الزمالة المصرية وصراع المصالح - الزمالة المصرية

[Dr.mmfriend]

شكرا يا دكتوره

عموما انا جاى بكره مستشفي عبد الناصر دى علشان اشوف الوضع بعيني قبل اما اقدم

الف الف شكر

ومعلهش تعبتك معايا

:)

[بنت شعنونة]

تعالى يا دكتر محمد :P

قولي عملت ايه في الزمالة؟؟؟؟ وطمني؟

[Dr.mmfriend]

احمد يا دوك

انا اسمي احمد

اولا انا مقدمتش في الزماله

تراجعت عن موضوع الطوارىء ده قلت استني النيابات

المهم

استلمت تكليف وطلع عيني علي ماعرفت اهرب من الريف واروح مستشفي مركزى كبير

قلت علشان اتعلم وارفع مستوايا

اشتغلت في قسم الجراحه

هو شهر واحد مقدرتش استحمل اكتر من كده

كنت باخد نبطشيه 3 ايام ورا بعض

وكل شغل حوادث حوادث

كل يوم البالطوا عليه دم دم

كرهت نفسي وكرهت اليوم اللي دخلت فيه طب

طبعا المرتب 200 جنيه و 85 قرش

بيقولوا فيه حوافز بس مقبضناش مليم

المهم

اولاد الحلال قالولي يبني انت مش وش بهدله

شوفلك تخصص هادى وامشي فيه

زي اشعه

تحاليل

جلديه

طب اسره

كبر في دماغي موضوع طب الاسره ده

بيقولوا شغل اى كلام كده وفلوس كتير

كمان فرص سفر بره بيقولوا حلو اوى اوى وبياخد مرتب كبير

طبعا انا شهر الجراحه ده غيرني تماما

الواحد لازم يكون مونى اورينتد

ولا ايه؟

اتمني النصيحه لاني محتار محتار محتار

كل يوم من ساعه ما اصحي لحد ما انام افكر

ياترى اخده ولا لأ

طيب اسجل طبيب حر احسن

قلب مثلا ولا باطنه

زهقت

اخر ما ازهق حجيب تاكسي واشتغل عليه

ومحدش يلومني

ولا يعتب عليا

[بنت شعنونة]

بص يا دكتر

طب اسرة دا فلوسة كويسسسسسة جدا خصوصا في الخليج

وها تزيد كمان وكمان وكلامي دا من مصدر خليجي موثوق وذو ثقل..

في مصر فلوسة معقولة " افضل حالا من اي قسم تاني عموما" لأنه مدعوم من برا مصر

ودراسته هبلة موت

اكنك ممارس عام بس ها تقرا شوية جرايد

لكن..

لو حصل في الأمور امور وها تفضل في مصر وانت طب اسرة

يبقى يا تشوف مكان اجنبي جوا مصر تشتغل فيه " مدارس او مستشفى"

يا اما ها تبقى ممارس عام

لازم تقرر انت عاوز ايه من الطب

الفلوس والا العلام؟

اختار عشان اعرف افيدك :wub:

[Dr.mmfriend]

انتي شايفه ايه يا دوك

الفلوس ثم الفلوس ثم الفلوس طبعا

العلام افكر فيه بعدين

[بنت شعنونة]

يبقى خد طب اسرة وطيييييييير على السعودية اليومين دول لآنهم بيعملوا نظام طبيب الأسرة وعاوزين اطباء كتيييييييير جدا في خلال السنة دي و اللي بعدها

مرتبك ها يبقى حلو وممكن تسافر برا كمان تعمل مؤتمرات

وممكن تبقى تبع امير او اميرة وانت و شطارتك :lol:

وربنا معاك بقى

[Dr.mmfriend]

ميرسي دوك

ربنا يخليكي لينا

بس هما عاوزين السنه دي والجايه بس

ممكن مش الحق اخد الزماله

ربنا يسهل

ثانك يو