هل من الصواب ان يشاهد ابنك مشاهد العنف في نشرات الاخبار

[ابو خليل]

يعني الموضوع ده جه في دماغي ..

لاني قريت دراسة امريكية .. انتشر ملخصها تقريبا في كل الصحف العربية ..

علي مخاطر ان يشاهد الاطفال الصغار مشاهد العنف في نشرات الاخبار ..

الدراسة فعلا من جامعة محترمة .. و قام بها دكاترة اكيد متخصصين ..

وانا اؤيد ان مشاهدة الاطفال لمشاهد العنف تؤثر في نفسيتهم ؟

لكني عن نفسي .. مش هابطل افرج ابناء اخواتي و اولادي ( مستقبلا ) علي نشرات الأخبار ..

ومش هابطل احكي لهم علي اللي بيحصل للمسلمين في كل قارات العالم ..

علشان اولادي يعرفوا .. وبفهموا .. من عدوهم ومين صديقهم .. ( بس هوه للعرب اصدقاء اساساً؟؟؟ )

علشان يمكن ولد من ولادي .. يكون في يوم من الايام صلاح الدين الايوبي ... مش يكون ... ( هاقول مين ولا مين ... ما هما كثير قوي وعارفين نفسهم ... و متقسيمين الي أمراء و سلاطين وملوك و رؤساء جمهوريات )

الدراسة دي هدفها اننا نبعد اولادنا عن الحقيقة.. نعزلهم عن القضية العربية .. علشان يطلعوا ما يعرفوش حاجة عن القدس ولا كشمير ولا العراق ولا الشيشان ولا فلسطين ولا افغانستان ..ولا الفلبين..

الدراسة دي هدفها اننا نفرج اولادنا بس علي قناة اسبيس تون و قناة مولودي !

مش معناه اني بقول ان اولادنا ما يعيشوش طفولتهم ؟ لا

انا قصدي اننا نحط جواهم بذرة حب الوطن ...

----

وفي الاخير بقول .. فيه كل يوم اخبار تنشر في الصحف ... وقد تبدو عادية .. لكن اللي يقرأ ما بين سطور الخبر .. سيفهم الكثير ... وكنت اتمني من الصحف العربية ان تنشر مثل هذا الخبر مع تعليق بسيط من المحرر الهمام .. علشان الامور لا يساء فهمها

[الطفشان]

لاني قريت دراسة امريكية .. انتشر ملخصها تقريبا في كل الصحف العربية .. 

علي مخاطر ان يشاهد الاطفال الصغار مشاهد العنف في نشرات الاخبار .. 

الدراسة فعلا من جامعة محترمة .. و قام بها دكاترة اكيد متخصصين .. 

...

الدراسة دي هدفها اننا نبعد اولادنا عن الحقيقة.. نعزلهم عن القضية العربية

...

الدراسة دي هدفها اننا نفرج اولادنا بس علي قناة اسبيس تون و قناة مولودي  !

ليه افتراض التآمر؟

الدراسات دي اصلا للامريكان

و النتيجة ان كثير منهم ماعندهمش تلفزيون

لانهم بيقولوا ان الكارتون اللي فيه حد بيضرب حد على راسه بالشاكوش دة يؤدي الى العنف

و فيلم الماتريكس بيؤدي للعنف

و لسه من كام يون قابضين على شلة شباب 15 الى 18 سنة معاهم اسلحة و قالوا ان دة بسبب الماتريكس

فالنهاية ان الدراسة مالهاش علاقة بالعرب و لا المسلمين من اساسه

لانها للاستهلاك المحلي

(اعتقادي الشخصي ان الفرجة على العنف في التلفزيون لا تؤدي الى ان يكون الاطفال عنيفين

الان هناك عوامل اخرى كثيرة منها البيت و التنشئة و القيم و غيرها

و هذه نقطة خلاف كبيرة مع كثير من الخواجات هنا الذين يصدقون الدراسة)