فكرونا بعاداتنا المصرية القديمة والجديد

[goold]

ياريت فطاحل المنتدى يذكروا لنا من عاداتنا القديمة والجديدة التى ظهرت فى المجتمع حتى يتعلمها الشباب ويتبعوا احسنها ويتذكروا قديمها ..

على فكرة ال خلانى اطلب هذا الطلب انى خارج مصر منذ كان عمرى 16 عام وتزوجت وانجبت وفى الاجازات اذهب للقاهرة والريف ايضاً واجد نفسى لا اعرف بعض عاداتنا المتبعه واحب اعرف المزيد عن كل عادة فى كل منطقة من مناطق مصر بالصعيد بالريف البحرى بالقاهرة نفسها حتى الواحد يقدر ياخذ فكرة سليمة ولا يتعرض للآحراج وكانه مش مصرى ( ده من سلبيات غربتى ) افيدونا

[se_ Elsyed]

دهب كتبت

ياريت فطاحل المنتدى يذكروا لنا من عاداتنا القديمة والجديدة التى ظهرت فى المجتمع حتى يتعلمها الشباب ويتبعوا احسنها ويتذكروا قديمها ..

الأول أحب أشكرك على الإطراء الجميل وأعتباري فطحل من فطاحل المنتدى ( مش برضوى فطاحل مفردها فطحل ولا فطحول ؟ أفيدونا ؟ )

هـــــــــــيه ، فكرتينا بزمن الحب الجميل ...

أنا هاتكلم عن عادات جميلة جداً موجوده عندنا فى محافظة الشرقية ، وهي ان كل مجموعة من العائلات فى البلد متشاركين وعاملين حاجة أسمها " مضيفة " وهي عبارة عن قاعة مناسبات ( أفراح ، مياتم .. كله ) وفى أول يوم العيد وبعد الصلاه يجتمع الرجال والأطفال ( الصبيان ) فى المضيفة والستات تيجبلنا صواني الأكل ولازم كلنا نأكل من صواني بعض لما الواحد بيقوم فى الآخر عامل زي فردة الكوتش المنفوخه على 45 ، وده نوع من أنواع الموده وتقوية صلة الرحم بين الجميع ( بس مش عارف أيه اللى بيحصل دلوقت لأن لي ييجي 6 سنين ماروحتش هناك )

- عاده جميله آخرى ، هي " نقطة " الفرح فالواحد لما يكون عندة فرح أو مناسبة وحتى فى المرض والله بتحصل ييجوا الناس يدفعوا له مبالغ مالية وهو فى الحقيقة بيكون دافعها قبل كده ، وكل واحد بيكتب فى كراسه أيه اللى اخده علشان تبقى عيب جداً لما يرد النقطة لواحد أقل من اللى اندفع قبل كده فعلى الأقل تكون مساوية لها.

- برضوا موضوع بناء المقابر فى البلد فيه تكافل وتعاون جميل جداً ، فبدل ما الواحد يشتري مقبره خاصة به وتتكلف عليه .. تقوم كل عائلة بالمشاركة فيما بينها بشراء مجموعة من المقابر وتوزع تكلفتها على أفراد العائلة ويتم صيانتها وتجديدها كل فتره ... وبهذا يتم توفير المال وأيضاً المساحات التى هي فى الأساس محدودة .

[achnaton]

دهب كتبت 

ياريت فطاحل المنتدى يذكروا لنا من عاداتنا القديمة والجديدة التى ظهرت فى المجتمع حتى يتعلمها الشباب ويتبعوا احسنها ويتذكروا قديمها ..

الأول أحب أشكرك على الإطراء الجميل وأعتباري فطحل من فطاحل المنتدى ( مش برضوى فطاحل مفردها فطحل ولا فطحول ؟ أفيدونا ؟ )

هـــــــــــيه ، فكرتينا بزمن الحب الجميل ...

أنا هاتكلم عن عادات جميلة جداً موجوده عندنا فى محافظة الشرقية ، وهي ان كل مجموعة من العائلات فى البلد متشاركين وعاملين حاجة أسمها " مضيفة " وهي عبارة عن قاعة مناسبات ( أفراح ، مياتم .. كله ) وفى أول يوم العيد وبعد الصلاه يجتمع الرجال والأطفال ( الصبيان ) فى المضيفة والستات تيجبلنا صواني الأكل ولازم كلنا نأكل من صواني بعض لما الواحد بيقوم فى الآخر عامل زي فردة الكوتش المنفوخه على 45 ، وده نوع من أنواع الموده وتقوية صلة الرحم بين الجميع ( بس مش عارف أيه اللى بيحصل دلوقت لأن لي ييجي 6 سنين ماروحتش هناك )

.

يبدو أنك نسيت أو تناسيت .. افضل عادة إشتهر بها الشراقوه .. والتى تحولت الى مثل شائع عن كرم اهل الشرقية ونقائهم .. عزومة القطر الفرنساوى .. وخاصة أيام مولد الحاجة آمنة .. صحيح كانت العادة منتشرة فى الشرقية ؟؟

مع تحياتى ..

اخناتون المنيا

[amir]

يبدو أنك نسيت أو تناسيت .. افضل عادة إشتهر بها الشراقوه .. والتى تحولت الى مثل شائع عن كرم اهل الشرقية ونقائهم .. عزومة القطر الفرنساوى .. وخاصة أيام مولد الحاجة آمنة .. صحيح كانت العادة منتشرة فى الشرقية ؟؟

مع تحياتى ..

اخناتون المنيا

ايــوه دى أكيد شباب الجيل الجديد ما يعرفش حاجه عنها

سمعنا ياريس " اخناتون " للصبح معاك السهيره

سمعنا...سمعنا

[goold]

الله الله ايه العادات الجميله ديه ..

استاذ اخناتون ( المنيا ) اكيد مليانه عادات جميلة افتكر كدة واقولنا عليها ..

سى السيد حتفنا بباقه حلوة اوى . بس قولى ياسى السيد على حكاية الموسم ال بيبعتوه للبنت المتجوزة وازاى بيكون ..

[se_ Elsyed]

بس قولى ياسى السيد على حكاية الموسم ال بيبعتوه للبنت المتجوزة وازاى بيكون ..

حكاية المواسم دي هي وإن كانت عاده حميده فللآسف كثيراً من الأوقات ما تتحول إلى ملهاه ومأساة فى نفس الوقت لما فيها من إرهاق لميزانية أي أسرة ، خدي عندك يا دهب المواسم الآتية :

1- العيد الصغير

2- العيد الكبير

3- 27 رجب

4- نص شعبان

5- مولد النبي

6- عاشوراء

دي بعض المناسبات اللي فاكرها دلوقت ولازم طبعاً الأهل يبعتوا لبنتهم المتجوزة اللي فيه النصيب فلوس ، لحمه ، فاكهه ، حلويات ، أرز ، طيور ... إلخ وياويله يا سواد ليله اللي ينسى يبعت .

هاكيلكوا حكاية على السريع كده من جزء واحد ماتخافوش ، احنا مأجرين فى بيتنا شقة واحد بس والباقي أنا وأخواتي اللي ساكنين فيه ، فمستأجر الشقة راجل موظف محترم ومتعلم ( المفروض يكون كده ) وجاي حديثاً من الأرياف إلى القاهرة لكي يستقر قريباً من مكان عمله ففي مره قاعدين كده سمعنا هيصه وزمبليطه وصوت حاجات بتتكسر طلعنا جري على شقته لقيناه ماسك حماه وزنقه فى الكورنر وبيعزف لحن منفرد عليه ومراته واخده ركن وخايفه أحسن يصيبها لحن طائش فى الزحمة .. المهم سلكناهم من بعض وبنسأله أيه يا عم عيب كده أيه اللي حصل .. يقوم البيه المتعلم يقول أيه ؟ ...الراجل أبن .... جاي من البلد يزور بنته فى الموسم بأيده فاضيه

.. أقسم بالله أنا وأخواتي كان هاين علينا نمسكه ونرميه من بير السلم .

[se_ Elsyed]

أخناتون كتب

يبدو أنك نسيت أو تناسيت .. افضل عادة إشتهر بها الشراقوه .. والتى تحولت الى مثل شائع عن كرم اهل الشرقية ونقائهم .. عزومة القطر الفرنساوى .. وخاصة أيام مولد الحاجة آمنة .. صحيح كانت العادة منتشرة فى الشرقية ؟؟

والله ماعنديش فكره خالص عن مين الحاجه آمنه أساساً !! حيث أنني من جيل حرب الخليج فموعاش على الحاجات دي .

بس عزومة القطر طلعت علينا لحدوث موقف معين يدل على الطيبة والكرم الغير عادي عند الناس دي ... فقديماً تعطل القطار فى أحدى المحطات بمحافظة الشرقية وكان فى شهر رمضان ، فما كان من سكان البلدة إلا أنهم عزموا كل ركاب القطار على الأفطار .

[achnaton]

باحاج سيد .. فيه شرقاوى ما يعرفش مولد الحاجة آمنة .. بيقولوا عنه فى الصعيد وفى الشرقية مولد " الحجمنه " وانا آخر مرة زرته كنت طفل .. وكانت إنتفاضة الكاكى لسة ما قامتش .. ومن باب الفضول وكنت أيامها تلميذا بأحد مدارس القاهرة وكان معنا زميل من كفر صقر .. وكان والحقيقة تقال مثالا للكرم الحاتمى .. وعلى خلق إسلامى حق .. مثله مثل معظم الشراقوة آنذاك .. وكنا نسأله عن حكاية عزومة القطار .. ونتثيره بأنه لا كرم ولا حاجة .. ودعانا يوما لقضاء يوما عندهم بمناسبة المولد .. ووعد بالمشمر والمحمر والعيش المرحرح .. والعيش ده كان بالنسبة لنا كصعايد واخدين على " البتاو " حاجة تسيل اللعاب .. رقيق جدا وكبير جدا .. قطره يجى 50 سنتمتر وقال لنا "على" .. وكان هذا اسمه سترون هناك ايضا القطار اللى عزمه الشراقوه .. وطبعا كانت الدعوة مغرية .. وكان جدى الشيخ حسن " رحمة الله عليه " لسة عايش .. فسألته .. اروح ياجدى مع على أشوف القطر اللى بياكل ..؟؟ ضحك جدى يومها حتى كاد بستلقى على ظهرة .. وقال .. مافيش ياولد قطر بياكل .. فيه قطر بيشرب بس .. أول ما يوصل للمحطة يحطوا الخرطوم فى جوفه .. ويفضل يقربع فى مية .. أكتر من فيل عطشان .. لكن القطر بتاع الشراقوة ده .. فله حكاية .. قلت له تعرفها ياجدى .. قال سمعت عنها .. أيام السطان فؤاد كان كان الأمراء والياشوات والقبائل الكبيرة لهم ابعديات كتيره هناك { يعنى عزب كثيره } لأن الارض فى الشرقية خيرها كثير قوى واهلها طيبون قوى قوى .. وكان فيه واحد خواجة فرنساوى من أصحاب الباشوات دول معجب قوى بالمنطقة فاقترح إنشاء شبكة مواصرت تربط المديرية بالمديريات الأخرى فى المحروسة .. ومن ضمن الشبكة دى شبكة دائرية تقوم وتنتهى فى كفر صقر وكان القطار مثل الترام .. تشاور له يقف .. وشريط القطر ضيق .. واعتقد أن بعضه مازال موجود .. واعلن فى المركز والقرى اللى حواليه أن الفرنساويين حيعملوا وابور يلف على القرى والنجوع .. وفى يوم الأفتتاح فى كفر صقر تجمع المسؤلين والأعيان وركبوا القطار من أبو كبير .. متجهين الى كفر صقر للأحتفال هناك .. وفى الطريق أوقفعم الأهالى عند قرية أسمها " هــهيا " وراسهم والف سيف الكل لازم ينزل يآخذ واجبه .. ولما أحس الأهالى أن القطار حيمشى بمن فيه وضعوا صوانى الأكل على القضبان .. وكتبت مجلة المقطف أيامها الخبر بجانب صورة الصوانى على قضبان القطار .. ومن يومها طلعت الحكاية دى مؤكدة كرم الشراقوة ..

ده بالنسبة لحكاية القطار .. أما حكاية مولد " الحجمنه " فلا أذكر بالضبط فى آى قرية .. ولكنها كانت قريبة من كفر صقر لأننا يومها لما ركبنا الفرنساوى من ههيا الى " السماعنة " قرية زميلنا على .. مررنا بقرية قالوا لنا أنزلوا اتفرجو على مولد " الحجدمنة " وتزلنا وشوارع القرية ليس فيها موضع لقدم وكأن كل ابناء المديرية بتحتفل بالمولد .. وعشان كده .. لم نتوانى عن العودة فورا للقطار الذى كان مازال ينزل ويركب فى ركاب ..

وهذا كل ماعندى .. وتحياتى للشراقوة كلهم ..

اخناتون المنيا

[se_ Elsyed]

اللهم صلي عالنبي . ربنا يديلك طولت العمر ... دلوقت عرفت أسم اخناتون جه منين .

( يا كسوفي ياناس ، ده أنا على كده أروح أدورلي على كيس بوزو أكله .. مش قلت لك إنى من جيل حرب الخليج التانية )

[بنت شعنونة]

في حاجا انا شفتها في افراح العيلة في المنصورة

اسمها "حلة الأتفاق"

دي عبارة عن الأكل بتاع ليلة الزفاف + تاني يوم

وبيعملوه غالبا جد ة العروسة وعماتها وبيبقى اكل يكفي جيش!!!

كتييير جدا فعلالالا!!

وكل مرة لالالازم يكون فيها بط وحمام ومحشي وفته؟!؟!

لييييه!! مش عارفا!!؟؟

من العادات الغريبة بتاعتنا برضه "زفة العفش" للعروسة!!؟

تلاقي العفشش طالع في عرية ومعاه زفففة معتبرة من الناس و الزمامير والعيال

برضه ليه؟؟

مش عارفة!!

من العادات الحديثة بقى

تغيير شكل الزفة في الأفراح

يعني تبقى كانجات فقط

او جيتارات بس

بدل الزفة المعتادة

بيني وبينكم

بتبقى امورة جدا وشييك جدااا

بجد انا شفتهم كام مرة وعجبوني

دا غير نظام الزي الموحد

يعني مثلا ليلة الخطوبة ليلة هندي

تلاقي الكل جاي لابس هندي بس!!! او ليلة بدوي تلاقي الكل لابس بدوي؟؟

تقاليع عجيبة

بس بتضحك :lol:))

[se_ Elsyed]

في حاجا انا شفتها في افراح العيلة في المنصورة

اسمها "حلة الأتفاق"

دي عبارة عن الأكل بتاع ليلة الزفاف + تاني يوم 

وبيعملوه غالبا جد ة العروسة وعماتها  وبيبقى اكل يكفي جيش!!!

كتييير جدا فعلالالا!!

وكل مرة لالالازم يكون فيها بط وحمام ومحشي وفته؟!؟!

لييييه!! مش عارفا!!؟؟

)))

عندنا برضوا فى الشرقية كده يا شنشن ... والأكل بيبقى كتير علشان لازم أهل العريس ينوبهم من الحب جانب .

يعني مثلا ليلة الخطوبة ليلة هندي 

تلاقي الكل جاي لابس هندي بس

وتلاقي العريس داخل الكوشه ركب الفيل وينزل من عليه ويركنه على ناصية الشارع ........ لأ دي جديدة دي .

[se_ Elsyed]

وحيث أن شعنونه عمرها أطول من عري وسبقتني فى الكلام عن عادات الأفراح فى الريف أو الأقاليم التى أعتقد أنها متشابهه فى كثير منها .

فسوف أتحدث هنا عن ليلة الحنه وليلة الزفاف فى ريف الشرقية .

- فالفرح الحقيقي عندنا يا جماعه هو فى ليلة الحنه حيث الطبل والمزامير والهيصة الكبيرة وتلاقي واحد من اهل العريس او العروسة قاعد بكراسه وهو اللى بيلم النقطة ويكتب بالتفصيل كل واحد دفع كام وإلا تبقى مشكله .

، ويتم فيها أيضاً دهان أيد ورجل العريس والعروسة بالحنا لحد مايبقوا عاملين زي المتكتفين ومنظرهم مضحك جداً ...

- نيجي بقى لساعة الصفر وهي ليلة الزفاف أو ليلة الدخلة بالبلدي كده ، وهي عندنا بتبقى العصر ، بعد الضهر يتكتب الكتاب فى المسجد ، ويطلع الناس على بيت العريس على صلاه العصر .

- ولو حكيت بإستفاضة عن تقاليد ليلة الدخلة القديمة والتى الحمد لله انقرضت الآن ، سأجد من رواد المنتدى الصغيرين في السن اللى يقول أيه ده يا عمو س س أنت بتحكلنا أسطورة من أساطير الأغريق القديمة ... أقولهم لأ يا حبايبي ولكنها كانت الحقيقة المره ....

نلقاكم بعد الفاصل

سبسن ..... رعب .......... تشويق ... موسيقى تصويرية ... وأعلان شاكيرا بتاع البيبسي

[se_ Elsyed]

أنا كنت صغير وقتها وحضرت كام فرح وشفت البلاوي دي .. لكن فيه فرق بين صغير وعبيط يعني فاهم كل حاجة .

- المهم يتم ادخال العروس إلى غرفة العمليات ( النوم ) ومعها العريس ( الغضنفر ) بالإضافة إلى والدة العريس والعروسة مع لفيف من النسوة ذوات الخبرة الحياتية لكي يحاولوا نفي التهمه التى تلصق بكل فتاه منذ ولادتها إلى أن يتم أثبات عكس ذلك فى هذه الليلة ..... فى مشهد بعيد كل البعد عن تعاليم الأسلام والأديان ولا حتى تلاقيه موجود فى البوذية .

- ويُجهز العريس على المسكينه لكي يفعل فعلته ( Manual ) وتخرج النساء بالتهليل والزغاريد ممسكين بأيدهن دليل براءة الفتاة على قطعة من القماش وعلى عينك يا تاجر ......

لأ بجد انا مش قادر اكمل كفايه كده ........ أنا قرفت

وعلى فكره كان هذ موجود فى أوساط المتعلمين والجهلاء على حد سواء ... لكن بفضل الله وبوجود طبقة من المثقفين يكاد يكون انقرض تماماً إلا فى حالات نادرة .

[se_ Elsyed]

نسيت أقولكم أن الصباحية فى الريف بتبقى الساعة 7 الصبح ..... ( إفتراء )

تلاقي قواف محملة بالطعام والفطائر وما لذ وطاب جايه على شكل رتل عسكري من بيت العروسه متقدمه إلى بيت العريس غالباً فى السبعة صباحاً علشان يباركوا للعروسن .. والاكل ده أهل العريس بيأخدوه ويفرقوه على بعضهم وعلى الجيران للتباهي والتفاخر .

ومافيش عندنا " هني مون " ولا كلام من ده يعني العريس لو فلاح بيشتغل فى الأرض وعنده ري أو جمع محصول ينزل من تاني يوم الشغل مافيش يامه أرحميني ... والعروسه نفس النظام تنزل تراعي الطيور أو تكنس الدار ... إلخ ( أنظر الكتاب ، فيلم الزوجة التانية .. لما سناء جميل كانت عايزه سعاد حسني تنظف الدار يوم الصباحية )

[بنت شعنونة]

"وش واحدا لابسا جلابية فسفوري بكرانيش و شبشب بلاستيك فسفوري برضه"

ياختي بلا خيييييبة... كاتها نيلة اللي عاوزة جوااااز

[nora]

س س انا حضرت فررح في الفلحين كده وانا كنت ايمها عندي 8 سنين وفجأة لقيت الناس دخله اوضه وشفت هذا المشهد الغريب وطبعا كان دخولي لهناك غلط حيث كنت صغيرت السن جدا ومع الزحمه دخلت في الرجلين ولم استطيع ان اناقش احد فيما رايت بس انا سعتها صرخت وقلت ده عورها !!!!!!!

فلم اجد الي من وضع يده على فمي ليسكتني واول ما الباب اتفتح طلعت اجري بس ومرت السنين و فضل الامر ده في ذهني لحد مفهمت في اية بس فعلا ام الجهل و التخلف في الدنيا واذكر ان هناك اغنيه معينه كانت تغناي عند فتح الباب بس هي بتقول كلمتها بعنى انهم كلوا خلاص البنت شريفة

احنا كنا ريحين مع صديق والدي وعزمونا على فرح صعايده بس

غير كده مسمعتش غير عن حلق الاتفاق الي قلتم عليها دي بس معلوماتي عن تقاليد الافراح لا تخرج الا عن حجات اليومين دول بس

[linux]

لأ بجد انا مش قادر اكمل كفايه كده ........ أنا قرفت 

.

أنا سمعت فعلا عن الموضوع المخجل ده يا س س ...

طيب معلش يعنى لا حياء فى العلم ...

مش من الأنصاف برضه أن يكون الكشف برضه على عريس الغفلة؟

و بما أن ده صعب من الناحية العملية ... ليه مايدخلش معاه أبو العروسة و يتأكد أن المحروس "مؤهل للزواج"؟!

___________________________________________________________

لينكس ياشادى الألحان لينكس و ماحدش من ولاده رضى يجى معاه النهارده

هازم الدهاشنة فى موقعة ما تزوئينى ياماما

[linux]

وطبعا كان دخولي لهناك غلط حيث كنت صغيرت السن جدا ومع الزحمه دخلت في الرجلين

بمناسبة الدخول فى اوض بطريق الخطأ ... أخوكى حصله نفس الموضوع بس على لون غامق ...

دخلت بيت العيلة فى البلد لقيت كل حاجة سوده ... امت محود شمال على اول باب اتفتح قدامى ... لقيت عمى الله يرحمه بيتغسل!!

عملت فيها راجل (كان سنى حوالى تلاتاشر) و صممت أحضر الغسل.

و يالها من تحربة! فضلت ماشى على الصراط الستقيم بعدها يجي بشهر!

___________________________________________________________

لينكس ياشادى الألحان لينكس و ماحدش من ولاده رضى يجى معاه النهارده

هازم الدهاشنة فى موقعة ما تزوئينى ياماما

[الطفشان]

عادة فض بكارة الزوجة يدويا كانت موجودة في الريف و المجتمعات البدوية في مصر

و لا أدري كيف تسللت هذه العادة الينا، و من الذي اخترعها، و على أي اساس؟

و هي موجودة بصور اخرى في محافظات اخرى

قد يتم تعليق منديل عليه الدم على باب البيت تاني يوم الدخلة

بدون العادة البشعة اياها، و انما بطريقة طبيعية

و ذلك اعلان عن شرف البنت و تشريف لاهلها

و للاسف هذه العادات العقيمة أدت الى تحايلات و لف و دوران

بدءا من الاتيان بدم فرخة على منديل، الى ترقيع غشاء البكارة الان