اذا كنت مغترب

[arabawy]

اذا كنت قد تركت مصر منذ عشرون عام . وعشت تلك الفترة في مدينة مثل باريس . جينيف . ستوكهولم .... هل تستطيع ان تعود وتنخرط في المجتمع المصري مرة اخري وتلغي عقلك وتتأقلم علي الفوضي والقمع والفساد الضارب في اعماق المجتمع والدولة ؟؟ سؤال اتوجة بة الي كل من يعاني هذا الوضع الصعب

[بنت شعنونة]

يا ها تشد في شعرك وترجع في اول طيارة

يا ها يجيلك حالة قرف من البلد واللي ففيها وتتعايش والسلام

يا اما هاتبقى زيهم

ودي صعبة

:(

حدش عنده تيكيت ل هنولولو

:(

[freefreer]

ينقل للمغتربين مع الشكر

[KWA]

اذا كنت قد تركت مصر منذ عشرون عام . وعشت تلك الفترة في مدينة مثل باريس . جينيف . ستوكهولم .... هل تستطيع ان تعود وتنخرط في المجتمع المصري مرة اخري وتلغي عقلك وتتأقلم علي الفوضي والقمع والفساد الضارب في اعماق المجتمع والدولة ؟؟ سؤال اتوجة بة الي كل من يعاني هذا الوضع الصعب

بسم الله الرحمن الرحيم

السلام عليكم ورحمة الله وبركاته

يا أخ عرباوي...مع أحترامي لمداخلتك ...فيبدو لي انك سألت سؤال و اجبته في نفس الوقت بطريقه غير مباشره ....تجعل الأجابه تكون لالالالا....و العوده او البقاء قرار  ليس سهل و يتوقف علي الأنسان و ظروفه الشخصيه  الأسريه....

[DARWEEN]

ياأخواني أنا بسأل نفسي هذا السؤال كل يوم ميت مرة

هل ممكن أرجع لمصر وأستحمل ولا أفضل محترم في مكاني

مع العلم أني لما بأرجع مصر بيكون نفسي أبوس كل الناس اللي حتقابلني في الشارع لكن من أول العسكري اللي مقابلك على باب الوصول بابدأ أشعر بالأنقباض وبعد عشر دقايق يبدأ القلق داخلي يتحرك بشده ... وكبيرها  توصل لحد باب المطار ويجري عليك مجموعة عصبجية كل واحد يقولك حمدالله عالسلامه وأيده ممدوده أبدأ أشعر بالقرف ..

المشكله يا أخواني أن الولاد بتكبر كل يوم ولازم يتعودوا على طباع بلدهم وأهلهم وإلا سأفاجىء بأني أب لمجموعة أجانب وهذا ما لا أرضاه لنفسي ولأولادي .

أرجوكم فكروا معايا  

:inlove:  :inlove:  :inlove:  :inlove:  :inlove:  :inlove:

[متسائل]

وتلغي عقلك وتتأقلم علي الفوضي والقمع والفساد

يعني تسأل السؤال بهذه الصيغة.. و تريد إجابة غير لا؟

يا راجل  :cool:

[arabawy]

الفوضي . القمع . الفساد . اذا فكر الانسان فيما يمكن ان يصيبة من جراء هذا المثلث الشيطاني  لابد وان يصاب بالجنون وعلية الغاء  العقل افضل .... وما تعرض لة اخونا دارون وهوا في طريقة من المطار الي منزلة  يندرج تحت بند القمع . فماذا لو لم يساعدة احد علي الخروج ؟  عندما تقول لك الحكومة وتصر ان الخشب بيتاكل مثل الطعام ( الوفد منذ حوالي اسبوع ) كل هذة الاشياء الغريبة والغير معقولة والتي لا يعقلها العقل  تتطلب فعلا الغاء العقل  .

[DARWEEN]

يا أخي عرباوي

لو جت عالخشب تهون أنا خليف أرجع وبعدين أقعد أنا والأولاد ناكل زلط

وبرضه حيقولولك أن الزلط بيتاكل وطعمه حلو كمان

واللي مش عاجبه يضرب راسه في الحيطه

بس حقيقي أنا نفسي أرجع وأربي العيال هنا وسط أهلي

حد يفيدنا يا أخوان أرجع ولا لأ

:music:  :music:  :music:  :music:  :music:

للعلم أنا عايش هنا كويس جدا من الناحية المعيشية والمستوى لكن بدون أدخار حقيقي

[KWA]

مشكله يا أخواني أن الولاد بتكبر كل يوم ولازم يتعودوا على طباع بلدهم وأهلهم وإلا سأفاجىء بأني أب لمجموعة أجانب وهذا ما لا أرضاه لنفسي ولأولادي .

أرجوكم فكروا معايا  

:inlove:  :inlove:  :inlove:  :inlove:  :inlove:  :inlove:

بسم الله الرحمن الرحيم

السلام عليكم ورحمة الله وبركاته

فعلا ي ده المشكله و حجمها و ظروفها بتختلف من شخص لأخر....و بالتالي سوف أقول لك ما فكرت فيه شخصيا ....هو الترتيب للعوده في خلال السنوات القليله القادمه البدايه هو العمل علي خلق تقارب أكثربين أهلي في مصر و أسرتي في أمريكا هنا من خلال الزيارات السنويه ....و العمل علي شراء منزل ....لتصبح الزيارات أطول و أكثر و التفكيرفي أنشاء بعض الأعمال التجاريه  لخلق مصدر لمعيشه في مصر....و كل هذا يتم دون طبعا قطع الصله بين مصر و البلد الذي ولدت فيه بناتي و زوجتي أيضا ....لأن قرار العوده المفاجئ سوف يخلق عندهم ما يسمي صدمه ....صدمه نفسيه....لأختلاف الحياه الجديده بالكامل عما كانوا عليه

و لهذا يجب ان يتم الرجوع في خطوات مرتبه ربما تتغير أو تؤجل حسب الظروف

الراهنه.....أنا أعرف ان هذا الطريق ليس سهلا ولكن علي ان امشيه في سبيل أولادي و مما يشجعني علي هذا هو رغبه زوجتي أيضا في هذا....لا تفكر كثيرا كيف تفعل هذا و عليك ان تبدأ الخطوه الأولي ....قبل فوات الأوان......

[arabawy]

لا اعتقد في مصر من الممكن تنمية المدخرات  .  بالعكس هي تتأكل بسرعة البرق . وايضا ايداعها البنوك والعيش من ريعها مسألة غير مضمونة بعد فضيحة  القروض وهروب اللصوص بأموال المودعيين  . يبقي ان تؤسس عمل تجاري ( اذ لم تكن من المهنيين ) وهنا تدخل الحلقة الجهنمية المعروفة وتجد نفسك معرض لركوب البوكس والسجن لاسباب واهية كيدية اذا حاولت مقاومة الابتزاز وتنتهي القصة بغلق المشروع وخسارة المدخرات والعودة من حيث اتيت لتبدء من جديد . هذة هي تصوراتي وهنا اطلب مشاركة الاخوين سبيدار و مصري بالتعليق علي هذا الموضـوع فهم ادري مني بما يحدث في بلدنا

[Set_Amina]

أنا كمان في انتظار خبرة وتجارب الأخوة المخضرمين في مصر علشان بس نعرف احنا داخلين على أي مصيبة في مصر والا نرجع بقى وامرنا لله ونتذكر المثل اللي بيقول ضربوا الأعور على عينه. :blush:  :)

[اسكندراني]

للعلم أنا عايش هنا كويس جدا من الناحية المعيشية والمستوى لكن بدون أدخار حقيقي

هو انت فين؟

[Spider]

شكرا أخى عرباوى على الدعوة الكريمة

لقد أشتركت سابقا فى موضوع متى سنعود وأوضحت رأيي الذى ما زلت أصر عليه

وهذه هى اللنك لما قلت

الله واحد

مالوش تانى

وأن شاء الله سوف أحاول المشاركة المنتظمة هنا حينما تحين الفرصة

تحياتى وشكرا :inlove:

[kokowawa1979]

مشكلة الإغتراب ياإخوة بتيجي في أول أجازة تقضيها ببلدك بعد سنة قضيتها في الغربة حيث تصدم بالفارق الشاسع بين الشارع المصري الذي تعودت عليه بكل ما فيه قبل السفر وبعد مشاهدتك لشوارع وطن الغربة وكيفية الهدوء والإتزان ومن المصريين برضه في الغربة مما يجعل المقارنة غير منصفة فتبدأ في التفكير في العودة للهدوء مرة أخرى لكن في النهاية لابد من العودة مهما طال عمر الغربة

أخوكم 15 سنة غربة .

[Sharkiah]

أخوكم 15 سنة غربة .

وأنا شرحك

[بنت شعنونة]

15 سنة غربة؟ :cry: :cry:

على كدا انا اكسبكم... :cry:

19 سنة غربة :cool: :oops: :cry:

[abofasad]

أولا أنا ضيف جديد عليكم

ثانيا : احنا اتغربنا أصلا علشان خاطر ولادنا، وواجب علينا اننا قبل أي زيارة لنا للقاهرة أن نهيئهم للمجتمع المصري، ونشرح لهم ان دي بلدهم والناس دول أهلهم

[farasha79]

بالنسبه ليا انا اتولدت لقيت نفسي في بلد غير مصر و درست جميع المراحل المدرسيه في الكويت بالاضافه ان اصدقائي و حياتي كلها هنا صعب جدا اني استقر في مصر و ساعات اقلق لما افكر في الموضوع ده ... ده ما يمنعشي اني بحن ليها و احب ازورها كل سنه و ساعات مرتين في السنه .. عارفه انها معادله صعبه بس اعذروني لما اقول ان صعب استقر فيها ده مش ذنبي

انا اتولد لقيت نفسي كده و اكيد بيتخلق معايا انتماء للمكان اللي اتربيت فيه

بس اكيد انتماءي الاول و حبي لمصر موجود