قصتي مع كندا

[Torontotruk]

حضارتكم فهمني غلط يا جماعة...انا بعلق علي كلام الاعضاء الكرام من وجهة نظري وخبرتي ...انا آسف لكم جميعا و سألتزم الصمت الرهيب من الان...واقدم اسفي خصوصي /علي طريقة الفنان الكبير صلاح منصور/ :D للعضو هشام...ومن الأن فصاعدا لن تجدوا مني ما يسوئكم..استودعكم الله. :rolleyes:

عشان بس الأعضاء الجدد يفهموا إنت ظالم أم مظلوم

ممكن تذكر سبب إلغاء عضويتك أول مره

بلاش المرات التي تلتها

أول مره فقط

فاكرها

ده كان إعلان مثبت من الإداره لمدة شهر

اه....................اوك...علشان مدخلات تورونتو فقدت مصداقيتها...ولاسلوبه المتدني...يعني كان عضو دجال,,وافاق,,ودائما عايز يكره اللاعضاء ايلي ناويين علي الهجرة الي كندا...تأولشي كندا دي ورث او تركة تخصه...اهو راح غير ماسوف عليه....والعجيب انه مصمم انه يكره الناس في كندا...طب لو هو بيكره كندا عايش فيها ليه...بيقول عنده ظروفه هههههه...بذمتك انت تصدق الكلام ده..وبعدين منين ماتخش توبيك تلاقي اسمه منورفيه ومدخلات سخيفة واحيانا بيستخف دمه...وكلامه كله متناقض..انا احيانا بشعر انه مش عايش في كندا...الحمد لله ربنا خلصنا منه..وبشكر الادارة انها وقفته...والشكر لله وليك و للاخت مارينا والاخ جبار سينج والاعضاء ايلي اشتركوا في شن الهجوم علي هذا الافاق...كترالله من امثالهم..وكندا جميلة...وفوتكو بعافيه... :)

[شاب مصري]

لعشاق الزمن الجميل

فولا فولا بالومبيللااااااا

طيري طيري يا عصفورة أنا متلك حلوة صغيورة

بركض فوق حفاف الزهر ...بحجر ع ميات النهر و بحط بشعري بشورة

http://www.youtube.com/watch?v=2wx6u_e3x2o...feature=related

[Balooshy]

ياااااااااااااه يا دكتور .. والله فتحت نفسي على الطب و على نيابة الجامعه و على الدنيا كلها ..

معلومات مفيده جدا .. انا شخصيا اول مره اسمعها .. قصص نجاح اطباء في كندا اتفاجئت بيها ..

ربنا يكرمك يا دكتور و يسعدك زي ما دخلت السعاده لقلبي .. و فتحت لينا باب امل في المستقبل .

[bent misr]

د/ هشام ابراهيم

مرحبا بك في منتدانا الرائع , الجميل

معلش المداخله متأخره شويه بس أنا لسه شايفه التوبيك

بتاعك. حقيقي اسلوبك رائع و قصتك أروع

أنا كمان متابعه, بس هرجع أكمل من الاول و جايلكوا تاني

تم تعديل 2 ديسمبر 2008 بواسطة bent misr

[ابن الصعيد]

د هشام جزاك الله خير

ماذا عن الاقسام الاكاديمية مثل الفسيولوجي والباثولوجي والفارما والهستولوجي والباراسيتولوجي .اذا اراد الطبيب ان يغير تخصصة الي هذة الاقسام.

سؤال مهم جدا ويحتاج منك ان تسأل الاطباء المصريين الذين هاجروا هل دبلوم التخصص بمصر بيعطوا علية نقاط في الهجرة ام لا لان علي الموقع الرسمي لم يطرأوا الي الدبلوم بعد البكالوريوس ولكن تحدثوا علي الدبلوم الفني فقط.

مع جزيل الشكر

[AL MUHAGER]

ازيك يا دكتور هشام اتمنى تكون بخير و سلامة انت و الاسرة كلها .....

لو حضرتك فاكرني انا المهندس المعماري زوج الدكتورة المتخرجة حديثا وكان ليا استفسار لو تسمح لي

سبق وقريت في المنتدي ان الإلتحاق بنيابة في كندا صعب... ان لم يكن مستحيل وانا قريت في كلام حضرتك ان فيه ناس اخدت نيابة

ياريت لو وقتك يسمح تعرففنا ايه شروط الالتحاق بنايبة من خبرة ومؤهلات وتكاليف وخلافه واخبار المرتبات بتاعتها ايه..ز ومرة تانية انا شاكر جدا وقتك الغالي اللي بتفيدنا كلنا بيه بمعلوماتك القيمة .. وربنا يعوضك خير عن تعبك معانا.. شكرا لكرم اخلاقك مرة تانية

[casanooovaaa]

ماشاء الله عليك يادكتور هشام. بجد الف الف الف شكر على كل المعلومات دى . بس انا ليا سؤال كل الناس بتتكلم عن المعادلة بس مفيش اى حد قالنا هل فى درجة لازم اجيبها علشان تسهل الماتشينج ولا النجاح وخلاص , يعنى هل الموضوع زى ال usmle ولازم اجيب فوق 90 من 99 :blink: ولا ايه ؟؟؟؟ :sad: ثانيا ايه الولايات اللي بتنصحنا بيها كاطباء ؟؟؟ و شكرا جزيلا :sad: :sad:

[ايهاب سالم]

شكر خاص للدكتور تهامي على صورة عربية الدورية .... في الجول To serve and protect :sad:

يا سلام

يعني هو تهامي أجدع مني

[qenawy]

دول بوليس ولا عربيات لعبة اتاري ؟

[samehelassad]

دي عربية دودج تشارجر وهمية. تلاقي ظابط البوليس وهو راكبها بيبقى مضطر يكسر الرادار. :blink: :wub: بصراحة صورة جامدة.

[ايهاب سالم]

دي عربية دودج تشارجر وهمية. تلاقي ظابط البوليس وهو راكبها بيبقى مضطر يكسر الرادار. :blink: :wub: :blink: بصراحة صورة جامدة.

الصور الجامده متطلعش إلا من ناس جامده لا مؤاخذه

معلش إحنا بنتكلم مع بعض مفيش أي حاجه

[moheltohamy]

دي عربية دودج تشارجر وهمية. تلاقي ظابط البوليس وهو راكبها بيبقى مضطر يكسر الرادار. :wub: بصراحة صورة جامدة.

الصور الجامده متطلعش إلا من ناس جامده لا مؤاخذه

معلش إحنا بنتكلم مع بعض مفيش أي حاجه

طيب عشان الكلمة دي بس انا جيت...

وخد يا إيهاب دي ؛ وحاسب وشّك :blink: :wub: :blink:

هيه الصورة مش إن فوكاص ؛ بس انا يا دوب لحقت آخدها بكاميرا الموبايل العرّة اللي كان ف إيدي ، ع الماشي ؛ والعربية بتاعتنا ماشية في جوهانسبيرج! i*:

واحنا عمّالين نتكلّم على عربيات البوليس في كندا الشيفروليه ولاّ الدودج ، وفي جنوب أفريقيا البي إم والمرسيدس... مش عارف ليه افتكرت عربيات البوليس عندنا في مصر ، لما جابوا أسطول فاخر من عربيات الدايو النوبيرا ، ولما افتروا جابوا شويّت تويوتا كورولا!

سلامو عليكو...

[ايهاب سالم]

جامده يا تهامي

عربيات بوليس بي إم

ده أنا كنت فاكر قطر بس اللي فيها البعزقه دي

عمار يا جنوب أفريقيا

[samehelassad]

جامده يا تهامي

عربيات بوليس بي إم

ده أنا كنت فاكر قطر بس اللي فيها البعزقه دي

عمار يا جنوب أفريقيا

قطر. دة بيهرجو هنا والله. اشي عربيات مرسيدس واشي تويوتالاندكروزر واشي شيفورلية لومينا. وتيوتا افالون. والله الناس دي مش عارفين يعملو اية بفلوسهم.

وعمار ياقطر .

هاهاها

[ايهاب سالم]

وعمار ياقطر .

هاهاها

صحيح

عمار ياقطر

كانت أحلى أيام

بس دلوقتي أحلى

[د هشام ابراهيم]

عدنا

قبل ما أرد على الاسئلة أخر زيارة لي للمحروسة كانت أخر رمضان اللي فات و عربيات الشرطة المصرية بقيت كامري و اوكتافيا و سورينتو !!!

ملحوظة مهمة : أخوك يا دكتور تهامي لسه مستني عنوان المطعم الأفغاني :blink:

و أدي كام صورة من عندي كمان

[د هشام ابراهيم]

الأخوة الافاضل samehelassad ، Balooshy و bent misr

جزاكم الله كل خير و أدام المعروف

د هشام جزاك الله خير

ماذا عن الاقسام الاكاديمية مثل الفسيولوجي والباثولوجي والفارما والهستولوجي والباراسيتولوجي .اذا اراد الطبيب ان يغير تخصصة الي هذة الاقسام.

سؤال مهم جدا ويحتاج منك ان تسأل الاطباء المصريين الذين هاجروا هل دبلوم التخصص بمصر بيعطوا علية نقاط في الهجرة ام لا لان علي الموقع الرسمي لم يطرأوا الي الدبلوم بعد البكالوريوس ولكن تحدثوا علي الدبلوم الفني فقط.

مع جزيل الشكر

العفو يا أخي الفاضل

دراسة الطب في كندا مختلفة عن مصر بالطبع و صراحة لم أصادف أي طبيب يعمل في أي من هذه المجالات و لم أري نيابات أكاديمية وسط النيابات الاكلنيكية ... أحسب إن طريقها مختلف تماما ... مع ملاحظة إن ال-Parasitology جزء من ال-Microbiology خارج مصر و ليس قسم قائم بذاته

أما عن الجزء الثاني من سؤالك فاعدك بالسؤال عنه و إن كنت أفضل أن تسأل السفارة أيضا عنه مباشرة لأن ردهم أجدي و أنفع

[د هشام ابراهيم]

ازيك يا دكتور هشام اتمنى تكون بخير و سلامة انت و الاسرة كلها .....

لو حضرتك فاكرني انا المهندس المعماري زوج الدكتورة المتخرجة حديثا وكان ليا استفسار لو تسمح لي

سبق وقريت في المنتدي ان الإلتحاق بنيابة في كندا صعب... ان لم يكن مستحيل وانا قريت في كلام حضرتك ان فيه ناس اخدت نيابة

ياريت لو وقتك يسمح تعرففنا ايه شروط الالتحاق بنايبة من خبرة ومؤهلات وتكاليف وخلافه واخبار المرتبات بتاعتها ايه..ز ومرة تانية انا شاكر جدا وقتك الغالي اللي بتفيدنا كلنا بيه بمعلوماتك القيمة .. وربنا يعوضك خير عن تعبك معانا.. شكرا لكرم اخلاقك مرة تانية

فاكر حضرتك طبعا يا باشمهندس ... ربنا يكرمك بفضله إن شاء الله

الحصول على نيابة في كندا صعب بالطبع لكن قطعا مش مستحيل

فيه هيئة في كندا مسئولة عن قبول النيابات اسمها CaRMS و ليها موقع مفيد جدا على النت فيه معلومات كويسة

www.carms.ca

حاليا المطلوب للتقدم لل-CaRMS هو الجزء الأول من المعادلة MCCEE و ده أمتحان MCQ في كل أفرع الطب و بيعقد بجانب كندا في عدة دول خارج كندا أعتقد إن منها الامارات

فرص قبول الطلب تعتمد على عدة عوامل بالطبع منها السيرة الشخصية و سنوات الخبرة السابقة ....كما إن فرص الحصول على نيابة أعلي في المقاطعات الشرقية عنها في أونتاريو أو بريتش كولومبيا مثلا

الطريقة الثانية للحصول على نيابة في أونتاريو و قد تكون أسهل أحيانا هو التقدم عن طريق ال-CEHPEA و هو هيئة مسئولة عن استيعاب الأطباء الأجانب داخل أونتاريو ... و أيضا لها موقع مفيد على النت

www.cehpea.ca

تعقد ال-CEHPEA (كانت تسمي سابقا IMG ) عدة امتحانات لبيان مستوي المتقدم و توجيهه إلي المستوى المناسب

التقديم إلي CaRMS أو CEHPEA تنافسي بمعني إن الناس كلها بتقدم فيهم و هما بيختاروا ما بين المتقدمين

الحاجة التانية إن لازم إكمال المعادلة قبل السماح بمزاولة المهنة ... يعني بعد ال-MCCEE فيه امتحانين MCCQ1 و MCCQ2 و دول حتي النواب الكنديين لازم يعدوهم قبل ما يخلصوا النيابة

فيه هيئات على شاكلة ال-CEHPEA في كل مقاطعة في كندا لكن للاسف ما عنديش معلومات كفاية عنهم

مرتب النائب بيختلف من مقاطعة لاخري و من تخصص لاخر و كمان النبطشيات بتزود المرتب .... مثال مرتب نايب سنة تانية تخدير في تورنتو حوالي ٤٥ ألف دولار في السنه و بيزيد كل سنة لحد ما يوصل ٦٠ ألف دولار في السنه على سنة سادسة ....إن شاء الله حاكلم بالتفصيل على مصاريف المعيشة في تورنتو قريبا

دعواتي الصادقة لحضرتك و الدكتورة بالتوفيق

[دعاء]

احب اسجل متابعتى انا كمان يا دكتور هشام

وارجوا الله ان يعوضك خيرا عن وقتك ومجهودك فى سرد قصتك مع كندا

ومع العلم ان وجهتى فى الهجرة الى مونتريال ان شاء الله الا انى سعيدة جدا بهذه النماذج المشرفة المصرية الموجودة فى كندا واللى حضرتك منهم ( وطبعا استاذ ايهاب - ودكتور شامى - ودكتور تهامى - واستاذ ياسر ) بارك الله فيكم جميعا ورزقكم من حيث لا تعلمون

[moheltohamy]

ملحوظة مهمة : أخوك يا دكتور تهامي لسه مستني عنوان المطعم الأفغاني :blink:

بص يا دكتورنا...

هتبدأ من إجلنتون مع دون ميلز (Eglinton Ave E & Don Mills) ، وهتكمّل جنوباً مع دون ميلز لغايت شارع Overlea Blvd (بتاع 1200 متر) ، وتدخل يمين (يعني West) في أوفرليي بتاع 500 متر ، وقبل ما توصل Thorncliff ؛ هتلاقي مطعم الأفغاني على إيدك اليمين وأصاده ع الناحية التانية (على إيدك الشمال يعني) بنك RBC...

ولمّا تلقى مقلة لب... :wub:

بالمناسبة صحيح... الراجل ده إسمه Bamiyan Kabob (خد تليفونه بالمرة... 4164297514)... الوجبة يا معلّم بتلعب في حوالي الـ 10 دولار... ممكن تضربلك 3 وجبات انتا والمدام (وتهافهافو الوجبة التالتة) ، والعيش بتاعه ده لعب كبييير! ما تنساش تجرّبُه. كل وادعيلي

وعلى فكرة... لو كمّلت أدّام شويّة في أوفرليي (500 متر كمان) هتلاقي جامع (Islamic Society of Toronto) ، وده اللي كنا واقفين عنده لما وصلنا الخبر إيّاه بتاع حتت السدر!

قبل ما انسى... إتأكّد إنك طفيت البوتاجاز قبل ما تروح لُه! :blink:

تم تعديل 2 ديسمبر 2008 بواسطة moheltohamy