اذهب إلى المحتوى
محاورات المصريين

ماستر سين master scene


optimistic

Recommended Posts

ماستر سين فيلم "شىء من الخوف"

شادية و هى بتفتح الهويس عشان تسقى الأرض... و منظر المياه و هى بتجرى فى وسط الشقوق اللى اتعملت من كتر الأرض ما هى عطشانة.....

لأ. فعلا مشهد مؤثر بجد..

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

  • الردود 101
  • البداية
  • اخر رد

أكثر المشاركين في هذا الموضوع

أكثر المشاركين في هذا الموضوع

فيلم الحب الخالد:

لما زكي رستم جاب عمر الحريري (نسيبة، أخو فاتن حمامة) و طلب منه يستخبي و يسمع الحوار مع طارق أبن زكي رستم و فاتن حمامة. و سمعه و هو بيقول له:

"طارق يا حبيبي، تحب تروح تزور قبر ماما؟"

مشهد في قمة القسوة

رابط هذا التعليق
شارك

فيلم الكيت كات:

معظم مشاهد الفيلم! و خاصة:

1. الشيخ حسنى و هو بيحكي قصة الجنية للحشاشين.

2. الشيخ حسنى لما أخد الشيخ الضرير السنيما و قعد يحكي له فيلم تاني خالص

3. الشيخ حسنى بيلعب العود مع أبنه على شط النيل

4. الشيخ حسنى فى "أي" حوار مع بياع الفول

فيلم خطير بجد!

رابط هذا التعليق
شارك

فيلم عودة أخطر رجل في العالم:

1. مستر أكس بيشخط في شوية المجرمين:

"ناسيين لما لمتكم من حواري شيكاغو يا صيع؟"

2. وحيد (سمير صبري) و هو بيشرح أساليب مستر أكس فى التنكر و أزاي أنه مرة أتنكر فى عيلة من اربع عيال و أمهم اللى كانت حامل فى شهرين

رابط هذا التعليق
شارك

اييييييييييه حكايتك مع شادية يا كليو؟؟؟؟؟ :wink:

طيب خدى عندك:

ماستر سين لشادية برضو فى فيلم فى فيلم "نحن لا نزرع الشوك"لما مات ابنها و دخل عليها عباس(صلاح قابيل) و هو بيصرخ...هى فين؟؟؟؟؟ و هى قاعدة على كرسى مكسورة و حزينة و قدامها سرير ابنها فاضى...

ماستر سين فرايحى بقى شوية:

فيلم "الشيطان التى أحبتنى" لما عائشة الكيلانى كانت ست مفترية و مشغلة عندها بنت صغيرة عندها بتاع تمن سنين و قعدت على الصبح تسألها بتاع 100 سؤال ورا بعض من غير ما تدى للبنت فرصة ترد"انتى يا بت؛دعكتى الأساور و غسلتى الياقات؛نشرتى الغسيل و غسلتى الصحون ؟فليتى العيال و حطيتلهم جاز؟كنستى السجاجيد ولمتيها؟قصيتى ضوافرك و غسلتى رجليكى؟...قلتى القسم و حييتى العلم؟" و البنت يا عينى لا حول لها و لاقوة ..ايوه يا ستى قلت القسم بس لسة ماحييتش العلم...

اياكش أرجع ألاقيكى كنتى لسة هتفتكرى المشهد ده برضو...أنا باحذرك أهوه.

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك

مسرحية ماما أمريكا:

1. "يا سيد الرجال" ... "قولى أن شاء الله!"

2. لما قلد "أبو جمال"

3. حتة "أنا عايش شحاتة مش عايش شحاتة"

رابط هذا التعليق
شارك

طبعاً كما هو المعتاد فى منتدانا ... نسينا او تناسينا أعمال المؤلفين العظام ( عظام جمع عظيم مش عظم ) زي كاتبنا الكبير الحائز على جائز نوفل الأستاذ العلامة / حشيش .. ورائعتة التاريخية " هيثم وتامر وكوهين قصدي وليد "

- ومع إن الإصة كلها مساتر سين لكن انا هأختار مستره واحده واعلق عليها ..

- عندما دخلت خالتي أم هيثم تصحي ابنها الصبح وهيه ماسكة طبق الفول ورغيف عيش وحزمة بصل أخضر ومالقتش أبنها فى الأوضة فراحت تدور عليه فى الحمام - وهما كانوا ساكنين في شقة من ثلاثة غرف تسكن فيها 3 عائلات مختلفة بحمام مشترك - وكسرت الحمام لقيت إبنها قاعد في طشت الغسيل النحاس المصدي ومغرق نفسه مسطردة وكاتشب وهوت سوس ... عندها فقعت بالصوت وإتلم الجيران اللي في الأوض التانية وحملوا الجثة في مشهد مؤثر ورموها في الشارع علشان يروحوا يكملوا نومهم ....

وهنا الكاتب عبر بشكل دقيق عن مرحلة هامة من تاريخ مصر وإستخدم الإضاءة التى لعبت دور كبير فى التعبير عن المشهد خاصة عندما إجتمعت إضاءة لمبة الجاز نمرة 10 مع اللمبة السهاري الصغيرة - ماعرفش نمرة كام -

وللمعلومية هي دي اللقطه اللي رشحته لجايزة أوسكار أحسن فيلم ..

أخي العزيز / حشيش تحية تقدير وإعجاب يا عبقري يا فلته ...

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

موضوع شيق فعلا

غلى ما أذكر فيلم الزوجة الثانية  وشيخ البلد يقنع الزوج المنكسر بالتوقيع أظن على طلاقه من زوجته و هو يقل له "إمضى يا عبعال"

و أذكر أن الفاضلة كليو لإستخدمت هذا التعبير من مدة طويلة جدا و لصق بذاكرتى من وقتها    و كثيرا ما أردت أن أستخدمه كرد على بعض المداخلات الغاضبة

معلش بقى يا أستاذ عادل أنا من زمان مستنيالك هفوة و أهى جات أخيراً...

المشهد ده بقى بالذات ماكانش كده:"امضى يا أبو العلا يا ابنى...امضى ماتضيعش وقت".يعنى مفرقتش كتير بس" آليات" الموقف مختلفة...

مداعبة بس و الله .

أفتكر برضو فى نفس الفيلم لما العمدة عرف ان مراته"سعاد حسنى"حامل و كان ماشى فى الأرض و عمال يكلم نفسه و طلع له عم الشيخ اياه "ايدك بقى على الحلاوة ...و كتاب الله ما ارضى بأقل من فدان و جاموستين"...

وفى نفس الفيلم لما الشيخ كان بيحرض أبو العلا على الطلاق

و عمال يرصله فى آيات قرآنية فراح أبو العلا زايحه بغل و وشه عمال يرتعش"يا راجل يا كافر...يا عديم الدين"

بصراحة الفيلم كله ماستر سين و أكتر من رائع.

مش كده يا كليو؟؟ :wink:

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك

فيلم الكيت كات:

معظم مشاهد الفيلم! و خاصة:

1. الشيخ حسنى و هو بيحكي قصة الجنية للحشاشين.

2. الشيخ حسنى لما أخد الشيخ الضرير السنيما و قعد يحكي له فيلم تاني خالص

3. الشيخ حسنى بيلعب العود مع أبنه على شط النيل

4. الشيخ حسنى فى "أي" حوار مع بياع الفول

فيلم خطير بجد!

وفي نفس الفيلم الكيت كات

الشيخ حسني وهو في رحلة نيلية مع صديقه اللى راح معاه السينما وعمال يهز المركب وهي مربوطة ع الشط علشان يوهمه انهم في عرض النهر والموج عالي

فعلا فيلم جبار

مٌر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

رابط هذا التعليق
شارك

ماسترسين فيلم "المصير"

بعد أن يقتل محمد منير لأنه خلص "هانى سلامة" (ياعععععع) من أيدى جماعة المتطرفين...

ينزل هانى سلامة (ياععععع) إلى القبو الذى يكتب فيه نور الشريف (ابن رشد) و يبرر انضمامه لهذه الجماعة... فيقول "أنا كنت عاوز أوصل للناس كلام ربنا"

فيصرخ فيه نور الشريف "و أنا يعنى بوصل كلام الجن؟؟!!!! انت توصل كلام ربنا للناس؟؟؟؟ تعرف إيه عن الطب عن الكيميا عن الفلسفة عن حركة الكون؟؟؟؟"

فعلا اللى عاوز يوصل كلام ربنا للناس لازم أصلا يكون على درجة من العلم مش بس فى الدين، و لكن فى الدنيا كمان...

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

ماسترسين فيلم "المصير"

لأنه خلص "هانى سلامة" (ياعععععع) ... 

ينزل هانى سلامة (ياععععع) ...

يعني المفروض أحنا نعمل أيه دلوقت ... سيادتك قرفانه من الجدع ... يبقى أحنا المفروض نقول إخـــــيه عليك يا هاني يا سلامه يا وحش ... صح ؟

كليو انا بأحذرك .... أي إعتداء على هاني سلامه هاعتبره إعتداء شخصي علي .. لا لشيء إلا انه يشبهني في الخلقه فقط ... اما دمه فبصراحة يلطش ....

بس بجد انا ضحكت من المؤثرات الصوتية اللي انتي عملتيهالنا ... فكرتني بماستر سين في فيلم " زيارة السيد الرئيس " لمحمود عبد العزيز ونجاح الموجي وعلاء ولي الدين ...

نجاح الموجي كان طالع في دور حلاق نص لبه وكان بيحط ميه من الحنفية في قزايز الكولونيا وبعد ما يحلق دقن الزبون ياخد شوية ميه من القزازة ويمسح بيهم دقن الزبون ويعملوا مؤثرات صوتية وكأن الكلونيا بتحرق وشه .....

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

ماسترسين فيلم "المصير"

لأنه خلص "هانى سلامة" (ياعععععع) ... 

ينزل هانى سلامة (ياععععع) ...

كليو انا بأحذرك .... أي إعتداء على هاني سلامه هاعتبره إعتداء شخصي علي .. لا لشيء إلا انه يشبهني في الخلقه فقط

اللى انا اعرفه ان هانى سلامه شعره اسود icon_eek.gif انما س.س. !! 81cc19a.gif !! انت صبغت ولا ايه !!

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك

نجاح الموجي كان طالع في دور حلاق نص لبه وكان بيحط ميه من الحنفية في قزايز الكولونيا وبعد ما يحلق دقن الزبون ياخد شوية ميه من القزازة ويمسح بيهم دقن الزبون ويعملوا مؤثرات صوتية وكأن الكلونيا بتحرق وشه .....

 

 

ههههههههه

حلوة قوي فعلا المؤثرات الخاصة اللى استعملها نجاح الموجي

تششششششششش

مٌر الكلام

زي الحسام

يقطع مكان ما يمر

اما المديح سهل ومريح

يخدع صحيح ويغٌر

والكلمة دين

من غير إيدين

بس الوفا

ع الحر

رابط هذا التعليق
شارك

أيه نظام توقيعكوا يا فيروز انت ولايت هاوس ...

تكونوش فاكرين أنكم لما تكتبوا بؤين من بتوع السادات هايتصرف لكم منحة 6 أكتوبر ؟

اللى انا اعرفه ان هانى سلامه شعره اسود  انما س.س. !!  !! انت صبغت ولا ايه !!

لأ وانتي الصادقة .. انا أتخضيت فشعري إسود .... هاع هاع هااااااااااااع

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

كليو انا بأحذرك .... أي إعتداء على هاني سلامه هاعتبره إعتداء شخصي علي .. لا لشيء إلا انه يشبهني في الخلقه فقط

معلش يا س س .... بتحصل لناس كتير على فكرة بس بيرجعوا تانى يبقوا كويسين.... بس طبعا قلل من التقلية فى الأكل و معلش تعالى على نفسك و اشرب 6 لتر لبن إبل كل يوم أول ما تصحى......

دعاااااااااااااااااااااااااااااااااااااااااااااااااابة......

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

كليو انا بأحذرك .... أي إعتداء على هاني سلامه هاعتبره إعتداء شخصي علي .. لا لشيء إلا انه يشبهني في الخلقه فقط

معلش يا س س .... بتحصل لناس كتير على فكرة بس بيرجعوا تانى يبقوا كويسين.... بس طبعا قلل من التقلية فى الأكل و معلش تعالى على نفسك و اشرب 6 لتر لبن إبل كل يوم أول ما تصحى......

دعاااااااااااااااااااااااااااااااااااااااااااااااااابة......

طب لو سمحتي يا باش حكيمة .. ممكن تكتبيلي على خضار مسروق .. أصلي عيان والدكتور قال لي ما تاكلش غير خضار مسروق علشان الأنفلونزا اللي كليو سيادتك عديتك بيها تروح ....

( وش واحد بيخطرف من العيا : يا خوفي يا واد يا س س لا يكون سارس وتبقى مصيبه ... حاكم كليو شكلها مدي على فلبيني أو هونج كونجي ... عالعموم انا مش هارد على أي مداخلها ليها إلا إذا كنت لابس كمامة وراشش الكي بورد فليت ... زيادة في الأحتياط .. هذا والله معنا )

س س الليث المريض

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك

[

طب لو سمحتي يا باش حكيمة .. ممكن تكتبيلي على خضار مسروق .. أصلي عيان والدكتور قال لي ما تاكلش غير خضار مسروق علشان الأنفلونزا اللي كليو سيادتك عديتك بيها تروح ....

( وش واحد بيخطرف من العيا : يا خوفي يا واد يا س س لا يكون سارس وتبقى مصيبه ... حاكم كليو شكلها مدي على فلبيني أو هونج كونجي ... عالعموم انا مش هارد على أي مداخلها ليها إلا إذا كنت لابس كمامة وراشش الكي بورد فليت ... زيادة في الأحتياط .. هذا والله معنا )

س س الليث المريض

أنا اللى عديتك بيها برضه يا س س .... إيشحال إن ماكنتش كاتب و بخ إيدك فى موضوع "إعتذار للجميع إن عندك أنفلوانزا و إنك بتدخل مخصوووووص عشان "تنفس عنا فى صدرك".... يعنى مع سبق الإصرار و الترصد...

أنا بحذركم يا جماعة... المنتدى كله مستهدف و أنا أول الضحايا... أنا فداكى يا مصر.... أنا فداككك.... ككككككححححح ككحححح ككككككححح...... ياأأأ مصصصصص...... قلبى... قلبى...

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

ماسترسين فيلم المجهول...

سناء جميل و بنتها يخدروا النزيل المصرى (عزت العلايلى) و خلوا الخادم الأصم (عادل أدهم) يشيله و يروح يرميه فى البحيرة..

بعد عادل أدهم ما يبعد بمسافة كبيرة... نجلاء فتحى تكتشف إن العلايلى يبقى أخوها و تقعد تعيط و تلطم على وشها.... تنوعج سناء جميل و تاخد الباسبور اللى فى إيد نجلاء فتحى و تكتشف إن العلايلى يبقى ابنها.... تطلع تجرى ورا عادل أدهم و هو شايل العلايلى و تصرخ و تناديله "استنى.... استنىىىىىىىىى" و طبعا هو أصم فمش سامعها.... و بينها و بينه مسافة كبيرة......

فى الأخر....

تشششششششش......

عادل أدهم يلقى بجثة العلايلى فى البحيرة بعد ما يربط فيها حجر....!!!!!

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

فيلم الأرض:

لما أبو سويلم رجع من الحبس بعد ما حلقوله شنبة ... و بالذات لما ماحبش بنته تشوفه و غطى وشة بالكوفية و عينية مليانة دموع.

رابط هذا التعليق
شارك

ماستر سين فيلم فيلم ذهب مع الريح...

اللقطة اللى فيها البطل بيهرب بالبطلة و قريبتها اللى لسة والدة من الحرب و بيعدوا على مستودع ذخيرة مشتعل...

الحصان خايف من النار... يقوم البطل ينزل يغمى عين الحصان و يجره جر و من وراهم المستودع كله لونه برتقالى من الاشتعال و هم بيعدوا من قدامه لونهم أسود "سلويت" و بمجرد ما يعدوا المبنى كله ينهار....

(حد فاهم أى حاجة؟؟)

_16643_mubarak-olmert-5-6-06.jpg

وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ

المائدة - 51

nasrallah1.jpg

مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ

الأحزاب - 23

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • 7
      بسم الله الرحمن الرحيم الموضوع حقيقي عن تجربة شخصيــــــــــــة دا شكل الفيزا الامريكي اللي هتوصل لحضرتك الي البيت بدون ما تدفع ولا جنيه واحد مميزات هذه البطاقة * مقبولة في اي ATM في مصر عليه شعار Master Card * بامكانك تعبئتها من حسابك فـــ paypal - فيزا كارد - ماستر كارد - الخ * عمولتها قليلة نوعا رسومها 29$ فقط ولا يتم خصمهم الا كل سنة * دعمها لجميع الدول العربية فهي تدعم أكثر من 210 بلد حول العالم ! * لا ي
×
×
  • أضف...