اذهب إلى المحتوى
محاورات المصريين

ماستر سين master scene

optimistic

بواسطة optimistic
في الفنون

 مشاركة

Recommended Posts

optimistic عضو جديد

optimistic

بتاريخ:
بتاريخ:

ألم تشاهد فيلما من قبل و أعجبك مشهد معين فيه .. و تعتبره أهم مشهد في الفيلم

نفسنا نعرف ايه هو مع تحليل بسيط (خصوصا لو الفيلم مش مشهور)

و كبداية

من المشاهد التي أثرت فيا جدا

مشهد من فيلم المواطن مصري

بطولة عمر الشريف و عزت العلايلي و صفية العمري

ملخص القصة: ارسال ابن فلاح فقير للحرب بدلا من ابن العمدة الغني مقابل المال ليموت ابن الفلاح ..

المشهد: قام بعض اصدقاء ابن الفلاح الفقير(عزت العلايلي) بمحاولة لكشف زيف كون القتيل ابن العمده

و ارسل البوليس يستدعي الاب الفلاح ليرى الجثة ان كانت لابنه ام لا

منظر عزت العلايلي .. و هم يشدوه ليرى الجثة و اجابته لسؤال الضابط قمة في الاداء التمثيلي (مع اني ما بحبوش اصلا)

عملت اللي عليا

اللي بعده

أمل صغير

يناطح العماليق

يفتح يده و ينثر بذورا

و فرح شروق

هل سبيقى

هل سيعيش

هل سيطيق

رابط هذا التعليق
شارك
  • الردود 101
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

Cleo عضو جديد

Cleo

بتاريخ:
بتاريخ:

أنا أعتبر كل مشهد فى فيلم "دعاء الكروان" ماستر سين فى حد ذاته..

و لكن من أكثر المشاهد التى أثرت فى مشهد الخال و هو يساوم أحد الشباب على الزواج من آمنة "فاتن حمامة" حتى أنه أجبره على أن يخلع الخاتم الذى يرتديه فى جو كئيب و جعله المخرج يبدو كجو المؤامرات و الصفقات لاتى تتم فى الظلام... فى إشارة إلى أن بنات الفقراء يباعون كما تباع الأغنام... أعقبه مباشرة مشهد المأمور و زوجته و هم يتشاورون فى أمر زواج بنتهم و يقارنون بين العرسان الذين يتقدمون لها و يختارون لها الأحسن منهم فى جو ملىء بالبهجة و السعادة...

على فكرة الفيلم ده عامل زى حتة الأرابيسك... حتت صغيرة صغيرة كل واحدة فيها جميلة لوحدها... لما تتشبك مع بعض تبقى أكثر جمالا و كل حتة منهم معتمده على باقى الحتت... لو واحدة فيهم اتشالت أو وقعت يختل التكوين كله....

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:

مشهد تانى ماستر من فيلم دعاء الكروان...

فاتن حمامة تقرر العمل لدى أحمد مظهر فى منزله لكى تنتهز الفرصة و تقتله إنتقاما منه لأنه غرر بشقيقتها و تسبب فى قتلها...

و بالفعل... تستغل آمنة (فاتن حمامة) فرصة سكر المهندس (أحمد مظهر) و تدس له السم فى الخمر و تقدمه له و هى مؤمنة أن ما تفعله هو عين العدالة...

حتى إذا هم المهندس بشرب السم.... تطيح آمنة بالكوب من يده حتى تنقذه من الموت.... فهى لم تتحمل رغم ما تحمله فى قلبها من حقد و ثأر أن تقتل إنسانا... و تجرى على غرفتها و تقول "القتل صعب.. قلبك و يدك طاوعوك إزاى يا خال؟؟" فى إشارة إلى خالها الذى قتل شقيقتها بدم بارد درءا للفضيحة...

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
optimistic عضو جديد

optimistic

بتاريخ:
  • كاتب الموضوع
بتاريخ:

انا برضو قلت كليو هي اول واحدة هتعبرني

شفتي ازاي ممكن التعايش بين اوبتيميستان و كليوستان

اختيارك جامد جدا... الفيلم كله تحفة فعلا ... و نصف السيناريو بقى افيهات للشعب المصري

مين غيره

أمل صغير

يناطح العماليق

يفتح يده و ينثر بذورا

و فرح شروق

هل سبيقى

هل سيعيش

هل سيطيق

رابط هذا التعليق
شارك
Cleo عضو جديد

Cleo

بتاريخ:
بتاريخ:
انا برضو قلت كليو هي اول واحدة هتعبرني

شفتي ازاي ممكن التعايش بين اوبتيميستان و كليوستان

اختيارك جامد جدا... الفيلم كله تحفة فعلا ... و نصف السيناريو بقى افيهات للشعب المصري

مين غيره

أوبتيمستان العربية الشعبية الديموقراطية العظمى

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:

واضح إن مافيش حد مهتم بالمواضيع الأوبتيميستانية غير الكليوستانيين و ده بس من باب الشفقة... لا أكثر لا أقل...

خد دى كمان...

مشهد من فيلم "غروب و شروق" رشدى أباظة و سعاد حسنى...

فى الفيلم رشدى أباظة يضطر للزواج من أرملة صديقه المنحرفة ( و التى كان قد أقام معها علاقة من قبل أن يعلم أنها زوجة صديقة) خوفا من والدها رئيس القلم السياسى (محمود المليجى) و لكى يتمكن من اختراق خصوصياته باعتباره زوج ابنته و الإيقاع به...

فى أحد المشاهد تفلت الأعصاب من "الزوجين" فيقوم عصام (رشدى أباظه) بمعايرة زوجته بأنها أقامت معه علاقه رغم أنها كانت تعلم أنه صديق زوجها..

فتواجهه هى قائلة " و انت كنت عارف إنى متجوزة... تفرق إيه لو كان صاحبك أو أى واحد تانى"

كلمة كانت فى الجون بصراحة...

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
optimistic عضو جديد

optimistic

بتاريخ:
  • كاتب الموضوع
بتاريخ:
و ده بس من باب الشفقة... لا أكثر لا أقل...

و شعبنا يعتبر شفقتكم كرم

و نظرتكم لموضوعنا ... تشريف ليه و لينا

(وش واحد ثبت شعب كليوستان كله ... بالمسامير)

ايه الحلاوة دي دانتي الظاهر مشاهدة ناقدة من النوع التقيل ... زي لانسلوت بالظبط ...

مشهد تاني

مشهد المحاكمة في فيلم الناصر صلاح الدين

محاكمة صلاح الدين لوالي عكا

و محاكمة ملوك الصليبيين للويزا

و مشهد موت أخو الملك صلاح الدين

حاجة روعة كدة

أمل صغير

يناطح العماليق

يفتح يده و ينثر بذورا

و فرح شروق

هل سبيقى

هل سيعيش

هل سيطيق

رابط هذا التعليق
شارك
White heart عضو جديد

White heart

بتاريخ:
بتاريخ:

انا من المشاهد التى أتذكرها جيدا،

مشهد من فيلم "امرأة ايلة للسقوط"

و هو لحظات اقتياد الفنانة يسرا الى غرفة الأعدام

خاصة لحظات وضع الحبل حول رقبتها، فحركات قدميها التى ركز عليها المخرج مع المصور فى هذة الأثناء هى بالنسبة لى الماستر سين master scene

أحييك يا optimistic على فكرة موضوعك.

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
ragab2 عضو جديد

ragab2

بتاريخ:
بتاريخ:

مشهد

البطل والبطلة أما بيتجوزوا فى آخر الفيلم

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك
optimistic عضو جديد

optimistic

بتاريخ:
  • كاتب الموضوع
بتاريخ:

كتب د.رجب

مشهد 

البطل والبطلة أما بيتجوزوا فى آخر الفيلم

اني فيلم

و لا اي فيلم

انا قصدي مشهد معين في فيلم معين ..

عزيزي وايت

ربنا يخليك .. و انت بتلاحظ حتت غريبة جدا

صدقني هادور عالفيلم علشان اشوف الحتة دي :)

أمل صغير

يناطح العماليق

يفتح يده و ينثر بذورا

و فرح شروق

هل سبيقى

هل سيعيش

هل سيطيق

رابط هذا التعليق
شارك
Cleo عضو جديد

Cleo

بتاريخ:
بتاريخ:

فيلم شىء من الخوف...

لما الشيخ "يحى شاهين" عرف إن الشهود اللى شهدوا على عقد جواز من عتريس شهدوا زور و بعلم والدها... قام بيواجه أبو فؤادة و بيحاول "ينحرره"

قال له "بنتك مقفول عليها باب واحد مع راجل غريب... حس"

تعبيرات وش المرحوم محمد توفيق ساعتها كانت أكثر من عبقرية...

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:

الماستر سين بتاع فيلم "لعبة الست"

لما كانت "لعبة" (تحية كاريوكا) بتساوم جوزها "حسن" (نجيب الريحانى) على الطلاق.... و هو يقولها "ياللا انزلى المزاد... يا لعبة أنا لما اتجوزتك حبيت فيكى الروح الطاهرة.. إنما القلب الجاحد ما يلزمنيش .... أبيعه و اعتبر نفسى أنا الكسبان.... روحى و انتى طالقة"

مش فاكر الحوار قوى... بس هو كان حاجة كدة...

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
Cleo عضو جديد

Cleo

بتاريخ:
بتاريخ:

المشهد الأخير فى إعدام ميت...

لما تم تبادل الشبيهين ظابط المخابرات و الجاسوس....

أول ما الجاسوس بيعدى الشط و بيقابل أبوه بالحضن... أبوه بيطعنه بالخنجر و يقولله "بيدى أطهرك من الخيانة يا ولدى"

(يا ريتنا بنحفظ المذاكرة و القرآن زى ما بنحفظ الأفلام كدة...)

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
White heart عضو جديد

White heart

بتاريخ:
بتاريخ:

الفنان الراحل "على الكسار" فى فيلم "سلفنى 3 جنية"

فية اكتر من مشهد بصراحة، و لكن ربما اسلوب أداءة التلقائى البسيط، و هو يطرد من عند الجواهرجى سألة:

"يعنى مش هاتسلفنى ال3 جنية؟" لا أعلم هذا بالنسبه لىالماستر سين master scene لما يرمز اليه من بساطة و طيبة تمثل الكثيرين فى بلدنا....رحمه الله.

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
White heart عضو جديد

White heart

بتاريخ:
بتاريخ:

"عماد حمدى" و صدمتة الرهيبة للفنان "عبد الحليم" فى مشهد من فيلم "الخطايا" على ما أعتقد:

"لأ انت مش ابنى"!!

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
Cleo عضو جديد

Cleo

بتاريخ:
بتاريخ:

بمناسبة الأفلام الكوميدية...

الماستر سين بتاع إسماعيل ياسين فى الأسطول.... بعد ما "رجب" يكسب التمبولة و يروح عشان يسدد دين عمه و ينقذ بنت عمه اللى بيحبها من إنها تتجوز محمود المليجى....

إسماعيل ياسين يدخل فرح بنت عمه على محمود المليجى و يعمل خناقة كبيرة و يشتم محمود المليجى و يهزأه و يقوله "الميت جنى بتوعك أهم.. أهم...... أهم...... الله... الميت جنى..... ييلللييي"

يقوم محمود المليجى يشمت فيه و هو خارج من الفرح و يقول للفرقة "دقى يا مزيكة... حزاينى"

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
White heart عضو جديد

White heart

بتاريخ:
بتاريخ:

"عمر الشريف" يبكى والدة هذا الفنان العظيم الراحل "عبد الوارث عسر" فى فيلم "صراع فى الوادى".....

"بوى...بوى...بوى" ايضا مشهد مؤثر و يعبر عن الكثير مما اختزلناة مسبقا من أحداث فى الفيلم!!

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
White heart عضو جديد

White heart

بتاريخ:
بتاريخ:

"سمير غانم" و مشهد الغذاء مع "شيرين" فى مسرحية "المتزوجون"

icon_lol.gificon_lol.gificon_lol.gif

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك
Cleo عضو جديد

Cleo

بتاريخ:
بتاريخ:

طيب

الماستر سين بتاع فيلم رصيف نمرة 5....

لما فريد شوقى اكتشف إن زكى رستم هو تاجر المخدرات و هو اللى قتل نعيمة وصفى.... فيروح يلاقيه بيصلى فى الجامع.... يقوم يستناه لما يخلص صلاة و يقوله "إلا سبحتك فين يا معلم؟؟" يقوله باينى نسيتها ليه بتسأل؟؟" قاله "لأ... أصلى لمتهالك"

يقوم زكى رستم يقف بسرعة و يقول "نويت أصلى صلاة العصر...."

فريد شوقى يقوله "لأ... ده أنا عملتها قبل منك"

(لأن فريد شوقى كان عمل نفس الحركة دى فى فيلم قبل كدة... أفتكر اسمه حميدو)

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك
White heart عضو جديد

White heart

بتاريخ:
بتاريخ:

"صلاح ذو الفقار" و "شادية" و مشهد من فيلم "مراتى مدير عام"

عندما خصمت منه 3 ايام فى العمل، و فى نهاية اليوم، وفى منزلهم، كان منتظرا عودتها.... و عند دخولها:

"انتى يا ست انتى......" مشهد يعبر فعلا عن حالة و مدى الأحترام المتبادل بين الأزواج فى بلدنا...

icon_lol.gificon_lol.gificon_lol.gif

... أن واحدة من آساليب النُظم الديكتاتورية هى :

liberte_dexpression-28365515.jpg

وهى بكل أسف كانت ومازالت مٌنتشرة ومُستخدمة في بلدنا الحبيب وعلى كافة المستويات بلا إستثناء !

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • حسين امبابي
      7
      اول مرة استفيد من النت بفيزا ماستر كارد وحساب بنكي جاتني من امريكا بالبريد !!!
      بسم الله الرحمن الرحيم الموضوع حقيقي عن تجربة شخصيــــــــــــة دا شكل الفيزا الامريكي اللي هتوصل لحضرتك الي البيت بدون ما تدفع ولا جنيه واحد مميزات هذه البطاقة * مقبولة في اي ATM في مصر عليه شعار Master Card * بامكانك تعبئتها من حسابك فـــ paypal - فيزا كارد - ماستر كارد - الخ * عمولتها قليلة نوعا رسومها 29$ فقط ولا يتم خصمهم الا كل سنة * دعمها لجميع الدول العربية فهي تدعم أكثر من 210 بلد حول العالم ! * لا ي

      بواسطة حسين امبابي
      كُتب

×
×
  • أضف...