مصنع الخرافي لتليفزيونات LCD بمدينة العبور

[se_ Elsyed]

عمال أدور عليك أتاريك هنا جنبي .... تيرلا لم لم

بالأمس كنت مع صديق مصري في زيارة للسعودية كنا بنتفجر سوا على محلات الأل سي ديهات والبلازمات .. ات ات ات ... اللي تعقد بصراحة

وجت سيرة إن الحاجات دي جماركها ضرب نار في مصر ..

يعني عشان تاخد تليفزون جربان 32 بوصة .. تدفع بالمستريح 3000 ج جمارك ,,, which is tooooooooo much بصراحة

وبرضوا أسعارها في مصر لسه عاليه

فلقيته بيقولي : ماهو الخرافي جنبك في العبور ما شتريتش منه ليه ؟

فقلت له خرافي مين .. هو له في الحاجات دي ؟

أتاري الخرافي باشا عامل مصنع تجميع وتصنيع تليفزيونات إل سي دي في العبور ... بس حسب الطلب ولطلبات الجُملة ..

برضوا مش فاهم ؟

فقال : الموضوع بسيط جداً ... في العالم كله ما فيش غير 3 شركات تقريباً هما اللي بينتجوا البورد الخاصة بشاشات LCD وبلازما ... حاجه زي شركة إنتل كده بتاعت البروسيسور... وبعد كده بقى سوني إل جي أو أبو أشرف حتى .. كله بياخد البورد ويركب عليها الشاسية وشوية حاجات تانية فوق بعض ونزل السوق يا معلم ..

فقال الخرافي بيختصر الطريق وبيجمع التليفزيونات دي ويطرحها في السوق المصري تحت ماركة " دايو "

لكن الحب كله بيلاقيه من طلبات القرى السياحية والفنادق وما شابه اللي بتبقى شكلها رخم لما يبقى منتجع وحركات ويحط في الغرف شاشات دايو ... فبيروحوا للحج الخرافي ويقولوا له : حدارجه بدارجه وهابرا كادبرا خلي دايو تبقى سوني ... فيروح شايل إسم دايو ولازق مكانه سوني .. عملية نضيفة 100 %

بس انا شايف إنها غش .. أينعم القرى السياحية دي ما بعتش المُنتج لحد .. لكن أهو برضوا غش ..

بس بشكل عام بيقول لي الجهاز زي الفل ... وسعره خرافي بالنسبة لمصر - ما هو خرافي بقى - .. يعني تليفزيون أل سي دي 37 بوصة وضمان 3 سنين .. سعره 600 دولار من المصنع ... يعني 3300 ج .... يا بلاش والله وماليش دعوة بالماركة طالما نقاء صورته كويسة وفي مصنع كويس هايضمنه ويعمل له مساندة فنية ...

بس للأسف المصنع ما بيبعش للمستهلك مباشرة .. فقال لي .. لما تنزل مالكش دعوة .. أنا هاظبطك وأجيب لك تليفزون من دول ..

لكن الحاجه اللي بتحير المغتربين بغض النظر عن السعر إن الاجهزة الألكترونية اللي في بيوتنا بتبقى for one month use بس ... يعني الواحد لو متجوز من 10 سنين .. فمابيلحقش يتهنى بالحاجات دي .. اهو على الأقل تعمل بثمنها .. وكمان تدفع إنت فلوس من هنا وتخزن الحاجة لما تسافر .. وتيجي بعد شهور قليلة تلاقي التكنولوجي إتغيرت والأسعار أتغيرت .. والحاجات اللي عندك إتحولت لحاجات أثرية ...

فهي معادلة صعبة ... يا ترى الواحد يمشي حاله بالحاجات اللي عنده دلوقت ولما يستقر يبقى يشتري حاجات up tp date

ولا يضربها شوز ويشتري أحدث ما توصل إليه العلم الحديث ... بس بكره يلاقيه كُهنه ؟

وبرضوا جايلك يا خرافي . جايلك وكاشف راسي يا حبيبي ... أهو نلحق نتفرج لنا على ماتش في الحاجات الحلوه دي .. لإن عندي إعتقاد راسخ إن اللي عنده شاشة إل سي دي او بلازما فوق 37 بوصة عُمر فريقه ما يتغلب أبدأً لو بيتفرج له على ماتش .. حتى لو كان فريقه ده أسمنت أسيوط وبيلاعب منتخب محاجر البرازيل

( ما عدا موديست .. اللي حتى لو لو جاب شاشة إل سي دي مطعمه بحبيات بلازما مع شطائر من الجُبن الطازج ومقاسها 47 كريب جورجيت ... برضوا الزمالك بيتغلب ... لإن ده بيبقى عيب صناعة في الشاشة نفسها .. يعني الموضوع لا له علاقة بشيكابالا أو دو كاستال أو دو ري مي فاصوليا سي .. حبيبي يابو ساميه والله )

[ابو حودة]

( ما عدا موديست .. اللي حتى لو لو جاب شاشة إل سي دي مطعمه بحبيات بلازما مع شطائر من الجُبن الطازج ومقاسها 47 كريب جورجيت ... برضوا الزمالك بيتغلب ... لإن ده بيبقى عيب صناعة في الشاشة نفسها .. يعني الموضوع لا له علاقة بشيكابالا أو دو كاستال أو دو ري مي فاصوليا سي .. حبيبي يابو ساميه والله )

حتى الشاشات بيغشوها

يعني قال لو راح اتفرج في الملعب هيكسبوا ..... . اهلاوي

[أسد]

الكلام ده صحيح ..

:wub: wst::

[بندق أفندى]

الآن ليس توقيت مناسب لشراء الال سى دى .. لأنه بدأ الاتجاه الى الشاشات عالية الوضوح HDMI وده معناه انه الشاشات الحالية ترخص أكتر وأكتر .. وبالتالى يجب الانتظار قليلا .. على فكرة تكلفة الشاشة 32 بوصة عالية الوضوح بعد الجمارك والشحن فى السعودية حوالى 1100 ريال من الصين طبعا بس مواصفات فنية عالية (يعنى لابد تاخد فى اعتبارك درجة التباين 1 : 10000 أمس شفتها عملاها الى جى .. فيه فى السوق حاجات 1 : 500 و 1: 800 و 1000 .. وهكذا ..

باختصار قرار الشرا لازم يكون مدروس فنيا وماليا .. وعلى فكرة بهجت بيصنعها ويونيفرسال بيجمعها أيضا وفيه كمان حد بيجمعها

[isa]

يوجد في هذا الرابط

معلومات عن نظام Hdmi

ممتازة جده مدعومة بالصور

http://www.arabvolunteering.org/corner/avt8539.html

[Modest]

وبرضوا جايلك يا خرافي . جايلك وكاشف راسي يا حبيبي ... أهو نلحق نتفرج لنا على ماتش في الحاجات الحلوه دي .. لإن عندي إعتقاد راسخ إن اللي عنده شاشة إل سي دي او بلازما فوق 37 بوصة عُمر فريقه ما يتغلب أبدأً لو بيتفرج له على ماتش .. حتى لو كان فريقه ده أسمنت أسيوط وبيلاعب منتخب محاجر البرازيل

( ما عدا موديست .. اللي حتى لو لو جاب شاشة إل سي دي مطعمه بحبيات بلازما مع شطائر من الجُبن الطازج ومقاسها 47 كريب جورجيت ... برضوا الزمالك بيتغلب ... لإن ده بيبقى عيب صناعة في الشاشة نفسها .. يعني الموضوع لا له علاقة بشيكابالا أو دو كاستال أو دو ري مي فاصوليا سي .. حبيبي يابو ساميه والله )

صدقت يابو الكباتن

أنا قلت سين سين هايجيب الـ 37" إجري يا واد هات الـ 42" إذا كان ده اللي هايخلي الزمالك يكسب و الأهلي يتغلب :lash:

ماكدبتش خبر و جبت الـ 42" بس برضه مفيش فايدة .. مفيش فايدة .. مفيش فايدة :lol:

أعمل ايه أكتر من كده بس يابو أشرف :lol: