مطلوب تطوير تقنيات المنتدى !!!

[شاب مصري]

السلام عليكم ورحمة الله وبركاته

انا شايف ان منتدى محاورات المصريين يستحق شكل وتقنيات أفضل من الموجود حاليا بكتييييييييير

لانه احد اهم المنتديات العربية على الانترنت

وبيستحوذ على اهتمام واحترام كبير

مطلوب تغيير الشكل والالوان (ياريت لون ابيض في سماوي :lol: )

وكمان تقنيات زي انك تحط الماوس على عنوان الموضوع يطلعك اول كام سطر من الكلام توفيرا للوقت من انك تفتح الموضوع

وتقنيات تانية كتير :sad:

ياريت الاستعانة برؤوية تصميمات المنتديات العالمية الاجنبية (وليس معظم المنتديات العربية اللي معظمها تصميمها والوانها مبتذلة ونسخة من بعضها البعض)

دا طلب هام و جماهيري

قولتو ايه يا رجالة ؟

[الباشمهندس ياسر]

يا غالى انا معاك فى معظم النقاط

لكن

اللون لآ

متغيروش اللون انا عنيا ارتاحت ع اللون ده

و اتعودت عليه كمااااااااان

و شكرا ع الاقتراح الجامد

[شاب مصري]

و ياسر باشا معانا

ايه يا ادارة ؟ بجد الموضوع دا هيفرق معانا جدا جدا جدااااا

المنتدى دا جامد جدا ومش هكون ببالغ لو قلت انه اقوى منتدى مصري جاد (غير هزلي)

وبالتالي يستحق تصميم متميز

واحنا كلنا مستعدين نساهم في الموضوع دا

بس الارادة السياسية تتوفر :sad:

تم تعديل 1 ديسمبر 2008 بواسطة شاب مصري

[ayman74]

السلام عليكم

الأخوة الكرام إدارة المنتدى

أقدم هذا الإقتراح الذي قد يفيد البعض خاصة ممن لا يملكون لوحة مفاتيح عربية

فعن طريق الكتابة باللغة الإنجليزية يستطيع هذا الكود عرض مجموعة من الكلمات المكتوبة باللغة العربية ليختار الكاتب منها الكلمة التي يريد وضعها باللغة العربية

الكود مستخدم في بعض المواقع المشهورة مثل مكتوب و نيل و فرات لبيع الكتب و بعض المواقع الأخرى

الكود مجاني و موجود على الرابط التالي

http://www.yamli.com/api/ar/

بالمناسبة ليس لي أدنى علاقة بالشركة المنتجة لهذا المنتج على الإطلاق اللهم إلا إعتقادي أنه من المفيد إضافته لمنتدانا الرائع

[الدكتورة أم أحمد]

السلام عليكم ورحمة الله

أوافقك الرأي فالمنتدى بالفعل بحاجة إلى تحديث وخاصة صندوق الكتابة

[HDarwish]

إحنا إتعودنا على المحاورات كده ... خايف تتغير للأسوأ مش للأحسن ...

أنا عن نفسي دخلت منتديات كثيرة جداً وللأسف ما بحسش بالراحة (بالنسبة للديزاين والألوان والإمكانيات) إلا هنا ....

يعني المنتدى ده معتدل في تصميمه سهل في استخدامه ... والأهم من ده كله الناس اللي فيه والأفكار والآراء اللي فيه وكمان كلمات الشكر والإحسان والتسقيف عالفاضي والمليان قليل جدا لما بتلاقيهم هنا ...

ده رأيي الشخصي ... واللي هو

(إني متخوف من التغيير لا يكون للأسوأ ونقعد نترحم ونفتكر زمان وأيام زمان) ...

دمتم بألف خير

[~Heba~]

المنتدى محدث بالفعل لاحدث نسخة من IPB و هى 2.3.5 على ما اعتقد....

Powered By IP.Board 2.3.5 © 2008 IPS, Inc.

و التحديث تم السنة دى على ما اتذكر فى شهر 6

[لولا]

الوان الخلفيات مريحه لأقصى درجه .. والفهرس والخط ممتاز .

الحقيقه انا مرتاحه اوى على الوضع الموجود لأنه فى نظرى ممتاز وبمقارنه بسيطه بمنتديات

تانيه المحاروات بتكسب بتفوق من ناحيه التصميم والألوان المريحه جدا. طبعا لا مجال لنقاش المحتوى الأكثر من ممتاز.

تحياتى

لولا

[الباشمهندس ياسر]

بس الارادة السياسية تتوفر

يا صديقى كده مش لاعب

خلينا بعيد يا عم الحاج

انا لسه مدخلتش دنيا

[Diab]

انا فتحت موضوع من كام اسبوع بالإقتراح ده

وكمان تقنيات زي انك تحط الماوس على عنوان الموضوع يطلعك اول كام سطر من الكلام توفيرا للوقت من انك تفتح الموضوع

إضافة خاصية هل ممكن ؟

قالو هنشوف ومحدش شاف ؟

[لولا]

اe]وكمان تقنيات زي انك تحط الماوس على عنوان الموضوع يطلعك اول كام سطر من الكلام توفيرا للوقت من انك تفتح الموضوع

بما انى خلطت بين التقنيه والتصميم فى مداخلتى الأولى ، فاجد ان هذا الإقتراح الخاص بظهور كام سطر من الكلام سيكون

اضافه جميله .

لولا

[Mohamed Fayek]

السلام عليكم

والله أنا إحترت .. ناس بتطلب التغيير ... وناس معارضة لبعض بنود التغيير ... وناس تانية مسالمة وخايفة من التغيير ...وهو ده حال المصريين ... طيب ليه مانجربش ومش عيب لو فشلنا لو الناس ما إرتاحتش للتعديل نرجع زى ماكنا ....... مش حنخسر حاجة ................................ الشعب يطالب بالتغيير ياترى إيه رأى القيادة

[شاب مصري]

انا شايف ان العقبة الأساسية ان المشرفين عملهم تطوعي غير ربحي

يعني ممكن مشغولين بعملهم وبالحياة

وزيهم زينا بيستقطعوا من وقتهم عشان المنتدى

وبالتالي لازم نحط نفسنا في خدمة هذا الاقتراح

حسب استطاعة كل واحد طبعا

الوقت والمجهود والتصميم .. الخ .

[النجم الثاقب]

المحاورات أفضل منتدى التقنية المستخدمة فيه مريحة بالنسبة لى .. و خصوصا خاصية الوصول للمواضيع النشطة لـ : يوم او اسبوع او شهر .. و دى مش موجودة فى معظم المنتديات

تقبلوا تقديرى