لقاء غدا الثلاثاء فى القاهره

[إبن مصر]

الى جميع الاخوه الموجودين بالقاهره ..

تقرر عقد لقاء غدا الثلاثاء 29/7/2003 فى الجنينه مول الساعه 7:30 مساءا امام مكدونالد بداخل المول.

ويسعدنا تشريفكم جميعا فى هذا اللقاء الودى ... ويارب يا سى السيد انت والطفشان تقروا الدعوه وتشرفونا ...

نرجو ان نراكم جميعا غدا على خير انشاء الله

الاداره

ابن مصر

[هشام عبد الوهاب]

اعتذر عن الحضور نظرا لسفرى غدا .واتمنى لكم اجتماع ممتع .

مكان الأجتماع فى الكافيتيريا امام ماكدونلدز اظن اسمها طبلية .

[صعيدي]

*بلاغ الى مديرية الامن بإجتماع شلة من المشاغبين المطالبين بما يسمى بالديموقراطية (وش واحد مرشد)

*عُلم وجارى التنفيذ

*تمام يا فندم تم القبض على جميع زباين الكافيتيريا و الأماكن المحيطة و عددهم كالتالى

عدد 5 شباب

عدد 3 عجائز فوق ال 70

عدد 20 طالب جامعى

عدد 1 كلب لولو

[optimistic]

أخ .. ايه الورطة دي

طب هنعرف بعض ازاي

وردة حمراء مثلا و لا ايه

ما علينا

سأحاول الحضور

[هشام عبد الوهاب]

تأجل سفرى قبل اقلاع الطائرة بساعتين .ولكن لم استطع حضور الاجتماع . ايه الأخبار ...عملتوا ايه

[achnaton]

تأجل سفرى قبل اقلاع الطائرة بساعتين .ولكن لم استطع حضور الاجتماع . ايه الأخبار ...عملتوا ايه

عملنا إجتماع ..

( وش صعيدى طفشان للشرقية وبيسهبل )

[nora]

لاه بجد عملتوا اية ملكم مسهمين كده لية في ايةةةةةةةةةةةة

عيزة اعرف شعوركم كان اية وهو رايح ولما شفتوا بعض كان شعركم اية وكنتم كام واحد يلة ردوا تعبتوا اعصابي

[Lancelot]

في مساء ثلاثاء القاهرة 29 يوليو .. تم اللقاء المدعو إليه أعلاه ... و حضر الإجتماع ...

أ/ عادل أبو زيد

د/ رجب

أ/ إبن مصر

و العبد لله

بالطبع العدد قليل لكن نتمني أن نراعي التحضير الجيد للإجتماعات في المرات القادمة بإذن الله حتي تتم الدعوة في وقت مناسب لكي يتسني للجميع ترتيب أمورهم ....

أما عن سؤال الأخت نورا .... فلازم تخوضي التجربة بنفسك ...

كفاية أقولك علي حاجة واحدة ... الواحد ماشي في الشارع بيبص لكل الناس و يقول لنفسه ... يمكن يكون ده فلان أو ده علان أو ديه فلانة .... و بعدين يفطس علي روحه من الضحك بسبب كده ...

ده شعور واحد من "شعورات" (وش واحد ضعيف في العربي) كتيرة أوي .... و إن شاء الله نشوفكم قريبا ...

[فــيــروز]

ده شعور واحد من "شعورات"

بس احنا عاوزين كل الشعورات شعره شعره يا لانس .. انا احب اوى اتفرج على افلام الساسبنس

[Spider]

عيزة اعرف شعوركم كان اية وهو رايح ولما شفتوا بعض كان شعركم

أحنا أول ما شفنا بعض... بصينا بنظرات حادة فى عيون بعضنا البعض حتى نتأكد من حقيقة كل شخصية على حدة... وحينما تأكدنا من شخص بعضنا البعض أرتعدنا وأنتصب شعر

[nora]

(وش واحد مذهوللللللل)

انت دايما تصطادوا في المية العكرة غلطه مطبعية اعمل اية بس المهم انهم فادوا في التعرف لان لما شعركم وقف عرفتم بعض شفت الافكاررررررر

[أسامة الكباريتي]

ضيعت على نفسي فرصة هذا اللقاء .. (مكسوف من نفسي)

لم أقرأ الدعوة إلا الآن ..

كان الغلط مني طبعا ..

لكن ملحوقة ..

لما نرجع من الساحل الشمالي بإذن الله يمكن أخي ابن مصر يتعطف ويحن ويتكرم علينا بلقاء جديد ..

عايزين مشجعين ...

[farasha79]

عايزين مشجعين ...

بص شوف المنتدى بيعمل ايه

بص شوف المنتدى بيعمل ايه

يا منتدى يا ابهه...ايه العظمه دي كلها

كده كفايه و لا عاوز كمان تشجيع

[أسامة الكباريتي]

هييييييييه

لسه راجع من الساحل الشمالي ..

لعبطنا حتى آخر قطرة فيه ..

الجو كان في عاية الروعة ..

برد في أغسطس!!!!!!!!!

يلا يا حاج ابن مصر عايزين نشوفكم ..

قولوا إيمتى!!

[متفـائــله]

السلام عليكم

للاسف شفت التنويه عن اللقاء العالمي بعد انعقاده بشهر تقريبا..رغم انه ماكنش منتظر اوي يعني اني اعرف احضر لكن مين يعرف ممكن!

ما علينا تتعوض انشاءالله و لذلك فيه اقتراح ممكن نضعه في الاعتبار اننا نعمل لقاء في الاسكندريه لتسهيل عمليه اللقاء لاكبر عدد ممكن من الاعضاء و ممكن كمان نعمل لقاء في بقية المحافظات ...

ايه رأيكم يا جماعه!؟