مأمون المليجى ---فنان بجد

[حسام يوسف]

السلام عليكم

مأمون المليجى فنان سكندرى تعرفت بية من النت

مطرب وملحن يتميز بالأغانى الجميلة الجادة

بعيدا عن عينة تشامر حوسنى والناس دى

عجبتنى الأغنية دى لية

وحبيت أعرف الناس بية

واخد رأيكم فية

أغنية الحلو عمرة ما غار

[aimen]

الجميل ما بيسمع غير الجميل

تشكر يا دكتور

[حسام يوسف]

العفو يا عزيزى أيمن

دة حضرتك أبو الذوق كلة

وجمايلك مغرقانا

القصة بس ان الواحد زهق من النشاز فى الأصوات

والأفكار

والمعانى

خالص تحياتى عزيزى أيمن

[iloveegypt]

بصراحة يا د حسام

انت السبب فى انك خلتنى اسمع لمامون المليجى

قبل كده وبصراحة هو اكتر من رائع

وسمعت له معظم اغانية على اليوتيوب ده راجل ملوش حل

بصراحة انت ذوقك جنان :rolleyes: clwn:

[الباشمهندس ياسر]

الله ينور يا حسام

هو ده الكلام

تصدق الراجل ده اول مرة اعرفه و الله

شكرا يا نجم

[حسام يوسف]

ما هى المشكلة يا باشمهندس

ان الاعلام بيركز على تشامر والبذاءات والرقص

لكن احنا دورنا بقى نفوق

وندور على الناس المحترمة

اى خدمة يا باشمهندس

وشكرا لمرورك على الموضوع

[حسام يوسف]

ولانة فنان محترم

مهموم بقضايا بلدة

مهموم بالغلابة

مهموم بالمصري

أهديكم هذا الكليب

اسف ان الكليب غاية فى الحزن

مش قصدى أنكد عليكم والله

بس الموضوع نفسة صعب

ومحزن

اليكم كليب يا بحر الخوف عن حادث العبارة المصرية

يابحر الخوف

[الباشمهندس ياسر]

و الله يا حسام

المشكلة مبقتش فى الاعلام و بس

يا راجل انا متهيألى اغير واعمل نيولوك واقلد

عمو تامر

يمكن اعجب و اعرف اتجوز

احسن انا كده مش هينفع

و بالتالى

و من باب ان الناتس على دين بقية الناس اللى جنبهم

ربنا يستر ومتصلش بحد من بتوع التغيير

و اطلب ابقى عامل زى عمو تامر

مش الحزب الوطنى بيقولك رياح التغيير

و اخيرا

يا صباح اللى بتغنى

[حسام يوسف]

يا عم بكرة تتجوز

وتزهق

[حسام يوسف]

وعشان تنسى موضوع الجواز دلوقتى على الأقل

وعشان عارف حبك للحسين

خد الكليب دة:فى دروب الحسين

[حسام يوسف]

ومع رائعة من الروائع للشعب المصرى

واديها شوية سطور عشان عم تهامى

يعنى السعودية

يعنى البريمة

يعنى كندا

وأنا وانت

انزل يا عم تهامى

عشان تشوف المعلقة دى

الطشت قاللى

[الباشمهندس ياسر]

يدوم الواجب يا دوك

[حسام يوسف]

ومع الفنانة عزة بلبع في ديو

غير حروف الغنا

[حسام يوسف]

مع رائعة المليجي

الشوارع

http://www.youtube.com/watch?v=_A-GLDWF8hk

[د هشام ابراهيم]

عجبتنى الأغنية دى لية

وحبيت أعرف الناس بية

واخد رأيكم فية

أغنية الحلو عمرة ما غار

نمط جديد تماما و في نفس الوقت مغرق في العراقة ....حاسس إن باسمع سيد درويش بيغني لبيرم .....أكيد صوت الشيخ سيد أحلي لكن مأمون معاصر لواقعنا و حالنا

شكرا جزيلا يا دكتور علي لفت انتباهنا و أعتقد إن الواحد برضه لازم ينوه عن تميز ساقية الصاوي في الحياة الثقافية القاهرية

[حسام يوسف]

عجبتنى الأغنية دى لية

وحبيت أعرف الناس بية

واخد رأيكم فية

أغنية الحلو عمرة ما غار

نمط جديد تماما و في نفس الوقت مغرق في العراقة ....حاسس إن باسمع سيد درويش بيغني لبيرم .....أكيد صوت الشيخ سيد أحلي لكن مأمون معاصر لواقعنا و حالنا

شكرا جزيلا يا دكتور علي لفت انتباهنا و أعتقد إن الواحد برضه لازم ينوه عن تميز ساقية الصاوي في الحياة الثقافية القاهرية

أنا اللى بشكر حضرتك يا دكتور على تشريفك الموضوع البسيط ده

وبالفعل هوة ماشي على نهج سيد درويش

وأتشرف بصداقتى للفنان مأمون المليجي

وان شاء الله زيارتك الجاية لمصر

أعرف حضرتك بيه

تحياتي يا بروفيسور هشام :lol:

[د هشام ابراهيم]

مع رائعة المليجي

الشوارع

http://www.youtube.com/watch?v=_A-GLDWF8hk

أغنية متميزة جدا ...خاصة الكلمات ..... الاستعانة بصلاح عناني كمان فكرة موفقة جدا

يمكن الصوت أحسن و هو متسجل عنه في اللايف بس هو أستاذ مأمون نفسه بيقول إنه بيعتبر نفسه ملحن أولا

عجبني التعليق ده جدا .....

الفن ده بيدي الواحد احساس ان لسه فى ضوء امل .. بيفكرنا بان الحياه لسه فيها حاجات حلوه وسط الضباب اللى معشش حوالينا سواء فكري او بيئي او حتى ديني !