لعبة كلنا نشترك فيها

[لماضة مصرية جدا]

سؤالي

هو

وبعدين؟

السلام عليكم و رحمة الله و بركاته

و لا قبلين

بس يا ستي و قااااااااااامت معيطة....(ده اسم جروب هاريني ع الفيس لما حسيت اني اغرق في بحر الدموع :P )

يعني هو سعادتك راكبة التوك توك من بلاد الماتادور...و هتقفلي دور الدومينو كده

مينفعشي يا فندم حطي سؤال تاااااني

ع هامش التور بقي و اسبانيا و حركات يعني

ميرسي جدا يا فندم علي ذوقك....و مستنين تشريفك في التوبيك....احسن انا اوقات كتير بحس اني بكلم نفسي...في التوبيك....(وش اي حد بيبص لروحه في المراية...و بيطمن ان العين مكانها و كده يعني)

مساااكي....تواصل كيبوردي....اوي

[ذهبية]

سؤال نفسى اسالة و محبتش افتح توبك مخصوص علشانة

افتكرت التوبك دة قولت احط فية السؤال

سؤالى

صديقة عمر و ليها من الذكريات المشتركة بينا كتير حصلت لها نقلة نوعية فى حياتها و انتقلت من مستوى الى اخر اعلى

اصبحت لود نفسى شديد عليا لان كل احاديثها اصبحت تدور فى فلك واحد

و هو انجازات زوجها التى تسردها بطريقة ااقل ما يوصف لها انها بتترسم

فهو سوف يرشح نفسة فى مجلس الشعب القادم

و اصبح حديثها قمة التناقض بين انة بيرشح نفسة علشان يساعد الفقرا و بين انة هيدوس على الناس و كل واحد يعرف مكانة

وان جوزها بيوقف البلد على رجل لما بس يمشى فى اى حتة

و ان جوزها مش بيعجبة العجب و ان مش بيصاحب الا كبار البلد

و ان جوزها يعرف دبة النملة و كل الاسرار لانة من كبار البلد

و هكذاااااا

حاولت انى ااقصر معاها او اتحدث فى اى موضع اخرررر

الف الف و نرجع الى نفس النقطة و هى جوزى عمل و عمل وعمل

افكر جديا فى البعد عنها هل انا غلطانة فى تفكيرى دة

[Dreamwithme]

سؤال نفسى اسالة و محبتش افتح توبك مخصوص علشانة

افتكرت التوبك دة قولت احط فية السؤال

سؤالى

حاولت انى ااقصر معاها او اتحدث فى اى موضع اخرررر

الف الف و نرجع الى نفس النقطة و هى جوزى عمل و عمل وعمل

افكر جديا فى البعد عنها هل انا غلطانة فى تفكيرى دة

لو أنا مكانك هأفكر بنفس الطريقة ولا أعتقد إنك مخطئة

طالما إنك مش عارفة تغيري اتجاه الحديث وهي مصرة علي الكلام عن نفس النقطة بنفس الأسلوب

وأنتي مش هتقدري تواجهيها وتردي عليها بصراحة إن الكلام اللي بتقوله غلط وإنها المفروض تفوق لنفسها وماتنساش نفسها

لو مش هتقدري تواجهيها بالحق بالراحة وبالمنطق والذوق يمكن فعلا متكونش واخده بالها والسكينة سارقها

يبقي البعد عنها لا مفر منه ....لكن فكري الأول في اختيار المواجهة هل تقدري عليه من باب النصح لوجه الله تعالي؟

أنا عارفة إنها ممكن تفتكر إنك غيرانة منها أو أي شئ تاني وعارفة إنك صعب تتكلمي في النقطة دي وأنا لومكانك غالبا مش هأقدر وهأبعد بالتدريج

[capitshino]

سؤال نفسى اسالة و محبتش افتح توبك مخصوص علشانة

افتكرت التوبك دة قولت احط فية السؤال

سؤالى

صديقة عمر و ليها من الذكريات المشتركة بينا كتير حصلت لها نقلة نوعية فى حياتها و انتقلت من مستوى الى اخر اعلى

اصبحت لود نفسى شديد عليا لان كل احاديثها اصبحت تدور فى فلك واحد

و هو انجازات زوجها التى تسردها بطريقة ااقل ما يوصف لها انها بتترسم

فهو سوف يرشح نفسة فى مجلس الشعب القادم

و اصبح حديثها قمة التناقض بين انة بيرشح نفسة علشان يساعد الفقرا و بين انة هيدوس على الناس و كل واحد يعرف مكانة

وان جوزها بيوقف البلد على رجل لما بس يمشى فى اى حتة

و ان جوزها مش بيعجبة العجب و ان مش بيصاحب الا كبار البلد

و ان جوزها يعرف دبة النملة و كل الاسرار لانة من كبار البلد

و هكذاااااا

حاولت انى ااقصر معاها او اتحدث فى اى موضع اخرررر

الف الف و نرجع الى نفس النقطة و هى جوزى عمل و عمل وعمل

افكر جديا فى البعد عنها هل انا غلطانة فى تفكيرى دة

مافيش احسن من الصراحة

الصراحة راحة

[رضوي]

فين بقي الأسئلة ؟؟؟؟؟؟؟؟

طيب اقول انا سؤال نسخن بيه

فين كل المحاورين ؟؟؟؟ اختفوا فين ؟؟؟ ليه ماباقوش بيشاركوا ؟؟؟

وفين مواضيعنا اللي بتجمعنا ؟؟؟

[Dreamwithme]

فين بقي الأسئلة ؟؟؟؟؟؟؟؟

طيب اقول انا سؤال نسخن بيه

فين كل المحاورين ؟؟؟؟ اختفوا فين ؟؟؟ ليه ماباقوش بيشاركوا ؟؟؟

وفين مواضيعنا اللي بتجمعنا ؟؟؟

هأحاول أرد عليكي يا رضوي يا أختي

في ظل الظروف اللي البلد بتمر بيها أصبحنا مضطربين جدا فمننا من لم يكون رأي بعد

فهتلاقيه متقوقع علي نفسه وبيفكر وبيحاول يفهم الأحداث السريعة المتلاحقة

ومننا من كون رأي فعلا لكن نتيجة أنه بيلاقي عدم احترام لآداب الحوار ولآداب الخلاف

وإن كل موضوع الواحد يدخله بينتهي بالاتهام بالتخوين والتكفير من جانب أو بالجبن والانتماء للفلول من جانب آخر

فالواحد بيؤثر الصمت لأن أقل تهمة بتوجه اليومين دول أنتم مش فاهمين حاجة

الجو ده موجود في الدنيا عموما فالواحد كان بيدخل المحاورات عشان يصفي ذهنه ويرتاح

فيفاجأ إن نفس الجو موجود في المحاورات .... وللأسف المحاورات تحولت لقناة إخبارية أو برامج توك شو تناقش الأخبار

الموضوعات العادية اللي ملهاش علاقة بالثورة اختفت أو تضاءلت ولم يعد أحد يهتم بها

أينعم إحنا في مرحلة ثورة لكن مش المطلوب الواحد يفضل حارق دمه طول الوقت

أتمني أكون جاوبت عن أسئلتك يا دودو

هأسأل سؤال للي بعدي سؤال من وحي الفترة اللي بنمر بها :

هل تتقبل إن يكون في شخص أنت بتحبه جدا وتحترمه جدا ودائما كنت بتتفق معاه في الأراء أن يختلف معك في رأيك في أحداث الثورة؟

وهل تستطيع أن تستمر في صداقته وحبه وأخذه مثل أعلي إذا كان علي النقيض من موقفك؟

[Howayda Ismail]

هأسأل سؤال للي بعدي سؤال من وحي الفترة اللي بنمر بها :

هل تتقبل إن يكون في شخص أنت بتحبه جدا وتحترمه جدا ودائما كنت بتتفق معاه في الأراء أن يختلف معك في رأيك في أحداث الثورة؟

وهل تستطيع أن تستمر في صداقته وحبه وأخذه مثل أعلي إذا كان علي النقيض من موقفك؟

ليه لأ الاختلاف لايفسد للود قضية

الصداقة الحقيقة هى اللى تقف فى وش الريح وتقابل اى خلاف بصدر رحب

لكن لان معظم صدقات الايام دى هشة اومصلحة فمع اول خلاف بسيط يحصل مجادلة وتقلب بعد كده عداوة

لان كل واحد عاوز يفرض رايه على التانى وبيحاول يقنعه بوجهة نظره بالعافية

بمعنى انت مش معايا تبقى ضدى

السؤال للى بعدى

ليه الناس معدتش متحملة بعض وكل واحد بيمسك فى خناق التانى على اهون سبب

ليه بعد الثورة الناس اخلاقها اتغيرت وبقت للاسوأ

وهل فى امل نشوف اخلاق 25 و 28 يناير ناس ضحت عشانا من غير ماتعرفنا ( الايثار والحب والتعاون .......)

[رضوي]

فين بقي الأسئلة ؟؟؟؟؟؟؟؟

طيب اقول انا سؤال نسخن بيه

فين كل المحاورين ؟؟؟؟ اختفوا فين ؟؟؟ ليه ماباقوش بيشاركوا ؟؟؟

وفين مواضيعنا اللي بتجمعنا ؟؟؟

هأحاول أرد عليكي يا رضوي يا أختي

في ظل الظروف اللي البلد بتمر بيها أصبحنا مضطربين جدا فمننا من لم يكون رأي بعد

فهتلاقيه متقوقع علي نفسه وبيفكر وبيحاول يفهم الأحداث السريعة المتلاحقة

ومننا من كون رأي فعلا لكن نتيجة أنه بيلاقي عدم احترام لآداب الحوار ولآداب الخلاف

وإن كل موضوع الواحد يدخله بينتهي بالاتهام بالتخوين والتكفير من جانب أو بالجبن والانتماء للفلول من جانب آخر

فالواحد بيؤثر الصمت لأن أقل تهمة بتوجه اليومين دول أنتم مش فاهمين حاجة

الجو ده موجود في الدنيا عموما فالواحد كان بيدخل المحاورات عشان يصفي ذهنه ويرتاح

فيفاجأ إن نفس الجو موجود في المحاورات .... وللأسف المحاورات تحولت لقناة إخبارية أو برامج توك شو تناقش الأخبار

الموضوعات العادية اللي ملهاش علاقة بالثورة اختفت أو تضاءلت ولم يعد أحد يهتم بها

أينعم إحنا في مرحلة ثورة لكن مش المطلوب الواحد يفضل حارق دمه طول الوقت

أتمني أكون جاوبت عن أسئلتك يا دودو

هأسأل سؤال للي بعدي سؤال من وحي الفترة اللي بنمر بها :

هل تتقبل إن يكون في شخص أنت بتحبه جدا وتحترمه جدا ودائما كنت بتتفق معاه في الأراء أن يختلف معك في رأيك في أحداث الثورة؟

وهل تستطيع أن تستمر في صداقته وحبه وأخذه مثل أعلي إذا كان علي النقيض من موقفك؟

ياجامد انت ياجامد

تصدقي يادريم ..... هي دي الإجابة اللي مستنياها ....... الحمد لله مش لوحدي شايفة كدة

وعلشان كدة بقي يادريمي ياقمر

عايزين نرجع مواضيعنا الجميلة بتاعت زمان ......... تعبنا ياناس من السياسة هو في الشغل والبيت والنادي والشارع كمـــــــــــــــــــــــان المحاورات ؟؟؟؟

كتير كتير كتير اوي ياجماعة

سؤالك جاوبت عليه مدام هند وأنا بتفق معاها

الحق بقي اجاوب سؤال مدام

[رضوي]

السؤال للى بعدى

ليه الناس معدتش متحملة بعض وكل واحد بيمسك فى خناق التانى على اهون سبب

ليه بعد الثورة الناس اخلاقها اتغيرت وبقت للاسوأ

وهل فى امل نشوف اخلاق 25 و 28 يناير ناس ضحت عشانا من غير ماتعرفنا ( الايثار والحب والتعاون .......)

الناس بقت اووووفر

يعني الناس بقت مش طايقين نفسهم ...... الدنيا مبهمة اوي ....... والقلق سيد الموقف ...... ماحدش عارف بكرة ممكن يحصل فيه ايه ...... صحيح الناس متفائلة الي حد ما ( مش كلهم يعني ) بس حاسين ان فيه حد عايز يلعب بيهم ...... حد بيحاول يقولهم :- أنا عارف مصلحتكم سيبوني اتصرف بالنيابة عنكم

ومابين الاختلاف بين التيارات المختلفة وبعضها البعض الناس تعبت ........ الناس زهقت ومحتاجين تقدم ملموس

علشان كدة الناس مش طايقة بعضها ....... والوضع مش هيتحسن الا لما الامور تستقر وتهدى والناس تحس فعلا بالتغيير

[رضوي]

سؤالي للي بعدي ( قبل ماحد يضرب شايفاكم )

هو في الواقع سؤال مركب ( كام سؤال كدة في بعضهم يلا ان شالله ماحد حوش )

- امتى بتحس انك فرحان اوي والدنيا مش سايعاك ؟؟

- وبتعمل ايه لما تحس الاحساس دة ؟؟

- امتى دموعك بتنزل منك غصب عنك ؟؟

- امتى بتتجنن وبتتهور وبتتصرف من غير ماتفكر ؟؟

- الدنيا بالنسبالك يعني ايه ؟؟

- أكتر حاجة بتعملها في الدنيا بتسعدك اوي ؟؟

- أكتر حاجة ممكن تضايقك من بني آدم ؟؟

- امتى بتحس بالرضا عن الناس ؟؟ وامتى بتحس بالرضا عن نفسك ؟؟

- امتى بتستغرب نفسك ؟؟

فكرتوني بكرسي الاعتراف ... ليه ماحدش متكهرب دلوقتي ع الكرسي ؟؟؟ ( دة سؤال برده جاوبوا عليه )

[Dreamwithme]

حد بيحاول يقولهم :- أنا عارف مصلحتكم سيبوني اتصرف بالنيابة عنكم

عجبتني الجملة دي جدا جدا يارضوي .....طلعت في الجووووووووووووووووووون bv:-

بس نقطي الخضرا خلصت

علي جنب فين السؤال للي بعدك يا أستاذة ريا؟!!!!

[Dreamwithme]

أحم أحم هو أنا ينفع أخد الميكرفون تاني وأجاوب عليك يارضوي ولا هيقول قلبنها شات؟!

هأجاوب وأجري علي الله

سؤالي للي بعدي ( قبل ماحد يضرب شايفاكم )

هو في الواقع سؤال مركب ( كام سؤال كدة في بعضهم يلا ان شالله ماحد حوش )

- امتى بتحس انك فرحان اوي والدنيا مش سايعاك ؟؟

لما أعمل حاجة كبيرة قوي لحد وأفرحه

- وبتعمل ايه لما تحس الاحساس دة ؟؟

بأصلي ركعتين شكر وبأقعد لوحدي أناجي ربنا وأشكره أزاي رزقني الرزق ده

- امتى دموعك بتنزل منك غصب عنك ؟؟

لما بأزعل من نفسي وأخاصمها

- امتى بتتجنن وبتتهور وبتتصرف من غير ماتفكر ؟؟

بصراحة نادرا بس أكيد أي انسان بيتهور لما بيحس بخطر بس بصراحة مش فاكرة موقف محدد

- الدنيا بالنسبالك يعني ايه ؟؟

يعني رضا وسلام داخلي ورحلة للخلود

- أكتر حاجة بتعملها في الدنيا بتسعدك اوي ؟؟

الدعاء وقراءة القرآن

- أكتر حاجة ممكن تضايقك من بني آدم ؟؟

الزن ....بتنرفز بصراحة من الزن

- امتى بتحس بالرضا عن الناس ؟؟ وامتى بتحس بالرضا عن نفسك ؟؟

كنت زمان برضا عن الناس لما بأكون بأحبهم ومكنتش بأرضي عن نفسي خالص

دلوقتي أنا الحمد لله راضية عن الناس علي طول لأنهم بشر وضعفاء جدا وغلابة حتي لومش واخدين بالهم

وهم بيحاولوا يعملوا أحسن حاجة ويأخدوا أحسن قرارات ممكنة تيعا لامكانياتهم والخظأ وارد فخلاص

والحمد لله تعلمت إزاي أسامح نفسي وأرضي عنها طول ما أنا شايف نفسي بأحاول أتعلم فأنا راضية وطول ماأنا حاسة إن الباب اللي بيني وبين ربنا مفتوح

فأنا راضية عن نفسي

- امتى بتستغرب نفسك ؟؟

لما بأحاول أكون مش أنا عشان أرضي الناس أو عشان أخد حقي ....بأستغربني خالص

فكرتوني بكرسي الاعتراف ... ليه ماحدش متكهرب دلوقتي ع الكرسي ؟؟؟ ( دة سؤال برده جاوبوا عليه )

حضرتك يا أفندم أنا اللي علي كرسي الاعتراف بس نظرا لأحداث الثورة فمحدش بيلعب خالص بس أنا والله قاعدة علي الكرسي ما قمتش خالص

[رضوي]

حد بيحاول يقولهم :- أنا عارف مصلحتكم سيبوني اتصرف بالنيابة عنكم

عجبتني الجملة دي جدا جدا يارضوي .....طلعت في الجووووووووووووووووووون bv:-

بس نقطي الخضرا خلصت

علي جنب فين السؤال للي بعدك يا أستاذة ريا؟!!!!

تسلمي يادريمي

شوفتي ظلمتيني ازاي يادريمي ؟؟؟ ماكانش العشم ؟؟؟ سؤالي في المداخلة اللي فوق اهه ؟؟ ( الحمد لله لحقت نفسي )

وبعدين انتوا عرفتوا اسمي الحقيقي خلاص ....... ريا سيطرة smk:

[Dreamwithme]

نسيت أسأل سؤال للي بعدي

هل أنت متفائل بشدة مما يحدث في مصر الآن؟ وعلي يقين تام إن مصر هتبقي أحلي وأحلي؟

[رضوي]

نسيت أسأل سؤال للي بعدي

هل أنت متفائل بشدة مما يحدث في مصر الآن؟ وعلي يقين تام إن مصر هتبقي أحلي وأحلي؟

اممممممممممممم

واضح اننا هنقلبها شات انا وانتي يادريمي

ولا يهمك شات شات حد واخد منها حاجة

بصي بقي ياحبي

انا ولا متفائلة اوي ولا متشائمة اوي

بس تعرفي ...... أنا متفائلة ان ربنا هينصرنا .......... والوضع ان شاء الله مش هيبقي أسوأ مما كان عليه وكله خير بإذن الرحمن

سؤالي انا بقي

غمض عينك وخد شهيق عميييييييييييييييييييييييييييق

واتمنى أمنية من رب العالمين

بس الأمنية شخصية وخاصة بيك ( ماحدش يقولي ربنا ينصر مصر انا بقول اهه )

وقولنا بقي امنيتك ايه ............ وبتتمناها ليه ؟؟

دريم علي جنب كدهوت .......... تعالي علي كرسي الاعتراف حضرتك مااخدتيش جرعة الكهربا كاملة ولازماً وحتماً ولابد تتكهربي ( وش ريا سيطرة )

[Om Zayd]

شهييييييييييييييق

زفيييييييييييير

تصدقي يا رضوى السؤال ده جاي في وقته أوييييييييي

يا رب أخلص من الكابوس اللي أنا فيه من غير ما أخسر روحي او ألوثها

هو الكريم سبحانه.. شايفة بعيني الخير اللي جاي مع الابتلاء و الكابوس

بس الظلم صعب أوي

ربنا يعافينا جميعا

المفروض أسأل اللي بعدي.. صح؟

ممكن تظلم؟؟

ممكن تبرر لنفسك انك تظلم؟

[رضوي]

شهييييييييييييييق

زفيييييييييييير

تصدقي يا رضوى السؤال ده جاي في وقته أوييييييييي

يا رب أخلص من الكابوس اللي أنا فيه من غير ما أخسر روحي او ألوثها

هو الكريم سبحانه.. شايفة بعيني الخير اللي جاي مع الابتلاء و الكابوس

بس الظلم صعب أوي

ربنا يعافينا جميعا

المفروض أسأل اللي بعدي.. صح؟

ممكن تظلم؟؟

ممكن تبرر لنفسك انك تظلم؟

اممممممممممممممممممم

الظلم ................... أصعب حاجة في الدنيا دي الظلم

والظلم ظلمات يوم القيامة .......... وكفاية ان دعوة المظلوم لاترد

أقولك ......... أنا دقت طعم الظلم ........... مر اوي وصعب اوي اوي ........ وجربت ان دعاء المظلوم ربنا بيستجاب ليه

فصعب اوي اني اظلم وحد يدعي عليا

ربنا يقينا شر الظلم والظالمين

سؤالي أنا بقى

كام باب اتفتحلك بسبب دعوة مامتك أو باباك ........ وبتحس بإيه لما مامتك تدعيلك من قلبها ؟؟

[Dreamwithme]

سؤالي أنا بقى

كام باب اتفتحلك بسبب دعوة مامتك أو باباك ........ وبتحس بإيه لما مامتك تدعيلك من قلبها ؟؟

ياه يا رضوي ماتعديش يابنتي ....ساعات بأحس إن كل حاجة حلوة حصلت لي بسبب دعوة حلوة منهم ولو حتي نسمة هوا في حر الصيف

لما ماما بتدعيلي من قلبها بأحس بالثقة والشجاعة بأحس إني مستعدة أعمل أي حاجة وأنا واثقة إني محمية بإذن الله

سؤالي للي بعدي:

أيه أكثر مكان بتحبه في القاهرة أو أكثر صفة بتحس إنها موجودة في القاهرة دونا عن باقي المدن

[رضوي]

سؤالي أنا بقى

كام باب اتفتحلك بسبب دعوة مامتك أو باباك ........ وبتحس بإيه لما مامتك تدعيلك من قلبها ؟؟

ياه يا رضوي ماتعديش يابنتي ....ساعات بأحس إن كل حاجة حلوة حصلت لي بسبب دعوة حلوة منهم ولو حتي نسمة هوا في حر الصيف

لما ماما بتدعيلي من قلبها بأحس بالثقة والشجاعة بأحس إني مستعدة أعمل أي حاجة وأنا واثقة إني محمية بإذن الله

سؤالي للي بعدي:

أيه أكثر مكان بتحبه في القاهرة أو أكثر صفة بتحس إنها موجودة في القاهرة دونا عن باقي المدن

فعلاً مافيش في الدنيا أحلي ولا أجمل من دعاء أمي ليا كل يوم الصبح ودعائها قبل النوم ........ ولا افضل من دعاء والدي بعد كل صلاه ...... ولما يكون نازل يصلي واقوله ماتنسانيش في الدعاء

ربنا يديمها علينا نعمة يارب ....... نعمة رضاهم افضل نعمة من الرحمن

نيجي بقي للسؤال :

بموت في كل شبر من أرض بلدي ( مصر كلها ) بس للقاهرة وضع خاص .......... بحب كل حتة فيها وكل مكان له طعم ......... ولو قولت بحس بايه في كل مكان مش هتخلصوا مني ........ بس أكتر مكان بحبه اوي ............ النيل ....... وبالذات الصبح بدري ........ لما بحس بضيق بروح اشكيله وافضفض معاه ........ لما بحس بفرح بحسه بيضحكلي ......... النيل دة حكاية ......... ولما رحت اسوان كان له طعم مختلف تماماً ........ يمكن علشان كان قريب اوي اكتر من القاهرة

أكتر صفة بقي موجودة في القاهرة غير باقي المدن ............ إنها مش شبه بعضها ........ تلاقي كل مكان حكاية ...... هنا وسط البلد ..... وجمالها ودفاها ......... هنا الخان والاصالة والتاريخ .... هنا الهرم والشموخ ........ هنا شبرا وولاد البلد الجدعان ..... هنا المعادي والنيل اللي كان هادي ..... وهنا التجمع والهدووووووء الرهييييييييييب .......... وطبعا كل مكان له شكله الخاص وطعمه المختلف .......... وله مذاق مختلف بالليل عن النهار ....... في الصيف عن الشتا

أما في رمضااااااااااااااان فالوضع مختلف تماماً عن اي مكان

[رضوي]

طبعاً القاهرة نستني اكتب السؤال

سؤالي للي بعدي ................ :-

في عز يوليو والحر والرطوبة ........ والشمس الحارقة اللي احنا فيها دي

جتلك دعوة لقضاء اسبوع في احدى المدن الساحلية في مصر

تتمنى تكون الدعوة لأي مدينة ؟؟؟؟؟؟ وليه ؟؟؟