عندى امتحانات

[Cleo]

سى السيد كتب :

لو جبتي تقدير أمتياز هاشتريلك أديش أكسيسوريز للعجلة ( زمارة وشراشيب ملونة تتركب على الدريكسيون .... أظن مافيش تشجيع أكتر من كده )

(وش بيعيط بدموع سخنة متحسر على البسكليتة و الأديشينال أوبشنز... مش على الخيبة التقيلة لا سمح الله)

[Proud Muslim]

أنا خلصت النهاردة .. مش مصدق نفسي بصراحة .. و كانت أصعب مادة في العالم .. مادة بقالي 3 سنين مش عارف أنجح فيها بصراحة ... بس الحمد لله عملت كويس جدا ... الحمد لله

لا تعليم بعد اليوم .. قصدي هندسة يعني .. ان شاء الله .. ان شاء الله تطلع النتجية و أنجح و أتخرج بقى !!!!

ياااااااااااااااه يا جماعة .. و الله هم و انزاح .. أنتم لا تتخيلون الضغط العصبي والنفسي الذي عانيته أكثر من شهر !!!

بس هابدأ العمل في المشروع .. الغسالة العجيبة !!!

دعواتكم بقى . علشان المشروع و النتيجة .. ربنا يستر و متحصلش أي مفاجآت .

و دعواتي للاخت الفاضلة Cleo بالتوفيق و السداد ان شاء الله .. و لكل الممتحنين (بضم الميم ) .. و الطلبة الغلبانين .

:))))))))))))))))))))))))

[Cleo]

أنا خلصت النهاردة .. مش مصدق نفسي بصراحة .. و كانت أصعب مادة في العالم .. مادة بقالي 3 سنين مش عارف أنجح فيها بصراحة ... بس الحمد لله عملت كويس جدا ... الحمد لله 

لا تعليم بعد اليوم .. قصدي هندسة يعني .. ان شاء الله .. ان شاء الله تطلع النتجية و أنجح و أتخرج بقى !!!!

ياااااااااااااااه يا جماعة .. و الله هم و انزاح .. أنتم لا تتخيلون الضغط العصبي والنفسي الذي عانيته أكثر من شهر !!!

بس هابدأ العمل في المشروع .. الغسالة العجيبة !!! 

دعواتكم بقى . علشان المشروع و النتيجة .. ربنا يستر و متحصلش أي مفاجآت .

و دعواتي للاخت الفاضلة Cleo بالتوفيق و السداد ان شاء الله .. و لكل الممتحنين (بضم الميم ) .. و الطلبة الغلبانين .

:))))))))))))))))))))))))

كفارة يا باشمهندس.... إنشاء الله كله تمام ...

و دعواتي للاخت الفاضلة Cleo بالتوفيق و السداد

فعلا... هاسد بقى بعد كده و مش هاقول يا تعليم تانى.... أنا هاتجوز و أقعد فى البيت

(وش واحدة لابسة منديل بقوية)

[Lancelot]

سامعني يا لانسلوت أنت وبراود وكليو ... شدول حيلكوا ..البسكلتات فى أنتظاركوا

سامع و النداء خرم وداني .... أنا عايزها بجرس ....

كفارة يا براود .... ألف مبروك .... عقبال النجاح إن شاء الله ....

شيدي حيللك يا كليو ...

و ربنا مع كل الطلبة الغلبانيين ... "وش طالب غلبان أوي"

[kokowawa1979]

كليو كتبت :

مش عارفة ليه و أنا فى عز المذاكرة ألحت على فكرة قصة قصيرة جديدة و أسرت دماغى.... خلاص مش عارفة أذاكر....

لأ لألأ مش كدة - والغاليين عندك تركزي شوية في المذاكرة لاحسن فلوس الجامعة الأمريكية حراقة شوية

وانشاء الله تخلصي بتفوق وارجعى لنا بالسلامة اكتبي أي أفكار تعجبك بس خلصي امتحانات الأول

[الأفوكاتو]

الف مبـــــــروك يا باشمهندس بـــــــــــــــــراود, عقبال الدكتوراة.

[Proud Muslim]

الف مبـــــــروك يا باشمهندس بـــــــــــــــــراود, عقبال الدكتوراة.

بارك الله في والدنا و أستاذنا الأفوكاتو .. و جزاك الله خيرا ... بس دكتوراه ايه بس .. ده أنا بالعافية وصلت بكالوريوس .. :))))

بس دعوات حضرتك معانا برده ..

[kokowawa1979]

اولا نتمنى لك النجاح الباهر بإذن الله ياأخ براود وتكون موفق في مشروع الغسالة العجيبة ولك علي ياعم إذا نجحت في المشروع يكون باكورة انتاجها على حسابي .

مادة بقالي 3 سنين مش عارف أنجح فيها

ياخويا دي مادة إيه دي اللي تاخد منك الوقت ده كله ؟

عموما ربنا يكرمك ويكلل جهودك بالنجاح انشاء الله

[الطفشان]

مشروع الاخ براود مشروع ثوري فعلا

و سيقضي على البطالة في مصر

فهو يهدف الى ايجاد وظائف لربات البيوت اللاتي عنهن وقت فراغ

يعني ام سيد و ام علي و ام مصطفى و ام اسماعين كلهم يقعدوا جنب بعض

و كل واحدة قدامها طشت

و الفم الاول ام سيد و التاني ام علي

و ام مصطفى تشطف

و ام اسماعين تعصر

الجقيقة مشروع حضاري رائع لا يمكن ان يتحقق الا في ازهى عصور البتاع اللي يبقولوا عليها دي!

و يضاف الى قائمة انجازات اسمه ايه دة!

[ابو حلاوه]

عزيزي الطفشان

الحقيقة مداخلتك دي فكرتني بمنظر لا يمكن ان انساه و انا علي الطريق الزراعي في خلال زيارتي لمصر الاخيرة

سيدات بيغسلوا الحلل و الغسيل في الترعة

الحقيقة يمكن المنظر ده كنت معتاد عليه من زمان لكن لم اره منذ سنوات كثيرة عارف لما تري منظر معين و بعد كده كما لو ان هناك اشياء غايبة عنك و كنت ناسيها و مرة و احدة فتحت عينك و قلت ايه اللي انا كنت فيه ده هو ده كان شعوري

معلهش حته خروج عن النص عموما كل تمنياتي بالتوفيق للاخوة اللي لسه بيمتحنوا او اللي منتظرين نتائجهم و ما تنسوش الشربات انشاء الله

[Salwa]

اخونا الفاضل براود.

موفق انشاءالله ....

وتذكر انى برضه قلتلك معلومه على الماشى ...

فى انتظار غسالة بسعر التكلفة ..

سلامى.

[moody00x]

مادة بقالي 3 سنين مش عارف أنجح فيها

فكرتنى بالماضى المؤلم يا براود يا خويا فى مادة الكهربا فضلت مآنسانى 3 سنين يغيروا الدكتور يغيرو المنهج ولا يمكن تسيبنى أبدآ...لحد ماخلصت منها

ومن رخامتى رحت أسأل جبت تقدير ايه فيها مع إنى عارف....كانت رخمة فعلآ شبكات وتوصيل على التوازى وتوصيل على التوالى إحنا برضه بتوع اكلام ده....

هييييه أيام بقى وراحت...

على كل مبروك وانشاء الله تكون مهندس ناجح

[Proud Muslim]

الأخ kokowawa1978

الله يخليك .. و دعواتك معانا

ياخويا دي مادة إيه دي اللي تاخد منك الوقت ده كله ؟

مادة اسمها Vibrations .. ربنا ما يوريك يا خويا و لا يوري مسلم حاجة زيها .. قمة في الغلاسة .. أحسن من أجدع صمغ في العالم .. عمالة زي شبكة العنكبوت .. تقرب منها .. غالبا هتلزق فيها .. تخيل ان 50% من دفعتي شايلين المادة !!!!!!!!!!!!!!!!!!!!!!!!!!!!!!

أختنا و أمنا الفاضلة Salwa

جزاك الله خيرا .. و اسهام حضرتك و الجميع في الغسالة الثورية لا ينسى .. و في وم ان شاء الله ستقفين و كل الأخوات في المنتدى و تقولوا .. الغسالة دي قد ساهمنا في بناءها ..

الأستاذ العزيز الطفشان ..

و يضاف الى قائمة انجازات اسمه ايه دة!

اسمه ايه اللي بيقرمش .. :))))))))

بس بجد .. الغسالة دي يا جماعة لو اتنفذت كما نأمل و ربنا وفقنا فيها .. ستكون ثورة فعلا .. مش هزار ..( المكنة بتطلع قماش )

بس للأسف .. حاجة زي دي .. ماذا سيكون مصيرها ؟؟

لا شيء :(((((((((((((

أنا فعلا مكتئب .. يعني الواحد يتعب سنة كاملة في اختراع جديد .. و في الآخر .. مفيش حتى شركة .. أو ربع شركة تعرض شراء الاختراع !!

بس أحسن حاجة الدكتور عمال يقول .. أهم حاجة يا ولاد .. تعملوا براءة اختراع أول لما تنفذوا المشروع !!

و بعد كده نسوقه ( دي مقبولة ) !!

أو نصنعه ( ازاي ) !!

المفروض طلبة حديثي التخرج .. يعملوا مصنع غسالات !!!!!

أنا هابقى أفتح موضوع عن التصنيع في مصر .. بحكم ما رأيت و شاهدت .. و أعاني .. و ما سأعاني منه في المستقبل ان شاء الله !!

( وش كئيب علشان مفيش حد بيقدر )

[kokowawa1979]

ابو حلاوه كتب :

بالمناسبة يادكتور أبو حلاوة حسب معلوماتي أن فكرة الغسالة الكهربائية نشأت من طريقة غسل الملابس على الترع وأعتقد

أن البداية كانت في أوروبا وهي تعتمد على طريقة الطرد المركزي وهي نفس المتبعة عندما تضع السيدة الملابس على حجر كبير وبعد اغراق الملابس بالماء تبدا السيدة في الضرب بقوة على الملابس فتطاير الأوساخ مع رذاذ الماء ومن هنا نشأت فكرة الغسالة الكهربائية

لكن المشكلة هل كان فيه ترع في أوروبا !!!

[الطفشان]

عندنا الغسيل اليدوي يعتمد على دعك الهدوم في بعض لتخرج الاوساخ

في الهند يمكنك ان تعطي ملابسك لشخص ليغسلها في النهر، و هو يضرب الملابس في صخرات ليخرج منها الاوساخ!

عادات الشعوب عجب فعلا!

[Lancelot]

تخيل ان 50% من دفعتي شايلين المادة !!!!!!!!!!!!!!!!!!!!!!!!!!!!!!

قصدك لزقين فيها .... "وش حاسس بمعاناة الناس ديه" ...

معلهش حبيت أهرز معاكوا شوية و أقول ربنا يوفقك يا براود .... لأنكم وحشتوني موت كام يوم الغياب اللي فاتوا دول (لم أكن أتخيل أن أغيب عنكم يوما) ....