عبير يونس بتاريخ: 14 نوفمبر 2010 تقديم بلاغ مشاركة بتاريخ: 14 نوفمبر 2010 :D معقولة يا ولاد عيد ميلاد سين سين hypr: الواحد مش عارف الحقيقة يقول ايه؟ طيب فين الحفلة يا سين سين و الحلويات والذي منه طب فين الهدايا اللي حتديهالنا بمناسبة عيد ميلادك معقول حتعيّد من غير سندوتشات الكبدة ؟؟:blink: عايزين كبدة خروف حقيقي مش الكائنات الغريبة اللي كانت في كافتيريا تجارة مش عارفة والله في دماغي حاجات كتير عايزة اطلبها بالمناسبة دي طب حقولك احنا نعلق الشرابات بتاعتنا على باب المحاورات و انت تعدي و احنا نايمين تحطلنا فيها الهدايا زي بابا زويل كده بس أمانة ما تشم الشرابات يا شيخ دي أمانة بقى و أنت حر خصيمك النبي يا حاج و الا اقولك انت تلفلنا فخدة و الا كتف خروف في منديل الخروف عارفه ايوة هو اللي بيعملوا بيه الطرب ما شاء الله عارف كل حاجة اسم الله عليك على جنب كده بقولك ايه هات سندوتش الفول و انا أخلع على طول من هنا:D أعد شحن طاقتك حدد وجهتك و اطلق قواك رابط هذا التعليق شارك المزيد من خيارات المشاركة
psychologyteacher بتاريخ: 14 نوفمبر 2010 تقديم بلاغ مشاركة بتاريخ: 14 نوفمبر 2010 كل سنة وانت طيب بمناسبة عيد ميلادك وعقبال مليون سنة ضوئية وشوف بقى السنة الضوئية تساوى كام سنة من بتاعتنا وكمان ... كل سنة وانت وكل المحاوراتيين طيبين بمناسبة عيد الأضحى وكمان ... ربنا يسعد أيامك ويبقى سموك زخرا للمحاورات تحياتى سُلطةٌ لا تكبحُ الجانى ولا تحمى الضحية سُلطةٌ مؤمنةٌ جداً بدين الوسطية فإذا استنجد محمومٌ بها تسقيه ترياق المنية وإذا استنجد بالخارج تستنكر تدويل القضية !!! أحمد مطر رابط هذا التعليق شارك المزيد من خيارات المشاركة
se_ Elsyed بتاريخ: 15 نوفمبر 2010 تقديم بلاغ مشاركة بتاريخ: 15 نوفمبر 2010 ياااااااااااه إنتو فاجئتوني يا ولاد لكن وأه من لكن دي بما إن معظم الناس صايمين النهاردة - إلا سكوب ... عشان هو اللي بيطبخ ولازم يدوق الأكل والجاتوهات والحركات- وبما إن بكره بإذن الله العيد فأنا عايز التوبيك ده يتملي خرفان ..... واللي هاييجي وفي إيده لفة لحمه من الجمعية هاعوره ولو حتى توصل إن كل كبشة أفراد مداخلاتهم أقل من الف .. يشتركوا في خروف .. يخمسوا فيه يعني .. ويجيبوه .. وانا هاقبله تشجيعاً مني للكفاءات الشابة التقدمية الوحدوية الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Dreamwithme بتاريخ: 15 نوفمبر 2010 تقديم بلاغ مشاركة بتاريخ: 15 نوفمبر 2010 كل سنة وأنت طيب وعقبال مليووووووووووون سنة بصحة وسعادة يارب وكل سنة وأنت طيب بمناسبة العيد وأدي الخروف وخروف تاني صغنن <p class='bbc_center'><span style='color: #000080'><strong class='bbc'><span style='font-size: 14px;'>"من مدحك فإنما مدح مواهب الله فيك.....فالشكر لمن وهب وليس لمن وُهِب له" ابن عطاء السكندري<br /><br />"اللهم من ضاق صدره بنا فاجعل قلوبنا تتسع له" الامام أبو حنيفة</span></strong></span></p> رابط هذا التعليق شارك المزيد من خيارات المشاركة
Handasah بتاريخ: 15 نوفمبر 2010 تقديم بلاغ مشاركة بتاريخ: 15 نوفمبر 2010 كل سنة وانت طيب يابوعمر وعقبال مليون سنة والسنة الجديدة تكون اجمل وتحقق فيها كل اللى تتمناة وسنة سعيدة عليك وعلى اسرتك وكل عام وانت بخير همـســة إذا أتعبتك الدنيا فلا تحزن فإن الله يشتاق لسماع صوتك وأنت تدعوه لا تنتظر السعادة حتى تبتسم ولكن أبتسم حتى تكون سعيداً لماذا تدمن التفكير والله ولي التدبير ؟ لماذا القلق من المجهول وكل شيء عند الله معلوم ؟ لذلك أطمئن فأنت في عين الله الحفيظ وقل بقلبك ولسانك {فوضت أمري إلى الله} فإن الله بصير بالعباد وتذكر أن الرب رحيم كريم وإن مع العسر يسرا اللهم صلِ على محمد وآله وسلًم تسليماً كثيراَ ابوعمر رابط هذا التعليق شارك المزيد من خيارات المشاركة
MaYousof بتاريخ: 15 نوفمبر 2010 تقديم بلاغ مشاركة بتاريخ: 15 نوفمبر 2010 ألف حمدلله على السلامة يا سين سين .. إده لا غلط مش دي .. استنى لحظة كده .. أيوه أيوه .. احم .. كل سنة وانت طيب يا سين سين .. كل سنة وانت طيب يابو عمر .. بجد حتة إن الواحد صايم دي مخلية الواحد مش عارف يحتفل بذمة .. أنا قاعد جعان وعمال أفكر في الأكل اللي أبوجنيور عمال يعمله .. على فكرة .. أنا مخمس مع Dreamwithme في الخروفين بتوعها .. أصل أنا أندر 1000 مداخلة عايزين ناكل وبعدين نعمل حفلة محصلتش .. بس أنا قلت لازم الواحد يلحق يوم 15 نوفمبر .. يقدم فيه خمس الخروف اللي عليه ويستنى الأكل .. وبعدين البارتي تبقى بالليل يلا هابي بيرس داي تو يو أشوفك في الحفلة .. أنا مجوع نفسي مخصوص رابط هذا التعليق شارك المزيد من خيارات المشاركة
Salwa بتاريخ: 15 نوفمبر 2010 تقديم بلاغ مشاركة بتاريخ: 15 نوفمبر 2010 انهاردة اجمل واحلى يوم ف السنة . انهاردة والسنة دى بالذات حصلت معاك صدفة رائعة بتعتبر يعنى هدية وجت لك من من عند ربنا سبحانه وتعالى . انهاردة وقفة عرفات ...يعنى هو فيه اجمل من كدة ؟؟ يوم سعيدكله بركات ان شاء الله وكله دعوات طيبة . يارب كل الدعوات الحلوة اللى طالعة من القلوب الصافية تكون من نصيبك يعنى تخيل دعوات صادقة من قلوب صافية رايحة لواحد نيته على طول حلوة ؟؟ معقول حاتضل الطريق ؟؟ بالطبع لأ. ربنا يسعدك ويرضيك ويخليك تعيش وتتمتع بكل خيرات ربنا ف الدنيا .. كلها ..بدون تحديد يعنى . يعنى يحبب خلقه فيك كمان وكمان ويديك راحة البال وكل حاجة حلوة تتخيلها . كل سنة وانت طيب . :clappingrose: (وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً) [النساء : 93] رابط هذا التعليق شارك المزيد من خيارات المشاركة
Alshiekh بتاريخ: 15 نوفمبر 2010 تقديم بلاغ مشاركة بتاريخ: 15 نوفمبر 2010 كل سنة وانت طيب يا " سين سين " وعقبال كل سنة ونقول لك كل سنة وانت طيب السنة دى عيد ميلادك جاى مع العيد الكبير ، ويوم ولادتك كان جاى مع العيد الصغير وخد عندك فاكهة وبيبسى ومعاهم تورتة 3 ادوار وخلى بالك التورتة دى عهدة ، وحقوق الخبز محفوظة وكل عام وانتم بخير -- {وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11) ذو العقل يشقى في النعيم بعقله *** وأخو الجهالة في الشقاوة ينعم***************مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)***************A nation that keeps one eye on the past is wise!AA nation that keeps two eyes on the past is blind!A***************رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة***************رابط القرآن كاملا ترتيل وتجويد برابط ثابت مع رابط للقراءة***************رابط سلسلة كتب عالم المعرفة رابط هذا التعليق شارك المزيد من خيارات المشاركة
لونا بتاريخ: 15 نوفمبر 2010 تقديم بلاغ مشاركة بتاريخ: 15 نوفمبر 2010 (معدل) كل سنة و أنت بألف خير يا سي السيد و فشلت في إدخال صورة الخروف حاروح أتعلم و آجي تاني تم تعديل 15 نوفمبر 2010 بواسطة لونا ربنا آتنا في الدنيا حسنة .. و في الآخرة حسنة .. و قنا عذاب النار .. يا رب .. احفظ مصر و المصريين رابط هذا التعليق شارك المزيد من خيارات المشاركة
Scorpion بتاريخ: 15 نوفمبر 2010 كاتب الموضوع تقديم بلاغ مشاركة بتاريخ: 15 نوفمبر 2010 هو ايه المسمط اللي انا وقعت فيه ده ... خرووووف ... عيد ميلاد ياكلوا فيه خروف بمناسبة ايه .. هو مش كان شاندوشت لانشون و واحد تاني جبنة رومي .. ازازة كاكولا و حتة طورطة .. و هابي بيتسا فوريو و خلاص ... ايه اللي حصل في الدنيا ... عالعموم خروف خروف .. اتفضل يا عمي ... خروفك يا سيدي علي فكرة انا ابتديت احب التورتة العهدة بتاعت عمنا Mohammad كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
لماضة مصرية جدا بتاريخ: 15 نوفمبر 2010 تقديم بلاغ مشاركة بتاريخ: 15 نوفمبر 2010 السلام عليكم و رحمة الله و بركاته فيه ناس...لما بتخش في مكان...بتحس كده انها بتملاه فرحة فيه ناس...لما بتتكلم...بتحس انها بتخطف من جوه قلبك اوي...ضحكة مستخبية فيه ناس...قلبها صافي....و عشان كده بتقدر تخش القلوب الناس بسرعة حتي لو ماشفتهاش العين استاذي....سي السيد كل سنة و حضرتك.....ضحكة صافية كل سنة و حضرتك.....روح جدعة كل سنة و حضرتك....أخ....و أب.....و صديق كل سنة و حضرتك.....لربنا أقرب احترت اجيب تورتة و لا ايه و لما روحت محل الحلويات بتاع جوجل اللي ع اول الناصية....و سالته لو سمحت عايزة تورتة...غير عادية.....لاستاذي الغير عادي طلعتلي دي كل سنةو حضرتك.....قلب صافي,,,,و ضحكة رايقة ع جنب بقي معلشي انا لسه محاسبتش ع التورتات اللي فوق ديت....حضرتك فيك البركة.....(ضحكة من القلب اوي اوي) عيد حضرتك حلا رابط هذا التعليق شارك المزيد من خيارات المشاركة
Scorpion بتاريخ: 15 نوفمبر 2010 كاتب الموضوع تقديم بلاغ مشاركة بتاريخ: 15 نوفمبر 2010 عيد حضرتك حلا اهي لبستك قضية سياسية في الخباثة يا سي السيد ... و شعار المعارضة قدام الحزب الوطني حيكون عيد سي السيد هو الحل ماعطلكش يا استاذ ... سكتك خضرا شكل لماظة و هي مركبة دقن و عاملة فيها حسن الهلالي و بتقول : الأول كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
se_ Elsyed بتاريخ: 15 نوفمبر 2010 تقديم بلاغ مشاركة بتاريخ: 15 نوفمبر 2010 جاااااااااااااااااااااااااااااااااااااااااي خلاص أنا أستويت وجتتي إتهرت بعد ما فطرنا قلت نخرج الأولاد شويه ... عادي يعني خرجنا وأبتسطنا ولفينا الرياض كلها ... لكن .. وزارة الداخلية آبت إلا أن تحتفل بي وتلقتط لي صوراً تذكارياً .. ولسه من شويه مهبود مخالفة سرعة تاني من ام 300 ريال في أقل من 10 أيام حررررررررررررررررررررررررررررررررررام وبرضوا جنب بيتي ... وبرضوا زي المره اللي فاتت .. بعد ما نخلص فُسح وحركات .. يقترح الأولاد إننا نحود على باسكن روبنز جنبنا في شارع الستين وناكل أيس كريم والظاهر إن الحكومة دلوقت بتقفش اللي بيحاول اكل الأيس كريم .. والله يا جماعة في نفس التوقيت وفي نفس المحل ... وده مش رادار ثابت .. ده متحرك ... بس ديكهوا كان في شارع الستين .. وداهوت في شارع الإحسا .. وبنفس السرعة .. ماشي على 80 ... والسرعة المقررة هي 70 ... طبعاً لو إنت ماشي 70 وربع هاتتلقط وما تقوليش غنك ليل نهار عينك هاتبقى في وسط راسك وتحفظ المقرر .... الان يباشرون تركيب رادارت ثابته في كل الطرق .. وأخرى متحركة في السيارات الفان البيضاء .. والجديد .. سيارات ميتسوبيشي باجيرو .. ههههههههه للتموية إذن لا مفر بتنفيذ phan B اول امبارح نسيبي وأنا نزلنا أشترينا جهاز كاشف للرادار زي الفل بـ 450 ريال يكشف الرادار داخل المدينة على بُعد 40 متر ... وفي الهاي واي على بًعد 3 ك .. فاكر يا سكوب جُملتك المشهورة اللي قلتها لما كنت بتمثل مع أستاذ عبوارث عسر في فيلم " المنفوخون " ؟ هدوا الزينة .. طفوا النور .... هرب الكلب ويا سُهير أهو ده اللي حصل .... انا بقيت وش إجرام ومشبوه يا سكوب والرادارات تجوب الرياض طولاً وعرضاً بحثاُ عني لهبدي مخالفات .. وبوظوا لي عيد ميلادي يا سكوب ... عيد ميلاد فاظ فاظ وأنا اللي طول عُمري ما حبيت .. قصدي طول عُمري ما أخدت مخالفة في حياتي ... اجي بعد ما شبت وبلغت من العمر تسعة وثلاثون عاماً كل يومين أخد مخالفة عالريق ؟ آآآآآآآآآآآآآآآآآآآآآآآآآآآآآه ياني ياني .. مش هاعمل كده تاني إفرحوا وأتبسطوا إنتو يا ولاد .. أما أنا ... فدعوني والدموع الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
Scorpion بتاريخ: 15 نوفمبر 2010 كاتب الموضوع تقديم بلاغ مشاركة بتاريخ: 15 نوفمبر 2010 الجدع اتخض لما شاف لماضة ملبساه في الطورطات دي كلها قام حب يطلع منها برشاقة .. ذنبك في رقبتي يا سي السيد ... ذنبك في رقبتي يا سي السيد ... قعدت اقول محظوظ محظوظ ... وشكلي كده كنت بقولها بحسد ... انا ضميري بيأنبني يا آمال ... لازم اكفر عن ذنبي يا آمال .... لموا خرفانكم يا جماعة و ورايا عالمدبح ... نبيعهم .. و التورتة الجبس و الفواكه البلاستك و علب البيبس الفاضية بتوع عمنا محمد نأجرهم لحفلات المنتديات التانية .. و اللي يطلعو نتبرع بتمنهم حق المخالفة و انتي يا لماظة ... بلاش تكملة الخطة المتفق عليها .. الجدع مش ناقص ... ( حطيها في الدرج يعني مش تلغيها خالص ...) ابو السيد .. اللي يجي في الريش بقشيش .. المهم الايس كريم يعيش ... و برضه كل سنة و انت طيب غصب عن عينهم ... كل اللي حيلتي زمزمية أمل... و إزاي تكفيني لباب القبر "صلاح جاهين" رابط هذا التعليق شارك المزيد من خيارات المشاركة
pink rose بتاريخ: 15 نوفمبر 2010 تقديم بلاغ مشاركة بتاريخ: 15 نوفمبر 2010 كل سنة و حضرتك طيب يا استاذ احمد و عقبال 139 سنة رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان