خاص بأعضاء المحاورات الأذكياء فقط

[nasr-badr]

الحمد لله والصلاة والسلام علي رسول الله وبعد

علي فكره أخي الحبيب سي السيد أنا كنت علمي وعلمي رياضى كمان وكنت متفوق و قعدت أحل أول ما قرأت الموضوع وضربت فنجال القهوة المتحوج و دماغي صدعت ومتهألي حليت كويس ومع ذلك طلع نسبة ذكائي - 41% وأنا بأمثل 1% من الشعب الحمد لله لإني لا أمثل 99.999 % ولإلا بعد الشر كنت أصبحت ........... مهنة لا يحبها الشعب cr((:

والحمد لله رب العالمين

[عصام]

أنا بس عندى سؤال ..

لما اللى يجيب 53% يمثل 2.2 من الناس

واللى يجيب 72% يمثل 6% من الناس

أومال مين اللى بيمثل 80% من الناس؟ cr((:

فيه حاجة مش مريحانى فى الموضوع دا ...

الريحة يا كريمة

تم تعديل 15 فبراير 2009 بواسطة عصام

[se_ Elsyed]

بعد تناول عدة زملاء لحبوب الصراحة وقالوا على نتايجهم بصراحة ..

أنا حسيت بأرتياح وإنشكاح ..

كنت فاكر أنا لوحدي اللي مش حلو ..

اتاريها .

حاله عاممممممممممممممممممممممه

----------

وبعدين تعالو هنا

هو ده كمان سؤال عن العُمر عشان كده جماعات النسوة المتوحشة ومنظمات حقوق المرأة .. ولا عضوه او عدوه فيهم دخلت وقالت جابت كام ؟!!!

يا سلامممممممم

ما هي نتيجة الثانوية بتتعلق عالباب واللي ما يشتري يتفرج ...

ما حدش شاف لولا بعد ما خرجت من اللجنة ..

او فيروز بعد ما ذاكرت وتعبت واخدت دروس خصوصية للرُكب .

انا شايف فتفوته بتسخن ونازله الملعب أهي ...

يالله يا فتفوته ... وريهم ستات الرياض إش لون مسويين .. وإن لا مؤخذه الجو الحار جاف صيفاً و الحار جاف برضوا شتاءً إزاي خلا عقولنا تنضج قبل الآوان ...

[الباشمهندس ياسر]

انا جيت بعد الصلاة ع الاختبار مباشرة

مكنتش لسه قريت المشاركات بتاعت ابوحميد

اللى مخلينى مستغرب ... انى حسيت ان الموضوع عبارة عن اشتغالة

و اشتغالة جامده اوى كمان

مفيش شبه من الاى كيو اللى متعودين عليه

ولا من الاختبار الجديد بتاع الشركات الجامده اللى الاتش ار فيها بيعقدوا الناس ومش عاوزين حد يشتغل غيرهم خالص

زى اختيار Psychometric

عموما دلوقتى نشوف

تم تعديل 15 فبراير 2009 بواسطة الباشمهندس ياسر

[محمد عبدالعزيز]

البرنامج ده أكيد مضروب يا جدعان

مضروب فى الخلاط أو مضروب فى 1/100000000 مش مشكلة, المهم إنه مضروب وخلاص.

قال بعد 17 سنة فى التعليم المصرى معتمد على نفسى ولا اخدت دروس خصوصية ولا مراجعات ولا حاجة من دى, وأنا كنت علمى وفوق كل ده متخرج من كلية هندسة قسم كمبيوتر, رغم كل ده يقول إنت قدراتك العقلية محدودة وضعيفة كمان؟

يانهار مش فايت!!!!

أنا بصراحة مش مصدق البرنامج ده لأنى دخلت اختبارات ذكاء قبل كده وبالانجليزى كمان وكنت بجيب فيها نتيجة كويسة.

عموماً يعنى البرنامج بيقول إن نسبة ذكائى 60 وإنى بمثل 2.2% من الناس

[لولا]

انا عند الكوافير يا س . س قلت اشطف دماغى كويس قبل ما احل الإختبار بدل ما اسمع كلمتين كده زى عصام cr((:

بلاش توترنا اكتر من كده .. خلينا ناخد وقتنا فى الحل حسب الظروف

[ozoozo]

80 % قدراتك تحتاج لتدريب ونسبتك من الناس7,6والوظيفه برضه عامل بستاني ومنجد.........ممكن يا سين سين تقولي منجد دي متسعوده ولا لا وكمان ينفع اعمل بيها استقدام

تم تعديل 15 فبراير 2009 بواسطة ozoozo

[أبو محمد]

شوف يا سين سين

أنا لقيت الموضوع خاص بأعضاء المحاورات الأذكياء فقط فمارضيتش أدخل خالص مالص ويمكن بالص كمان

[ريحانة]

تسجيل حضور للبنات

احم

76%

مع ترك سؤال الإستماع

وظيفتى

عامل بستانى منجد

[لولا]

انا خلاص حلصت الإمتحان يا سين سين ..

النتيجه ....

52% امثل 2.2 من الناس قدراتى العقليه محدوده ............. كان فاضل يقولى وتكاد تكون منعدمه

دا وانا بستعمل الشامبو المستورد وغاسله دماغى قبل الإختبار

ارجوك تقدر صراحتى فى انى قلت النتيجه وما تتريقش عليا .. احسن نفسيتى زفت من النتيجه

[Alrefaey]

الواد اللى مصمم البرنامج ده شكلة معاق ذهنيا ههه

انا جبت 65 % وبردة ياشباب عامل بستان ومنجد

[لولا]

عزيزى واخويا الكبير سين سين تحية طيبه وبعد ،،،،،،،،.

حضرتك متأكد انك جبت 98%

[عبقرينو]

يا جماعة مش مهم النتيجة كام

المهم الاداء المشرف

تم تعديل 15 فبراير 2009 بواسطة عبقرينو

[لولا]

يا جماعة مش مهم النتيجة كام

المهم الاداء المشرف

تفتكر كده يا عبقرينو ..

انا كنت خلاص رايحه ادخل الصومعه واعتزل الناس بعد الفضيحه دى .. لكن كلامك ادانى الأمل فى الحياة .

كلامك شمعه تحترق لتنير للأخرين يا عبقرينوا

تحياتى .

لولا 52% محدوده القدرات العقليه حسب نتيجه الإمتحان

[Virus]

أنا شايف إن احنا نشترك مع بعض ونفتح بستان شرك ونجيب فيه مكنة تنجيد ومنافلة..

82% مع عامة الشعب والغوغاء (65% من البشر)

[لولا]

أنا شايف إن احنا نشترك مع بعض ونفتح بستان شرك ونجيب فيه مكنة تنجيد ومنافلة.. :blush: :cry1:

82% مع عامة الشعب والغوغاء (65% من البشر)

82% مع الغوغاء :o

امال 52% اللى انا جبتها مع مين :cry:

[الباشمهندس ياسر]

خلاص يا لولا

قلبى اتقطع يا اختى ... مش كده

الله يسامحك يااللى كنت السبب

عموما تقدرى تضمى ال72 بتوعى ع ال52 بتوعك وتبقى 100 و تفرقى الباقى زكاة عن الصحة

[se_ Elsyed]

نشاطركم الاحزان ايها الرفقاء الاعزاء رواد " عنبر الأذكياء "

اتخيل منظر وموقف مواطن بريء ركب الحلزونه في هوجة التسريح الوظيفي اللي حدثت مؤخراً ، والراجل كان كله امل في الحياة وقال اروح اقدم في وظيفة اكل منها عيش .. وحظه العثر جه في مدير موارد بشرية غلس كان عامل استمحان ذكاء غبي زي ده ...

منظر داخلي .. صباح يوم مشمس .... س س افندي يرتشف بضع شفطات من فنجان الشاي ابو حليب ويمسك باليد الاخرى جريدة الاهرام عدد يوم الجمة وتحديداً صفحة " الوفيات " قصدي وظائف خالية ..وتقع عيناه على اعلان بالبنط العريض يقول " مطلوب مدير شئون موظفين خبرة لا تقل عن 10 سنوات ويجيد اللغة الانكليزية "

وهنا صاح مهللاً : وجدتها وجدتها .. والله وباضت لك في القفص يابو الاسيان

ثم ما لبث ان ارتدى بدلته التركواز .. مع القميص المشجر والكرافته الموف وتوجه مسرعاً الى مقر شركة " اعالي البحار لهندسة الكباري العلوية المعلقة الحلوه "

ثم

س س : صباح الخير يا فندم .. انا جاي بخصوص الإع....

موظف الاستقبال مقاطعاً : اخر الطرقة عاليمين ..

س س : ايوه مانا هاكمل لحضرتك

موظف : شششش .. اخر الطرقة على اليمين هاتلاقي ادارة قلم الموظفين .. إسأل عن الاستاذ " الشندويلي ابو ركبه " هو اللي هايعمل معاك الاستخبار

س س : ابو ايه يا فندم ؟

ا

لموظف : ابو ركبه

ويتوجه س س مهرولاً الي قلم الموظفين وهو يردد " الشندويلي ابو ركبه " ابو ركبه ابو ركبه .. يارب ما انساها

س س : صباح الخير يا فندم .. ممكن اسأل عن الاستاذ الشندويلي ابو كوع ؟

موظف : اسمي ابو ركبه .. مش كوع

س س مبتسماً : يا سيدي ركبه كوع اهي كلها مفاصل

الموظف : انت هاتهرأ يا افندي ؟ انا الشندويلي ابو ركبه ... 35 خبرة في قلم الموظفين .. حائز على جائزة المطرقة الذهبية من اللجنة العمالية بالاتحاد الاشتراكي سنة 64 ... حائز على جائزة المهموز القرمزي من الحزب الشيوعي الروسي سنة 67 .. حاصل على ..

س س متأففاً : اللهم صلي عالنبي .. طب انا حضرتك جاي عشان وظيفة مدير شئون الموظفين اللي في جرنان الاهرام

ابو ركبه : طب وريني وثيقة السيرة الزيتية بتاعتك ؟

س س : اتفضل يا فندم زيس ايز ماي سي في

ابو ركبه : ما شاء الله ... ما شاء الله ... سيرة زيتية مشرفة ومؤهلات تؤهلك لشغل الوظيفة بدون جدال .. لكن

س س : لكن ايه يا ابو ركبه بيه ؟

ابو ركبه : دعبس بيه يا سيدي صاحب الشركة .. غاوي دعبسه على الشبكة العنكبوتية .. واثناء ما هو ما بيدعبس .. وقع على امتحان اختبار ذكاء .. وامر ان كل موظف مترشح لوظيفه عندنا لازم يعدي من الامتحان ده ويجيب على الاقل 70 %

س س : يا فندم دي لعبتي .. وياما عملنا اختبارات اي كيو لناس .. وياما اخترعنا احنا امتحانات وياما وياما

ابو ركبه : طب سمي الله وادخل بصدرك في الامتحان وقدامك 23 دقيقة ونشوف النتيجة

ويبدأ س س الاختبار وهو في غاية التفاؤل .. ثم في اول 5 دقائق يتحول لون وجهه الي الاصفر .. ثم بعد 7 دقائق اخرى يحتقن وجهه ويتغير الى الرمادي المشرأب بالسواد .. ثم تمر الـ 23 دقيقة ويصبح لون وجهه مثل الخيارية المخلله ...

ابو ركبه وهو يرى نتيجة الاختبار : عظيم عظيم ...

س س : خير يا ابو ركبه افندي ؟

ركبه : افندي ؟ ابو ركبه بيه يا ولد ... ونزل رجلك من عالتانية وانت بتكلمني وقوم اقف وانت بتكلمني قوم اقف بص لي وفهمني

س س : الله الله ليه اللون الغامق ده يا دروجبا ؟

ركبه : غامق ؟ انت لسه شوفت غمقان ؟ .... اتفضل يا افندي على البوفيه عشان تستلم الجردل والخيشة وتبدأ عملك في البوفية واول حاجه تعملها تروح تقلع اللبس المهبب اللي نات لابسه ده وتلبس الافارول الكاكي وده هايبقى اليونيفورم الخاص بوظيفتك

س س : انت بتلكمني انا ؟

ركبه : لأ ... بأكلم خيالك ... بأناجي طيفك يا خفيف .... يا استاذ انت حصلت على 11 % في اختبار الذكاء بتاع دعبس بيه ,,, وده يادوب يؤهلك لشغل وظيفة فراش تالت ..

وهنا تميد الارض من تحت اقدام س س .. ويشعر برغبة في الترجيع ,,, ويمر امامه سي دي حياته .. حيث سنوات الدراسة في مدرسة الخديوية ثم ايام جامعة الملك فؤاد .. وسندوتشات الكبده والسكاشن ورحلات واجتماعات أُسره " اصحاب الحالات الخاصة " ثم الحياة الوظيفة ثم المناصب العليا .... ثم حظه العثر الذي اوقعه في ابو ركبه .. ثم تتدحرج بعض قطرات من الدموع من مقلتاه ويتذكر مقطع مؤثر من فيلم " نحن لا نرزع الشوك " وتحديداً مشهد شاديه وهي تُسيء البلاط بالخيشة والجردل وتُغني ( والله يا زمن .. لا بإدينا ... زرعنا الشوك )

س س محاولاً التماسك : طب يا ركبه بيه ممكن تديني فرصة تانية .. اثبت لك فيها حبي

ركبه : نعم ؟

س س : قصدي اعيد الامتحان تاني اصلي كنت متوتر ومشوش الفكر

ركبه : شوف .. هاجيب لك من الاخر .. انت هاتمشي تتجر عالبوفية دلوقت .. وهناك هاتلاقي 34 واحد من عينتك .. كلهم اصحاب عاهات .. قصدي مؤهلات عليا وكانوا اصحاب مناصب مرموقه زيك بالظبط .. وكلهم طلبوا اعادة الامتحان .. وكلهم قالوا كنا متوترين وما نمناش ليلة الانترفيو .. وحتى لو سمحنا لك ولأمثالك انهم يعيدوا الامتحان .. تفتكر هاتوصل لإيه ؟ ايه هاتبقى فرد امن ولا فراش اول ؟

س س : انا ماسمحلكش .. انا ساكت لك من الصبح ومش راضي اطول لساني عليك والظاهر انت مش عارف مين اللي قدامك ده

ركبه مزمجراً : نعمممممممممم بتبرطم بتقول ايه ؟

س س : بأقول لحضرتك فين طريق البوفيه عشان استلم الجردل والخيشة ؟

تمت

[se_ Elsyed]

عزيزى واخويا الكبير سين سين تحية طيبه وبعد ،،،،،،،،.

حضرتك متأكد انك جبت 98%

طب لو قلت لك انا جيبت كام

احلفي وقولي وكتاب الله ما هاقول لعُمر ابنك

[لولا]

عزيزى واخويا الكبير سين سين تحية طيبه وبعد ،،،،،،،،.

حضرتك متأكد انك جبت 98% md2:

طب لو قلت لك انا جيبت كام

احلفي وقولي وكتاب الله ما هاقول لعُمر ابنك

لأ يا سين سين انا مقدرش اتحمل مسؤوليه كبيره زى دى .. ممكن مقدرش احافظ على السر وممكن اروح اقول للكل انك جبت النسبه اللى انتا كاتبها فوق دى ;) وبعدين عمر يعرف وبرستيجك ينهار قصاد الولد .

بس عارف انا حليت الأسئله ازاى ؟؟

كده بالبركه .. مشيت ورا احساساتى يعنى فى تخمين الإجابه .. لم اختر " لا اعلم " مطلقا :D

اصل فكرت او مفكرتش مش حعرف احسب اسئله الأرقام فى دقيقه انا كنت بكره الرياضيات موووووووووووووووووووووووووووت . wst::