده لما يجى يوم الجمعه والأولاد ميروحوش يصلو مع باباهم وانتى تعملى احلى اكل وريحة الشقه كلها تخليهم كل شويه يقولولك

امتى الغدا يا ماما .. حاجات كتير صغيره جدا يا فتفوته لكن مهمه جدا جدا .. حاجات هى الحياة الحقيقه بين جوزك واولادك صدقينى وكلكم مع بعض.

حقولك حاجه .. يعنى انا بشتغل .. حتقولى دى حاجه كويسه جدا .. وانا الحمد الله بحمد ربنا عليها .. لكن بسبب شغلى واختلاف مواعيد

الدوام بينى وبين جوزى مش بنتقابل غير بالليل .. كتير بحس انى لوحدى .. حتى الويك اند .. انا اجازتى خميس وجمعه وهو خميس عنده

نص دوام .. وظروف اجازاتى اسهل منه بكتير .. ديما افكر انى ممكن حتى كل شهر اخد اجازه تلات واربع واسافر اشوف ماما وبابا كام يوم

وهو على فكره مش بيمانع خالص وعارف قد ايه انا متعلقه باهلى وانى البنت الوحيده .. وحصلت كام مره اتخنقت جدا وانهرت واهلى وحشونى

وقلت حسافر وارجع الغى الفكره .. بفكر بس ازاى اسيبه لوحده حتى لو كام يوم .. يعنى انا انزل المطار لوحدى واشم ريحة مصر لوحدى

واهلى يشيلونى من الأرض شيل وهو هنا غرقان فى الشغل ومرهق جدا كمان .. طب انا ححس بسعاده من غيره ؟؟ ممكن اكل اكله

كان نفسنا ننزل مصر وناكلها سوا لوحدى ؟ ممكن ادخل فيلم كان نفسنا نشوفوه مع بعض ؟؟

بوصل لحاجه وحده ديما .. لولا اللى لوحدها دى ماتت ,, خلاص انتهى .. انا دلوقتى مش لوحدى .. انا النص التانى لحد وهو النص التانى ليه..

مكانى هو مكانه وحياته وظروفه هى ظروفى وانا لازم اشاركه ع الحلوه والمره .

صبرتى كتير يا ست الكل لأنك حقيقى ست اصيله جدا جدا جدا .. كملى جميلك شويه لأجازه الصيف وان شاء الله تروحى تغيرى جو ونفسيتك

وترجعى هنا مع جوزك حبيبك اللى لازم تحسسيه انك معاه عشان بتحبيه وعشان لايمكن يهون عليك يكون لوحده مش عشان اى سبب تانى.

اتمنى مكنش تقلت عليكى بكلامى لكن سدقينى انا مش بقول الكلام دوت وانا مش حاسه بيكى ,, انا بقولهولك عشان انتى حاليا فى مرحله

ضغط وتفكيرك حيكون مشوش واندفاعى شويه ... انتى بس الغى السؤال "اشمعنى " من قاموس حياتك اصلا .. اعملى كل حاجه بحب

وعيشيها بحب من غير اشمعنى خالص وهو كمان حتوصله الرساله وهيقدرها جدا .

ربنا يسعد كل ايامك ويخفف عنك الوحده والغربه ويجعل بيتك جنه باذن الله وكل يوم ولحظه تكون فى ميزان حسناتك وربنا يرضى عنك آمين.

لولا

[fatfouta]

يا فتفوتة بما انك ذكرتى مسلسل الامس فانتى بتتكلمى عن جانب غرائزى ومن وجهة نظرى ان الغريزة عند الست مرتبطة بروحها اكثر من الرجل بكتيررررررررررررررررر علشان كدة ممكن متتجوزش بعد وفات زوجها لارتباط روحها وحبها لية لكن الرجل العكس الموضوع عندة جسدى اكتر حتى لو بيحب زوجتة اعتقد ودى طبيعة منقدرش نغيرها شكرااااا

لا يا جيسيكا يا حبيبتى انا مش بتكلم على الراجل كجانب غرائزى وبس لكن كمان عشان الراجل مايعرفش يعتمد على نفسه فى حاجات كتير

[fatfouta]

نصيحة أخوية..

لما الإنسان يكون عنده خيارين في حياته كلاهما مر

لازم يختار القرار الأقل من ناحية الأضرار

وفي كل الأحوال وجود المرأة مع زوجها أفضل مية مرة من بعدها عنه

ربنا ما يحرمكوش من بعض

شكرا على نصيحتك دى جداااااا وانا مقدراها اوى اوى

وربنا مايحرمكش من زوجتك يارب

وانت طلعت احسن منى ورديت عليا وخلاص بقى ماتزعلش منى

اختك فاطمة

[fatfouta]

الست من طبعها العطاء .. با حدود .. وبالتالي فعلاً أعرف نساء في عائلتي منهن من توفي عنها زوجها وهي عندها 19 سنة ... تاني

19 سنة وذلك وبالتحديد سنة 89 .. ده إبن عمي على فكرة وتوفي في حادث في بداية حياته الزوجية وزوجته حامل في الشهر السادس ... ومازالت إلى الأن تعيش من أجل إبنها اللي بقى عنده 19 سنة دلوقت ... وهي عندها 38 سنة فقط

أما الراجل مننا ... ففعلاً مستحيل يقول أنا هاعيش من أجل أولادي ... أو كلام من ده ... لإن المرأة تُكمل الرجل ولكن الرجل لا يُكمل المرأة في كثير من الأحيان ... وبغض النظر عن ضل راجل ولا ضل حيطه والجانب الغرائزي ... ففي ستات لو لها مصدر دخل ووظيفه محترمة .... ممكن تعيش بقية حياتها رئيسة جمهورية نفسها وتقضي عُمرها فُله شمعه منورة ... أما نحن فصعب .. ده أنا الأولاد لما بينزلوا أجازة لاصيف ويضربوا الزيزون من بابه ... بأبقى قاعد لوحدي هنا زي عود الخس اليتيم في غيط البرسيم .. وحاجه نشاز ... وبأسيب دقني وما بأكولش موز وبأبقى إنسان بوهيمي لا يهتم بمظهره وبأقعد اشرب سفن أب عشان أنسى ...

زوجتي ساعات بتشتغل لي في الأزرق - عشان الألوان التانية بتبقى خلصت - وتستحلفني بالله وتأخذ علي قسم إنها لو توفيت قبلي فمراعاة للعِشرة والحب اللي بيننا ياريت ما أتجوزش إلا بعد الأربعين ..

انا ما بأرضاش أحلف إن جيتو للحق ..

لسه هاستنى 40 يوووووووووووووووووووم

كتير قوي ...

ولا مش كتير على اساس دهانات الشقة وتغيير الديكورات للعروسة الجديدة بياخد وقت وريحة البوهية في الشقق الجديدة بتزعجني وتجيب لي ضيق في المحابس الهوائية .. وأهو في الأربعين يوم دول تكون فترة خطوبة عشان أتعرف على العروسة الجديدة وكدهوت ...

وكل ده مش عشاني .. ولكن " من أجل أولادي "

مش ده إسم فيلم لأمينة رزق باين ؟

كلامك كله صح يا سي السيد العزيز

وكمان اشكرك على اعترافك ان الراجل معندوش صبر ذى الست

بس عاوزة اسالك سؤال لو بعد الشر عنك الف مرة لو انت حلفت مراتك مش بذمتك والله هتحلف علطول ومن غير تفكير؟

تم تعديل 18 فبراير 2009 بواسطة fatfouta

[fatfouta]

يااخت فتفوتة انا كلامى مش هيختلف كتير عن الاصدقاء طبعا متسافريش والسبب من وجهة نظر اخرى غير اللى اتقالت

لية تلبسى الليلة لوحدك انت و يبقى الحمل كلة عليكى من تربية الاولاد و متابعة دروسهم و اكل و شرب و و تكونى اب و ام فى نفس الوقت و تخسرى صحتك و جمالك و تكبرى بدرى و يجيلك امراض الدنيا من ضغطك لسكر لحرقة دم

و برضة بتطلعى انتى فى الاخر مقصرة والراجل ينسى كل دة و يقولك سايبنى لوحدى وانتى السبب لازم اتجوز ياترى تحبى ان دة يكون جزاتك بعد كل دة

لا خليكى معاة و طلعى عينة و خلية يشيل هم عيالة معاكى و لا هو يخلف و ينسى و طيرى النوم من عينة لحد ما يتهد و يقول حقى باسنانى

كللللللللللللل الرجالة صنف واحد لو اتواربتى بس و انشغلتى عنهم دقيقة يجيب لك الف حجة و حجة و حجة لان الراجل بصراحة بيتلكك

و لكل الرجالة

كلكم جايبين سيرة الاحتياج و الرغبة وفين المشاعر و الاحساس اليست الست لها مشاعر برضة و احساس و يمكن اكتر منكم لانها انسانة عاطفية بطبعها لية هى تقدر تستحمل ما المشاعر واحدة

اللى اعرفة ان الاحساس واحد و الحب واحد و القلب واحد و شايفة ان الراجل بيتلكك علشان يدى نفسة حجة مش اكتر و يمسك فيها ان دى طبيعة بيولوجية و انا شايفة دى مجرد حجة لاننا مش حيوانات احنا اللى بيحركنا مشاعرنا و المفروض ان مشاعرنا واحدة يبقى انت ملكش حجة ايها الرجل

انتى بقى يا ذهبية كلامك عجبنى جداااااااا واشكرك عليه خلتينى فعلا افكر ميت مرة عشان انا ليه ابقى لوحدى واتحمل المسئوليه كلها لوحدى بس عارفة والله انا ادها وادودو ومش بخاف من المسئولية

وفعلا انا مش بتكلم بس على الرغبة والاحتياج لا انا كمان بسال على المشاعر هو ليه ممكن الراجل يبيع المشاعر دى بمجرد مايبقى لوحده ومحتاج حد؟ وهو ده كان سؤالى

[fatfouta]

بصي بقى يا فتفوتة "يارب كده تكبرى وأشوفك أكبر من فتفوتة صغننة"

أنا موافق الأخت ذهبية طبعاً على موضوع الحب والمشاعر والكلام الرومانسي

ده وأنا أعتقد هو ده اللى بيخلى لا الراجل يقدر يبعد عن مراته ولا الست تقدر

تعيش من غير جوزها فالنصيحة الأخيرة فى الموضوع ده كل ما كانت حياة الراجل

ومراته حلوة وفيها حب وأمرنا لله ندخل الولاد فى النص كل ما كانت بدون حد فيهم

مستحيلة وأوعى تسمعى كلام ذهبية "معلش يا ذهبية" أنك تطهقى الراجل

في عيشته وأنك بس هاتقعدى معاه علشان تطلعى سنانه والحاجات دى

لأ حبي بيتك وجوزك على قد ما تقدري وخليه هو كمان يعيش فى المود ده

وصدقينى الحياة بعدها هاتبقى حلوة وماحدش هايسيب التاني ويروح فى حتة تانية

ويا ريت نلم الموضوع بقى عشان أنا مش ناقص

انا فاهمه كلامك ومقدرة نصيحتك لان انت جربت اهو ومش قادر ال انت ولا زوجتك المحترمة

بس هىك مان اكيد زهقت طبعا وانا حاسه انكم هترجعوا فى قراركم لانى حاسه انك بتحب مراتك وربنا يديم عليها النعمة دى ويخليكم لبعض

ربنا معاك

[fatfouta]

عارفه يا فتفوته انا مقدره جدا ظروفك وحاسه قدى ايه انتى مضغوطه نفسيا جدا ودا واضح من كلامك والفتره الطويله اللى منزلتيش فيها مصر .

لكن عارفه .. ليه تبنى حياتك على سؤال اسمه " اشمعنى ؟" اشمعنى انا .. اشمعنى هو .. ليه انا ... ليه هو ..

فى الجواز ومن اول لحظه بتبدأ حياة جديده والتزامات جديده واولويات جديده .. كلها كلها بتبدأ وتنتهى فى حدود الإنسان اللى انتى اخترتى

تكملى حياتك معاه .

انتى معاه ومفروض تبقى معاه مش عشان اى حاجه غير لأن دا هو اساس الوضع الطبيعى واللى مفروض يكون وماسواه هو اللى استثناءات .

انتى معاه عشان لازم تكونوا سوا .. اولادكم يكونوا فى وسطكم .. حياتكم ع الحلوه والمره .. يعنى هو كمان يا فتفوته لو فكرت شويه

زيك مضغوط واكيد تعبان واكيد مصر وحشته وكل يوم بيروح الشغل ويهلك نفسه عشان يحاول بكل طاقته يوفر احسن حياه ومستقبل للعيله كلها.

يعنى انتوا الإتنين فى نفس المركب .. وانتوا الإنتين كل واحد ليه دور عشان تفضل المركب تمشي وتكمل مشواها وان شاء الله كله هيعدى

ان شاء الله الظروف هتبقى احسن .. باذن الله اللى جاى مش فى صعوبه اللى راح .. وانتى ست اصيله .. وست كمان بتحب جوزها وجوزها

كمان بيحبها يعنى يهون عليك تفرقى شمل العيله كله .. الأولاد يتحرمو من سفره واحده يشوفكم انتو الإتنين مع بعض عليها وتتكلموا مع بعض

وتحكو لبعض وتروحو حتى ابسط خروجه السوبرماركت مع بعض .

حتبقى سعيده لما يجى يوم الجمعه والأولاد ميروحوش يصلو مع باباهم وانتى تعملى احلى اكل وريحة الشقه كلها تخليهم كل شويه يقولولك

امتى الغدا يا ماما .. حاجات كتير صغيره جدا يا فتفوته لكن مهمه جدا جدا .. حاجات هى الحياة الحقيقه بين جوزك واولادك صدقينى وكلكم مع بعض.

حقولك حاجه .. يعنى انا بشتغل .. حتقولى دى حاجه كويسه جدا .. وانا الحمد الله بحمد ربنا عليها .. لكن بسبب شغلى واختلاف مواعيد

الدوام بينى وبين جوزى مش بنتقابل غير بالليل .. كتير بحس انى لوحدى .. حتى الويك اند .. انا اجازتى خميس وجمعه وهو خميس عنده

نص دوام .. وظروف اجازاتى اسهل منه بكتير .. ديما افكر انى ممكن حتى كل شهر اخد اجازه تلات واربع واسافر اشوف ماما وبابا كام يوم

وهو على فكره مش بيمانع خالص وعارف قد ايه انا متعلقه باهلى وانى البنت الوحيده .. وحصلت كام مره اتخنقت جدا وانهرت واهلى وحشونى

وقلت حسافر وارجع الغى الفكره .. بفكر بس ازاى اسيبه لوحده حتى لو كام يوم .. يعنى انا انزل المطار لوحدى واشم ريحة مصر لوحدى

واهلى يشيلونى من الأرض شيل وهو هنا غرقان فى الشغل ومرهق جدا كمان .. طب انا ححس بسعاده من غيره ؟؟ ممكن اكل اكله

كان نفسنا ننزل مصر وناكلها سوا لوحدى ؟ ممكن ادخل فيلم كان نفسنا نشوفوه مع بعض ؟؟

بوصل لحاجه وحده ديما .. لولا اللى لوحدها دى ماتت ,, خلاص انتهى .. انا دلوقتى مش لوحدى .. انا النص التانى لحد وهو النص التانى ليه..

مكانى هو مكانه وحياته وظروفه هى ظروفى وانا لازم اشاركه ع الحلوه والمره .

صبرتى كتير يا ست الكل لأنك حقيقى ست اصيله جدا جدا جدا .. كملى جميلك شويه لأجازه الصيف وان شاء الله تروحى تغيرى جو ونفسيتك

وترجعى هنا مع جوزك حبيبك اللى لازم تحسسيه انك معاه عشان بتحبيه وعشان لايمكن يهون عليك يكون لوحده مش عشان اى سبب تانى.

اتمنى مكنش تقلت عليكى بكلامى لكن سدقينى انا مش بقول الكلام دوت وانا مش حاسه بيكى ,, انا بقولهولك عشان انتى حاليا فى مرحله

ضغط وتفكيرك حيكون مشوش واندفاعى شويه ... انتى بس الغى السؤال "اشمعنى " من قاموس حياتك اصلا .. اعملى كل حاجه بحب

وعيشيها بحب من غير اشمعنى خالص وهو كمان حتوصله الرساله وهيقدرها جدا .

ربنا يسعد كل ايامك ويخفف عنك الوحده والغربه ويجعل بيتك جنه باذن الله وكل يوم ولحظه تكون فى ميزان حسناتك وربنا يرضى عنك آمين.

لولا

لولا حبيبتى نا متشكرة جداااااااا لكلامك الجميل

وانا كمان مش بفكر اسيبه وانزل ولا حاجة لانى عارفة ان الست مكانها جمب جوزها ولازم نستحمل مع بعض كل حاجة وهو مرة لما قلتله كده رد عليا وقاللى علالحلوة والمرة لازم نتحمل بعض

وهوعنده حق فعلا فى كده ماهو برده بييجى من شغله عاوز حد يتكلم معاه ويفضفض وانا طبعا بحاول امتص كل ارفه وغضبه من الشغل

بس عارفة شعورى بالغرية زايد اوى عشان اهلى وبلدى واخواتى وحشونى اوى اوى

عشان كده انا عاوزاه يحس بالذنب شوية عشان كل ماقوله ننزل بيتحجج والله

وكمان انا دايما بقوله انت بتشتغل بتنزل الصبح تشوف ناس ووشوش جديدة والوقت بيخلص فى شغلك لكن انا طول النهار قعدة انا والولاد ده ساعات الولاد بيقعدوا يعيطوا يا عينى من كتر الكتمة ولما اخدهم واخرج يقعدوا يجروا ذى المحبوسين وينطلقوا وبيصعبوا عليا جداااا

عارفة من حوالى شهر كده جتلى وظيفة جوزى بصراحة مش بيعارض على الشغل بس قاللى انتى وشطارتك دورى للولاد على مكان كويس يروحوا فيه فترة شغلك وحاولت اسأل الناس هنا فى المنتدى عن الحضانات عشان اودى ولادى فيها لقيت يا ستى الهجوم والكل بيقولى اوعى تشتغلى وتسيبى ولادك ده انتى فى غربة والكل اجمع على ممنوع الشغل وانا بينى وبينك كنت متردده جدا وخايفة عليهم ولما لقيت كده قلت طب استنى شوية يكبروا بس وعدلت عن الشغل مع انى خبرة فى مجالى وبتعب نفسيا لما الاقى طاقتى العملية مش طالعة بس فى الاخر قلت عشان ولادى وكمان جوزى

والحمد لله انا هحاول فعلا اعمل بكل كلامكم اللى فعلا اقنعنى وخوفنى من تركه لوحده

شكرا يا لولا على الدعاء ويارب امين كلنا