أسعار الكمبوندز في الرياض

[Ahmed Badawi]

السلام عليكم ورحمة الله وبركاته ... أنا مسافر قريب ان شاء الله الرياض للعمل وكنت عايز أعرف لو حد ممكمن يدلني على كمبوند تكون أسعاره معقولة. كل الكمبوندز عللي موجودة عى الإنترنت أسعارها غاليه بس سمعت ان في كمبوندز مش بتعلن على النت وبتبقى أسعارها معقولة.

أنا بأدور على بيت غرفتين في حدود 60000 ريال في السنة. كل العروض الموجودة على النت بتبتدي من 90000 وانت طالع. أرجو الإفادة.

[الرويناء]

فيه ابراج الخالديه مش كمبوند بس هتلاقى فيها كل المميزات الللى ممكن تلاقيها فى الكمبوند

بالاضافه ان الاغلبيه السكان مصريين ومن الناس المحترمه يعنى الاغلبيه صيادله ومهندسين وكده

اسعا ر شقق 2 غرفه تقريبا 36 الف وبتختلف

[MZohairy]

اعتقد ممكن تلاقي في كمبوند العقاريه بالعليا

و بالتحديد في بوابه رقم 7 حتلاقي امكانيه اكبر

بالتوفيق

[أسد]

خذ الرقم ده

0505429514

مجمع العيسى

حي الريان

الإيجار في حدود 75000

فلل كبيرة مش صغيرة

[se_ Elsyed]

فيه ابراج الخالديه مش كمبوند بس هتلاقى فيها كل المميزات الللى ممكن تلاقيها فى الكمبوند

بالاضافه ان الاغلبيه السكان مصريين ومن الناس المحترمه يعنى الاغلبيه صيادله ومهندسين وكده

اسعا ر شقق 2 غرفه تقريبا 36 الف وبتختلف

يا رويناء حرام عليكي ..

أبراج الخالدية حلو وكل حاجه من جوه ..

لكن من بره وزحمة البطحا وشارع الخزان ... بصراحة .. لو إندفع لي فلوس ماروحش أسكن هناك ..

بأروح أزور بعض أصدقائي ساكنين فيها وبأبقى هاين عليه أعيط وأنا بأدور على موقف للسيارة ... ناهيكي بقى إن الزيارة بتبقى خميس وجُمعه .. ودوس يا عم على ملايين البشر الهنود اللي ماليين البطحا وحتى طريق الملك فهد بييجي عليه أوقات ويتحول من هاي واي إلى حارة في زقاق المدق ...

-------

الأخ أحمد ... ممكن تشوف مجمع صحارى في شارع العُليا

أو مجمع العقارية

وأسعارهم معقولة جداً جداً

وفي مجمع المُحيا في طريق مكه بعد الحي الدبلوماسي .. زملائي ساكنين هناك وهاجيب لك سعره النهاردة بالظبط ووسيلة الإتصال بإدارته .. بس هو في حدود 45 ألف / سنة

[se_ Elsyed]

جبت لك خبرها :)

مديرة كمبوند المُحيا .. سيدة إسمها / مدام هُناده ... هي كده .. موبيل 966504186001 00 .... فيلا محندقة غرفتين نوم وصالة ومطبخ .. الغرفتين في الطابق الثاني ... والإستقبال والمطبخ في الطابق السُفلي .. وحديقة صغنونه في الأمام وأخرى في الخلف ... والفيلا مؤثثه بالكامل ومش هاتجيب قشايه معاك وكل ده بـ 45 ألف ج .. يا بلاش ..

بس ممكن تتحط ويتنج ليست يا حلو لحد ما يفضى مكان ... لإن السعر مغري والكمبوند عليه إقبال ..

تحياتي ،،،

[SajedSoft]

طيب فين الاقى غرفتين وصالة ب 20 الف مكان راقى وقريب من العليا

[Ahmed Badawi]

بجد مش عارف أشكركم على الردود إزاي. أنا الحمد لله النهاردة أخذت التأشيرة بتاعتي ومسافر على يوم 27 كده. لو حد عنده أي معلومات تانية يا ريت ما يبخلش علينا لأن أنا قدامي 10 أيام هأسكن على حساب الشركة وبعد كده مع نفسي. فمحتاج ألاقي سكن في خلال ال10 أيام دول. لو ممكن أرقام مجمع العقارية.

[MZohairy]

جبت لك خبرها :)

مديرة كمبوند المُحيا .. سيدة إسمها / مدام هُناده ... هي كده .. موبيل 966504186001 00 .... فيلا محندقة غرفتين نوم وصالة ومطبخ .. الغرفتين في الطابق الثاني ... والإستقبال والمطبخ في الطابق السُفلي .. وحديقة صغنونه في الأمام وأخرى في الخلف ... والفيلا مؤثثه بالكامل ومش هاتجيب قشايه معاك وكل ده بـ 45 ألف ج .. يا بلاش ..

بس ممكن تتحط ويتنج ليست يا حلو لحد ما يفضى مكان ... لإن السعر مغري والكمبوند عليه إقبال ..

تحياتي ،،،

ده الكمبوند اللي فجروه في 2002 اعتقد

[Ahmed Badawi]

كده يا سي السيد ... عايزني أسكن في كمبوند فجروه قبل كده :) . عموماً الأعمار بيد الله :huh: