اهم المناطق في القاهرة ؟؟

[أحمد العربي]

السلام عليكم ورحمة الله وبركاته

كل سنة وانتم طيبين

انا كان ليا سؤال صغير وبسيط :

انا بقالي فترة طويلة عايش برة بس حاليا انا مقيم في المنصورة بقالي فترة قصيرة متكملش سنة حتى

وبفكر إني أنزل القاهرة .. وعايز أعرف اهم المناطق اللي ممكن اروحها الترفيهية وغيرها (خصوصا جامعة القاهرة وكلية طب الاسنان .. بواقع عملي كطبيب أسنان)

ده لأني منزلتش من زماااان ومش عايز اروح كده وانا معرفش اي حاجة خصوصا إني مش معايا عربية حاليا

وعلى رأي المثل ... اللي يسأل ميتوهش :rolleyes:

في انتظار ردودكم

[abdulmuttaleb]

سؤال أيضا على الهامش للإخوة في القاهرة

لدي موعد في أبراج النيل المجاورة لأركاديا مول على كورنيش النيل

إذا ركبت قطارا من الإسكندرية 7ص يصل رمسيس 9:20ص

هل يمكنني الوصول بتاكسي لهذا العنوان اعلاه (جوار أركاديا مول) قبل 10ص؟!

[الباشمهندس ياسر]

سؤال أيضا على الهامش للإخوة في القاهرة

لدي موعد في أبراج النيل المجاورة لأركاديا مول على كورنيش النيل

إذا ركبت قطارا من الإسكندرية 7ص يصل رمسيس 9:20ص

هل يمكنني الوصول بتاكسي لهذا العنوان اعلاه (جوار أركاديا مول) قبل 10ص؟!

التاكس هياخد ش السبتية من ميدان رمسيس لغاية البحر و هياخد بيك يمين بقيت فى المول

المشكلة بقى ان الساعة 9 و بعدها بتبدأ الورش و المحلات تفتح

يعنى ممكن تاحد الشارع ده فى ساعة بدون اى مبالغة

و ياسلام بقى لو عربيه نقل بتنزل بضاعة او بتحمل تقفل الشارع ومفيش اى مشكلة عندهم خالص

حاول تروح بدرى عن كده انا خمنت انك رايح ميعاد رسمى

حاول تروح بدرى على قد ما تقدر هيكون افضلك جدا

بالتوفيق ف مشوارك

[أحمد العربي]

يا جماعة حد يرد على الاستفسار الرئيسي للموضوع