قصتي مع كندا

[adamdec]

هو الد. هشام مقالش انه حيسيب التوبيك فورأيفر أعتقد انه مجرد واخد أجازة منه بس حتكون طويلة شوية.

على الاقل بنسمع منه فى توبيكس أخرى.

تحيانى يا دوك

[bent misr]

أكتر من ٢٠٠ صفحة و فوق ال-٣٠٠٠ مشاركة و زيادة عن ٢٢٠ ألف مشاهدة

الحمد لله أولا و أخيرا ...... و الشكر و العرفان ليكم جميعا .....كل من شارك سواء كتابة أو قراءة .......... ممكن استسمحكم في اجازة مفتوحة من التوبيك ده ...... مع وعد بمعاودة الكتابة أول ما يتيسر الحال

تحياتي و تقديري و احترامي و محبتي للجميع :wub:

الف الف مبروووووك يا د/ هشام

على المئويه الثانيه :lol: حلوة دي :)

بس بجد تستاهلها و تستاهل اكتر منها موضوعك رائع

و مفيد جدا و لا تبخل بعلوماتك عن اى حد

انا دائما متابعه يا فندم بس في صمت :wub:

[myusername]

اتمنى ان حضرتك تعاود الكتابة قريبا جدا.. لانى بصراحة كنت بنتظر مشاركاتك بفارغ الصبر.

و احب أسأل حضرتك... هل ترى ان كندا هى أرض الفرص؟ يعنى هل توجد فرصة للمجتهد.. على حسب اجتهاده؟

شكرا جزيلا لحضرتك..

تم تعديل 1 مارس 2010 بواسطة myusername

[Mercedes]

السلام عليكم و حمة الله و بركاته :blush2:

أنا لاحظت أن الأخ الغالى الدكتور هشام ابراهيم لا زال يكتب فى مواضيع محاورات المصريين كالمعتاد الا الباب ده بتاع ( قصتى مع كندا ) و ده اللى أثار دهشتى :lol: wst::

و انا عندى احساس غامض أن هناك ضغوط و مؤثرات خارجية , ممكن تكون من دول أجنبية معادية, هى اللى تسببت فى أن الدكتور هشام ماعتبش الموضوع ده من زماااااااان ؟؟؟؟؟

مش كده ولا ايه ؟؟؟

MERCEDES S430

[znaty]

جزاكي الله كل خير لان كلماتك كانت رائعة جدا و وصفك الجميل للمسجد الذي لم نراه ولكن احسسنا بدفئه .

مفيش مشكله ... نراه مع بعض

أنا أصلي الجمعه أسبوعيا في مسجد تورونتو لقربه من مكان عملي و يقام هناك 3 صلوات جمعه متتاليه

دي صور صورتها بعد احد الصلوات

مسجد تورونتو يعتمد على التبرعات في إستمراريته و الخطيب يقف بعد إنتهاء كل صلاة جمعه من الثلاث ليذكر المصلين بالتبرع بسخاء بعد الصلاه لإستكمال قيمة الإيجار الشهري و رغم ذلك كثير من المصلين يتجاهلون صناديق التبرعات الموجوده بجانب الباب و هم خارجين

كان فيه مكان اخر مؤجر أيضا في الداون تاون كنا نصلي فيه و فقدناه نتيجه لضعف التبرعات

دي صوره له

دي صفحة التبرعات للمسجد ... للي يحب ... و ممكن التبرع من خارج كندا

[د هشام ابراهيم]

ما علينا :blink:

مشهد ليل داخلي ...... أول يوم في مستشفي جديد علي تماما

مشاعر مختلطة ...... مبسوط إن دورتين عدوا علي خير أول سنة ليا في النيابة ..... و في نفس الوقت حاسس بتعب حالل علي ....تعب جسماني و ذهني و نفسي التعب ليه ألف سبب و سبب .....و سبب واحد منه المنتدي ده و اللي بيحصل فيه ...... الساعة داخلة علي عشرة بليل و أتبلغنا بحالة مخ و أعصاب حتقعد معانا غالبا لتاني يوم الصبح ..... و جالي رنة استدعاء علي البيجر بتاع المستشفي

- نعم ..أفندم (= Hello this is the Anesthesia resident answering a page)

- أيوه يا دكتور احنا B5 عندنا عيانة مطلوب ليها عرض تخدير و هي ما بتتكلمش انجليزي ....ابنها معاها و عايز يروح ينفع تجيلهم دلوقتي

- دقيقة واحدة أشوف العمليات و أرد عليكي ........

-كلمت الاستشاري قالي أنا حابتدي و روح للعيانة بتاعة B5

- رحت و أنا باقدم رجل و آخر رجل ....يعني حبكت ...أنا ناقص ...ما يستنوا لبكره ...ده أنا قاعد أكلم نفسي و أنا رايح للعيانة

- وصلت للدور و سحبت ملف العيانة و فتحت ملفها الالكتروني علي شبكة المستشفي و قعدت أقرا في ملفاتها

٧٠ سنة مريضة بالقلب و السكر و الضغط و ربو شعبي مزمن و كام حاجة تانيين و بعدين جالها ورم في المخ آثر علي نصف جسمها احساس و حركة ......عملت عملية قلب مفتوح من سنتين لعلاج قصور الشرايين التاجية و العملية ما حققتش النتيجة المطلوبة و قلبها فضل تعبان .....قسطرة قلب مرتين و فشلت ....الأطباء استقروا علي تكملة العلاج بالادوية لان ما فيش في أيديهم حاجة تانية لحد ما جت حكاية ورم المخ ديه و لخبطت الدنيا ...لازم لها عملية لاستئصال الورم و طبعا عملية كبيرة و خطرة و قلبها ممكن ما يستحملش ...خصوصا مع بقية مشاكلها

بعد ما خلصت القراية قعدت دقيقة مبلم باحاول أظبط الكلام اللي حاخش أقوله للعيانة و ابنها .....دخلت عليهم ...ست تركية باين عليها تأثير الزمن و المرض انما علي وشها ابتسامة كبيرة و طاقة نفسية أكبر حاسسها و هي بتكلم ابنها رغم اني مش فاهم الكلام

كان لازم اشرح لها المخاطر بتاعة العملية و نسب النجاح (سلو البلد هنا ...لازم العيان و أهله يبقوا فاهمين القصة كلها قبل ما يتخذوا قرار صعب زاي ده .....إلا في حالة واحدة إن المريض يطلب ما يعرفش ) المهم شرحت ليها المخاطر كلها و مدي الصعوبة و نسب النجاح و السيناريوهات المحتملة و ابنها قاعد يترجم ....الست سمعت الكلام كله و ابتسامتها ما سابتش وشها ......بعد ما خلصت كلامي راحت ماسكة ايدي و قلتلي كلمتين .....الله (و شاورت للسما فوق ) و الكلمة التانية دكتور (و هي بتشاور بصباعها اشارة معناها "و بعدين" )

ما عرفتش أقولها إيه ... كررت كلامي و كررت كلامها و اشارتها ........احساس غريب جدا انتابني ساعتها ...زي ما تكون قشعريرة خدتني من فوقي لتحتي و بطلت كلام و قلت لها الله و شاورت لفوق ...سبتها و ابتسامتها عدتني و رجعت الطريق للعمليات و أنا باقول اللهم لا إله إلا أنت سبحانك اني كنت من الظالمين

[dcfarouk]

السلام عليكم

ربنا يكرمك يا دكتور هشام

بجد بقولها من قلبي

ايوه كده يا عم ارجع اكتب الكلمات الجميله ديه بجد بحب اوي اقري كلامك

حواطر بجد بتقربنا من حقيقه يا رب كلنا نعشها

جزاك الله خير

[ابنه النيل]

عود احمد يا دكتور هشام

قصتك عن الست التركيه تقشعر الجسم فعلا

ربنا يشفيها ويعافيها وينجيها بقدرته ان شاء الله

ابقي طنا عليها بجد هه

[Mercedes]

السلام عليكم و رحمة الله و بركاته

فينك يا دكتور هشام,سيادتك رحت فييييين . :blush2:

عاوزين نسمع أخبار طيبة عنك ان شاء الله ????????

MERCEDES S430

[drarab]

د.هشام

تحياتي اخي العزيز لك ولحماسك وتجربتك الثريه

اورجوا من المساعده في بعض الاستفسارات اذاتكرمت

انا طبيب من بلد عربي اعمل في جراحه العظام ظمن برنامج البورد العربي - سنه ثالثه -

قدمت اوراقي للهجره الى كندا والمعامله ماشيه تمام

بس حبيت اسئل عن اختبار الMCCEE & MCCEQ

هل اختبار اللغه ال IELTS او التوفل مطلوب للتقديم الاي من هذين الاختبارين او حتي الاختبار الثالث

ام اننا سوف نحتاج اليه لاحقا

اذا كان اي منهما مطلوب ما هي النقاط المطلوبه لاي منهما

ماهي الوثائق المطلوبه للتقديم

لاتوجد في بلدي سفاره او قنصليه كنديه , هل يجب تعميد الوثائق من القنصليه الكنديه ,وما العمل في حاله عدم وجود سفاره ؟

ارجوا المساعده ولك مني كل تقدير

د/انور

[bent misr]

يااااااااااااااااااااه عوده للزمن الجميل :wub:

الله عليك يا د/ هشام و الله ليكوا وحشه يا جماعه

كمل الخواطر الخطيره دي و اشجينا يا دكتور

[Princesse]

ما علينا :blink:

مشهد ليل داخلي ...... أول يوم في مستشفي جديد علي تماما

مشاعر مختلطة ...... مبسوط إن دورتين عدوا علي خير أول سنة ليا في النيابة ..... و في نفس الوقت حاسس بتعب حالل علي ....تعب جسماني و ذهني و نفسي التعب ليه ألف سبب و سبب .....و سبب واحد منه المنتدي ده و اللي بيحصل فيه ...... الساعة داخلة علي عشرة بليل و أتبلغنا بحالة مخ و أعصاب حتقعد معانا غالبا لتاني يوم الصبح ..... و جالي رنة استدعاء علي البيجر بتاع المستشفي

- نعم ..أفندم (= Hello this is the Anesthesia resident answering a page)

- أيوه يا دكتور احنا B5 عندنا عيانة مطلوب ليها عرض تخدير و هي ما بتتكلمش انجليزي ....ابنها معاها و عايز يروح ينفع تجيلهم دلوقتي

- دقيقة واحدة أشوف العمليات و أرد عليكي ........

-كلمت الاستشاري قالي أنا حابتدي و روح للعيانة بتاعة B5

- رحت و أنا باقدم رجل و آخر رجل ....يعني حبكت ...أنا ناقص ...ما يستنوا لبكره ...ده أنا قاعد أكلم نفسي و أنا رايح للعيانة

- وصلت للدور و سحبت ملف العيانة و فتحت ملفها الالكتروني علي شبكة المستشفي و قعدت أقرا في ملفاتها

٧٠ سنة مريضة بالقلب و السكر و الضغط و ربو شعبي مزمن و كام حاجة تانيين و بعدين جالها ورم في المخ آثر علي نصف جسمها احساس و حركة ......عملت عملية قلب مفتوح من سنتين لعلاج قصور الشرايين التاجية و العملية ما حققتش النتيجة المطلوبة و قلبها فضل تعبان .....قسطرة قلب مرتين و فشلت ....الأطباء استقروا علي تكملة العلاج بالادوية لان ما فيش في أيديهم حاجة تانية لحد ما جت حكاية ورم المخ ديه و لخبطت الدنيا ...لازم لها عملية لاستئصال الورم و طبعا عملية كبيرة و خطرة و قلبها ممكن ما يستحملش ...خصوصا مع بقية مشاكلها

بعد ما خلصت القراية قعدت دقيقة مبلم باحاول أظبط الكلام اللي حاخش أقوله للعيانة و ابنها .....دخلت عليهم ...ست تركية باين عليها تأثير الزمن و المرض انما علي وشها ابتسامة كبيرة و طاقة نفسية أكبر حاسسها و هي بتكلم ابنها رغم اني مش فاهم الكلام

كان لازم اشرح لها المخاطر بتاعة العملية و نسب النجاح (سلو البلد هنا ...لازم العيان و أهله يبقوا فاهمين القصة كلها قبل ما يتخذوا قرار صعب زاي ده .....إلا في حالة واحدة إن المريض يطلب ما يعرفش ) المهم شرحت ليها المخاطر كلها و مدي الصعوبة و نسب النجاح و السيناريوهات المحتملة و ابنها قاعد يترجم ....الست سمعت الكلام كله و ابتسامتها ما سابتش وشها ......بعد ما خلصت كلامي راحت ماسكة ايدي و قلتلي كلمتين .....الله (و شاورت للسما فوق ) و الكلمة التانية دكتور (و هي بتشاور بصباعها اشارة معناها "و بعدين" )

ما عرفتش أقولها إيه ... كررت كلامي و كررت كلامها و اشارتها ........احساس غريب جدا انتابني ساعتها ...زي ما تكون قشعريرة خدتني من فوقي لتحتي و بطلت كلام و قلت لها الله و شاورت لفوق ...سبتها و ابتسامتها عدتني و رجعت الطريق للعمليات و أنا باقول اللهم لا إله إلا أنت سبحانك اني كنت من الظالمين

دكتور هشام

وحشتنايا دكتور

و وحشتنا حكاياتك الانسانية الراقية

يا ترى كل الاطباء زيك كدة؟لا و كل الكويسيين بيهاجروا برة ؟

بجد الموضوع دا من افضل المواضيع في باب كندا و احبهم الي نفسي

صعبان عليا ان الموضوع دا يوصل لصفحة رقم 8

بجد خسارة

[cutey]

حضرتك فين يا دكتور هشام؟؟

وحشتنا مشاركاتك المليئة بالصدق والمشاعر

ربنا يقضي لك كل حوائجك من الدنيا والآخرة

ويارب تنور المنتدى بمشاركاتك الجميلة والمفيدة حتى للى مش أطباء زيي :rolleyes:

[هيشو]

ياااااه انا قرييت الموضوع كلة تقريبا

شكرا دكتور هشام

و ارجو الاستمرار

[alaashabana]

انت فين يا دكنور هشام - يارب تكون بخير دائما

للرفع...

[ViralMind]

وحشتنا يا دكتور هشام.. و اتمنى انك تشرفنا تانى بخواطرك الكندية.. عايزين خاطرة هنا احنا كمان

[Princesse]

دكتور هشام كل عام وانت بخير وبالف صحة...هذه مشاركة لرفع الموضوع..اتذكر عندما كنت اقضي الوقت في قراءة مشاركاتك..وكأني اعيش احداثها..خسارة ان حضرتك انقعطت عن الكتابة