اسعار شقق المقطم

[somayasaleh]

الساده الاعضاء الكرام

عندي سؤال من فضلكم....

حد يعرف اسعار الشقق التمليك في المقطم بكام دلوقتي؟؟

وخاصه اللي في الهضبه الوسطي.....

وبالتحديد شقق شركة النصر؟؟؟؟؟

الشقه 100 متر متشطبه سوبر لوكس.....بس مش لوكس ولا حاجة....

هي عاديه خالص.....اللي عنده فكره ياريت ما يبخلش بها....

انا سمعت ان الاسعار نزلت جامد بعد موضوع الصخور اللي بتقع ده....

نرجو ا الافاده

وشكرا للجميع

[عاشق]

معتقدش انا الاسعار بتنزل جامد جدا

يعنى يمكن فترة الركود الي بمصر الان

على العموم هحاول استفسر من صديق يسكن بنفس المنطقة

واكيد هلاقي اجابه

[abuAdham]

الاخت الفاضلة بالنسبة للمقطم هو منطقة مميزة لانة قريب من وسط البلد والجو هناك رائع خاصا في الصيف لكن نصيحتي لكِ

ابعدي عن المقطم انت بتشتري شقة تسكني فيها اليوم وتنفع للمستقبل ممكن تبقي تبيعيها وتكملي عليها وتجيبي شقة اكبر او تستفادي بفلوسها ودة مينطبقش علي المقطم استثمارة ليس آمن لان صخورة جيرية ورسوبية شديدة التأثر بالماء وكل شوية يحصل انهيار في الجبل ف الاسعار تقفز لاسفل طبعا او تصاب بالثبات لفترات طوية فياريت لو تحطي فلوسك في مكان تاني ذي التجمعات وخاصأ الاول او اي مكان تاني يكون في نفس السعر هذا ومع اعتزاري لكل سكان المقطم دة رأي شخصي

[somayasaleh]

الاخت الفاضلة بالنسبة للمقطم هو منطقة مميزة لانة قريب من وسط البلد والجو هناك رائع خاصا في الصيف لكن نصيحتي لكِ

ابعدي عن المقطم انت بتشتري شقة تسكني فيها اليوم وتنفع للمستقبل ممكن تبقي تبيعيها وتكملي عليها وتجيبي شقة اكبر او تستفادي بفلوسها ودة مينطبقش علي المقطم استثمارة ليس آمن لان صخورة جيرية ورسوبية شديدة التأثر بالماء وكل شوية يحصل انهيار في الجبل ف الاسعار تقفز لاسفل طبعا او تصاب بالثبات لفترات طوية فياريت لو تحطي فلوسك في مكان تاني ذي التجمعات وخاصأ الاول او اي مكان تاني يكون في نفس السعر هذا ومع اعتزاري لكل سكان المقطم دة رأي شخصي

شكرا للرد

بس هي الشقه بتاعتي فعلا وانا عايزه ابيعها

ومش عارفه الاسعار هناك كام؟؟؟

انا حاليا اسكن في مدينه اكتوبر وهي معقوله ولذلك فكرت في بيع الشقه ده علشان اخد حاجه اكبر واحسن ان شاء الله

اللي عنده فكره عن الاسعار ياريت يدلني...لان السماسره بيلعبوا بي :blink:

[somayasaleh]

معتقدش انا الاسعار بتنزل جامد جدا

يعنى يمكن فترة الركود الي بمصر الان

على العموم هحاول استفسر من صديق يسكن بنفس المنطقة

واكيد هلاقي اجابه

انا في انتظار رأي صديق حضرتك

وشكرا علي الاهتمام

[أشرف محمد]

بسم الله الرحمن الرحيم

الأخت الكريمة / somayasaleh

تحية طيبة وبعد

هناك آلاف المواقع الخاصة بالتسويق العقاري لمنطقة المقطم أدخلي عليها وإبدأى البحث وستجدي فيها بإذن الله الإجابة على طلبك وهذا هو الرابط الأساسي :-

http://search.yahoo.com/search?p=%D8%B4%D9...ss&ei=UTF-8

شكراً مع خالص تحياتي

مهندس / أشرف محمد

[abuAdham]

الاخت الفاضلة انا معرفش سعر البيع كام لكن انصحك ابدئي اعلان عن الشقة في شهر 5 اول موسم الصيف دلوقتي مينفعش بيع خالص لكن في الصيف ممكن تفرق دة لو مش مستعجلة ولو معاكي نمرة سمسار اتصلي بة وقولي لة انك عاوزة تشتري شقة وتقولي مواصفات شقتك وسعرها يبقي كام وهل عندك شقق ممكن اتفرج عليها ) حسسية فعلا انك عاوزة تشتري هيعطيكي سعر غير السعر لما تكوني عاوزة تبيعي لو حس انك هتشتري هيعطيكي السعر الفعلي ويشكر في الشقة كما لو كانت مفيش اختها ولو حس انك هتبيعي هيقولك دي متجبش حاجة ويعدد لكي عيوبها ويموت سعرها هم السماسر كدة وانا شغال معاهم من زمان وبسهولة ممكن تجيبي رقم اي سمسار من المنطقة بس اسبكي الدور كويس وبمجرد ما تعرفي السعر ادخلي موقع مصراوي واعلني عنها انا بعت واشتريت منة كتير وممكن تنتظري ( وهذا الافضل ) لاول شهر 6 واعملي اعلان في الوسيط

ملاحظة ( في العقارات فية حاجة اسمها سعر التاجر وسعر الزبون سعر التاجر هو ال الشخص العادي بيبيع بة والتاجر يشتري

اما سعر الزبون هو ال التاجر بيبيع بة والشخص العادي بيشتري )

عشان كدة بقولك اعملي نفسك بتشتري هتعرفي ممكن تبيعي بكام ويكون السعر مناسب ولازم تعرفي معلومة ( بيعي العقار في الصيف واشتري في الشتاء ) وربنا يوفقك

تم تعديل 20 يناير 2009 بواسطة abuAdham

[ترنيم]

ما شاء الله عليك ياأبو أدهم ..جزاك الله كل خير

حضرتك بتوصف الى بيحصل معايا دائما ......أشترى غالى وأبيع رخيص ........

حسبى الله ونعم الوكيل ...........

[ترنيم]

بمناسبة الأماكن الى حضرتك ذكرتها الى ممكن بكون الاستثمار فيها كويس ...

يا ترى منطقة القطامية الى عند كارفور حد يعرف عنها وعن أسعارها حاجة ؟؟؟؟؟؟

[abuAdham]

الاخت الفاضلةبالنسبة للشقق ال بجوار كارفور انا مش دارسها كويس لكن ابعدي عن بيتشو امريكان ستي لان كان فيها مشاكل في الصيف ولو عاوزة تستثمري يبقي التجمع الخامس او الاول وخاصا الاول اسعارة اقل من الخامس وكويس لكن ياريت قبل ما تشتري تذكري ( لا خاب من استشار ) لان فية اماكن متميزة واماكن لا وفية حيتان مسيطرين علي السوق هناك في التجمعات وابعدي عن التجمع الثالث دة لو عاوزة استثمار سريع وتقلبي فلوسك وتبيعي في اي وقت وبسرعة اما الشركات الاستثمارية ال علي الطريق الدائري من الاوتوستراد الي التجمعات فهم بيبالغوا في الاسعار واحيانا بيرسلوا لكي انزار ان القسط زاد نظرا لارتفاع اسار الدهانات او الحديد او اي شيئ من متقلبات السوق وكمان ثمن الشقة هيشتري لكي شقتين في التجمعات والميزة الوحيدة في مشروعات الدائري ( بيتشو امريكان _عباد الرحمن _ المعادي جراند ستي _ النخيل _ الفرسان _ زاهر............الخ فميزتهم الاقساط فقط يعني بتدفعي مقدم وتقسطي الباقي اما التجمعات ف بتدفعي كاش والمعادي جراند كويسة لكن للاسف الاسعار بتتغير كل شوية وانا مقيم خارج مصر منذ شهرين فمقدرش اقولك السعر الان اصبح كام بعد حالة الثبات الحالية لكن اتمني ان تسئلي في الشركات وتعرفي الاسعار واعرضي مقارناتك في المنتدي وان شاء الله ربنا يوفقك

تم تعديل 20 يناير 2009 بواسطة abuAdham

[somayasaleh]

الاخت الفاضلة انا معرفش سعر البيع كام لكن انصحك ابدئي اعلان عن الشقة في شهر 5 اول موسم الصيف دلوقتي مينفعش بيع خالص لكن في الصيف ممكن تفرق دة لو مش مستعجلة ولو معاكي نمرة سمسار اتصلي بة وقولي لة انك عاوزة تشتري شقة وتقولي مواصفات شقتك وسعرها يبقي كام وهل عندك شقق ممكن اتفرج عليها ) حسسية فعلا انك عاوزة تشتري هيعطيكي سعر غير السعر لما تكوني عاوزة تبيعي لو حس انك هتشتري هيعطيكي السعر الفعلي ويشكر في الشقة كما لو كانت مفيش اختها ولو حس انك هتبيعي هيقولك دي متجبش حاجة ويعدد لكي عيوبها ويموت سعرها هم السماسر كدة وانا شغال معاهم من زمان وبسهولة ممكن تجيبي رقم اي سمسار من المنطقة بس اسبكي الدور كويس وبمجرد ما تعرفي السعر ادخلي موقع مصراوي واعلني عنها انا بعت واشتريت منة كتير وممكن تنتظري ( وهذا الافضل ) لاول شهر 6 واعملي اعلان في الوسيط

ملاحظة ( في العقارات فية حاجة اسمها سعر التاجر وسعر الزبون سعر التاجر هو ال الشخص العادي بيبيع بة والتاجر يشتري

اما سعر الزبون هو ال التاجر بيبيع بة والشخص العادي بيشتري )

عشان كدة بقولك اعملي نفسك بتشتري هتعرفي ممكن تبيعي بكام ويكون السعر مناسب ولازم تعرفي معلومة ( بيعي العقار في الصيف واشتري في الشتاء ) وربنا يوفقك

شكرا جزيلا اخ ابو ادهم علي النصيحه

وانا فعلا سوف اعمل كده ان شاء الله

جزاك الله كل خير