لعبة كلنا نشترك فيها

[alsaher]

سؤالي..

دخلت محل ولاقيت ساعة عاجباك جدا وسعرها مناسب وكله..ومكنش فيه منها غير واحدة..

جه شخص وقلك اشوفها..وابدى اعجابه الشديد بيها وقلك انا نفسي فيها ممكن تسبهالي..

هتسبها له ولا لا..

بصراحة حسيبها

مش حكاية كرم مني

بس في حاجه غريبه معلقه في دماغي

إنو جدتي كانت تقول لو بإيدك حاجه وغيرك نفسه فيها جدا ، يبقى مش حتتهنى بيها خالص

فمن هنا ما أحبش آكل قدام جعان مثلا ، ولا أحب آخد حاجة حد نفسه فيها

وفاكر إني طلبت من والدي نبيع عربيه ، من كتر ما جارنا كان يطلب مني يشتريها ، وأطلع ألاقيه قاعد قدامها

لغايه ما بعناها له فعلا ، وكرهت النوع ده كله من العربيات :wub:

سؤالي :

تفرق معاك كون " الساهر " أو أي عضو غيره ، مش مصري ؟ يعني تعاملك بيفرق ؟ أو الكلام اللي حتقولو بيتغير مثلا ؟؟

[dawn walker]

تفرق معاك كون " الساهر " أو أي عضو غيره ، مش مصري ؟ يعني تعاملك بيفرق ؟ أو الكلام اللي حتقولو بيتغير مثلا ؟؟

فى الغالب لأ

سؤالي..

دخلت محل ولاقيت ساعة عاجباك جدا وسعرها مناسب وكله..ومكنش فيه منها غير واحدة..

جه شخص وقلك اشوفها..وابدى اعجابه الشديد بيها وقلك انا نفسي فيها ممكن تسبهالي..

هتسبها له ولا لا..

هقولله لأ مش ممكن ..شوف غيرها

لو خلفت (أو خلفتي) بنت, هاتسميها إيه ؟

نور

الإسم الخامس في موبايلك ، مين ؟؟

والرسالة رقم 6 ، إيه هي ومن مين ؟؟

لواحد اسمه عمرو

الرسالة plz call me ... من واحد صاحبى بخيل :wub:

سؤالى

اول موقع فتحته على النت فى حياتك .واكتر فاتورة جاتلك اما كان النت بس عن طرق التليفون ..ايام الرقم بتاع

0908

[Emo]

اول موقع فتحته على النت فى حياتك .واكتر فاتورة جاتلك اما كان النت بس عن طرق التليفون ..ايام الرقم بتاع

0908

كان موقع الردادي..

ومش فاكرة الفاتورة

سؤالي..

بصراحة شديدة بتهتم إنك تغطي المعجون بعد ماتستعمله ولا ماتفرقش معاك..؟

:wub:

[dawn walker]

سؤالي..

بصراحة شديدة بتهتم إنك تغطي المعجون بعد ماتستعمله ولا ماتفرقش معاك..

فى معظم الاحيان بغطيه

وبصراحة شديدة ..ماعنتش لاقى اسئلة

[alsaher]

بصراحة شديدة بتهتم إنك تغطي المعجون بعد ماتستعمله ولا ماتفرقش معاك..؟

سؤال غريب :wub:

عمري ما تركته من غير غطا

أوعي تكوني بتعمليها يا إيمو ؟؟

إيه نغمة الموبايل عندك ؟؟

[Emo]

وبصراحة شديدة ..ماعنتش لاقى اسئلة

ليه..!! :wub:

عموما أسأل أنا..

لو قلتلك أبعت لعضو من المحاورات دلوقتي في التعليقات .كلمة صباح الخير..

مين العضو ده..

وليه..هو بالذات..!

[dawn walker]

عموما أسأل أنا..

لو قلتلك أبعت لعضو من المحاورات دلوقتي في التعليقات .كلمة صباح الخير..

مين العضو ده..

وليه..هو بالذات..!

ابعتها للشباب بتاع باب المغتربين كلهم

لانهم بيحاولوا يساعدوا الناس

سؤالى

هل غشيت قبل كده فى امتحان ؟

[alsaher]

عموما أسأل أنا..

لو قلتلك أبعت لعضو من المحاورات دلوقتي في التعليقات .كلمة صباح الخير..

مين العضو ده..

وليه..هو بالذات..!

يمكن أرسل لحضرتك

علشان أنا بقالي يومين بأفضل ألعب هنا وحضرتك بتردي لغاية ما أتعب وأنام من غير ما أفكر ، وده المطلوب

فبكده إنتي بتعملي خير ما تتصوريش قد إيه :wub:

سؤالي موجود فوق

تم تعديل 19 فبراير 2009 بواسطة alsaher

[Emo]

بصراحة شديدة بتهتم إنك تغطي المعجون بعد ماتستعمله ولا ماتفرقش معاك..؟

سؤال غريب

عمري ما تركته من غير غطا

أوعي تكوني بتعمليها يا إيمو ؟؟

إيه نغمة الموبايل عندك ؟؟

هههههه

بصراحة شديدة..

بنسى أحيان كثير..

وماما زهقت من كثر مابتنبهني..اشمعنى المعجون بالذات اللي بنسى أغطيه..!!

ده محتاج دراسة نفسية عشان اتفهمني.. :)

نغمة موبايلي..

قوله تعالى(إن في خلق السموات والأرض واختلاف الليل والنهار لآيات لأولي الألباب )

بصوت الشيخ العجمي

فبكده إنتي بتعملي خير ما تتصوريش قد إيه

:lol:

تقصد بمارس دور الشريرة.

بنهك قواك لحد مايغمي عليك وتنام..

عادي يافندم ..هي دي إيمو..

شريررررة.. :wub:

هل غشيت قبل كده فى امتحان ؟

تؤتؤ مستحيل طبعا..

أولا الغش حرام..

ثانيا مابثقش غير ف نفسي (ف مسألة المذاكرة يعني..) ;)

سؤالي..

كام رصيدك ف الموبايل دلوقتي wst::

[alsaher]

كام رصيدك ف الموبايل دلوقتي

حاليا موبايلي فاتوره

منظر بيحزنك جدا جدا ؟؟

[Emo]

منظر بيحزنك جدا جدا ؟؟

لما بشوف حد جعان..

كأن تكون رايح تدخل مطعم وقدامك واقف كناس أو طفل بيبع منديل وأنت داخل تأكل بميات..وهو ف عرض ريال..

منظر اتبويس مصر والناس خارجه منه..عمري مابشوف المنظر ده الا وأعيط..

منظر حد فقد حد غالي عليه..مابقدرش امسك دموعي حتى لو كان المتوفي ده ماعرفهوش ولا يقربلي..بس مجرد الموقف بيوجعني اووي..

حجات كثير اووي ..

سؤالي..

بتقول أذكار الصباح والمساء ولا لا..؟

[alsaher]

بتقول أذكار الصباح والمساء ولا لا..؟

بصراحة

بقالي زمان مش قايلها :wub:

إيه مدى تأثيرك بمظهر اللي قدامك ؟ يعني لما تقابل شخص لأول مره بيأثر في إنطباعك مظهره ؟

[Emo]

إيه مدى تأثيرك بمظهر اللي قدامك ؟ يعني لما تقابل شخص لأول مره بيأثر في إنطباعك مظهره ؟

مش بيأثر قد انفعالاته..يعني المظهر دي آخر حاجة ممكن تؤثر في حككمي عليه..لكن باخد بالي اووي من طريقة تعامله مع الناس قبل تعامله معايا..

وطريقة كلامه عنهم وكده..

سؤالي..

أأقسام الماسنجر عندك وكام واحد في كل قسم..؟

[alsaher]

أأقسام الماسنجر عندك وكام واحد في كل قسم..؟

3 أقسام

الأول العائله وفيه حوالي 10

والتاني الأصدقاء ، حوالي 13

والتالت المحذوفين :wub: ، وفيه 3

إيه أكتر مكان بتحب تروحه في مصر ؟ مش تقولي البيت ، عايز مكان عام

[Emo]

إيه أكتر مكان بتحب تروحه في مصر ؟ مش تقولي البيت ، عايز مكان عام

الأزهر باارك..

سؤالي..

قدامك ع مكتبك ورقة..هتكتب فيها عبارة عشان تشوفها دايما..

اي هي العبارة دي..؟

[alsaher]

قدامك ع مكتبك ورقة..هتكتب فيها عبارة عشان تشوفها دايما..

اي هي العبارة دي..؟

لا تحزن

فما بعد الضيق إلا الفرج

وإشتري عزلتك برفقة تضرك وتؤرقك

يعني إيه صداقه ،، ويعني إيه وحده بالنسبه لك ؟؟

[Emo]

يعني إيه صداقه ،، ويعني إيه وحده بالنسبه لك ؟؟

صداقة اللي هيا انتيم وكده..

يعني اهتمام..يعني انا وصديقتي واحد..

يعني أحميها حتى من نفسها..

انصحها..افرحها..اكون جنبها ف زعلها..

اتخانق معاها لو كانت ع غلط..

اخنق اللي يزعلها..

اصحيها من احلها نومة عشان ااقلها حاجة تافهة واقفل اني مطمنة انها مش هتبلغ عني..

اتصللا بيها ااقولها الحقيني انا ف ورطة..واخليها تيجي تدفعلي حساب الأكل اللي كلته..

اروح بيتها انام ع سريرها واخليها تنام ف الأرض..

افتح ثلاجتها واقفلها برجلي..

اجي اعمل فيها خير واكويلها بلوزتها ااقوم احرقها وانا بضحك..

نبدل موبيلاتنا مع بعض..

لو عاوزة اتخانق مع حد اتصل بيها تيجي تعضهولي..

اغير خطة يومي كله عشان اعدي عليها ف الشغل واشوفها..

نشتري مكرونة ملوثة ونعقد نضربها ف الشارع زي اي أثنين متشردين..

اضربلها مشوار من الهرم لحد مدينة نصر بس عشان نشرب كوبيتين قصب من المحل اللي جنبهم وارجع تاني..

اكون حلالة المشاكل بينها وبين خطيبها..

اتصل بمامتها واتكلم معاها وكأنها مامتي..

اتصل بابها واقله خلي (هبة) تصحيني بعد ساعة ياعمو..يقوم يقلي طيبنامي وانا هصحيكم انتم الأثنين..

ممكن اعيط عشانها حتى لو انا ف عز فرحي..

نشتري هدومنا سوا..

وووووو................حجات كثير اووي..

انا فعلا كل اللي حكيته ده عايشه الحمد لله مع صديقتي واغلى قلب بعد أهلي..(هبة الغالية)

بالنسبة للوحدة..دي كائن احنا بنخلقه..

في ايد كل واحد مننا انه يخنق الوحدة دي بأكثر من طريقة

سؤالي..

لما بتزعل من حد ..ازاي ممكن يراضيك..؟

[alsaher]

ربنا يخليكو لبعض إنتي وصاحبتك

لما بتزعل من حد ..ازاي ممكن يراضيك..؟

ممكن بحضن أو كلمة إعتذار

وحسب الموقف والشخص

زمان لما كنت بأزعل من أختي بجد كانت ما تورنيش وشها ، لكن بس تبعتلي مسج ، لوحدي أرضى وتاني يوم أكون عندها

عموما لما أزعل جامد ما أحبش أشوف حد ، لغايه ما أهدى لوحدي

إمتى آخر مره بكيت/ي ، وليه ؟

وأنا كده خلاص عمال بأنام :wub:

تم تعديل 19 فبراير 2009 بواسطة alsaher

[Emo]

إمتى آخر مره بكيت/ي ، وليه ؟

أول امبارح..

كنت بكلم حد غالي عندي اووي..وبيحكيلي عن وفاة والده _اتوفى من 10 سنين_

امتى ماقدرتش امسك دموعي..

اي اهم حاجة وراك النهاردة...!

[capitshino]

إمتى آخر مره بكيت/ي ، وليه ؟

أول امبارح..

كنت بكلم حد غالي عندي اووي..وبيحكيلي عن وفاة والده _اتوفى من 10 سنين_

امتى ماقدرتش امسك دموعي..

اي اهم حاجة وراك النهاردة...!

اهم حاجة عندى النهاردة انى اخلص تقرير عن المزرعة علشان اخر الاسبوع

سؤالى

حد زعلان منى قبل ما اخلع من التوبيك ده ؟