قصتي مع كندا

[ramyfathalla]

ايه رأيك يا زناتى ان د/ حسام طلع أستاذ و هو الوحيد اللى فهم الملعوب و كدبة فبراير

الرجل ده طول عمرى أقول عليه ستايل تانى خالص و أعصابه هادية

أنا حاسمع كلامه بعد كدة

[حسام يوسف]

ايه رأيك يا زناتى ان د/ حسام طلع أستاذ و هو الوحيد اللى فهم الملعوب و كدبة فبراير

الرجل ده طول عمرى أقول عليه ستايل تانى خالص و أعصابه هادية

أنا حاسمع كلامه بعد كدة

العفو يا عم رامي

ده بس من ذوقك وأصلك الطيب :aslam:

وانا لا هادي ولا حاجة

ومعترف ان اول عيوبى انى عصبي

كل ما هنالك اننا خدنا مناعة ع المنتدي من كتر ما اتعمل فينا wst::

[ibrahimeisa]

السلام عليكم جميعا

أخوكم عضو جديد في القهوة بسجل متابعتي واهتمامي بالموضوع

وكل الشكر والتقدير للدكتور هشام علي مساعدته وربنا يباركله ويجازيه خيرا

بالنسبة ليا انا كان ليا استفسار صغير يا د:هشام

انا هبدأ إمتياز إن شاء الله أول مارس وأنا ليا نيابه مؤقته وكنت عاوز أعرف الافضل ليا إنى أتخصص أحسن ولا أبدأ فى المعادله وبلاش التخصص وأفضل تخصص إيه ممكن يساعدنى هناك واللى ليه نيابات أكتر أنا طبعا من قرائتى للموضوع عرفت إن طب الاسره مطلوب بس يا ريت حضرتك تفيدنى

وحضرتك تنصحنى أبدا إزاى وأعمل إيه الفتره اللى جايه دى علشان أستغل وقتى صح

وثانيا أخويا خريج علاج طبيعى جامعه القاهره فكنت عاوز أعرف بالنسبه له إيه المطلوب هناك سواء معادله أو غيره إذا أمكن المعرفه أو أسال فين أو مين ممكن يدينى معلومه صحيحه سواء سفاره أو شخص حضرتك تعرفه

ويا ترى إحتمال إذا ربنا أكرمنا ووفقنا فى المشوار ده ممكن نكون فى نفس المستشفى بطريقه ما ؟

معلش بقه الكلام خدنا والمشاريب سقعت cr((: هنزل طلبات تانى وعلى حسابى المره دى :lol:

أشوفكم على خير إن شاء الله

امشى فى موضوع المعادله

وفى نفس الوقت ادخل فى التخصص اللى انت بتحبه

ولو كانت الزماله المصريه

تبقى محترمه اكتر من الماجستير

بتقلب على استشارى على طول فى الخليج بعد قضاء سنوات بعدها

اما الماجستير فلابد من الدكتوراه بعد منه

وهناك اعترافات متبادله على موضوع الزماله المصريه بالسعوديه ويمكن فى انجلترا فى مجال طب المجتمع

لكن مش عارف الاخبار الجديده

أولا شكرا يا دكتور إيهاب على الرد

معنى الكلام دلوقتى إنى أخد تخصص يسهل عليا مشوار المعادله بعد كده ولا أخد تخصص أنا بحبه وربنا يسهل

اللى فهمته من بدايه قرائتى للموضوع إن تخصص طب الاسره والطوارىء إلى حد كبير هوا المطلوب هناك

أرجو التوضيح وجزاك الله خيرا

وإذا كان هناك أى معلومات بالنسبه لسؤالى عن تخصص أخى أرجو الإفاده

[hgalal]

السلام عليكم

انا كان ليه سؤال

هل لو انت عاوز تشتري كتاب مثلا للدكتور مصطفي محمود هتلاقيه في المكتبات

وهل سعره هيكون خيالي؟

ولو كتب دينيه هل الكتب متوفره؟

جزاكم الله خير

دكتورنا العزيز جدا المحترم جدا جدا :rolleyes:

الحقيقة الكتب فيها مشكلة ....سهل نسبيا تلاقي كتب دينيية انما صعب تلاقي كتاب بعينه و صعب تلاقي كتب غير دينية يعني صعب تلاقي كتاب معين لدكتور مصطفي محمود مثلا انما سهل تلاقي كتب تفسير أو كتب حديث ...و سهل نسبيا تلاقي كتب مترجمة ...نجيب محفوظ بالانجليزي مثلا

اللي أنا باعمله كل ما أنزل مصر باحمل كتب و دي في ديز و سيديز علي قد ما أقدر ...و طبعا النت موجود زي ما الاخوة اتفضلوا و قالوا و لو إن ساعات الواحد بيحكم معاه حكاية الكتاب التقليدي المطبوع ..أنا لسه قاري يوميات نائب في الأرياف تاني بس المرة ديه علي النت

في يا دكتور كذا موقع بيبيع كتب عربي ودينيه على النت وممكن يبعتهم كندا او اي مكان في العالم لكن اعتقد ان ممكن مصاريف الشحن تكون مكلفه شويه

ودول موقعيين مشهوريين:

http://www.adabwafan.com

http://www.neelwafurat.com/

وموقع النيل والفرات ده بالذات في كتب د مصطفى محمود وكتب تانيه كتير لكن للأسف هوا دلوقتي مش شغال ليه يمكن في صيانه النهارده ولا حاجه؟

[Ahmed Osman]

دكتورنا العزيز

مبروك ال 200 صفحة و عقبال الالف

أنا عارف هي ظاهره عندك 76

تحياتي

تم تعديل 15 فبراير 2010 بواسطة Ahmed Osman

[د هشام ابراهيم]

السلام عليكم جميعا

أخوكم عضو جديد في القهوة بسجل متابعتي واهتمامي بالموضوع

وكل الشكر والتقدير للدكتور هشام علي مساعدته وربنا يباركله ويجازيه خيرا

بالنسبة ليا انا كان ليا استفسار صغير يا د:هشام

wst::

رديت علي رسالتك الخاصة يا د ابراهيم ...ربنا يوفقك

[د هشام ابراهيم]

السلام عليكم و رحمة الله وبركاته

أدام الموضوع سحب منكم و جرى ناحية العقارات.

لو واحد هيفتح محطة بنزين و ملحق بيها سوبرماركت فى كندا, تتكلف كام لو كانت فى مكان معقول بحيث أنها تشتغل, و خلوا بالكم أن أنا قلت ( يفتح محطة مش يشترى) محطة قائمة و شغالة لأن السعر هيكون شامل مكسب اللى بيبيع المحطة.

MERCEDES S430

صراحة يا دكتورنا العزيز ما عنديش أي معلومات عن الانشطة الأقتصادية .... wst::

لو حد ممكن يكون يعرف يمكن باشمهندس ايهاب سالم ......ده الكنج في الأقتصاديات في عموم أونتاريو :)

[د هشام ابراهيم]

دكتورنا العزيز

أيه أحسن سايت لقراءة هذة الكتب

تحياتي

سيدي الفاضل أنا قريت يوميات نائب في الأرياف علي موقع إسمه www.scribd.com

الرابط :

يوميات نائب في الارياف

يمكن النسخة مش واضحة قوي لكن أديتني احساس اني باتصفح كتاب .....الرواية ديه أنا ما قريتهاش من أكتر من عشرين سنة wst::

الصراحة أي حد بيسألني علي أي حاجة لازم أقوله اني بابتدي ب-Google ........ مش عارف احنا كنا بنعمل إيه قبل جوجل الصراحة :)

[د هشام ابراهيم]

دكتورنا العزيز

مبروك ال 200 صفحة و عقبال الالف

أنا عارف هي ظاهره عندك 76

تحياتي

كلك ذوق يا سيدي الفاضل wst:: :)

و رجاء خاص للجميع ...فضلا لا أمرا ..... يا ريت نعتبر مشاركة الفاضل أحمد باشا كافية و بالنيابة عن كل المشاركين .....الادارة و الأشراف بيعيبوا علي منتدي كندا كثرة مداخلات الشكر و المجاملات ...أعتقد مشاركة الفاضل أحمد باشا ممكن نعتبرها موقعة من الجميع :wub:

Moving on (وش ستيفين كولبير)

[حسام يوسف]

بروفيسور هشام استمتعنا على مدار الصفحات السابقة بتوبيك رائع ربنا يكرمك عليه

سؤالى الآن

بعد السنوات اللى فاتت دي فى كندا

ما سلبيات تجربتك فى كندا على المستوي الشخصي؟

وما سلبيات الهجرة الى كندا بشكل عام؟

لأنى مؤمن أن لكل شيئ جانبيه الايجابي والسلبي

ولك منى كل تحية

[ايهاب سالم]

دكتورنا العزيز

مبروك ال 200 صفحة و عقبال الالف

أنا عارف هي ظاهره عندك 76

تحياتي

كلك ذوق يا سيدي الفاضل :closedeyes:

و رجاء خاص للجميع ...فضلا لا أمرا ..... يا ريت نعتبر مشاركة الفاضل أحمد باشا كافية و بالنيابة عن كل المشاركين .....الادارة و الأشراف بيعيبوا علي منتدي كندا كثرة مداخلات الشكر و المجاملات ...أعتقد مشاركة الفاضل أحمد باشا ممكن نعتبرها موقعة من الجميع :closedeyes:

الفاضل د / هشام

مبروك ال ٢٠٠ صفحه و عقبال ال ٣٠٠

و أحب أضيف كمان

مشكوووووور

ما جصرت

جزاك الله خير

و

يسلموووووو

تم تعديل 16 فبراير 2010 بواسطة ايهاب سالم

[د هشام ابراهيم]

بروفيسور هشام استمتعنا على مدار الصفحات السابقة بتوبيك رائع ربنا يكرمك عليه

سؤالى الآن

بعد السنوات اللى فاتت دي فى كندا

ما سلبيات تجربتك فى كندا على المستوي الشخصي؟

وما سلبيات الهجرة الى كندا بشكل عام؟

لأنى مؤمن أن لكل شيئ جانبيه الايجابي والسلبي

ولك منى كل تحية

كلام جميل جدا و أكيد مطلوب

تحية من عندي يا دكتور علي طريقة و منهجية التفكير

نواصل يا سادة سلبيات التجربة الهشامية الكندية بعد الفاصل

[د هشام ابراهيم]

الفاضل د / هشام

مبروك ال ٢٠٠ صفحه و عقبال ال ٣٠٠

و أحب أضيف كمان

مشكوووووور

ما جصرت

جزاك الله خير

و

يسلموووووو

:roseop:

فاضل واحدة كمان .....1+

كنج هوبا سعادتك مش بس كنج الديفينس .....سعادتك كمان منظر جماعة الجين أكسرز في كندا ...... ما لكش حل يا بني إنت من الأحرار

[icehearted girl]

ياااااااااه د.هشام حضرتك لسه هناك ^_^

انا اتخرجت علي فكرة

يلا شوفلي حداكو اي مستشفي امسكها بسرعه بدل منا عاطلة كدا

[د هشام ابراهيم]

دكتورة آيس باشا ....يا مرحبا يا مرحبا و ألف مليون مبروك :roseop:

ناوية علي كندا و لا مصر ....طب و لا إعلام .......أكيد طبعا مديرة سواء كده و لا كده ....شاسيه استاذ من يومك يا أفندم

[icehearted girl]

exactly

بس الموتور لسه مش عاوز يحود

انا لسه مخلصة وبتح كل يوم الوسيط ادور علي اي وظيفة ملهاش علاقة بالطب :(

بس anway مصر ان شاء الله

مينفعش غيرها مؤقتا انت فاهم الظروف بقي دي تطير فيها رجاب يابوي

[icehearted girl]

نسيت اهني حضرتك علي موضوعك

ماشاء الله انا رحت وجيت ولسه انشط موضوع فلساحة

touch wood

تم تعديل 16 فبراير 2010 بواسطة icehearted girl

[د هشام ابراهيم]

يا أفندم الله يخليكي أخجلتم تواضعنا يا آيس باشا .....

بصي سعادتك .......سنة الأمتياز طوييييلة قوي و في نفس الوقت بتخلص فجأة ....بارادوكس من الأول و هو ده الطب يا عبلة (وش محمود ياسين )

حتي لو مكملة في مصر حاولي تلاقي تخصص في الطب تكملي فيه .....أعتبريه plan B-لو موضوع الاعلام ده ما نفعش

لو حضرتك من النوعية اللي بيبقى عندها كمان plan C أنصحك تشوفي موضوع ال-USMLE .....مجرد نصيحة مبنية علي تجربة شخصية ....لو الزمن رجع بيا كنت عملت كده

ربنا يوفقك يا رب و تحققي كل ما تصبو إليه نفسك

[icehearted girl]

so,

what do u think about rheumatology???

[د هشام ابراهيم]

فلة شمعة منورة

لو أستمريتي فيه مستقبله حلو و شغله كويس و كمان نيابته هادية و بنت حلال سواء في الجامعة أو بره الجامعة و بعد كده برضه متطلباته مش كتير و يسمح بحياة أسرية هادية

لو سبتيه و إتجهتي للاعلام ما خسرتيش كتير

لو فكرتي تتجهي غربا الحتة بتاعة ال-genetics و ال-immunology حتفيدك جدا إن شا الله في شغل ال-research

توكلي علي الله